至尊雲吞麵雞煲

营业中

休息中

今日同朋友個女女，去完天水圍嘅濕地公園玩 即刻喺附近搵食啦 經過呢間至尊雲吞麵雞煲食個晚餐餐廳歷史久遠舊店喺元朗，最近喺天水圍開咗新分店 裝修非常舒適又大又靚，最緊要係坐得舒服星期一至四都係$178一位超級抵食 首先叫咗個藥膳雞煲 入面嘅滑雞份量夠晒多 雞肉嫩滑 索晒藥材嘅味道 湯底仲可以飲添 夠晒滋補養顏啊除咗一般嘅汽水任飲，仲有菊花茶，羅漢果水檸檬茶等等 叫咗杯檸檬茶有茶餐廳嘅影子肥牛同豬腩片 都夠晒新鮮，肉質紅潤肥瘦適中就算食任食 都要叫必點嘅黃金炸饅頭，炸得外脆內軟一啲都唔油膩，加上甜滋滋嘅煉奶超邪惡

今日嚟到天水圍Wetland嘅至尊雲吞麵雞煲兩個人星期一至五收費$178另收加一任飲任食大概7點到達餐廳Order咗個至尊惹味雞煲(中辣)個雞煲幾惹味屬於比較乾身嘅雞煲，雞件應該預先炸過或走過油我覺得有少少介乎辣子雞同傳統有汁雞煲嘅混合體整體嚟講比較香口偏乾炸饅頭，新鮮外脆內軟熱辣辣其他火鍋配料正常水準比較好味係個芝士竹輪另外有咖啡奶茶檸茶檸水豆漿汽水任飲整體都算滿意止到吓舖雞煲癮上配菜都算快同無出現漏單情況大部分店員都有禮貌不過最後衰喺收銀員手上我唔知道係無得碌卡拎住張信用卡去埋單收銀員態度麻麻咁講咗句”xxx卡機”因為太細聲，我真係聽唔到跟住你眼望我眼原來最後佢係同我講無卡機但我覺得態度可以好少少所以最後整體感覺扣左少少分

好耐冇食雞煲啦，今日同朋友仔嘆住冷氣食雞煲先得。搵左呢間至尊雞煲，任食任飲加埋一都係二百度，超抵呀！好，坐低揀個至尊惹味雞煲中辣先。個雞煲好香，辣味十足，仲有好多件雞，肥美又入味，食完都飽左一半。開始打邊爐啦，牛肉、魚皮餃、午餐肉都唔錯。各式丸類、豬膶都有。呢度另外signature 就係炸饅頭，真係即叫即做，金黃色饅頭加煉奶，超好味，叫左半打。呢度除左汽水，仲可以叫檸檬茶、豆漿、羅漢果茶，正呀喂！

上星期食完，未食已經一肚火。reception有個肥啲嘅女侍應態度非常差，好有禮貌攞位已經西樣，聽錯編號以為過左，問一問佢就答勁惡咁答「唔係你張飛」埋單又係，對望都冇，隻眼望上天又望地下，基本禮貌都冇，見佢對其他客都一樣，食野期間隔籬枱都有討論門口reception，先發現原來唔係得我一個係咁，唔怪得知而家少咗咁多人食。嘢食係唔錯嘅，但係服務態度真係可以好少少，連基本服務都冇，樓下茶餐廳都好過佢。真係冇下次！俾錢買難受

至尊雲吞麵雞煲 (天水圍) 天水圍濕地公園路1號Wetland Seasons Bay地下8B號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：至尊惹味雞煲 (包火鍋) $178至尊惹味雞煲：辣雞煲可根據同行朋友喜好，選大、中、小或BB辣，雞件烤至微焦夠惹味香口，用醬油煮至啡黃色，加上洋蔥、香蒽及莞茜，賣相討好，食完雞煲可以加湯轉打邊爐，絕對平靚正，超值！👍👍👍炸饅頭加煉奶：饅頭炸至金黃色，表面一層約兩厘米厚炸至通透爽脆，核心裏面卻依然保持柔軟，火喉恰到好處，最適合上枱襯熱即食，味道一流！😍😍😍火鍋配料肉類：推介肩胛肥牛片、豚肉片、鮮牛肉及鯇魚腩，肥牛片及豚肉片多雪花脂肪，交替食用滋味無窮，鮮牛肉彈牙有咬口，鯇魚腩夠簿切，塊塊有脆口魚皮裙邊，令人食指大動！👏🏻👏🏻👏🏻火鍋配料肉臟類：推介豬潤、粉腸及鵝腸，豬潤件件起沙，粉腸煙靭有口感，鵝腸脆口有彈性，味蕾最佳的享受！❤️❤️❤️火鍋配料雜項：推介鮮蝦雲吞、魷魚及油炸鬼，鮮蝦雲吞夠哂多蝦，魷魚白裡透紅夠新鮮，油炸鬼炸至脆卜卜，惹味非常，！😋😋😋飲品任飲：打邊爐食食下會好口渴，店方有自製豆漿及菊花茶，豆漿

