良記滷水大王

营业中

休息中

食晏不二之選，食過鵝片飯，今次試墨魚，都好好食。久不久就想再試。2併又唔貴。鵝肉肉質鮮嫩，與墨魚汁，完美融合。飯菜色澤誘人。絕對是不錯的選擇。推薦大家灣仔黎試食。一班飯腳齊齊到。

銅鑼灣美食👍👍👍這道滷水鵝滷水墨魚飯是非常經典的台灣便當料理。鵝肉和墨魚肉質Q彈爽口,入口即化,搭配滷水醬汁醸造出淡淡的鹹香。飯是用優質白米熬煮,粒粒分明,吸附了醬汁後更加入味。整體口感既有肉質的彈牙感,又有米飯的綿密感,讓人不禁多吃一碗。它簡單卻不簡單,是台灣家庭餐桌上永不過時的美味。

和幾個同事光顧了這間潮州小店，一心想來吃滷水鵝，誰知道原來他們的蠔仔粥亦相當吸引。我們五個人叫了兩個滷水鵝片飯午餐，一碟拼鵝腸而另一碟拼鵝肝，再叫了一鍋蠔仔粥和一碟小食。先來每人送一碗例湯，天寒地凍來得正好。滷水鵝片份量一個大男人也一定夠食，每碟鵝片也有八至十件，飯份量亦相當大。鵝腸現在比較少地方有，爽脆不肥膩，鵝肝就比較硬，但勝在甘香。一鍋蠔仔粥應該有大概八碗，蠔仔的份量絕不欺場，而粥內有很多其他潮州材料，例如冬菜、少少方魚等等，相當好味。小食方面，墨魚豬耳也令人回味。豬耳爽脆亦不太肥膩。總括來說環境是一般，但食物是值得讚賞的，快快吃頓飯絕對值得推介。

由於要返學，今日又係來自灣仔女朋友買既愛心外賣💕而今次係鹵水鵝飯🦢一開盒就俾鹵水鵝既份量嚇親，係塞滿曬成盒飯😱而飯都係壓到實一實，完全冇走雞。至於鵝既質素都好出色✨主要係薄切既鵝肉為主，亦有較厚切既鵝件，食落有鵝既肉味同八角既香氣，亦都唔會柴口。望落肉唔係好肥，但食完之後鵝既油香仍然停留喺口腔之中。旁邊嘅豆腐都好腍滑🧈最畫龍點睛嘅係旁邊嘅鹹菜🥬一開頭以為只係普通嘅配菜，但佢就充當左平時鹵水鵝會蘸既醋的作用。我食外賣既時候係大學上緊堂，好少會蘸醬，因為會搞到好狼狽同冇位擺😢所以就算佢俾醋我，我都唔會落，但就咁食鹵水鵝，其實會有啲鹹🤢係依個時候，鹹菜嘅酸甜就發揮好大嘅作用，既可以中和鹵水鵝嘅鹹味，爽脆嘅口感亦都同淋滑既鵝肉形成對比，真係唔錯✨尤其係外賣拎走，好多時候個飯會攤凍左🥶但最適合食鹵水鵝嘅溫度就係常溫，所以買外賣黎講我好推薦鹵水鵝！！

外賣雖然冇服務態度，黑口黑面。但隻鵝非常好食入味。而且佢哋會將厚肉片成鵝片。食到大人細路仔都話好食😋今次叫左上壯同豆腐。但唯一可昔佢哋冇比辣椒油，只有豉油同埋醋

行過路過見到門口D滷水 好似幾正啉門口仲有午市套餐價錢忍唔住要試吓 因為唔知點揀所以揀左個雜錦拼盤飯可以咩都試試我原本以為雜錦 會有埋鵝，點知原來都係內臟 紅腸 蛋不過都好豐富伴碟炸菜好正！勁開胃另外豬耳又係好爽口 滷水味係ok 不過唔算濃 隨餐附送例湯另外加熱飲$6

買滷水必定食良記平時間唔中都會買良記，滷得入味又唔太咸，食得出有用到花椒八角但唔會太多搶咗味🙃 鴨舌係食過咁多間最出色，飽滿脹卜卜，食落去彈而爽身仲有油香；鵝腸爽身唔會淡而無味；豆腐用上包仔豆袋，淋身有豆味今日仲有鵝舌，都係第一次食同見咁大條😍同樣入味有油香

其實係早幾個星期，好Random 地， 打風的那一天在隔離的麵包舖買叉燒菠蘿包，才見到這一間滷水店。 真係唔講都冇人知開咗門。 位置不算太旺，不算太多人經過。 醞釀多時，今天要買外賣滷味，唔計後面新x, 最近的也在灣仔區啦，也一試吧！ 我叫了 bread and butter 嘅equivalent! 滷水味道比想像的好， 八角味道 突出 。 128蚊斤，既然是磅計，也就叫了下壯。鵝的味道不錯。 豬大腸味道也很好。墨魚彈牙。豬肚可能擺耐左，比較淋。整體來說，性價比不錯。服務來說我叫外賣啫，又不需要佢服侍，阿姐也很快手。可能太忙的關係，佢戴住口罩也感覺到她沒有笑容。 但總算正常ok的。會再來的。另外買了盒菜譜回家撈飯，非常爽口但是略咸。

其實唔肚餓, 但突然經過諗住下次試吓, 又好想食, 結果行返轉頭去試, 入到舖頭坐坐底叫鵝片飯, 不過賣哂，就改食鵝飯, 仲可以加六蚊多一個餸, 決定要大腸, 個飯一嚟到未開始食, 已經好滿意, 飯夠多汁, 仲有舊豆腐 (好滑) 同咸酸菜 (希望冇講錯, 張相影得唔太好) 做配料, 有心嘅舖頭會多多幫襯!!

