臺北站 (已結業)

未講之前先講總結：難飲呢杯野我最後冇飲晒就掉左，我從來未飲過咁甜既炭燒烏龍，甜到不能接受！飲左都唔知有冇25%就已經掉左，之後仲要走入 7 仔買支水清清個口因為真係太多甜，令人感到好辛苦。除此之外，佢收錢收得好快，但收完錢竟然要等20分鐘至有野飲，下？你唔早d 講，我因為都幾趕時間，加上佢根本冇講，而且人唔係真係好多，10個客都冇，但沖一杯野竟然要20分鐘？於是我問佢可唔可以 cut 左佢退錢？我都估到唔得架la，但係冇諗過佢既理由係「唔好意思，已經整緊。」我不禁講左句：家陣整緊都仲要等20分鐘？佢再答我盡快.......最後，呢位姐姐冇呃我，真係快左，但係要15分鐘

上癮茶味夠珍珠夠Q(台灣人形容口感煙韌叫Q架)又唔會太多冰慢慢飲唔怕冰溶哂溝稀o的茶啜到底仲係咁正唯一彈嘅係次次幫襯硬係講幾次至明我噏乜？？？口頭禪

吃過了很不爽快的炒麵麵包，立即要找東西清理口腔，一於就走到對面的台北站吧，看看這間主要在新界區有分店的台茶店又如何。由於Quota不多，要試就試最有代表性的，就來一杯珍珠奶茶吧，但一杯看來不複雜的珍珠奶茶，也要我等了幾近二十分鐘。最後都終於有得喝了，吩咐了少甜少冰，也果然不太甜，合我的心意，但茶味就只能勉強喝得出，唯有自我安慰說，有茶味已是走運，但事實又真的是很多台茶店賣的茶真的如水一樣的，真神奇，莫非大家有交水費就可以做生意？另外奶味也是一如一般的茶檔，不是下鮮奶下奶粉的，又怎會滑。幸而珍珠算是有咬口，而且是有點甜，但又不過份，所以不錯，但對比於水研茶社的珍珠，確還是差了點，但也可說是中上的級別了。好！The Next Station is…

元朗近幾年真的有不少平靚正食店進駐，這天剛巧來到臺北站，品嘗這杯在台灣美食潮中，扮演著重要角色的珍珠奶茶。一杯好的珍珠奶茶，要在奶味和茶味中得到個平衡之外，還要珍珠的口感要做得Q！說時易做時難，可真難在香港喝到好喝的珍珠奶茶。珍珠奶茶準備工夫：大多店在機造後都沒有用手搖，這間也不例外，要自己再搖一搖。味道：奶味遠蓋過茶味，口感順滑，但始料過甜。唯獨珍珠口感很Q，份量也多，實屬水準以上之作。由於當時是新開的關係，排隊時間也頗長，但可接受。這段位於市中心的千色店旁邊，方便易找。如若在附近逛街感到口喝的話，這兒有一試的道理，但本人不會Encore了。

相信元朗人一定飲過『臺北站』嘅『珍珠奶茶』。講真,一開始嗰陣真係幾好飲,啲珍珠又有得揀大定細,又夠咬口。日日大排長龍,最耐試過等成30分鐘,人多果陣試過漏單,所以要問下個服務生。不過之後越開越多呢類型嘅台式飲品店,咁就有得比較。今日趁天氣凍,走去買杯熱嘅珍珠奶茶+比利時薯條,盛惠$32元。熱珍珠奶茶飲落比凍嘅甜小小,不過都好飲,下次叫小甜先。至於個比利時薯條,我配荷蘭濃芝士,好味,好好味,一定要趁熱食。呢排新出咗薯波,又係加忌廉醬,我之前係台灣西門町試過瘋薯波,可能個靚仔心情好,啲醬太多,好似食cream多過食薯波,如果下次買唻食一定唔可以太多醬。如果以現時咁多台式飲品店唻講,臺北站係一個唔錯嘅選擇。呢間店有好多間,屯門、上水…,不過聽講間間品質唔同,始終唔同人沖出來,正常嘅~元朗呢間係唔錯嘅。熱珍珠奶茶 : $12比利時薯條 : $20

我又覺得唔錯.可能我之前個一天飲左杯難飲的..相比下呢間台北站珍珠奶茶味道中上.奶同茶味一半一半......又不太甜呢次又好似多左珍珠....感覺好un另一杯買埋我阿媽飲.佢就只係識講..好清.好飲.....解渴.哈服務..比起元朗廣場個間好...好認真做事我只等左5分鍾....呢間店係我第一次認識台式飲品.同偶遇一個好耐無見,而我好尊敬的人的地方值得紀念.總結唔錯啦......

