自助燒 SO GRILL (已結業)

大年三十晚 兩家人共8個成人2位小朋友 試試呢間一向評價麻麻燒烤店。環境地方幾闊落，佈置可愛。設小朋友遊戲室供家長「放牧」，大人可以安樂燒烤。場內有大枱，有卡位，一班人客房都有加$20仲可以有個小火鍋爐，打邊爐都得。建議：2小時任食，家長先把小朋友放在遊戲室。待食物預備好，叫小朋友來食。強烈唔建議！攞食物追小朋友入遊戲室。涉及環境衛生，請自律！食物有壽司Bar ，熟食選擇都多。沙律 Bar熟食推介：超入味籮白牛雜、蠔仔粥、參雞湯、多豬腳雞蛋薑燒烤肉類選擇多，有生菜提供、有凍櫃急凍丸選擇燒烤肉推介：牛脷、薄牛仔肉、豬腩肉、菇菇、南瓜、菠蘿🍍枱上有柚子醬、蒜油鹽醬、韓辣醬。飲品有麥茶、酸梅湯、無限量罐裝汽水啤酒 ++大人小朋友見到勁開心 🍭 Candy Bar !推介： 手工棉花糖 、Tiramisu 、芒果布丁杯、生果（西瓜🍉、密瓜）價錢年三十晚$158+10% ⋯ 抵。食飽飽過肥年。親身體驗 ，食物質素普通，但所有野其實唔差。推介是一個綜合開心聚腳地。

尋日一去慶祝生日。好易有位。唔洗等。d嘢葉得好好味。如果你大食嗰度真係好低食。但我地好細食。165一位。其實價錢好合理。好多甜品但我冇食到。仲有可以自己整的綿花糖。整體唔錯。會再去

是日朋友聚餐吹水！大家不斷拋書包講食咩好嗰時候，其中朋友一語中的！食buffet！！呢個決定系宜家時候，非常明智。麥都有得食，哈哈！！入去環境都ok，中午唔算逼可能平日兼系lunch hr。食物種類都ok，已每人約$70嗰價錢。是很抵的！值得一讚有兒童區，早知帶侄子一齊黎。食物都幾新鮮，味道就系呢個$70價錢水準。不能要求更多。我諗lunch time 系最抵了，1.5小時任食，其實如果時間多30分鐘就好了。又揀野食又燒，其實傾計時間剩返唔多。未傾夠喉。

去完大陸返黎正值晚飯時間，同行既親友都覺肚餓了，佢地推薦彩園商場一間任食燒肉既餐廳。Omg 乜上水都有得食燒肉放題架咩？😯平日黎食既關係，唔使等就有位了。裡面環境超寬敞的，啲卡位坐落好闊落，整體黎講空間感一流👍🏿肉類、丸類同菜都有好多選擇，個人黎講就無乜邊款特別推介喇，因為樣樣都好食😋壽司唔使怕唔新鮮，只因師傅周不時會擺返啲新鮮既上架，食野期間都見佢換得幾密啖啖肉真心正啊！記得留肚食雪糕啊！唔鍾意雪糕既話，仲有熱豆腐花可以食留意返雖然佢話限食兩個鐘，但只要唔係滿座的話你係絕對可以食到打烊為止的。當然你個胃要食得落先得啦🤗

見網上介紹呢間親子餐廳，於是特地帶小朋友來幫襯下，而且小童的收費非常便宜，是一個很適合一家大細來hea的好地方，餐廳內有一個playroom，內裡有玩具和圖書，幼童食完可以玩餐飽。講返食物質素，餐廳主打是燒烤食物，一般豬牛雞等大路野都有，還有牛脷、多春魚、魷魚及蔬菜類，選擇算幾豐富。此外，還有魚生壽司和十幾款冷熱盤，仲有豆腐花和人參雞湯等。當然以自助任食來計，食物質素不會奢望太高，但算是可接受，以百鬆D蚊來計，又可讓小朋友玩一餐，這餐廳可算是最廉價之選。

因為見到最近有優惠 平時好似要198加一 今日星期六168加一 諗住平平地 而且見大家都話唔錯幾好食 所以就去左試去到不得不提環境的確好好 周圍好乾淨企理 裝修又靚 一坐落係幾舒服 而且都無周圍都係油煙但一開始燒 問題就來了。燒果個位係鐵網 會勁痴底 啲牛肉根本唔知點燒 由於係鐵網所以落油更加無可能 諗住佢痴底就算 燒豬肉 點知啲油滴曬落去 搞到個火一時時大到飛左上尼 似bbq多啲 超驚燒到手 搞到無曬心情燒....講下食物味道先 我覺得啲肉醃得唔入味 啲豬食落好似去左行街市買豬肉咁？無乜咸味 逼住點醬油 但仲要狂點先夠味...不過腩肉唔計燒果陣搞到勁大火勁危險燒出尼都幾好味 脆卜卜牛方面不予置評了...燒菇可能係我唔識燒啦 一係窿曬 一係唔熟 唔食好過食熟食反而種類算多啲壽司我無試 因為行過竟然見到有蚊喺隔離飛==我飲左人參雞湯 苦+雞湯 係xx牌雞湯不過牛腩炆得岩岩好 幾好味啲薯條凍左果啲可能係人之常情 我都唔想講野咁mean..不過最後我想講嘅係甜品都唔多吸引 好似放左勁耐 個芒果布甸有點膠質......服務員都算唔錯除左reception姐姐惡左啲之外 見到我地個火好大都過尼幫

