自家製韓國刀削麵 (山林道)

营业中

休息中

今日嚮尖沙咀收工，心血來潮去山林道行下。晚上黃金時段，昔日尖沙咀食街的人流不算太多，餐廳都比記憶中少。走到街道近乎盡頭，見到一間人流較多的小店 - 自家製韓國刀削麵。山西刀削麵就食得多，韓國的就未試過，望著店多張貼的食物照片，和記憶中在灣仔見過大排長龍的分店，就決定試試！點菜後不久便端上一碟泡菜，沒多久蒸餃和刀削麵都到齊了。效率真高👍🏻雙拼餃子餃子有兩款 - 大豬肉餃子和大泡菜餃子，單拼雙拼同價。我選了雙拼，可以一次過試兩款口味。餃子份量很足，難怪要在餃子前加個大字。我個人偏愛大豬肉餃子，餃子裡除左豬肉, 還有粉絲和香菜, 配料豐富。香菜襯托出豬肉的香味, 入口有滿滿的肉汁, 令人回味無窮!泡菜餃子除了豬肉的香味上, 再加上泡菜的味道, 酸酸辣辣的, 非常開胃。花蛤刀削麵花蛤刀削麵的配料豐富, 除了花蛤之外, 還有紫菜, 翠肉瓜, 冬菇, 還有蛋絲 。花蛤份量不少，每一粒都很鮮甜！拉麵入口煙韌彈牙。 刀削麵配上鯷魚湯底, 湯汁均勻地掛在麵條上，每一口都品嘗倒滿滿的鮮味！ 可以說是色香味俱全!牛骨湯刀削麵牛骨湯刀削麵亦係配料豐富, 有牛肉, 紫菜, 冬菇, 還有蛋絲 。 值得一讚係佢的湯

自家製韓國刀削麵，位於尖沙咀山林道，周圍非常之多餐廳唯獨呢間有啲爆滿，實有原因嘅😍店舖唔係好大，企理，韓國刀削麵🇰🇷自家製，泡菜蔥花任添，價錢親民👍🏻雙拼餃子，連蒸籠上枱🥟同一般見到嘅長條型韓式煎餃唔一樣，大大粒嘅蒸餃，大豬肉餃子，皮薄，餡入邊有韓式餃子必備嘅粉絲😄餡好多，整體都好好味😋大泡菜餃子，豬肉餃子上多咗少少泡菜味，唔辣，都唔錯😌雞髀刀削麵，牛骨湯底，味道清得嚟好夠味，飲落好舒服🫶🏻刀削麵都係拉麵咁嘅款，較為粗，但都幾掛湯、幾彈牙😎仲有薯仔，食下溶下令到個湯濃稠左👍🏻高質嘅韓式麵，原隻雞髀肉都幾嫩滑，連埋湯一齊食好味😻辣拌刀削麵，超吸引嘅賣相🤩撈勻晒啲紫菜、蛋絲、伴菜、辣醬同麵之後一齊食，口感豐富，辣醬辣得來幾爽🤤開胃又好味，麵條咁食特別彈牙，風味一流🤞🏻相當唔錯既韓國麵專門店，專心做好湯、麵同風味🇰🇷有心機係入面，鍾意韓風既點都要試下！🥳

今日去咗尖沙咀試香港第一間韓國自家製刀削麵，一坐低就見到個menu好吸引，即刻點咗牛骨湯刀削麵、花蛤刀削麵同雙拼餃子～首先講個牛骨湯刀削麵，個湯好濃郁，牛味好重，飲落好溫暖。塊牛肉好入味，又淋又滑，刀削麵好有嚼勁，食落好過癮😋花蛤刀削麵個湯好鮮甜，花蛤好新鮮，冇沙，麵條同牛骨湯個款一樣彈牙，兩款湯底各有特色，都好好食～跟住到雙拼餃子，個餃子真係拳頭咁大，好足料！餡料好香，咬落去juicy juiey，食一個就好有飽足感🥟埋單的時候，總共235蚊，以呢個質素同份量嚟講，真係好抵食～間鋪頭雖然唔算好大，但係好乾淨，服務員態度都幾好，好親切～如果大家鍾意食韓國嘢，又鍾意食刀削麵嘅話，呢間店一定要試下，真係唔會失望架～

