至尊重慶雞煲 (堅拿道西) (已結業)

第一次一個人食雞煲，用膳時間得一個半鐘頭，心血來潮好想食就要食架啦。🤣咁我就要左個唔辣既雞煲，一黎到就見到好多雞，熟左之後放入口都好夠味，好彩有唔辣既可以滿足我依啲唔岩食辣既人🤩。食到咁上下就去自助雪櫃拎左罐加士伯飲，啤酒同雞煲真係perfect match!飲完好舒服！食到咁上下見啲雞差唔多食哂我就叫伙記幫我加湯。用依個雞煲湯底打邊爐真係好爽😆，食乜都好好味，加上有好多野比我揀，正呀！本來都無諗過一個人食雞煲，但原來都幾過隱！🥳加上依到幾大，都幾好坐。

超掛住呢間開業多年既雞煲放題，食過咁多間雞煲放題，呢間最好食，而且好足料!三個人有成隻雞!跟住一，二，三部曲，先放花膠，牛柏業，水魷魚，索哂啲汁真係好好味呀！之後先再加湯，再淥其他料肥牛和其他配料都質素不錯，而且服務得很好，侍應有禮貌和非常勤力!不停幫你換碟以放題黎講真係好好服務!抵讚

依家一街都係雞煲，但講到雞煲係香港既始祖，不得不提至尊當大家都無咩食雞煲既習慣既當年，至尊首推雞煲任食任飲，有間舖開到去大角咀都仲有人特登去，排隊排到成卷成市，大家都識得去至尊，又抵又正到底咁多年喇，依家至尊變成點呢，銅鑼灣店裝修正常，位就一定係緊密架喇，餐牌可以話係多年黎一樣，熟食就多左款式至尊必食雞煲方程式，一上就食雞先，遲咗就唔滑雞保持水準，嫩而香濃又野味加湯之前先汁煎水魷魚，依個絶對係勞蘇食推介水魷魚唔好煮太耐，保持爽身彈牙，咁就鮮味十足，口感一百分，仲勁香勁惹味第三步係汁煮花膠，其實個人建議可以趁多汁時落左花膠先落水魷，因為花膠要煮耐啲先淋先好味汁煮完，又腍又滑，好正個人再推多一個食法，就係汁煮埋牛栢葉，同水魷一樣煮一陣就拎起保持爽口多汁，非常好味但建議係第四部，因為牛栢葉總會有水，會整淡個汁，加湯前食就正加湯打邊爐，湯料大部分都正既就唔逐樣講，亮點係肥牛都真係唔錯，肉質ok而夠肥，建議問佢拎隻雞蛋，打左佢(淨要蛋黃其實最正)，加少少豉油同葱花(唔食葱就唔要)，用嚟點牛肉係夾到無朋友，蛋味加牛味完全將成件事升級十倍一試上癮，616都教你咁食架另外都正既係韮菜餃，你唔啱既就sk

想食雞煲想食左好耐，今日終於食到，好耐之前已經食過一次至尊重慶雞煲，今次再黎encore。一入去餐廳職員會問要咩辣既雞煲，今次叫左小辣，坐左陣店員就拿左一大煲雞過黎。等緊既時候出左去拿野飲，野飲選擇有幾款，一開頭揀左可樂，之後拿左蔗汁飲覺得蔗汁幾好飲同埋感覺好似幾清熱。等左陣雞煲就食得，兩個人食佢都比左唔少雞，自己好鍾意食辣，個雞煲真係好正，好濃辣辣地既湯底浸住每舊雞，令每舊雞都滿滿甘吸曬湯既精華，熱辣辣但忍唔住一啖接一啖甘食，每舊雞都好厚實，雞皮更加係精華。食完雞就加湯打邊爐，男朋友自己出左去打算自己加湯但店員都好好即刻過黎幫我地加。佢既打邊爐配料都非常多，連平時好多邊爐店要加錢叫既響鈴都可以無限叫，特別推薦佢既炸魚皮真係好脆好香無油膉味，叫左兩round，另外牛柏葉凍豆腐都係必叫，吸左d湯汁真係無得輸，其他d丸類肉類亦都好唔錯，款式亦好多。兩個人叫左好多野黎食結果飽到食唔到烏冬麵類有d可惜。兩個人食每人先差唔多一百六十蚊，仲要任你食唔趕人走，真係非常平價抵食雞煲火鍋之選！

夜晚11點幾突然想食雞煲😂諗起有呢間開到零晨2點幾就落街食宵夜時段超級抵！$118@一位任食 仲要免加一叫咗中辣，啲汁好好好正起初唔覺辣，點知愈滾愈入味！愈食愈辣！啲雞都好多肉好大舊😍食食下雞 (未加水開始打邊爐時)有個著西裝嘅經理定唔知老細走過嚟話我地點咗嗰啲鵝腸要加水之前落先正，唔係會好un好鞋仲親自幫我地整好食到不得了，鵝腸索晒啲汁好好味，而且好爽口！西裝職員仲自信滿滿咁話係咪好爽口呢🤣好搞笑本身懶得打食評，但咁好食+服務態度好好都係打返個好評😍😋

是夜迎新飯局，決定去這間經濟實惠的任食雞煲，約埋幾個新同事一起去食重慶雞煲，訂左位又早到左有枱，好可惜失望而回，皆因一個中辣雞煲，為何會有甜醬味，一點辣味都沒有，最後我們自己加辣醬花椒油先提返起個辣味來，任飲任食呢個價錢真的無得輸，只是兩小時的飯局的確太少時間，食唔嗮搞到要浪費左部分食物，除了上述負評外，其他服務及飲料提供都好好總結來說，除了雞煲要改善，其他一概都尚可接受