晚市成人$158加一限120分鐘(星期六日及公眾假期加$10)++++++++++++食物方面，選擇好多++++++++++++1.甜品區有布甸，蛋糕，生果，雪糕，豆腐花，芝麻湖，仲可以自製棉花糖。我最欣賞既係tiramisu,超好食，我未食過任食而又非甜品做主打既tiramisu會咁好食，真係超級好食!!!另外佢個豆腐花都唔錯😋2.燒烤區有五花腩，牛仔骨，雞翼，豬頸肉，龍利柳，魷魚，一口牛，茄子蔬菜等，太多數唔曬，而我最欣賞既係個龍利柳，因為好易燒，好快有得食😂啲肉又滑，一舊接一舊，無停過口。個雞翼都好味，但相對就要燒得比較耐，雞翼出好多油，成油會比啲油彈到，要小心!牛仔骨啲肉都好嫩好好食。要彈一彈既係啲五花腩，佢好薄，燒一燒就會變黑，賣相唔多好，同埋唔知係咪太易熟既關係，食落好硬，麻麻地。3.沙律區有蝦，沙律菜同少量配料，啲蝦質素又ok喎，啲肉唔會謝，都幾爽口。雖然沙律區選擇較少，但其實都夠。4.壽司區有甜蛋，腐皮卷，加洲卷，三文魚同大量卷壽司，主部都好多飯好易飽，所以都試唔曬，只試左甜蛋同腐皮卷，兩個都好食，如果有淨甜蛋就好😍5.炸物區有薯條，雞塊，春卷，咖哩角，炸魚手指，炸雞。

呢間算係幾抵食，之前有雜誌推介過，又好近屋企，所以同朋友去試下，點知有驚喜，環境好大，座位多，一啲都唔迫，食物款式算多，熱盤有5，6款，飲品都ok....而且唔係cheap野，有蝦，有炸雞，有姜醋，有好多款甜品，連豆腐花，人蔘雞湯都有，lunch $68加一好抵食，而且食物refill得好快，值得一讚，而家食茶餐廳lunch都要50蚊起跳啦，呢度任食加埋一先係70幾蚊！絕對係好高性價比，值得推介！但係只食一個鐘，有少少趕！

呢間啲食物味道一般但服務態度唔錯啲咖哩牛腩唔夠淋，炸嘢嚟講啲粉皮厚咗啲 我個人唔太鍾意，雪糕係Dreyers，唔知係咪我晏去食呢？甜品種類都較為少咗啲啲，我2點半咗右到。

由於有親戚住上水，每月總會來上水幾趟。之前都留意到商場有間韓燒自助餐，禮拜六日都幾多人，最近終於有機會一試。店員大力推介我地食六色鐵板，聽說是新推出，食完仲可以換返網燒。呢款鐵板我只在Facebook見過人食過類似嘅但我自己冇食過，既然一場嚟到就試下啦！本身佢地係網燒，睇住佢地幫我地個爐換配件覺得好有趣XD鐵板有6格，中間煎嘢，外面分別放蛋漿、芝士、黑椒汁、咖哩、蕃茄汁。趁塊鐵板未熱，我地出咗去攞嘢食。肉類選擇都多，其他熟食、小菜都幾好味，而且甜品都唔少，仲有棉花糖機，不過好甜冇試。個蛋好快就煎好，厚厚的好似日式煎蛋，入面有泡菜，鬆軟得嚟有咬口。食完蛋就食燒肉。中間燒肉位置有點小，一次燒得唔係好多。肉燒好之後可以揀蘸芝士，或者3款醬汁。3款醬汁燒到滾熱，可以夾返唔同嘅肉類。另外芝士融咗會拉絲，入面有粟米，我地除咗蘸肉仲有嚟蘸炸嘢～我地仲叫多咗個芝士炒飯玩下，用中間鐵板炒白飯加芝士加泡菜～玩完鐵板，店員幫我地個爐換返做網繼續燒，鐵板燒似煎，火燒又另一種感覺（而且仲熱氣），仲食埋甜品，食到超飽，好滿足～

星期日想食韓燒，近近地到上水彩園邨商場自助燒晚飯。由於是星期日，所以座無虛席，慶幸早訂了位。餐廳有個兒童遊樂區，而且枱與枱空間充足，所以比較多家庭客光顧。我們獲安排坐卡位，十分寬敝、舒服。我們先吃了炸物、沙律和壽司填肚，炸物有六七款，試了炸薯條和春卷，熱辣辣。沙律和壽司都不是優質出品，但可先打打底。涷肉和燒蔬果方面，有廿多款，魚、海鮮、肉和蔬果類皆備，十分豐富。我推薦大家不好錯過，燒金沙和蒜香雞翼，燒得香噴噴，非常滋味好吃😋😋餐廳提供食物的款式還很多，湯、炸物、冷盤、熱盤、甜品小食……每款試一點點，也很滿足了！而免費提供的飲品和啤酒都有許多選擇，貼心。燒了2輪，我們肚子已經支撐不住了。尾聲，我們吃了2球D牌雪糕捧着肚子離開。個人認為以($158/成人 另加一)索價，食物雖不是非常出色名貴，但吃燒放題吃得飽飽，總算是個不錯的選擇。1