尖沙咀有間韓國餐廳，專注於刀削麵，吸引咗唔少食客，氣氛輕鬆。雞脾刀削麵🍜 湯底係用牛骨湯煮出嚟，刀削麵自家製，口感彈牙，真係好推介！雞脾肉質鮮嫩，配合湯底，味道非常入味，令人一試成主顧。炸醬麵🍝 醬汁味道濃郁，麵條滑順，食落去每一口都充滿驚喜，簡直係絕配。五花肉泡菜煎餅🥓 煎得香脆，五花肉同泡菜搭配得天衣無縫，口感層次豐富，吃完都想再來一份。自家製韓國刀削麵 📍山林道46-48號運通商業大廈地下20-27號舖 ______________________________ 唔好走住，記得follow 同like依個post ______________________________ #eilidh #foodie #自家製韓國刀削麵 #尖沙咀 #韓國餐 #刀削麵 #美食 #香港美食 #食評 #餐廳推薦 #美味 #泡菜 #煎餅 #麵食 #牛骨湯 #美食探索

想食地道又高質嘅韓國嘢，除咗燒肉炸雞，其實呢間自家製韓國刀削麵都超值得一試㗎🍜 
呢間小店喺山林道，雖然唔算大間，但啲嘢食真係好有驚喜！🥩 牛骨湯刀削麵：呢個係佢哋嘅招牌！牛骨湯底熬到奶白色，味道超濃郁但又唔會死鹹，配埋自家製嘅刀削麵，真係好正！刀削麵口感好Q彈，食落好有咬口，吸晒啲湯汁精華，真係停唔到口！🐚 花蛤刀削麵：如果你鍾意海鮮，呢個花蛤刀削麵就啱晒你！花蛤隻隻都好新鮮，湯底帶有花蛤嘅鮮味，清甜得嚟又好惹味，好似將大海嘅味道食晒落肚咁！🥟 雙拼餃子：點可以唔試埋佢哋嘅餃子？叫咗個雙拼餃子，一次過試晒泡菜同豬肉兩種口味！泡菜餃子辣得好過癮，豬肉餃子就肉汁豐富，兩款都好好食！呢度嘅氣氛好地道，好似去咗韓國嘅小店咁，下次一定要帶多啲朋友嚟試吓！💯

🍜 牛骨湯刀削麵湯底以牛骨精華熬製，乳白色湯頭濃郁醇厚，香滑滋補。刀削麵厚實有嚼勁，吸附湯汁後更添風味。搭配牛肉片、海苔絲、蔥花與雞蛋絲，層次分明，清爽中帶出濃香。🌶️ 江陵辣大醬湯刀削麵以韓國大醬為基底，各種辣椒醬調成的湯頭辛辣濃厚，帶有發酵豆醬的獨特風味。手工刀削麵煙韌彈牙，吸收湯汁後辣中帶香。配料有洋蔥、青蔥與蔬菜，口感豐富，味道較濃厚。🥟 雙拼餃子韓式豬肉大餃子飽滿Q彈，肉汁豐富；泡菜餃子皮薄餡香，以泡菜、粉條、豬肉為主，酸辣開胃，製喜歡！

餐廳地理位置好，裝修簡約乾淨。店員友善態度好。作為第一間韓國刀削麵，餐牌以刀削麵為主，另有餃子、煎餅等小食，價廉物美。難怪客似雲來。 ✦ 花蛤刀削麵花蛤味道鮮甜、冇沙，而且份量多，一配十幾隻。湯底清甜鮮香，有海鮮餚製嘅感覺，幾impressive。刀削麵有口感，彈牙爽滑。另有紫菜、鮮冬菇、蛋絲作為配料，賣相精美。 ✦ 海鮮韭菜薄餅上枱熱辣辣，外皮香脆，內裡口感煙韌。每塊都夾雜海鮮，主要係大大塊魷魚，好足料。 值得一提，店員不斷refill泡菜，亦為食客換水，好attentive。