至尊雲吞麵雞煲 (天水圍)地址 : 天水圍濕地公園路1號Wetland Seasons Bay地下8B號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐⭐服務指數：⭐⭐⭐⭐食物推介：兩小時任食雞煲$178（星期一至四）$188（星期五至日，假期及前夕）最近發現，天水圍濕地公園多了屋苑和食店。想起今天去完濕地公園，再幫襯至尊雲吞麵雞煲，真是賞心樂事！我們在星期四的夜晚，想不到這店7：00已經座無虛席，8：00走的時候，門口大排長龍。好彩，今天我們6：00到達，才可以不用排隊😊😊😊至於價錢方面，真是抵食夾大件！只需$200左右有齊雞煲、火煱、飲品任食任飲。😍😍😍餐廳環境舒適寬敞，富有空間感，清潔衛生，設計時尚。服務員殷勤，有不明的地方會細心回答。兩小時任食火鍋，選擇繁多,看到我花多眼亂，有11種不同的選擇：至尊惹味雞煲、酸菜魚煲、藥膳雞湯煲、濃汁蘿蔔牛腩煲、馳名咖哩牛腩、卜卜蜆雞煲（另加$98）、椰子雞煲（另加$60）、咸菜胡椒豬肚雞煲（另加$98）、重慶麻辣燙、馳名咖哩香雞煲店長推介：至尊惹味雞煲香滑雞肉、洋蔥、香蔥、芫茜等材料風味十足、香口惹味、食到舐舐脷！😋😋😋另外，這店

去濕地公園玩完後，來到附近嘅 「至尊雲吞麵雞煲」，呢間餐廳嘅位置雖然有點偏僻，但附近環境超級清幽。入去坐低，即刻就聞到撲鼻嘅雞煲香氣，流哂口水一定要講講佢地嘅招牌菜 - 至尊惹味雞煲！我哋點咗一份BB辣，上菜時見到裡面放咗超多好雞肉、之後加埋個湯底，真心正。咬一啖雞肉，口感爽口多汁，味道超濃郁。菜單都同樣豐富，有超過50種食物可以揀，無論係鍾意食牛、豬、雞、肉丸、蔬菜，通通都有！仲有嘢飲可以狂飲，幸福感加加加！話說我哋仲意外發現菜單上有得揀萵筍，當然要點一份試吓！超好味又新鮮！另外，炸饅頭加煉奶都超好食，力推。唔只食得開心，餐廳又坐得舒服，我哋食得超放鬆。美味雞煲、多樣嘅食物選擇，再加上舒適嘅用餐環境，令人回味無窮，為出走嘅一日畫上完美句號~如果係喺元天屯行開，一定要來呢度試試，保證食得開心

專程揀晚市食佢哋嘅放題雞煲，餐廳環境舒適，樓底高，冷氣夠涼，服務好好，去到門口已經有服務員招呼，仲會睇你嘅人數、有冇小朋友嚟安排合適嘅位置，冷凍櫃有汽水果汁任飲，仲有豆漿和凉茶任叫，有調味自助區自行調味，可以用QR code落單，又可以寫紙仔，落左單食物好快就會上到枱，個爐唔錯，好多湯都唔怕，好快滾。最窩心的是，每枱都有白色大碗用嚟裝骨頭，就唔會整到成枱都係。雞煲必食，真係好正，我哋唔係咁食得好辣就叫左小辣，雞感覺走過油，食落好香好滑，仲有芹菜芫荽蔥，洋蔥，正，仲可以加雞火鍋配料新鮮，任點任食炸饅頭都係必食想食雞煲又惊唔夠喉，咁就真係要嚟食佢哋夜市放題😋

天水圍新開平靚正雞煲放題星期一至四$178位/2小時星期五至日$188位/2小時設有自助調料吧有豉油、蔥、辣椒粒、蒜蓉、乾蒜和幾款醬料。🐰同朋友揀左至尊惹味雞煲叫左BB辣，上一枱雞既份量都幾足，而且係2小時期間可以不停加雞。雞炒得好入味，不會太鹹又不會太辣，🐰不能吃辣都可以接受，而且雞煲醬汁好惹味，仲有芫荽、西芹、洋蔥等配料。食完雞就可以加湯打邊爐烚下烚下，上菜速度都幾快下。肩胛肥牛片有牛味肥瘦剛好，種類都幾齊下。估5到有炸饅頭，外脆內軟，又炸得好香口，點埋煉奶好足真係好正！🐰覺得驚喜位係依間雞煲既飲品可以叫咖啡、奶茶、朱古力、華田、檸檬茶、檸檬水、檸蜜、菜蜜等等等，甚至仲有豆漿、涼茶！另外都有汽水都可以自己去攞～餐廳座位舒適寬敞，冷氣足夠，需加一服務費。======詳情======至尊雲吞麵雞煲天水圍濕地公園路1號Wetland Seasons Bay地下8B號舖👣輕鐵濕地公園站出步行約1分鐘================