見間野開左一後時間，又想試，所以就book位啦！我好似book左8:00pm 一去到就有位，不過有喲入，行到好入面 （野食係近門口）。佢有二種選擇 一種係韓燒 一種係打邊爐，我地係韓燒既。行出去拎野食，我望落種類唔盤少 湯、炒飯、炸野、熟食、壽司、沙律、少量刺身、泡菜、蝦等等都有其他冇留意晒。湯有人蔘雞湯、炒飯、熟食、沙律、少量刺身、泡菜我見到不過我冇拎黎我主要係拎野燒來食。我拎咗 ：炸野 - 麥樂雞炸薯條拎左兩次肥牛 - 無論燒得啱啱定點都係好韌雞脾菇 冬菇 - 冇話特別好唔好食同平時差唔多一口牛 - 都係好韌粟米 - 最後先食好甜蝦 - 凍蝦但我整返熱嚟食 味道一般雞扒 - 唔知用乜嘢（葉）味道唔岩我雞翼 - 味道唔岩我但我唔食皮 肉冇影響 我食左幾隻菠蘿 - 好少有燒菠蘿唔會太酸拎左兩次壽司 - 加州反卷冇問題好食 但其他嗰啲例如三文魚啲飯好硬 完全食唔落刺身應該有人喺度切但我試過啲壽司之後完全唔想拎燒牛肉果一類我個人覺得全部都好韌，其他就睇調味啱唔啱你口味，完全唔識形容，服務態度對我而言唔算差，甜品一般但個位擺得好靚有得自己整棉花糖，不過可能會失敗 整到唔靚，總體而言我覺得係差

是咁的！ 2017年1月29日大年初二，一班親戚開開心心同奶奶慶祝生日！一坐低已經覺得啲櫈點解咁輕同用膠做嘅！不以為意食到差不多尾聲嘅時候，奶奶突然從櫈上跌左落嚟，雙膝跪下，原來就係張凳'線'開咗！好在奶奶雙手按着枱面，如果唔係個頭會撞落張枱度（注意奶奶是行動不便那拐杖的） ，我哋即時同職員同經理了解投訴，了解下發現原來唔止一次有人投訴張凳好'缐'，咁大間餐廳（應該係大集團）連啲櫈都可以咁不知所謂，一早已發現又唔會跟進，仲要叫個經理叫左半個鐘先出來！當堂大家都冇心機仲要係要做生日，咁樣真係冇下次，大家如果去嘅時候要小心啲坐，尤其是老人家及小朋友！真係好嬲，新年流流搞D咁嘅嘢！希望餐廳見到留言會真係有改善！

前一排天氣凍凍地，就同朋友約不如打邊爐啦！以前食呢間任食韓燒，都留意到佢地除咗燒烤，都有得任食邊爐。所以我地幾個人就去咗呢間打邊爐，去到發現加錢可以轉雞煲底，咁就索性食埋雞煲啦！雞肉煮得入味，而鍋入面嘅蘿蔔、豆卜之類，吸咗湯之後好好食。不過唔食得辣嘅人就唔好揀啦，唔係成鍋都唔駛食，因為入面每樣野都吸哂啲辣味。另外送咗一碟有生蠔、帶子、魚嘅拼盤，味道都唔錯。而肥牛同啲丸啊，餃啊都係任食，我地梗係係咁食肥牛啦！但感覺打邊爐配料冇韓燒咁多選擇。除咗肥牛，雪糕都係我地嘅主要目標。就地取材，食Dreyer's雪糕解辣。廿幾歲人同小朋友爭玩足球機（利申：其實冇小朋友玩緊嘅），對上次玩應該仲係中學雞年代。最後飽到上天花板，大班人去有得食有得玩，抵！

清假留喺屋企，悶悶地又唔想去咁遠，就睇下樓下有咩好食。經過見到呢度有一人韓燒套餐，諗起之前Facebook睇過有個講毒_指數嘅post其中有「一人個食韓燒」，但我反而想試下喎！ＸＤ晏晝唔係好多人，而且因為一個人，唔駛等就有位坐了。佢有三款拼盤揀：什錦、海鮮、純牛，而我就揀咗牛肉，跟一碗紫菜烏冬（或者炒飯），仲有湯同嘢飲。純牛拼盤有唔同部位嘅牛肉，配芝士腸同粟米。烏冬夠彈牙，跟一包wasabi，撈落個湯度會比較好食。一個人食放題又太飽啦，估唔到自己一丁友落樓食飯都有得夾下夾下燒肉食，呢個餐$58食到燒肉其實好抵，仲要原來Lunch period唔洗加一，喺香港好難得了。