每次經過呢間餐廳都見到好多人係門口排隊，今日見門口排得比較少啲人就試下。入到餐廳，裝修簡約舒適，好有韓國家庭餐廳feel，連牆上掛有菜單都幾有特色，好似「穿越」去韓國一樣。一黎到，店員就即刻送上佢地自家製泡菜作餐前小食，微辣又帶甜，夾埋啲麵或者餃子食一流。花蛤刀削麵湯底真係鮮甜，花蛤份量足夠，啖啖海味，而且唔會有沙殘留，食得好放心。麵條夠粗身又煙韌，每一啖都吸滿湯底精華，爽口又有咬勁。配料方面有翠玉瓜、蛋絲同紫菜，整碗麵味道層次好豐富。雙拼餃子 (豬肉及泡菜味)餃子皮厚實得黎唔會硬，咬落去好彈牙，內餡多汁。豬肉味道調得剛剛好，好香肉味；泡菜餡酸酸辣辣，非常開胃，兩種都好好食。總括嚟講，自家製韓國刀削麵無論質素定味道都好有心機，食材分量又足。值得一試！

今日就同朋友去左自家製韓國刀削麵餐廳喺香港第一間韓國刀削麵店，好有韓式風味雞髀刀削麵自家製麵條口感煙韌，咬落彈牙，每一啖都充滿嚼勁，搭配燉煮到好入味既雞髀，肉質鮮嫩，湯頭濃郁而不膩，另配搭薯仔，翠玉瓜，食落好滿足花蛤刀削麵加入左大量花蛤，肉質鮮甜，麵條索滿湯汁精華，鮮味十足，加埋自家製泡菜，新鮮爽口海鮮韭菜煎餅煎餅外皮煎到金黃酥脆，內餡包住滿滿既海鮮同韭菜，口感豐富，香氣撲鼻，再蘸上特製醬汁，更加提鮮

我們於6/8（三）約下午兩點🕑到達餐廳，大約有5張枱，只有2組客人，人流不多，有2位店員，起初其中一位店員想我們坐近門口的4人位，並叫我們對坐一邊（不太清楚意義何在😂），但我們表示近冷氣位，有啲凍。於是我們去坐了其他位置。不過餐廳的冷氣依然很凍🥲用QR code下單。叫了一個lunch set，一個單點。有小菜—泡菜：泡菜比較乾，味道一般。①Lunch set ($68)❶大豬肉餃子🥟：大係幾大，不過最快到，而且也不熱。冷了的餃子，皮很靭。❷鯷魚刀削麵：店員端上來，我們沒有看到鯷魚碎，後來發現紙本menu的是鯷魚湯刀削麵‼️所以不要expect有鯷魚碎🥲有一些冬菇、蛋絲、紫菜、翠玉瓜等，湯底較咸。❸飲品🥤②豆汁冷麵（$78）：湯底好冰冷，不咸也不甜，有青瓜絲及芝麻，比較單調，且面超煙靭。食物素質普通，價錢合理

宜家香港好流行食韓國刀削麵，聽講哩間餐廳係香港第一間韓國刀削麵，咁一定要試試。餐廳唔係好大，得10張台左右，不過裝修得好溫馨，好似韓劇裡面的場景。晚市都幾full下，基本全坐滿。提供數款刀削麵同小食，每款都好想試下。辣白菜，一坐低就會送上爽口小食，白菜醃得夠曬入味，辣度適中，唔會太刺激，食落口感爽脆。雙拼餃子，係大豬肉餃子同大泡菜餃子雙拼。豬肉餃子大大隻，皮薄餡多，咬落去豬肉鮮嫩唔會太肥。泡菜餃子就更加有驚喜，泡菜同豬肉嘅比例啱啱好，辣中帶甜，食落好有層次感。牛骨湯刀削麵，湯底用牛骨熬製，濃鬱得嚟唔油膩。刀削麵似日本烏冬多D，口感彈牙，厚薄均勻。配料亦好豐富，有薄切牛展，香菇片，紫菜等。辣拌刀削麵，刀削麵加埋大量紫菜，雞蛋絲拌上特製韓國辣醬，食落香辣惹味，層次豐富。刀削麵掛醬能力一流，每一啖都充滿辣醬嘅精華，辣得好過癮TIM。

