自家麵

营业中

休息中

同朋友齊齊入黎西貢行下 影下相之前見到呢間店鋪 賣自家手工麵 幾吸引 就入黎試下我叫左 羊肉酸辣湯粗手工麵可能賣點係手工麵 個酸辣湯湯底唔入味 酸同辣係分開 但麵條係可以的份量都好大份朋友叫左豬軟骨胡椒湯寬手工麵我幾左幾啖 可能係招牌菜 豬軟骨好焾 又入味 胡椒湯底剛剛好

見到網上評語甚好，今天來一個 brunch, 點了韭菜餃子，微辣牛肉麻辣湯寛面，榨菜肉絲餡餅，雖然店舖畧小，但食品服務甚好，牛肉麻辣湯寬麵-麻辣湯底味道一流，麻與辣互不搶，麵質彈牙！韮菜餃子-味道恰好，配搭醬料，！原味榨菜肉絲餡餅-即叫即做，口感鬆化，好味！西貢區值得推介食店至一

經過西貢市中心 唔知食乜好 就去自家麵到試下佢～ 本身諗住淨係食米線就算 點知係佢個menu到見到竟然有餡餅同埋餃子食喎😋😋我地叫左榨菜豬肉餡餅、豬肉餃同埋雜菌手工麵 (胡椒湯底)！雜菌手工麵 我地叫左小辣 都已經好辣 但佢個胡椒湯真係好好味 佢既胡椒味好濃 有少少似三哥既煳辣 但佢既胡椒味再重啲 好讚😋👍🏻👍🏻👍🏻👍🏻餡餅真係出乎意料中既好味！佢個皮真係好鬆脆 而且裡面啲料非常多 個餅熱辣辣超好味 我地嗌左小辣 但係都偏辣 但個餅唔會好油 岩岩好 讚👍🏻👍🏻👍🏻👍🏻👍🏻👍🏻最好就係個豬肉餃 就咁食就普通豬肉餃 但點左佢個醋就生色不少！總括黎講 佢既食物CP值極高 又大碟價錢亦都好平 2個女仔去 一碗麵share都超飽👍🏻😋不過地方唔大 同埋有啲逼 如果拎住好多野既話 去食會有少少麻煩～

位於西貢食街，「高勝樓」跟「高富樓」附近一帶的食街，我或多或少都已經幫襯了，也試食了很多間食店，當然還有一些食店在我食評出現後，很不幸無法支撐下去，被迫搬遷甚至結業。但是看官可不要因為有些食店結業，就借故對我的食評提出疑問或者批評，因為西貢始終都是「三無」之地，沒有大型購物商場，商舖的舖租幅度很容易，被個別擁有舖位在手的大業主所控制着。但是當然，如果某些店本身，在外面已經開設了幾間分店，即使要在分店進行資金流動，都會比只有一間分店的地區小店來得輕鬆，那些食店的生存能力，或許會比獨立小店來自堅強得多。例如在「高勝樓」近着「西貢政府合署」那一邊，就有一間賣中式粉麵菜式的粵菜粉麵餐廳，店名叫做「自家麵」。「自家麵」就屬於在九龍同時還擁有兩間分店的食店，根據資料「自家麵」另外分店位於九龍的「佐敦」跟「長沙灣」內。雖然「自家麵」在分店資料內顯示的店名資料，店名跟「自家麵」稍為有所出入。「佐敦」跟「長沙灣」的分店版本「自家麵」，店名就被另外改成了「麵皇」。即使三間分店店名稍有不同，但是三間名稱各異的食店，最後還是被「開飯喇」的編輯們，某程度上確定了是有「分店」關係的廣東粉麵店。因為三間分店在「開飯

Was captivated by the flyer showing this delish Chinese beef pie.There are a few different pies to choose from.I chose the beef and onion as it sounded similar to the English beef and onion pie and I thought it would be interesting to see if there are any differences.When it came, it was flakey and round like a hamburger slit open in the middle and filled with beef and onions.The pastry was spot on as it was baked just right and not oily.However, the beef which I assume is beef according to the

