自家麵

营业中

休息中

今日同朋友過黎西貢玩，佢之前係西貢返工，所以特別推薦呢間餐廳。朋友推薦寬面、麻辣湯底，由於我唔係好食得辣，所以叫左微辣豬肉手工寬面，但我覺得仲係好辣。面真係好滑，好食！豬肉都好好味！我同朋友食完之後都唔會覺得口渴分量好多，值得推薦！

西貢有很多特色食店，朋友介紹這裏的手工麵不錯😋平時我都好鍾意食湯麵，今次決定黎試一試！和朋友一共4人，一人一碗麵加一塊自家製洋蔥牛肉餡餅，現在向大家簡單介紹！1. 酸麻肥牛中麵（小辣）湯底較為普通，配有小量酸菜，肥牛亦算普通，中麵像是口感煙韌既河粉，可以一試但不算有特色。2. 胡麻肥牛寛麵 （走辣）四碗最為有特色的湯底，胡椒味十分香濃，有一種一食想再食既感覺，最建議一試！寛麵口感最為煙韌，肥牛都是較為普通。3. 胡麻雞肉幼麵 （小辣）和胡麻走立一樣胡椒味很重，但這個麻辣味比較重，有一點蓋過胡椒的味道，整體上湯底還是不錯的。雞肉方面亦算滑，有有雞味，不錯！4. 牛𦟌涼麵這個和平時的涼麵差不多，整體算是普通。朋友表示涼麵的份量比較少，如果比較大食的朋友就可能要再叫一些小食囉！5. 洋蔥牛肉餡餅餡餅外皮十分鬆脆，放涼後會有點硬，要盡快食哦！洋蔥牛肉香口，牛肉小鹹，適合口味較重嘅人～店舖服務尚算不錯，途中食物出現小錯，店員亦即時為我們更換。店員亦為我們詳細講解不同麵類的分別。總括而言，食物有特色之處，服務環境不錯，大家也可以過來試試😋

當我進入舖頭 熱情既姐姐直接向我同朋友介紹唔同嘅面有唔同嘅口感 可以令到我同我朋友可以選擇適合自己嘅面我叫 鮮雞肉胡麻湯底雞肉啖啖肉 雞肉滑口 我叫幼麵 等待嘅時間都唔需要5分鐘 普遍嚟講算係上餐快。湯底有胡椒嘅味道但係麻辣令到胡椒味冇咁強烈 ，可以話胡椒味被蓋過 所以呢一度就可能差少少不過總括來講都算OK ，如果想胡椒味重啲直接胡椒湯底。麵質黎講我都尚算滿意，因為我係比較鍾意有口感嘅人 所以其實都唔錯 如果大家選擇困難症 我相信嗰度嘅員工可以慢慢幫你介紹

西貢食麵既餐廳比較少，一係就係cafe，再唔係就係海鮮酒家有時返工晏就想食下譚仔之類既粉都無......而為食貓今日終於試左一直都好想食既自家麵我叫左個肥牛酸辣寬麵(小辣)，d肥牛都算幾靚，而個湯底雖然係酸辣，聞落都有陣酸香，但食落辣味多d，另外，個湯有埋d菇、菜、芽菜，份量都算ok。話明叫自家麵，梗係要講下佢個麵啦，雖然佢唔算係好煙韌，但食落去個口感都唔錯，應該真係自家麵但佢既價錢就唔算好抵，一碗麵唔包野飲都要50幾蚊，其他茶餐廳呢個價錢有埋湯同凍飲......不過，間中食下都係非常唔錯既選擇

鮮牛肉手功麵D麵條好有特色，今次食粗麵有d似意粉。下次會試下食撈寬麵，佢d寬麵唔會太厚身，但又有咬口。湯底就正正常常，無乜特別，肉都算多，如果再多d芽菜就好啦😂😂口水雞翼