刀削麵自家製刀削麵呈黃色粗身狀口感煙韌十分有嚼勁睇落雖然唔算好多但食落就知份量足料絶對夠飽花蛤刀削麵 $78花蛤飽滿無沙份量頗多湯底味道十分清甜仲有翠肉瓜同菇增加甜味面頭既蛋絲同紫菜絲令成件事更加豐富豆汁冷麵 $78湯底用左雪凍既豆漿製成無加任何調味料味道天然、豆香濃郁真材食料仲感受到豆渣既存在用凍豆汁作為湯底令刀削麵質地更加彈牙配埋面頭爽脆既青瓜清爽解暑夏天必食海鮮韭菜煎餅 $68煎餅煎得好靚、唔油膩外脆內煙韌麵糊、海鮮同韭菜既比例調較得恰到好處口感、味道層次豐富沾埋煎餅汁一齊食會更加惹味辣泡菜大白菜新鮮食得出係自家製無發酵既酸味口感爽脆味道偏甜帶微辣配搭刀削麵一齊食好夾食完仲可以refill添整體而言，作為香港第一間韓國刀削麵店果然名不虛傳專注做刀削麵麵質彈牙煙韌、口味選擇豐富總有一款啱你口味想食啲無咁heavy既韓國美食哩間餐廳就啱曬

最近香港開咗好多韓國地度湯麵店，自家製刀削麵在尖沙咀出名韓國街附近，自家手打刀削麵煙韌彈牙，環境裝修同係韓國湯麵店一樣，感受到韓國平民美食風味自家醃製泡菜，有少許微辣花蛤刀削麵🦪🍜湯底好鮮甜，花甲份量充足，肉質嫩滑，每粒都好飽滿亦都冇沙，手打麵條煙靭彈牙，偏厚身軟硬適中，配菜有翠肉瓜、冬菇絲、蛋絲、韮菜，口感配搭豐富，加少許粗鹽味道昇華不少豆汁冷麵🧊🍜呢款冷麵極之適合夏天，澆上豆汁為湯底，入口冰涼解渴，湯底有淡淡豆香同芝麻香，拌麵加上青瓜同麻油香味，越食越清涼雙拼餃子🥟雙色餃子分別是泡菜同豬肉，泡菜餃子好特別，餃子皮色澤鮮艷，飽滿的泡菜令到餃子漲卜卜，豬肉餃子都皮薄餡多，型像包得好精緻，咬落肉汁滿滿🏠: 自家製韓國刀削麵📍: 尖沙咀山林道46-48號運通商業大廈地下

行經尖沙咀山林道，發現呢間韓國刀削麵，剛好有位，便即時進入品嘗下自家製韓國刀削麵囉。炸醬麵，韓式炸醬麵最緊要個醬汁，呢間調較得剛好，偏甜濃稠不會過咸，獨特的香味且甜而不膩，口感香滑，麵條彈性十足。牛骨湯刀削麵，有嫩滑嘅牛肉薄片，配菜的韮菜、冬菇絲、紫菜絲、雞蛋絲好健康，湯底呈奶白色，味道濃郁且帶有牛骨的鮮味，刀削麵爽彈很好吃。海鮮煎餅，煎得香脆，海鮮有彈牙的魷魚，同大量的蔥條，啖啖都食到海鮮跟配菜。

朋友之前食過呢間正宗韓國刀削麵，話d麵好煙韌，湯底又好味，今日就去呢度食dinner呢度d泡菜係無限refill，泡菜係自家制，唔算太辣，好爽口，好開胃。海鮮韭菜煎餅外皮煎得好香脆好香口，入面仲有大量蔥同魷魚都幾大隻，爽口。花蛤刀削麵個湯底勁鮮甜，好重海鮮味，有大量花蛤，粒粒脹卜卜，完全冇沙，d刀削麵非常煙韌，吸晒d湯汁，好鮮味。炸醬麵係韓國傳統果款炸醬麵，醬汁係深啡色，味道好濃郁，d麵沾滿晒d醬，好惹味，呢個汁入面都有d肉粒，非常入味。