臻味冰室豬扒酸辣米線

营业中

休息中

平時喺屋企附近食40幾蚊嘅午餐都係得幾粒魚蛋加個河粉🍜～ 今日就嚟新年喺公司附近好多舖頭都已經冇開！所以就去咗試吓依間酸辣米粉點知都幾有驚喜🥰 我叫咗佢哋最出名嘅豬扒酸辣米粉！ 本身唔係食辣～ 所以掙扎咗好耐應該最少辣定係清湯～ 最後因為我想食酸嘢，所以就叫咗小辣去到拎外賣嘅時候，諗住問吓職員係咪小辣先會有酸味!! 出奇地佢哋態度勁好仲答我係呀清湯嘅或者會落蘿蔔返到去一打開個米線～嘩，勁大塊豬扒😍😍正最後食完都超級大滿足但係米線量就唔算好多～但味道同豬扒都真係好好食外賣嚟講真係算唔錯下次都會再叫！

「臻味」有幾間分店，一直以CP值高和多樣化的米線選擇吸引不少食客。以往我多數光顧牛池灣附近的分店，這次則選擇位於九龍灣的分店。由於正值午餐時間，人流相當多，我等左一段時間先被安排搭檯入座 🙈🙈這次點了一如既往的招牌豬扒酸辣米線，這道米線是我每次光顧的固定選擇。酸辣湯底的味道表現尚算正常，不過辣度偏低，酸味也不算特別突出，屬於比較溫和的大眾口味 🤔 豬扒的份量相當足，這點值得一讚，對於這個價位來說特別有誠意。然而，豬扒的口感稍嫌偏硬，雖然調味尚可，但隱隱約約帶有一些雪藏味，但考慮到這碗米線只需$45左右，性價比還是很高 🤣👍🏻總體來說，臻味米線是一間經濟實惠的選擇，特別是當你想快速解決一餐時。雖然食物水準不是特別驚艷，但以這個價位來說，已經屬於合格的水平～🌟

➲ 九龍灣 臻味冰室豬扒酸辣米線米線當之無愧係午餐最佳選擇方便快速好食飽肚之餘又平民酸辣湯底開胃又惹味豬扒最好食嘅狀態係肉質一絲絲秘製做法每絲都十分入味熱辣辣上枱每次都一啖接一啖唸唔到食咩就會自動食呢間係九龍灣打工仔飯堂首選➳ 秘製豬扒酸辣米線⤵ 臻味冰室豬扒酸辣米線九龍灣常悅道13號瑞興中心地下A號舖

臻味冰室📍九龍灣常悅道13號 瑞興中心地下A號舖今日去到臻味冰室，點選了一份蘿蔔菜，來到的時候發現只有三片薄薄的蘿蔔，非常失望。朋友點了牛脷米線走酸辣，味道份量正常啦。反而他那碗米線內都有三片蘿蔔，對比下更加不合理吧。

以前一直幫襯開牛頭角嗰間分店，覺得好好食兼好足料，今次去九龍灣見到開咗分店，食完發現完全兩回事。韭菜餃裏面無肉只得韭菜，雲吞入面舊肉只得一格尾指size，幾乎成舊都係皮，未試過食淨咁多，被迫做大嘥鬼，唔會再去。

星期三同朋友黎到Mega Box 行吉之島，見到呢間臻味𣲙室，唔知原來九龍灣都有分店，以前幫襯開佢地牛頭角分店，呢到既面積同環境都比牛頭角分店好，而且有卡座位提供，座位都幾寬落。我地坐低巳經決定好要點佢地既招牌菜豬扒酸辣米線，好鍾意佢地既湯底麻麻辣辣既真係好正。食物上枱，豬扒好大塊，外脆內軟，肉質唔鞋口，湯底仲加左花生，令口感更富層次感，好滿足。🔎臻味冰室豬扒酸辣米線 (九龍灣)📍九龍灣常悅道13號瑞興中心地下A號舖

其實之前同同事食過好幾次，每次個質素都好飄忽，時好時差。今日天氣好凍，同同事去堂食，諗住暖下個胃。入到餐廳，已經等咗好耐先有嘢食，結果大家食咗幾啖，都一致認同係超難食 🤢 個「湯」根本係熱水加辣油，再加酸菜同其他配料。米線一d味都冇，反而有水喉水味，我食咗幾啖冇食啦 😰 2024年加左價，食物味道反而差咗咁多，真係以後都唔會再食，食完激到一肚氣😡😡😡米線$48冇套餐，飲品要正價，要加$16先有一杯熱飲。價錢唔合理🤯🤯

呢次去咗間臻味冰室食晚飯，聽講佢地嘅豬扒酸辣米線名滿觀塘，我當然唔會錯過。一盤嘅豬扒米線，辣度啱啱好，帶嚟嗰種微微嘅麻感同清新香辣，酸菜粒粒分明，吞落肚真係過癮！🌶️ 而啲米線，輕輕一捞就覺得有勁滑嫩，「好食過癮」就係講緊佢啦！唔得唔提，佢地啲脆香雞中翼都好誘人，雞皮金黃香 crispy，入口即化，啤啖雞汁，味道真係層次分明。🍗 同啲豬扒比起嚟，可能雞翼略嫌唔夠突出，但嘗個新鮮都無傷大雅。食完呢碗米線，成個人都暖笠笠，胃口大開。强推呢個味覺旅程，忍唔住仲想再嚟一轉！搞到我而家行過觀塘，唔自覺會搜一搜有冇「臻味」，哈哈～👍🥢

