影片
营业时间
星期一至日
11:30 - 22:00
以上资料只供参考，请与餐厅确认详情
叫咗一杯爆柠四季春少甜，我张单系320号，前面𠮶个人同我叫同一样饮品，但佢冇少甜，佢系319号，我行咗一阵返嚟拎饮品，见到只有一杯319号嘅饮品，咁就继续等⋯等咗10分钟左右见到迟过我哋Number𠮶啲单都攞咗，忍唔住问女员工我哋320号嘅单做咗未？跟住个女员工就指住枱面𠮶杯319号饮品就话呢杯系我哋⋯冇错的确系爆柠四季春，但张单好明显系上一个人，上个客人拎错咗我哋𠮶杯饮品，我哋就要攞返佢杯嘢饮？攞返都唔紧要，重点系我哋杯嘢饮有叫少甜，上个客人𠮶杯嘢饮冇叫到少甜⋯𠮶两个女员工竟然可以话个杯冇写住少甜嘅饮品嘅甜度啱我哋㗎啦～（有影到319号系冇写少甜嘅）呢两个女员工完全冇确认过客人系咪拎啱饮品就任由佢拎错饮品而且𠮶段时间系非繁忙时间只有一两个人等紧，𠮶两个女员工净系做完饮品就放出嚟，客人埋嚟拎完全冇对过嘢饮啱唔啱就由得佢攞⋯就算整好咗嘢饮个女员工从来都唔会叫号亦唔会叫客人拎嘢饮⋯只系摆晒啲嘢饮出嚟，啲客人梗系拎错啦！喺我哋等候期间已经见到出面整嘢饮𠮶位戴眼镜扎一条辫嘅女员工，搞错咗人哋𠮶杯嘢饮上面加嘅材料，同埋差啲比错其他嘢饮个外卖车手⋯完全系错漏百出⋯其实果段时段真系唔多人㗎，个女员工俾多少少心机就可以改善到呢啲问题⋯希望贵公司可以再培训呢个女员工，嘢饮还可以，只系服务真系有待加强～
继续阅读
今日系经过朗豪坊,有少少口渴,经过臻茶, 心血来潮去买杯芝芝多多莓饮落好似用草莓雪糕打冰,应该唔系用新鲜士多啤梨,奶盖好咸,第一次帮衬,亦系我最后一次帮衬这个价钱,真系好伏,
继续阅读
行经朗豪坊，又有少少口渴，见到有间茶饮店就即刻试试🤤，佢仲做紧优惠添。📣📣📣芝芝桃桃 （特价：$34）🍑厚厚嘅芝士奶盖，加上清爽嘅水蜜桃，有粒粒果肉，简直系完美组合。🥹呢杯做紧特价，小编又钟意桃味，一定要试啦！芝士荔枝 （$38）🧀奶盖同样非常浓稠厚实，浓稠到好难先倒到落口🤣 奶盖亦重cream cheese 味，美中不足嘅系个人觉得咸咗少少🤏 底系荔枝沙冰，荔枝味重，但当然唔会系全天然㗎喇，甜甜哋尾段带少少酸，唔会好甜腻，仲平衡返浓厚嘅奶盖，好味！
继续阅读
嗌咗一杯芝士多多莓 微甜少冰（$38）份量都大杯，芝士奶盖厚，浓芝士味，不过草莓奶偏甜，整体不俗。另外一杯满杯红柚 微甜少冰($32)红柚份量足，不过冰偏大，似沙冰感觉，味道正常发挥。
继续阅读
今晚约咗朋友喺旺角食饭，食完就系朗豪坊行吓街，行过呢间嘢见到都几多人排队等嘢饮，好奇心驱使下走埋去下睇吓，嘢饮款式都几多，而且见到咁岩我最爱既奶盖饮品做紧八折优惠，紧系要买杯黎try try 喇( ´ ▽ ` )ﾉ嗌左杯芝士桑莓 $34习惯性都会叫少甜因为好怕啲嘢饮太甜，会感觉似饮糖浆最后好彩有叫少甜，少甜咗之后系平时买嘢饮嘅正常甜度，下次买我应该会醒目啲会嗌半糖🤣成杯嘢饮都系沙冰，觉得个茶底比较少，冰太多，奶盖就咸甜适中，整体不错
继续阅读