我們住西貢快四年了, 我們喜歡吃, 尤其有誠意的庶民美食. 若果細心留意, 也不只有日本才有職人慨念的.西貢市中心鋪租很貴, 食肆常常易手. 我們認真地試食晒所有西貢市中心食肆, 我與可愛女友, 有時間不用趕出去工作的話, 肯定呢間第一選擇.湯底好食材好麵底好, 做咗我哋好多生意. 請忘記再沒有誠意及非常難食、仲要排隊的松記車仔麵罷. It's a sin.A Sai Kung Foodie's Insider's Guide. (第一回)

姐夫係一位新界的士司機, 經常都會於西貢解決開餐問題, 佢勁推介一間佢經常光顧的店舖比家人, 自家麵, 終於可以一試, 店舖細細, 隔兩間舖仲有一個舖位, 仲開多兩張枱放門口, 唔怕熱可以坐戶外, 可以選擇的餸都唔少, 麵底都有幾款唔同粗幼比你揀, 我就order左豬軟骨麵, 酸辣湯底, 豬軟骨夠哂入味, 軟硬度就應該連無牙婆都食到, 湯底超濃又唔會over, 正, 麵質彈牙, 再加兩份雲耳同豬耳, 以為每份$30唔駛, 應該都細細份, 點知份量真係好多, 根本食唔哂, 最後要超讚佢的奶茶, 記憶中已經好耐無飲過咁香茶味的奶茶啦

放假入西貢搵食，通常都係食西餐/泰國菜，今日想搵下地道美食。見到呢間標榜自家製麵條同湯底，就決定試下。我叫左牛𦟌胡椒湯底幼麵，男朋友叫左肥牛清湯中麵。個胡椒湯好好飲，無味精，唔會死咸，出邊未食過呢種湯底，如果冬天黎飲一定好正，又暖身。個幼麵麵質似意大利麵，配埋個湯一流。男朋友個清湯係魚湯，好鮮甜。個人覺得粗身麵好食d，有咬口d。下次可以試埋個寬麵條。同埋個四眼侍應哥哥幾好笑容，唔會西西面，又有禮貌，值得一讚！

去完西貢行山，日落時分想係西貢食野補充番下體力。但行完山又唔想食pizza / taco個類熱氣食物，海南雞飯又已經每次入西貢都食，湯麵黎講就有多人食既車仔麵、越南舖同呢間麵食，咁我地見佢話自家就去試下啦～我地嗌左薄切羊肉手工麵，揀左麻辣小辣湯底同粗麵湯底有少味精，因為食完口渴，但味道幾好，似係有用肉淆出黎既湯，有陣陣羊肉味。羊肉薄切所以唔韌～ 麵條粗粗既圓柱體，幾有咬口，浸落湯一陣都無變淋，不過就唔掛湯，麵條無湯既味。份量都足夠，男仔黎講就可以再多啲麵條～位置好易搵，有室內同室外坐位，服務員既態度都幾好～ 有笑容，有問題都會詳細解答👍🏿

喺西貢行山或者練龍舟之後肚餓，總要喺西貢市中心搵嘢食。今次就去咗西貢碼頭附近嘅小店食米線。可能係因為星期六中午嘅關係，加上店舖面積唔大，所以都要等大概10分鐘到入座。餐牌入邊都提供左好多配菜可以選擇都可以選擇，例如牛肉，雞肉，半肉等。拉麵有四種粗幼選擇，而湯底都有清湯麻辣胡椒湯底，加埋有無窮配搭任君選擇。今次我就點左蜂巢豆腐肥牛粗麵胡椒微辣湯底，唔太食得辣嘅我，微辣胡椒味辣度適中，恰當好處。蜂巢豆腐最正嘅地方係豆腐吸收哂湯底嘅精華，咬落豆腐嘅時候湯汁即係喺口內爆發，十分滋味。而肥牛滑得嚟充滿肉味，食哂碗麵要飲哂胡椒湯先夠暢快。店內亦提供汽水同凍檸茶等緊飲品，食完辣野有返凍野清清口腔。總括一餐每人70-80蚊，食到一碗令人滿足同溫暖嘅自家麵係值回票價的。

