舊西貢越南料理

营业中

休息中

中午外賣午餐order✳檬粉來的是米線，跟餐廳聯絡他說這是越南正宗檬粉，叫我自己上網看看，態度極之惡劣。成碗米線也是碎，好像人家食完混在一起再買出來。不會再有下次。

第一次去食，服務幾好，態度友善。下午茶時段，唔使等位，大把位坐。叫咗一個五香肉丁炒飯同一個蟹頭膏炒飯，嚟到兩碟飯賣相都係差唔多，似係同一個飯底，另一個加咗五香肉丁。蟹頭膏炒飯，食唔出又任何蟹嘅味道。柚子蜜，入面有一朵茉莉花，可能係個花茶味同個柚子蜜唔係咁夾，搞到杯嘢飲都怪怪地味道。同事食五香肉丁炒飯話味道正常，凍檸茶味道都係有啲奇怪。另外有同事食粉都話OK。應該短時間都未必再去食，或者去食要試越式粉麵。

2024/04/12- 首次食評今日下晝同家人行開觀塘個頭，路經哩間餐廳，係門口望緊餐牌個陣就已經有個好熱情既姨姨招呼我地入座。入到去已經有幾枱客人食緊野，環境算闊落、坐得都幾舒服，冷氣都好夠，但係吾會太凍，燈光都充足，氣氛十分休閒，好適合食下午茶：）我地三個人叫左4個餐： 2x生熟牛肉河粉、雞扒撈檬同埋無骨雞飯。食物口味因人而異，份量同品質都ok，不過不失。不過值得一讚既係服務態度真係好好，仲好細心咁照顧客人既需要（見我地想happy share，仲好主動咁問我地要吾要攞多個碗仔），對老人家既態度亦十分有耐心，仲好親切咁互動，今時今日咁既服務態度真係好難得，用餐過程輕鬆愉快，好耐無遇過服務、食物品質好既餐廳了，希望一直keep住下午茶餐平均5、60蚊（送一杯熱飲）下次經過會再去食的！☺️☺️

一個人諗唔到食咩，已經返食咗幾次！試過生熟牛肉河，湯底夠濃足料。必食推介炭燒豬頸肉，店家秘製，夠入味，唔會成口都係油。沙律方面，大蝦柚子沙律，米紙卷，青新開胃。仲有要試嘅係正宗越南咖啡，本身唔係好飲甜野，但個咖啡夠香夠濃都不錯。

觀塘宏利金融中心舊西貢越南料理～一條友最鐘意去d坐得舒服既店食野，經過門口有姐姐好熱情咁介紹，我話去完廁所過黎，佢話陣間見，感覺有誠意，所以入去試下！下午茶雞亦撈檬$50包熱飲，不過我飲龍眼冰可以+$13，下午茶黎講唔算好平，但都幾大份。雞亦即炸熱辣辣好味！撈汁偏酸，岩鐘意酸既人，我個人就鐘意甜口d！不過都算ok！龍眼冰好大杯，又夠甜，好飲！最緊要姐姐好禮貌好招呼，坐得幾舒服，食野都開心d，有陣時某d餐廳就係小左d招呼，入去食野好似受氣咁，呢間做到幾親切，希望keep住d好員工

都有一陣子無過黎宏利廣場食野，行行下見到有間新開嘅越南野，所以就去試下。門口有個姐姐企左係度，佢服務態度好好，好Nice咁問我係咪一位，仲好好笑容咁帶左我入餐廳。入到去就幾乾淨整齊，坐位都算闊落，都幾多野食揀，最後點左熟牛筋腩河，份量大，味道不錯，都食得幾飽，下次有機會再幫襯。

叫了豬扒檬同生牛河下午茶，飲薑蜜周凍0茶，加了点心蔗虾。豬扒檬算好味，但豬扒切得好幼同較薄，有一條大部分係骨，牛肉就用了較硬部位，不是一般越南生牛肉用的，較硬又有筋，薑蜜就好孤寒落了極少蜜，完全冇蜜糖味，蔗虾更差，得一層皮包蔗，冇乜虾料。好彩問清楚，蔗虾單点要$28有4條，蔗虾下午茶又係$28冇寫明多少條，問清楚原來得3條，即是唔算抵了。本來味道OK，但用料非常孤寒，用料同正宗越南彩有好大距離。坐得OK寬躺，但是茶餐室水準。侍應服務算好，積極介绍。

星期六下午, 人唔多，可能因為樓上 office冇開，附近又冇住宅。食物份量夠,味道也不錯. 食咗蟹肉蕃茄同埋火車頭三色冰,豬肉米紙卷. 各樣食物味道也不錯.個人覺得三色冰同蕃茄蟹肉檬算係比較出色，性價比也算高， 會再返嚟試其他菜式。

本來諗住食齋😂點知行過隔離呢間<舊西貢>比門口姐姐拉客咁叫咗入去，服務態度超級好，就係最搞笑我叫咗個撈檬粉，佢哋唔記得俾個汁我倒上去，結果我問點解個撈檬粉咁乾先話唔記得咗俾我。。。食物同嘢飲都好好味。

經過觀塘碼頭，唔知有乜好食，行行下見到有間新開嘅越式餐館，就膽粗粗入去試下啦~平日午市時間都要排下隊，果然新鮮野多人試。等左一陣就有位，餐廳用自助下單形式，揀左雜錦金邊粉，餐飲要左三色冰。黎到見到勁多蔥，好在我都唔太怕食蔥，還接受到。金邊粉份量算多，有蝦、蛋、魚片，味道尚可，但沒甚驚喜，湯底一般，三色冰就重椰奶味，中規中矩。以呢個價錢來說貴了點，或許可以再試一次，試下佢地嘅湯河或飯，看看會否更好一點。

公司附近新開越式食店，午市時間12時15分不算旺場，店員安排座位後叫我們自助下單，load了很久才入到主頁，還是放棄自助模式，叫人落單。第一次試食我習慣揀最基本的菜式來試，今次就點了一碗生熟牛肉湯檬粉，可揀牛湯／雞湯底，不需考慮下揀了傳統牛湯底，餐飲可跟港式奶茶咖啡檸茶檸水，轉特飲和滴漏咖啡需加錢，我點了滴漏咖啡。大約等了5-8分鐘餐就送上，我被湯粉上的青蔥份量嚇了一跳，再夾起檬粉一看，同平時食的檬粉完全不同，口感像上海煨麵，本人不太喜歡，生牛肉方面，多根肉韌，熟牛肉反而好少少，牛湯味道尚可接受。滴漏咖啡沒有傳統獨特口味，同港式咖啡走差不多，如再光顧可以慳番＄20。