11:00咁早去咗九龍灣食臻味豬扒酸辣米線重叫左個蠔仔小食 $40一上枱勁多蠔仔 全部肥嘟嘟 加埋啲花生酸菜麻辣會唔會太正？連我平時唔食蠔都覺得好值得食再叫左個牛腱米線+腩肉手撕雞米線牛腱好香牛味 好多塊好抵食，腩肉明唔明餐牌寫脆皮 但其實係普通五花腩肉😹手撕雞就少得過分 幾條仔 下次可以唔使嗌叫其他餸重好呢種麻辣真係好過癮，好正晨早流流食，簡直食到醒晒 成個口腔都好刺激而家食完都回味無窮 好想再食多次😹😹😹重口味 正！

喺屋企叫外賣，見呢間連鎖米線舖有好多分店，諗住應該冇死啦，點知中晒伏！我嗌咗個酸辣豬扒米線，第一，佢個酸辣湯唔係熬出嚟，而係喺碗米線度加入酸菜同辣椒，然後另外畀一兜味精湯你加入去，咁就係個酸辣湯！個人認為呢種酸辣湯毫無誠意，而且酸辣味道亦冇乜，只係飲到濃烈味精味！第二，塊豬扒睇落炸到金黃色，好似好吸引，但食落就瀨晒嘢，稔到飛起，擺明落咗好多鬆肉粉，已經失去原本豬扒嘅質感，再加上塊豬扒係完全冇味架，我都唔知食緊乜！第三，個上海麵一挾就散，完全唔煙韌冇口感，食落好似稔咗嘅烏冬，亦唔掛湯！真心唔明點解呢間鋪頭可以開到咁多分店！

呢間嘢我應該係常客嚟㗎 水準不錯 坐得舒服佢啲米線嘅價錢大約係$40-$50我覺得價錢都幾公道而且米線嘅水準都keep住係幾好通常我就會下午茶嘅時間過去坐而且地方都算好大人環境都幾好下午茶嘅時間嘢飲，會有半價嘅優惠但係lunch嘅時候嘢飲係正價我覺得佢都算坐得幾舒服下午茶嘅時候，可以獨霸一個卡位米線酸辣米線，我通常都會嗌肥牛米線，又或者係韭菜餃米線 見下圖就係肥牛酸辣米線了我平時可以叫小辣 （平時食開譚仔嘅麻辣二小辣）唔食花生嘅話可以叫佢走花生🥜，因為佢平時都幾多花生的

因為工作經開megabox附近，行下行下見到D間餐廳門面都OK，而且過咗食飯時間都咁多人，所以就入到試下啦，入到去坐低看看餐牌，原來成餐牌都係米線，點解我會咁樣講，因為餐廳名稱是冰室，但原來此餐廳是主打米線的，這個也不太重要，因為我米線都非常喜歡的，最後我點了一個牛舌麻酸辣米線，凍檸茶，值得一提是個牛舌，非精淋，而且有牛味，最重要係份量多，大約有十塊左右，非常夠食，湯底值90分，野飲值90分，經開這裡我必定再食

一碗重口味, 即係又酸又辣架云吞米線 盛為$38蚊, 外賣加一 即$39。呢碗米線有4定5隻雲吞, 韭菜口味黎既, 味道都OK, 線質都冇咩大問題, 麵量都算多。唔會太辣或過酸。整體黎講都OK LA , 冇咩特別。

Intro: 香港都有幾間好出名嘅豬扒米線，呢一日去到九龍灣想食豬扒米線，就去到臻味豬扒米線，以前番工嘅時候幫襯過，記得豬扒幾大塊，酸辣湯底夠，以前嘅時候近年由38蚊食到44蚊，應該每年加兩蚊，而米線嘅份量少咗，時間真係過得特別快啦～___________________🍽 秘製豬扒酸辣米線💰 44 ⭐️8/10✍🏻 豬扒有三大塊，醃得好足料，有少少香茅味，好有咬口；✍🏻 雖然走左青，仲有酸菜、花生等嘅配料；✍🏻 今次叫左少辣，酸味夠但辣味唔夠，食完個咀仲有一啲「麻」嘅感覺✍🏻 米線唔算連續一大條，但幾彈牙好好咬口；___________________🏠 臻味冰室豬扒米線📍 九龍灣常悅道13號瑞興中心地下A號舖⭐️ 8/10___________________

臻味冰室豬扒酸辣米線網址: https://s.openrice.com/QrbS0zta500~ujLoTBA地址: 九龍灣常悅道13號瑞興中心地下A號舖電話: 23885168=====================臻味豬扒酸辣米線 ($42)豬扒好軟嫩，唔會太硬，入口即化。酸辣汁夠酸夠辣，啱啱好，唔會太濃味。米線煮得好滑好Q彈，同埋同醬汁完全融合，令味道更加豐富。仲有啲花生配料，令口感更加平衡豐富。$42嘅價錢都算合理！~~~~~~~~~~~~~~~~~~~~~~~~~~~~