今日入西貢行吓雖然係好多cafe 意大利餐廳 東南亞美食但係最後都係想試依間佢有兩間舖位 中間夾住咗間漢堡包店兩間舖都唔大 坐位少 所以我哋選擇坐出面餐牌易睇 都係揀麵款 再揀湯底 加餸最特別就係佢嘅麵係手工麵 所以有4隻款揀：寬麵同中麵係扁身嘅 比較似刀削麵粗麵同幼麵就係圓嘅 似意大利粉樣另外仲有自家餃子🥟同手工餡餅🥙叫咗個滑雞手工麵 中麵 加酸菜 ($55)都幾大碗吓 而且酸菜份量十足另外原先已經有芽菜 生菜 鮑菇配料十分豐富🥬🐓雞肉都唔少 雞幾新鮮 同埋都腍 不過唔算好滑 亦唔係厚肉嗰隻酸菜好有質感 配麵好夾 亦唔會太酸🍜湯底揀咗清湯 的確幾清 冇乜味 少少鹹鹹哋 中麵麵條扁身 食落少少煙韌 但係未至於好好食 因為佢都係一夾就會斷 比較難夾反而試咗媽咪叫嘅粗麵款 好食好多！粗身啲冇咁易斷 而且咬落彈牙煙韌😋所以如果大家揀麵款 我會推薦粗麵！另外加咗份韮菜豬肉餃🥟($48)佢係比較傳統嘅款式 完全冇特別但係好食👍🏻皮厚度啱啱好 幾煙韌 唔易爆開🐖餡料夠味 豬肉唔肥唔韌 仲保持住肉汁韮菜亦十分嘢味 食落好香口好耐冇食過一間好味嘅餃子店💕-味道上幾好 感覺上比較健康啲只係我揀嘅中麵款麵

今日與友人到西貢划艇後，非常肚餓，要喺西貢醫埋個肚先走，西貢好多美食，行吓感覺每一間都好味 ，見到呢一間未食過一次試吓先自家製水餃我哋揀咗京蔥豬肉，新鮮熱辣皮不會好厚，京蔥同豬肉一半一半，食落爽口鮮甜手工餡餅 揀咗榨菜豬肉口味 外皮鬆脆 榨菜豬肉多汁鮮爽 與朋友一人一半食 分享滋味另外叫咗一碗滑雞手工麵 麻辣湯底超辣佢哋嘅手工麵可以揀幼，中，粗，寬你可以根據返自己鍾意食嘅口味去揀，都幾開心滑雞嫩滑無渣，湯底都似那米線連鎖店既中辣 不過連埋手工麵食又幾有新鮮感

週末入西貢閒逛，行到餓餓地，唔想去海鮮飯店，又唔係好想去咖啡店；周圍搵下，見到手工麵呢三個字覺得好吸引，就決定係度解決晚餐。叫左牛展麵同滑雞豬肝麵兩碗麵，兩碗都好味。牛展麵被牛展密舖平面，有成8，9塊，牛展亦夠入味；雞肉豬肝麵味道正路，雞肉亦夠滑。兩碗我地都叫左幼麵，麵質唔錯，不過覺得唔係好夠咬口；見其他食客都叫粗麵或寬麵，下次會試下其他麵。洋蔥牛肉餡餅味道唔錯，不過可能我地放左一陣先食，食時餅皮有d韌。

作為澱粉人，入到西貢都要食麵，平日好多人試的自家麵，終於比我食到了。牛展麵配胡椒湯底，麵條轉了寬麵。正！最鍾意又粗又又咬勁到麵條，寬麵有d類似刀削麵，但無咁厚，而且厚薄均一。牛展好香好軟身，配埋辣辣地胡椒湯底，好適合冬天食。肥牛手工麵要咗粗麵加腩肉，都係寬麵適合我食，因為比較有嚼勁。一場嚟到，食埋個手工牛肉餅，呢個有d失望，個餡餅係好酥脆，而且熱辣辣，不過裡面餡料無咩味道，好似食緊一舊好酥的無味pastry。明明有好多餡...價錢唔貴，兩碗麵加餡餅🥙

假日的西貢好多人， 加上餐廳只可以二人一檯，座位唔多 大部分都冇位要行多幾間。行完山又攰又餓， 找到這間『自家麵』， 見有位唔理咁多衝咗入去。餐廳內籠太細只有兩三張枱 ， 我的座位也就背靠廁所門口。 主打北方風味手打麵， 麵條由寬至細。豬肉（中寛）麵清湯底麵質好滑， 厚實唔算好煙韌。 豬肉片夠薄， 清湯底唔覺有味精。 朋友點了羊肉手打麵， 羊肉份量也很多。手打麵份量非常巨型， 女士們一個人未必能夠吃畢整碗～芹菜豬肉餃芹菜配豬肉調味唔錯，豬肉有鮮味， 水餃皮厚身。

