自家麵

营业中

休息中

肥牛手工麵滑雞手工麵配胡椒湯底呢間手工麵係我每次到西貢都愛吃的。肥牛手工麵同滑雞手工麵配胡椒湯底真係非常美味出色！肥牛切得薄薄嫩嫩。滑雞肉亦嫩滑鮮甜，同麵條一齊入湯煮，令口感更加豐富。胡椒湯底濃郁而香辣，增添了一抹獨特的風味。手工麵彈牙有嚼勁，吸收了湯底的味道。縱使即叫外賣，也能保持到美味的口感。

之前朋友推介，係灣仔店食過拌麵，覺得好食又抵，今日凍凍地所以試埋湯麵。椒麻鮮牛粗麵，湯底楜椒香濃，又有椒麻，非常暖身！鮮牛好好食，係新鮮現切嘅味道，配麵嘅生菜同芽菜都好爽脆好好食。手工粗麵質地有嚼勁，似長版嘅銀針粉，相當不錯！冬天聽到好多人叫羊肉麵，應該好受歡迎。

西貢的餐廳很多都開12點，要趕時間吃個快捷午餐，就來這裡。我不吃麵，吃餃子。因為待會要接觸其他人，不吃韭菜，芹菜不會產生口氣。這裡的餃子好似是落單後現包的，皮是手趕皮，夥計說他們用新鮮豬肉。所以落單到上食物，要點時間的，餃子好吃！餃子皮有彈性，餃子有鮮味肉汁、芹菜有獨特香味。餐廳環境比較擠迫，午餐時段，吃完舊不要佔著座位了，讓其他人可以坐下來吃飯吧。外賣也是絡繹不絕的。

今晚經過這間手工麵店都有些人氣，便一試。點了兩碗手工麵再加一個洋蔥牛肉餡餅。1. 滑鷄手工麵(要中麵、酸辣湯底、小辣）： 嚟到時，麵竟然變咗寛麵(無所謂，反正都未試過）。麵似刀削麵，麵質較煙韌，食到尾都重有少少彈牙，唔錯。酸辣湯係用酸菜做底，唔太鹹，味適中。2. 秘製牛手工麵(要粗麵、胡椒湯底、小辣）：牛好軟淋，牛味非常濃。粗麵比意粉還要粗，麵質都有咬口。唯一失色係個胡椒湯底，食唔出係胡椒味，只得個鹹字。3. 洋蔥牛肉饀餅：同想像中有出入。佢係似一個油酥餅中間切開，然後夾一些洋蔥牛肉入去，完全無汁。酥餅亦較硬身，但唔油腻。兩碗麵份量都很驚人大碗。總括這店都算抵食之選。

第一次寫食評，成日覺得d食評係人地比錢叫人寫，點知自己都會有呢種感覺想寫出黎。上網見過呢間‘自家麵’d野食好似幾吸引，但唔知正確位置喺邊度，但係趕時間，小朋友又好肚餓，就求其喺西貢附近食完車仔麵就算。點知食完行過又見到，雖然食到好飽，但係又真係好想試吓，就走咗入去食個‘洋蔥牛肉餡餅’見到隔籬枱嗰個餡餅好似幾正，等咗10分鐘有得食啦，充滿期待，一咬落去，嘩！硬過我阿媽條命！硬到完全食唔到！食左裏面幾粒牛肉就算，買單嘅時候同個呀姨講個餡餅好硬，佢話：唔會架，今朝先整。 佢都係唔覺得品質有問題。所以我就決定上嚟寫食評。超級污糟，黐立立

人住西貢暫無譚仔，夜晚唔想自己煮， 幾十蚊想食一碗好味飽肚既麵。 呢一間係我不二必選。 一般我會點羊肉寬麵， 小麻辣另外佢地既胡椒湯底， 都好好味👍羊肉味濃， 份份多寬麵有咬口， 唔會太冧湯底拍得住譚仔抵食無誤

朋友推薦，儘管一試餐廳以手工麵和餃子為主四款麵類和六款湯底選擇如果有素餃的話會更完美三絲麻辣涼麵$43份量有點大，很多蔬菜，寬麵很彈牙，麻辣控必食！肥牛手工麵$57肥牛很新鮮，清湯很香甜

係西貢玩完水💦🔫即刻搵間餐廳醫下肚！餐廳有兩個舗位，店面唔大，只有幾張枱，主打嘅自家麵係餐廳秘方，每日新鮮制造，話保證爽口彈牙🍜🥟韭菜豬肉餃 (10隻) $48水餃係自家制，大大隻一個人食一份已經夠飽，佢地配嘅醋好開胃，而家打緊食評諗起都流曬口水！🍜手撕雞涼麵 香辣 寬麵 $49佢地嘅麵都係自家手工麵，熱辣辣唔想食熱湯麵所以嗌左個涼麵，香辣汁同手撕雞好夾，個寬麵好彈牙厚薄一致，雞嘅份量都唔少，呢個價錢食手工野物超所值！