至尊終於開到黎天水圍啦🤩平時想食都要去元朗或者屯門分店🫣由於佢地係少有嘅任加雞嘅又有手沖飲品嘅任食雞煲，所以特別受歡迎，次次去都要排隊先食到🫠一黎到等緊啲雞果陣梗係食炸饅頭😎炸得外脆而不油膩再蘸上煉奶，超級好食🤪啲雞本身係用醬爆炒熟左，一黎到唔洗等已經可以食得，雞件好惹味，不過第一轉要左中辣辣到流鼻水，第二轉要小辣又唔辣🤫啲辣度都幾難捉摸🤣🤣🤣🤣食晒啲雞就加湯打邊爐，我推薦加少少水落個竹升麵，個麵吸晒啲汁好好食🤩難得呢道有芝士竹輪任食點都唔可以放過😋同埋呢道嘅雲吞同水餃我都好鍾意食，水準都幾高👍

之前係元朗就已經食過佢地既任食雞煲😌都係朋友介紹過話好食🤤百零蚊有任食真係好抵！食完雞可以無限添加好正😊知道天水圍都開左間，梗係帶埋屋企人再去試試！$178任食到飽真係好吸引🤩首先我要讚讚呢度員工係勁有禮貌，我地6點入座人數唔算多，佢地安排左我地坐卡位，我覺得都好熱情招待我地😂見我地望住個Menu，就過嚟推薦下佢地既特色，最後我地點左個招牌：至尊惹味雞煲佢地都有推介炸饅頭，係元朗店已經食過好正😊必點！速度都好快，好快上雞煲，然後就即刻幫我哋上左饅頭，外皮炸得非常香口,裡面仲好棉密，配埋煉奶食真係好夾，食完會即刻想再食，我哋都即刻再點😂。然後重點既雞件都要比個大讚佢地😋其他雞煲店有機會痴住好多骨比你，但呢度真係啖啖肉，而且每次加雞份量都好足夠，雞肉好嫩滑，真係每一舊都係肉冇淨骨👍🏻而且夠晒入味，好香口😆唔會死鹹😎火鍋配料都上得好快，選擇唔算少，想食既基本上都有齊🤩，肉類，蔬菜，離丸，素食類乜都有！飲品櫃既都係汽水，想要咖啡同茶可以用手機點，我點既係羅漢果杞子菊花茶，好清涼，食雞煲飲就岩晒，仲有豆漿添🥰

開左甘耐都未去食過，日日收工經過都文到好香既雞煲味，超吸引，今日終於忍唔住要去試下啦！晚市無做散餐，只做雞煲放題，主要寫紙落單鍋底我地叫左至尊惹味雞煲！好大鍋，應該成只雞！因為唔食得辣所以叫左走辣。雖然係甘，但都不失雞煲獨有既香味！好香，好惹味！雞肉嫩滑有雞味，上枱時已熟晒可以即刻食。如果唔夠仲可以加雞添！食到差不多我地就加湯，個湯底超濃，食物吸晒啲精華，唔洗點醬油都好好味！鯇魚片夠嫩滑，鮮甜無泥味！魚皮餃好爽口，仲有最中意既芝士竹輪！滑牛肉如其名，好滑，一啲都唔鞋豬潤好爽口，淥一淥就食得，好好味，我地加單左幾轉！鵝腸出面買都好貴，呢度任食梗係食多啲啦！我估我地加埋成左成斤！好爽口！如果加落頭先個雞煲煮一定更惹味！！去到最後食返啲菜就滿足晒啦！因為個湯底好濃，完全能逼出菜既鮮甜味！超正！另一個賣點係個炸曼頭即叫即炸，好脆，加上練奶食無得彈！超好食！汽水可以雪櫃自己拎，仲可以嗌水吧飲品，如果有埋雪糕更正！職員友善，上菜好快，整體唔錯🤣好滿足既一餐！

住在濕地公園附近，揀咗間新開至尊雲吞雞煲餐廳試下。避風塘魷魚飯大碟抵食，味道還可以。但炸粉粉漿太厚，表皮唔夠脆身，試一次就夠。美極牛肉炒河不過不失。炒得夠鑊氣，河粉唔會黐住一嚿嚿，條條分明。牛肉生粉醃得太多，少左牛肉味，芽菜蔥頭比較少，如果多返d，整體係幾好食嘅。

見佢新開係屋企樓下，琴日試過午餐外賣，啲嘢食一般啦，叫個楊州炒飯，係無咩料，啲叉燒切埋都無一舊仔，好孤寒，聽人聽雞煲唔錯，唸住試下外賣屋企食，打電話問外賣啲野，回答嘅態度好差，最後仲cut線拍一聲🙄以後都唔會幫襯，

唔係普通雞煲嚟，係比個煲你d雞自己炒咁。叫響玲，癲到要切一半上比你。野食選擇少，野飲選擇多。4個人食，份量寫4，午餐肉上2塊比你。d野食紙係要問先比你，成間野比我個感覺係好度縮，打邊爐冇酒飲。呢間野200蚊，比學生食可能ok，可以當係聚腳點吹水。呢到冇得泊車，渣車黎要三思。係，天水圍冇野食，但係比200蚊黎搵個位吹水都要諗清楚。11點就截order，我9點半黎食，我每次問佢拎一張野食紙都提我11點就截。