今日黎試下呢間自家麵，叫咗一個牛𦟌麻辣冷麵（小辣）配中麵、酸辣豬軟骨湯麵配幼麵再加多一個榨菜豬肉餅，等咗10幾分鐘到啦個賣相都吸引既，冷麵內有少量青瓜絲同芝麻醬，再加埋麻辣醬（少辣）攪拌埋一齊個味好係唔錯，而麵條質感好煙韌有咬口，雖然係中麵但都幾寬，好似河粉既寬度而個豬軟骨湯麵分開咗湯同麵，個湯底酸辣既酸不夠，豬軟骨炆得唔入味肉質仲乾乾地，但呢個係佢地既店內數一數二推介人要食既，令人失望既仲有個餅都係好普通只有個冷麵係好食

小店麵食吾錯，麵質同湯底可以選擇辣度亦可在落單前簡中、小、大辣而我較仲意食幼麵，另試過粗麵都吾差麵夠大碗足料，湯底吾會太咸，另可加錢追加配料小店有兩間鋪，留意繁忙時間較多人，小店堂食坐位有限，2人枱會坐得較迫，如是享受用餐食完就走係👌🏻推薦麻辣牛肉幼麵、麻辣羊肉幼麵🍜麵質有口感、粗麵或幼麵整得吾錯另推介麻辣雞絲冷麵除左辣度岩岩好，配上雞絲好拍檔同冷麵不錯但晚市冷麵較多水，如果改善冷麵碟上吾帶咁多水會更好

由於未食嘢就出到西貢，經過見到呢間店好似幾唔錯咁所以就入去試試。見佢有兩面細舖位，因為人手唔夠所以見職員都一腳踢，所以出現咗漏單情況。點咗特製豬軟骨肉麵，酸辣湯微辣，寬麵同洋蔥牛肉餅。湯麵個湯睇落好似好惹味咁，但食落並唔係個回事，有啲淡帶酸，並唔係唔夠鹹嘅淡，而食唔出有其他原材料味。豬軟骨普通，係脆身軟骨，唔會有雪味/奇怪味，但亦食唔出特製/又淋又入味。麵條滑捋捋，都ok。洋蔥牛肉餅，一睇個真樣反而有啲失望，因為並唔係酥脆，千層口感（以為會有啲似手抓餅嘅質地），餅一到嘅時間已經睇外表有啲硬脆感覺，上面個層唔知叫唔叫穌皮嘅絲絲穌條未食已經甩甩地，入面洋蔥就偏生嘅紫洋蔥（個人都食到偏生洋蔥，所以可接受，但原本以為會係入味帶啲牛肉汁淋洋蔥），牛肉係一粒粒方粒嘅，唔韌，有啲會帶有啲啲根，有肉嘅質地，有牛味，但整體嚟講我唔係太鍾意。

與女友不經意經開這店，眼見沒有太多人，本身不大感興趣。然然，看到門口關於餡餅的的招牌，深感吸引，決定一試。我們叫了兩個麵，一辣一 胡椒。湯底尚算不錯，手打麵條亦相當彈牙，份量十足，算是出乎意料之外。豬軟骨口感十足，牛展厚薄適中，兩者都非常吸引。整體而這，麵的質素非常高。建議在辣味上可更出，更加貼合重口味的人士。另一樣最期望的是餡餅。即叫即做，新鮮出爐的餅果然沒有令人失望。酥餅熱騰騰，香脆可口，卻不太油膩。洋蔥及牛肉份量甚多，味道互相配合，令味道更上一層樓。一口下去，酥餅及餡料混合一起，鬆脆的外皮，味道豐富的內餡，不咬則矣，一咬驚人，絕對是一生一大享受。強烈推薦！偽文青一作洋蔥牛肉相益彰，內外夾攻味更香。若然忍心人離去，莫怨肚中滿空虛。

佢有幾款麵比你揀 我為左方面撈麵 就揀左幼身d既麵～佢雞絲都好多下 唔會得果幾舊 佢本身個底都會叫你揀 要麻辣定酸辣果dd麻醬都好多  怕肥既可以叫佢落少d麻醬如果小店可以整d tea set 加埋杯野飲就好啦！