朋友住西貢一直都推薦呢間小小的麵店上星期又突然凍幾日，於日就搵左晚去試朋友推薦的胡椒湯底揀左雞肉再加凍豆腐，然後要左個粗麵條（粗幼選擇非常多，但朋友推薦叫我食寬麵條）麵質好彈牙，香口有質感，完全唔係普通麵條可以比（下次有機會再試埋其他麵條）雞肉份量適中，唔算太多但夠食，肉滑但唔算香，應該都唔係新鮮雞。但重點真係個湯底，非常好飲，好香而且唔係味精湯，一流！胡椒唔太辣，而且佢好好味，外面未食過呢個味道。食完成個人暖晒咁走，好滿足，我估以後都好難食番d連鎖米線餐廳啦！

返工咁辛苦，放工當然要食餐好。但有時太攰，我會寧願返去食個快飯就算。區內夜晚無咩好食，但呢間絕對係少數個人推介小店！話明係小店，環境當然唔算寬敞，不過勝在乾淨企理。除左湯底，可以揀埋麵條粗幼度，唔想食麵嘅重可以轉米線。湯底則分為麻辣、酸辣、胡椒同清湯共4款。除左清湯未試過，其餘3款都唔錯，加上而家天氣凍，胡椒都係一個唔錯選擇，湯底清甜得黎帶有適量胡椒香味，非常驅寒暖胃。店員姨姨熱情有禮貌，落單後好快就有得食~今晚羊肉雖然熟左少少，但肉質都細嫩，加上適中嘅羊羶味，好啱我口味。特別要讚佢地嘅手打麵，每朝新鮮製作，入口爽口彈牙，我特別鍾情佢地寬麵嘅煙韌質感。湯底香濃，味精唔多，飲左1/2湯之後都唔會覺得口渴。份量好足，有時我食左2/3都已經夠哂。區內人情味小店買少見少，感恩依然有佢。

經過漫長的9小時, 終於捱過了Blue Monday, 帶著疲倦的驅殻回到西貢。「嘩! 西貢大把好野食啦。」說話出自一位非西貢居民。的而且確, 西貢並不乏著名食肆, 但常言道: 「食物質素如何, 價錢也必如何。」作為香港的草根階層, 除了日常生活懂得精打細算, 為求食「好西」更不惜鑽竉鑽罅。今次為大家帶來這間－「自家麵」。鄰近「西頁碼頭」小巴總站, 步行約2分鐘。門外設有座位, 適合有需要人士。Menu。裝修以簡單日系為主。湯底濃郁, 點點的麻辣十分開胃; 手工麵口感十足。總結: 食肆性價比高, 多年來質素亦保持水準, 作為平日晚餐的不二之選!

西貢有好多好西選擇，但呢間我就翻兜咗幾次，原因係因為老闆娘既人情味。每次行完山都身水身汗，出到西貢市中心就會去呢間小店食返碗麵，每碗麵都係人手打出嚟，有四種粗幼選擇。而我最鐘意食粗麵或者寬麵，貪佢夠掛汁，每條麵都可以同埋啲湯汁一齊啜入口，啱曬我啲重口味人士。我既選擇就係手撕雞涼拌麵，麻辣汁，大辣，寬麵。手撕雞配上凍冰冰既青瓜絲，非常清爽，撈埋大量麻醬，超正。而涼拌麵就有麻辣醬，每條麵都沾到好多醬汁，啜成口都係，不過怕辣既人可以由bb 辣試起。而男朋友仔既選擇係雜菌胡椒麵，bb 辣，比較重胡椒味多過辣味，食完好暖身，而啲菇就好甜好好咬，配埋湯頭非常鮮甜。兩個人夾埋先$94， 價錢唔貴。加埋老闆娘好好人好好傾，食得好開心。

嚟西貢搵好食嘅麵係一件難事，你試過大名頂頂嗰間車仔麵就知道中伏；泰國舖嘅麵就好d，不過飲埋野埋單要成百蚊，窮呀！呢間算有誠意，顧名思義，自家製麵，試咗粗麵，條條一樣粗，可能係機製，但唔影響味道，湯底有得揀，個人重口味，胡椒加辣再要加辣醬，唔特別覺有味精（我是嚴重味精敏感人，三罐可樂先解到），份量係男人一定飽，女仔可以share，價錢同你食三餸麵差唔多。幫襯吓細舖，錢又畀得值，今時今日喺香港，算讚得過啦！