自助山

营业中

休息中

為慶祝港隊於奧運報捷，自助山推出9月份自助餐網上限時買一送一優惠，週末的自助午餐收費由原價$658/位變成$658/兩位。自助午餐分兩節，成功預訂到第二節時間，由3:30pm至5:30pm，用餐結束時，餐廳剛好就轉了一圈，360度飽覽維港景色。冷盤海鮮沒有生蠔，供應龍蝦、海蝦、青口、蜆及麵包蟹，麵包蟹的膏十分飽滿，味道甘甜，很好吃！刺身款式不多，只得四款，八爪魚爽口，三文魚肥美夠甜。煙燻鰹魚的煙燻味香，味道又不會太濃，鰹魚的中心部分仍是半生狀態，經過煙燻，帶出魚肉本身的香氣和滋味。刺身壽司的檔口還可找到冷蕎麥麵及冷烏冬，蕎麥麵爽滑，兼帶蕎麥香。還有角切三文魚、青瓜粒及三文魚籽製成的迷你丼飯。吃飯或麵食都可以淺嚐，不怕太飽肚。天婦羅的粉漿夠薄，冬菇仍然有汁，不會炸得太乾身。點心嚐了黑松露燒賣及蝦餃，一個個小蒸籠盛載著點心，熱焫焫出爐就好快被搶光一輪。燒賣夠彈牙，又有淡淡黑松露香。蝦餃的皮厚薄適中，蝦仁爽口。燒味的質素亦不錯，油雞香而不鹹，燒鴨皮脆肉嫩。反而海南雞飯只是單有造型，雞及飯都略鹹了一點。甜品的選擇多樣化，即製窩夫🧇又香又脆，麵包布甸軟滑又富奶香，咖啡雪糕的咖啡味微苦又香濃。馬卡

今日公司難得請大家食自助餐，人年紀越大就越難食得多嘢，而且我有選擇困難症，去到最頂嗰層感覺好高望落去成個中環區加對面海香港夜晚嘅景色，真係好靚！入到去感受到一路轉一路食，圍觀住呢個自助山嘅有沙律🥗海鮮，刺身，飲品，甜品仲有一個熟食區，鮑魚花膠海參湯，點心🥟包羅萬有，高品質嘅質素，另外值得我去食幾轉的就是個長腳蟹，真係好鮮甜美味！食咗一個鐘之後就覺得個肚好飽啦，最後有個火焰雪山甜品！感到十分滿足😌

公司萬歲去慶功，有得請同事食lunch自助餐因為係灣仔區返工，就揀返灣仔區到食最後公司都揀左灣仔合和旋轉自助餐。其實都幾多野食熱食選擇非常多湯類就好少款意粉都幾款魚生刺生壽司一定有海鮮都有少少東南亞菜，好似喇沙，印度薄餅同中式燒味佢地都有中式點心有時仲排晒隊？我有去排過睇下但排完都比人拎晒冇咩剩🤣🤣佢地lunch連芝士都有好幾款野食算大路得嚟又多款式。公司淨係安排2hrs比我地食但2hrs我覺得有少少趕太多款，好多都未試晒🙈🙈🙈。不過唯一唔好係甜品西式蛋糕好少款，而且賣相唔吸引好似連鎖店聖X na 平價蛋糕果d質素💀💀💀我第一次食自助餐，甜品會揀唔落手最後試左少少雞蛋仔一早冧晒，好難食。最後上埋個野飲試左杯咖啡但估唔到佢地杯咖啡又幾好飲當同甜品打返個和

The service was terrible. The rotating restaurant made us dizzy, and the food servers were unfriendly. They were very strict about serving portions, so they couldn’t give us double portions. I even asked for additional beef slices for my frail wife, but the server objected. It’s a buffet, my dear Watsons! And the drinks, like Coke, were incredibly expensive, costing $50 a can!

同老公去左一直想食既自助山，見其他自助餐d 款式唔係好多，諗住黎食下自助山，價錢一啲都唔平呀。。。成$8xx /1個，去到真係o左咀，竟然連生蠔都冇呀😮凍盤我揀左蜆，蟹腳，青口，螺，之後老公夾多左半邊龍蝦俾我，龍蝦係幾好食嘅，啲肉唔會散。刺身我就揀咗呢幾款，帶子係成粒俾，三款嘅味道都係正常野，冇咩特別。之後就再攞咗少少熱盤試吓，個黑松露燒賣好食，其他都係正常嘢😅呢個已經係我覺得全晚最好食，芝士焗龍蝦同蠔都好大隻，味道唔錯。最後攞埋個牛扒，都係正常野。。。只能夠講如果八百幾蚊一位，我下次唔會再考慮

如果兩個人去會坐得幾辛苦. 佢會有三排兩個位完全冇位擺袋. 食物選擇不多連生蠔也沒有. 雪糕係自己不嗰隻唔係häagen-dazs嗰啲. 唔知是否因為買一送一嘅問題食物選擇比較少. 對比好多年前去澳門的自助山爭好遠. 生果得三款.雪糕得四款.