假日外賣加餸，我首選良記滷水鵝。食過多間滷水鵝店的出品，良記的滷水獅頭鵝最啱我口味。良記鹵水鵝，鵝肉鬆化入味， 但又唔會太鹹 ; 特別推介滷水獅頭鵝粉肝，軟滑綿綿，配埋良記自家製酸菜一齊食 好滋味，記得加多兩件滷水豆腐墊底。這里賣的是正宗潮汕風味 ，除了外賣 還可以堂食，打冷必食滷水鵝紅 墨魚 鴨舌 紅腸 豬耳 豬大腸…等等 應有盡有。加熱小貼士: 滷水鵝買回家， 轉落瓦碟盛起 ，食前燒一鑊滾水，將滷水鵝放上蒸架， 冚蓋熄火焗五分鐘。

Hubby係潮州人, 佢好鍾意食潮式滷水, 今日我地就試下呢間位於灣仔既良記。佢地主打外賣, 亦有座位可以堂食, 不過價錢會比外賣貴多少少。一坐低, 店員哥哥先奉上一碗無味精例湯, 係家常既味道。鵝片飯+滷水鴨蛋 ($68 + $6)- 佢地既滷水非常出色, 鵝肉有嚼勁及帶鵝油香味, 肉質彈牙, 味道層次非常豐富, 推介! 鴨蛋滷得好入味之餘, 唔會乾爭爭, 值得一試! 而且每碟飯都附送咸菜, 潮式風味十足。沙薑雞配潮州粥+滷水豆腐 ($50 + $6)- 豆腐係我每次食親滷水既必點item ! 滷得入味之餘但唔會過咸, 豆腐亦很嫩滑。沙薑雞相對之下比較失色, 肉質有點韌同鞋, 但味道係唔錯的。主力試佢地既滷水食物為佳。值得一讚係, 佢地既潮州粥煲得非常好, 米粒帶有米芯 , 唔似廣東粥咁煮到爆開米花。 Hubby 話, 一碗清粥, 配上各樣潮式滷水同配菜, 好食又實在。令佢回想起小時候, 媽媽既味道。良記滷水大王灣仔軒尼詩道391號軒寧大廈地舖港鐵銅鑼灣站B出口, 步行約4分鐘

琴日經過銅鑼灣附近，見到呢間滷水店，啲鵝太大隻咁掛晒喺櫥窗，非常吸引。行完街，便走去買嚟試吓。買咗一盒滷水鵝比飯，新開張期間送一盒飲品。返到去打開盒飯，非常大盒，個脾亦都好大隻，啲肉有鵝香味，雖然沒有附送任何滷水汁，味道一啲都唔淡，已經夠晒入味。再食埋啲配菜，有滷水豆腐同埋自家製菜脯，豆腐滑嘟嘟，自家製菜譜微辣香口。下次好想試吓其他滷水食物，包括我腸，魷魚，鵝片等等。佢哋嘅自家製菜譜有得單買，可以買一樽回家慢慢食。

自從第一次食完之後，一直計劃下次返屋企食飯一定要去呢度加餸，終於機會嚟啦！現場有滷水鵝、滷水鵝內臟、豬肉等等，絕對係加餸嘅好幫手。現場聞到好香嘅滷水味，令人食慾大增，今次就買半隻滷水鵝返去慢慢歎。如果買四分之一仲可以揀上庄或下庄，而兩者點分呢？上莊即係鵝翼、鵝胸，一般係偏瘦、有嚼勁；下莊係鵝髀位，呢部份會偏肥，所以大家可以按自己口味而揀相關位置。獅頭鵝 $128/斤，半隻買咗$300幾，無豆腐、花生墊底，所以想食其他嘢就記得叫埋。上庄切片，油份無咁多，啖啖肉下庄就比較油，但勝在肉類較嫩，記得要蘸點滷水汁及蒜泥醋，減膩之餘又增加到味道層次，連屋企人食完都話再enore呀！

家人喜歡嘗新，所以遇到新餐廳時都會多睇兩眼，如果啱食就會放喺清單，準備隨時去食。呢間滷水店就由1月初留意到而家（因為每日巴士都會經過），終於正式開張，立即斬料返屋企！良記滷水大王這裡主打的當然是滷水鵝，還有不同的部份可以選擇，包括：鵝腸、鵝腳、鵝翼、鵝肝等等；不吃鵝的也可以揀沙薑雞、豬手，還有墨魚、豆腐、鴨蛋等等，種類很多。想吃飯的，亦有鵝片飯、鵝髀飯等等。獅頭滷水鵝 $128/斤今次先試了獅頭鵝，鵝肉有彈性，食落有鵝味兼帶油香，不會太乾太柴肉。滷水汁另外獨立包裝附上，入口食得出有甘草、花椒等香料味，味道層次豐富，而且食完有餘香，好味道！滷水鵝肝 $30(大)呢個就平時食嘅無咁軟滑，但係都好好食，佐酒一流！決定下次要食獅頭鵝肝呀！