星期六夜晚臨時book，十幾人都居然仲book到。因為大家多人想要打邊爐， 喺港島就諗到食呢一間。$168唔使加1，包咗酒水，係幾抵嘅。首先呢就有雞煲， 就有分唔辣，bb辣，小辣，中辣，大辣咁嘅。佢係會因應你人數而調整有幾多雞嘅，但我覺得事實上佢畀嘅雞實在too much! 我哋揀左bb辣，我覺得還可以，幾好味，不過比較濃味。食完雞之後你可以叫佢加水開始打邊爐。嘢食都係嗰啲啦，菜，丸，肥牛呀個d. 但係因為個雞煲再加水都係辣嘅，所以如果你放菜就會辣得好犀利，因為菜會吸曬啲味。佢另外出面仲有小食既(茶葉蛋，酸蘿蔔嗰啲咁)，不過我就冇食啦。overall食物嘅質素就一般啦，肥牛冇咩味， 雞煲係好食過打邊爐嘅。有少許漏單嘅情況，但waiter服務態度都好ok，佢會主動同我哋講張櫈下面係有得擺袋嘅，算係咁啦！

今日同一大班朋友去到銅鑼灣至尊重慶雞煲都算幾方便在時代廣場對面就係上條樓梯就到好彩朋友一早搵左位所以我一去到就有位坐主要講個雞煲我地要左個少辣,其實個辣味只要唔好太過辣就真係冇問題因為太辣會令到食所有野都無味雞煲既雞都算幾滑同埋個味都幾鮮仲有大量啤酒選擇,以啤酒配辣雞煲真係好好

覺得口寡寡，所以想食返啲野重口味食物，揀左雞煲依家雞煲真係開到總病一間喺左近但係越來越貴下下都二百幾以上所以都係揀返至尊平靚正，可能因為星期一又六點幾去嘅關係，基本上冇咩人直入就得啦服務都幾好。雞煲有大中小辣分，我怕辣所以只揀小辣。小辣食落去都好夠味又可以接受。啲雞件份量都夠，味道都OK。食完後若未夠喉可以再加$20追加雞煲。我地就，擇留肚食火鍋，火鍋配料選擇都多。雖然如此，打邊爐食材都很豐富，而且上菜速度很快！美國肥牛，很新鮮。值得推介！

成大班老友食雞煲打下邊爐烚下烚下好過癮今次至尊雞煲9:30後入座仲好抵，只係$118一位！食雞煲前例牌都有啲自助小食。其中佢有個麻辣白魚蛋大大粒爽口障又彈牙個雞煲有大中小辣分，我地怕辣所以只揀小辣。小辣食落去都好夠味又可以接受啲雞件份量都夠，味道都OK。食完後若未夠喉可以再加$20追加雞煲。我地就選擇留肚食火鍋火鍋配料選擇都多。最鐘意食牛肉嘅我呢就覺得任食牛肉就真係唔好太有期望，食得到就算。不過如果你想食好啲就可以加錢要碟靚肥牛簡直感受到一分錢 一分貨嘅真理

看到有特價時段……七點半前離席$118免收加一！星期五第一次試至尊雞煲。因五時可到，不用book 枱、地方尚算寬敞。兩人近窗位，有足夠空間放火鍋料！先點了少辣雞煲、雖然等左10-15分鐘，也是值得！雞嫩滑，麻中帶甜，一送到便可進食，不用再烹燃！之後叫之牛肉水準也不差，惟火煱料不多！工作人員服務也勤快！反而熟食: 猪红、豬腳、沙羗雞脚更為好味！輕輕鬆鬆2小時任食……正、靚、底。

食物味道還是可以的，但是老闆態度完全不可接受。明明是特價118，專程五點半來，食緊個陣還確認是人均118。在19:31時候，老闆拿賬單過來，人均168。質問她，她話因為過了19:30，所以變成168。那你不可以提前告知我們？特意在過一分鐘后出單？竟然仲話：“如果可以當然要係七點半后收你啲全價！”。之前確認價錢，如果要變不需要同我們講？真是唔識做生意，太無語。之前果個男老闆好太多了。以後一定唔會再來。

個日同朋友慶生，想揾間可以借雪櫃擺嘅餐廳，但星期日好難揾位，所以一早電話預約咗book呢間，好正！任食！好濃味！飲品選擇又多！好飽食到！一定會再嚟！最緊要坐得舒服！

因為去完旅行，食咗成星期越南野，覺得口寡寡😕😕所以想食返啲野重口味食物，揀左雞煲依家雞煲真係開到總病一間喺左近但係越來越貴下下都二百幾以上所以都係揀返至尊平靚正👍🏼👍🏼👍🏼可能因為星期一又六點幾去嘅關係，基本上冇咩人直入就得啦服務都幾好，一坐低佢就即刻問你食咩辣度嘅雞我地揀左小辣上菜有少少慢，又或者可能因為我地肚餓😂啲雞都一如既往地惹味丸呀炸魚皮都一如既往地新鮮食到捧住個肚走🐷滿足返我過去清淡嘅一星期🤤🤤🤤

今日3行人黎到而到食雞煲，價錢好抵168加一，食物質素都好合理但係3個人黎食淨係比左一張2人台，放晒d碗都已經就黎無晒位完全理解做生意既重要性，但係如果可以考慮番客人既感受會好d