多謝金牌選手一直都好想食，今次有自助山做買一送一自助午餐的機會，由搭觀光電梯再到自助山，職員都好好服務，本人抱住冇咩好嘢食，真係有驚喜，大跌眼鏡，估唔到份量十足，有龍蝦，麵包蟹，蟹腳，凍蝦，刺身，甜品樣樣都超好食，我未試過食自助餐要追加食2次旦糕，個焦糖海鹽旦糕👍好味到爆湯品，有中湯，西湯牛扒，燒羊，燒雞翼，牛舌，勁香碳燒味點心燒賣，虾餃，好精緻，燒味都好好食冇諗過可以安排到窗口位，職員摩打手係咁換碟，辛苦晒，仲可以欣賞維港，真心好滿足。我下次一定再黎試晚上自助餐

今次係搶到買一送一優惠，之前每年都會嚟食2-3次。但唔知係咪今次因為有優惠嘅關係REFILL速度明顯較慢，啲廚師兩手揈揈都唔去煮嘢，同埋每次供應嘅數量都係好少，白灼蝦每次4隻，烤龍蝦又係每次得2-3隻，乳豬每次放幾件出嚟係咩玩法?所以每款食物基本上都要排隊另外以往無限攞嘅今次都有限制無優惠嘅時候完全未試過係咁因為今次係買一送一，半價嚟講我覺得可以接受但同時會有人係原價嚟食，個體驗就會覺得好差

環境：超一流，360角度維港景加太平山景，非常有特色服務：非常好，可能只坐滿6成人左右，帶位，收碟快，叫侍應影相，亦提出拍攝建議冷盤：龍蝦試了3隻，其中2隻有質感，點醬後吃不錯。蟹腳一般，比較咸，但乾淨。凍蝦非常好，不是用最平最常見的白蝦或基圍蝦，而是用海花蝦，好好食刺身：新鮮，三文魚好食，鱆紅魚幾鮮甜，八瓜魚也鮮甜有質感點心燒味天婦羅即煮麵：燒賣非常好食，其他點心也不錯，燒味和喇沙都幾好熟食：很好，龍蝦湯好好味，牛扒juicy雪糕：只有4款，好似是自家製，雲呢拿，咖啡，水果茶，士多啤梨，各試一球，冇驚喜，水果茶和雲呢拿好淡，咖啡和士多啤梨稍好甜品：相當好，尤其是朱古力好好食，要留肚吃價錢：用買一送一優惠，連加一每人329埋單，超抵

食物種類繁多，甜品多款及美味，服務態度好好！！！美食推介：凍龍虾，翡翠螺，東風螺，芝士蛋糕，凍帶子，日式刺身，牛扒，羊扒，龍蝦湯，各款芝士，朱古力噴泉。。。。。。。。

說到可以360度香港夜景的旋轉餐廳就非這間莫屬。自助山 位於灣仔合和中心62樓，是匯集環球美食的自助餐。晚市來吃的話就可以看到日夜交替的景色。因為會轉，所以部分食物的位置會不在同一個位置，初時頗迷惘。然後就是轉到某些位置會有點卡，容易暈的人可能會覺得不舒服。食物方面，凍盤海鮮的款式都幾多，但就不包括生蠔。蠔的會是焗的那種，不過冬蔭公口味有點微妙。海鮮的話推薦吃落新鮮彈牙的龍蝦。另外刺身都不錯，超厚肉的帶子鮮味十足。到指定時間會響鈴聲有特別的食物推出，大家要排隊拎。像是有鯛身刺身﹐還有之後的火焰雪山甜品。中湯和西湯都偏鹹了點🤔 幸好其他的熱食倒是還不錯。最意想不到是點心，除了用小小的蒸籠裝著，味道和在酒樓吃到一樣。肉類的話會推薦羊架，肉味濃但不是羶的那種，肉質也很軟嫩。 鵝肝多士好邪惡，那鵝肝很大舊，口感細膩。甜品感覺比較多樣化，就是會有炒雪糕，雞蛋仔和窩夫都好吃。除了有原個蛋糕切件亦有精緻的蛋糕、馬卡龍。飲品就一開始的 Welcome Drink 一杯橙汁，和之後再點一杯咖啡/茶。

今日終於有機會去試旋轉餐廳（自助山）入到去餐廳環境好舒服食物既款式都好多仲未有機會試晒四位以上仲有每人一份避風塘炒蟹仲有限時食品剝殼既龍蝦鉗啖啖肉真係好正女女食得津津有味😋

預訂前排枱景觀開揚，環境一流，子彈𨋢唔使一分鐘上到 62樓，啱啱出𨋢嘅時候個人會感到飄飄浮，我計過大概一個多小時旋轉一圈，基本上可以完整欣賞到維港兩岸及外圍景色。今日天朗氣清，渴望能夠同時看到雨景彩虹就好，呢個收費如果話三分之一係景觀，都唔算過分。食物方面，味道良好，款式夠多，鮑魚雞粥和蒜蓉芝士蝦春卷回頭指數極高，其他仲有松露蜜糖烤雞翼、叉燒、墨西哥雞肉卷、朱古力噴泉、琥珀合桃，多款日本小食和甜品。餐廳服務和衛生大致合格，我要好好記住呢一次體驗。

自助午餐：除了蟹腳同紅湯偏咸外:，其他都是正常好食:丈夫推介鮑魚鷄絲粥，燒牛肉，八爪魚。自己就最欣賞餐廳環境幽靜，仲要第一次响旋轉餐廳體驗360度港島區景觀。仲有侍應由電話預約至進食／結帳，全程的服務態度是細心，有禮，值得一讚

好耐都冇嚟過呢一間自助餐嘅餐廳，以前成日都要預約，今日就同朋友慶祝生日，所以就嚟咗呢一間餐廳食飯，夜晚嚟講而家都唔算太多人，可能價錢亦都比較貴，所以吸引唔到太多人首先讚吓佢嘅龍蝦，有羔，而且啖啖肉，波士頓龍蝦嘅味道非常鮮嫩，鍾意食龍蝦嘅朋友真係絕對可以食完一隻又一隻，長腳蟹嚟講就冇乜特別，海水味有少少，但係啲肉就比較瘦削，情況就唔係太理想，海蝦就非常新鮮，睇得出餐廳嘅海蝦係高級嘅，蜆，亦都冇沙，證明餐廳喺清潔海鮮方便都做得非常好！