元朗呢間..之前都聽人講過麻麻地..早幾日所以特登去試下個珍珠奶茶..等左20分鍾左右..基本上幾好味wor有奶味都有茶味! 正!不過d店務員態度麻麻!前日去我男朋友屋企附近..原來藍田匯景都開左一間臺北站..咁就去試下啦個時係下午..3,4點左右,,好多學生排隊去買..見上次試完個珍珠奶茶..今次就試下個青蘋果綠茶加大珍珠再黎多個薯波...一飲超好味><d珍珠有甜味好好食,,再等多10分鍾到個薯波有啦,,今次就叫左個白箘醬..d薯波好脆..個醬酸酸地幾好食ge...美中不足係d醬小左dddddd~~值得一提就係d店務員服務幾好~幾快手快腳~!! =]

話說最近臺北站一詞在朋友之間流傳甚廣,就係某日經過時買左一杯試下,等左好耐先買到一杯葛珍珠奶茶黎飲= =我都開始懷疑...明明飲凍野係為左消暑.....但我等到身水身汗....為咩?飲左第一淡,個感覺就係一個字.......甜得個甜字,甜到阿媽都唔認得,我諗要叫真係要叫超少甜,冇咩茶味,一D都唔香,冇珍珠奶茶個種奶茶香,D珍珠都好難食,雖細細粒好似好得意咁,但食落冇珍珠個種"煙UN"感,比起飲過的地道台灣珍珠奶茶黎講,真係好唔掂飲過一次就算,應該唔會再去買,話哂,元朗咁多地方有野飲賣

近月臺北站在新界區擴展甚快! 今日去元朗食豬腸車仔麵就順便去千色店試一試! 結果發現是一點也不值得去的。這麼多人究竟是元朗無其它選擇? 還是大家對飲料無要求呢? 真的不明白! 點了一杯珍珠奶茶， 少甜。時間: 下午 2:13pm 落 order, 2:27 取茶 -> 14 minutes 味道: 茶味 -> 沒有， 同飲奶水差不多。 少甜後比我飲開既正常還要甜!珍珠: 一點也不 "煙 UN" ， 食麵粉嗎? 真的可一不可再呀!

最近, 香港人又興返台北的"珍珠奶茶", 首先係係旺角等旺區開店, 一d旺店如"輕鬆飲", "貢茶", "小巨蛋" 等等ar, 都各有自己的fans, 近呢幾個月, 呢陣熱潮終於吹黎元朗啦...係元朗千色廣場開始間"臺北站", 專門賣台式飲品, 兼賣d薯條, 薯波等...每日都大排長龍, 而且四一柸野平均等around 20至30分鐘今次試左柸"朱古力珍珠", 呢個係聽人介紹ga, 但係我就覺得味道麻麻咋(可能係d冰融左的關係啦, 個朱古力味好淡)我就唔覺得佢值得等咁耐啦

平時見到勁多人排隊, 所以好想試, 但係因為真係太多人, 所以一直未試~o個日食完飯, 又咁o岩見唔係太多人, 就諗住買杯試下啦~因為之前見到雜誌介紹話佢的焦糖可可用足類, 所以就買杯試試~雖然係門口等的人已經少過平時一半, 但係我的一杯野飲, 足足等左4個字有多, 我一路企係度睇, 一邊見佢臨放d 飲品入外賣袋的時候, 係咁搖佢, 其實都唔知搖o黎做乜, 人地係拎走的, 拎走的一段路, 你應該點係之前搖, 都沉晒係底啦... 唔知係咪咁先堆左一大堆人係門口.好啦, 等左4個字, 終於到我, wah...一飲, 好難飲, 得一陣苦味, 完全冇焦糖味, 感覺只係用勁多朱古力粉加上水開成咁, 結果我好辛苦咁飲左1/3 杯就掉左lu, 我諗我以後都唔會再幫襯佢啦, 我自己係屋企沖都好飲過佢~

帶朋友去試完士林勁好味身牛肉麵, 過隔離試下呢間見親都排長龍既台式珍珠奶茶, 問收銀姐姐要等幾耐, 佢話大概要20分鐘, 見唔係太耐, 就一於等下, 睇下佢係咪值得排長龍, 點左最大路既大杯珍珠奶茶, 12蚊, 等左25分鐘到手, 飲落果然有d與眾不同, 不太甜, 珍珠軟硬適中, 很有口感, 有茶香, 又唔似平時飲個d類似港式奶荼既珍珠奶茶甘濃味, 很清香, 而且夠大杯, 飲完成杯岩岩飲到夠晒喉, 唔似HAPPYXXXXX細細杯唔夠喉.