難得入黎西貢 見到呢間食評唔錯 貿然一試 伏已中 雞絲涼拌麵 瀝麵唔夠乾 撈起一灘水係碟底 麵汁係香辣加麻醬 唔夠汁 唔夠味個手工麵係幾好食 但配料處理求其 雞絲非雞絲 而係一舊雞肉拆出嚟 一舊舊咁 撈唔入碗麵 雞肉鞋另外芹菜豬肉餃 皮雖然手工打 但內餡咸而無口感 唯一可取係碟木耳 個汁調得開胃間店份量係大 要食飽可以揀呢間 但要味道就揀其他啦 原來呢間有分店 早知睇埋分店食評先揀啦西貢其實咁多好野食 希望店主從善如流 入西貢唔係個個都要cafe 海鮮 茶餐 麵店都有市場

今日喺西貢趕住走，諗住快快脆食個麵，咁啱見到有枱走，我哋就嗱嗱臨入去坐。🐤雞肉清湯雞肉($55)🍜個湯底都幾正，但係唔知點解好似有好輕微嘅胡椒豬肚味。以為韭菜中麵係幼面粗少少嘅版本，原來係闊面嘅形狀，識落嘅口感都幾好。雞肉份量算多。🐮鮮牛肉胡椒豬肚湯幼麵($54)🍜本來麻麻哋胡椒豬肚湯，但係以想不到呢個湯係三個入邊最好食。呢個湯底比較香，惹味。幼面嘅牛口就啱啱好，軟硬適中，食落比較舒服。🐮鮮牛肉酸辣湯粗麵($54)🍜酸辣湯底上面加咗啲酸菜，但係其實唔夠酸。因為我未食過呢間嘅酸辣湯，唔知佢個辣有幾辣，所以淨係嗌咗小辣，最後發覺佢嘅小辣係完全唔辣，下次可以叫重手啲。不過我唔係好鍾意佢嘅粗麵，真係操到有啲似烏冬咁粗，但係口感比較硬淨，所以食起上嚟比較困難。我覺得佢啲牛肉唔係太重牛肉味，下次可能會試吓肥牛唔知會唔會香啲。🐷韭菜豬肉餃(10pcs)($58)🥟好好食，鄙薄餡靚，鎖住肉汁，韭菜豬肉幾香😍🐮洋蔥牛肉手工餡餅($35)🥙太飽，打包，所以微未食到咩味。不過都幾大嚿，上枱嗰陣熱辣辣，所以個酥皮都幾酥脆。

☎28879766👈🏻中環分店：威靈頓街61號☎28879718👈🏻佐敦分店：寶靈街16號中環分店：威靈頓街61號G☎28879766佐敦分店：寶靈街16號寶靈大廈G☎28879718

星期日夜晚黎西貢本身想食Pizza 點知滿場，所以行下行下就入左依間餐廳食叫左麻辣(中辣)手撕雞涼麵佢有4種麵簡我簡左寬麵個辣幾好食，野味麵質都唔錯，估唔到幾好食如果食吾到辣既建議叫小辣已足夠

星期六，玩完獨木舟🚣，好肚餓，想食啲簡簡單單嘅食物，呢間自家麵🍜，每次經過都話下次要嚟食，今次下午🕰️6點左右，終於試到，因為舖頭細細，座位有限！ ⭐⭐溫馨提示：只收現金⭐⭐原來呢個自家麵，一啲都唔簡單，面都有咁多變化！ 🌈秘製豬軟骨手工麵$71 + $9 配凍檸茶配酸辣湯底，中麵面質有四款，寬麵，粗麵，中麵，幼麵一上餐份量十足，十分多配菜原來中麵，感覺有點似台式刀削麵，都幾闊🌈麻辣手撕雞撈麵 + $9配凍檸茶配中麵一上餐，感覺有點似西式意粉！麻醬加上麻辣汁，呢個配搭好開胃！雞絲好多！🌈韭菜豬肉餃$58皮薄多汁，配上自家製蒜蓉醋，好飽都可以食到好多隻！ 總結💝： 整體有家嘅感覺，好正氣冇味精 ，份量好夠飽🍜！ 下次會使其他湯底，面質！

⭐️自家麵⭐️好鍾意食自家麵嘅麵質好煙韌好有咬口最鍾意係手撕雞涼麵配寬面麻辣小辣未加辣汁之前除咗個麵好食 😋個汁都好夾😍😍成日都好想試埋其他汁，但呢個麻辣汁真係好正！！鐘意食辣既一定要試！！唯一既唔好處係食完個口有陣味🤣🤣要食好幾round薄荷糖先清到陣味

夏天嚟啦，真係超熱，熱到fat boy我完全無食慾熱湯麵唔想食，三餸飯又唔想食，茶記又唔想食…….我行行吓，見到自家麵個餐牌有涼麵，咁就試吓囉本身我以為碗三絲涼麵有d雞肉絲，原來係素嚟嘅……早知叫手絲雞啦，但手絲雞又貴d…….fat boy我食餐晏仔邊有咁多錢😅因為我叫咗酸辣，食落去比想像中酸，不過酸酸辣辣又幾開胃。個粗麵都好鬼煙靭吓，同埋個份量比想像中多。不過食完個口好大陣蒜味…….唉，食完薄荷糖，都清唔到陣口臭，攪到一陣唔可以見女朋友啦