有日同朋友行街見有d口渴就特地來呢度排隊買野飲見到7月推介係焦糖可可諗住10蚊有700cc咁抵就試下啦排隊已經排得ok耐等亦要等很耐員工的手腳似乎有點過慢了終於到我拎住杯野飲嘩 乜d顏色同相入面咁不像係深啡的 好奇怪諗住應該好濃可可味一飲 死火係我最憎既糖+水深色只係假像佢既可可味係極淡 試圖以勁甜來掩飾佢淡既事實太差了!!!更甚的是焦糖味竟然是變左炭燒味!!!最後呢杯焦糖可可係變左炭燒糖水救命! 我諗我以後都唔會再黎飲野!!!朋友叫了巨峰線茶是正常的 但道地巨峰好似抵飲好多另一人叫了玫瑰奶茶味道是可以接受的但係個顏色太過化學而且仲用一d好似染紅左既紙巾既物體扮玫瑰花我諗以後來只可以食薯條!!而且真係唔值得等咁耐!!!

早幾日帶個台灣朋友周圍玩~返到home o既時候經過千色店~由於佢o係台灣都係沖珍珠奶茶o個行~諗著叫佢試下香港o既珍珠奶茶~俾少少意見咁啦~點知我同佢足足等o左50分鐘有多如果係人多呢D一般情況我都接受~但係成間舖差唔多十個人~出貨都咁慢仲要遇到封杯機壞咗!!!壞咗都算~最慘竟然冇人識整~醒少少o既都識得用杯蓋cup著先~渣渣林俾野飲客人先啦~成村人企晒係度你眼望我眼.......有人龍的原因大概是因為手腳慢而非人潮的關係吧...搞咗一大輪~終於等到杯野......我同我個朋友都未見過細珍珠~就一齊叫咗杯招牌珍珠奶茶配細珍珠~一飲之下~我朋友就問我呢杯係咪珍珠奶茶？佢話似奶水多過茶(奶跟茶的比例不平衡的關係)，奶味重過茶味(奶精的關係)，而且味道有點淡(可能D冰溶咗既關係)然後到珍珠，佢覺得以呢間珍珠奶茶點的水平嚟講~整細珍珠有D多此一舉，因為佢地唔太識煮珍珠，導致佢地D珍珠好"團結"，一飲就好似吞咗成堆保濟丸入口，佢仲補充話其實台灣以前就已經有細珍珠，但係細珍珠煮好之後比較容易黏在一起~其實只要有技巧的話其實亦有辦法解決的~但方法不在此多談~仲有佢話有D珍茶奶茶店如果有賣阿薩姆(印

早前朋友生日, 一大群人到南生圍郊遊去,不過大家也沒有帶喝的吃的, 郊遊之後便成為了一大群餓鬼記起聽過千色廣場附近開了間以薯條著名的小食店,因此便到這店子先治一治五臟府~珍珠奶茶:口很乾, 價錢便宜, 而且很多人也喝, 所以就點了一杯來試試　　　　　　　有些朋友說太甜, 一開始我也不覺得說甜的, 　　　　　　　不過喝到一半就真的覺得有點過甜, 當天的珍珠是小的,　　　　　　　我挺喜歡這個size, 不過我的肚子是一喝珍珠奶茶就會很脹, 不太舒服　　　　　　　所以我也對這沒有說特別喜歡的芝士薯條:另外和兩個朋友share一份, 薯條是粗和大條那種, 而且還是脆身,　　　　　　　很合我的口味! 不過有一點是不太好的, 就是醬太少了, 　　　　　　　吃到一半時已經有點「不夠用」的情況總括來說還好, 不過超級多年輕人@@ 店員們也應該快忙死, 所以也不要說要求很好的服務啦, 我想我會再去嘗試其他的^口^