良鮨壽司

营业中

休息中

前日同男朋友踩完單車去到大埔，玩完一日鬼死咁攰，於是決定食餐好嘅日本嘢，之後見到呢間日本餐廳，就決定入去試一試，一入到去就見到佢瞓咗坐吧枱同普通枱，因為吧枱比較多人坐，所有我哋就坐咗普通嘅枱，佢個吧枱擺咗唔同嘅魚生，能夠咁公開咁比客人睇，首先已經覺得佢嘅用料應該非常新鮮，之後我哋睇一睇餐牌，佢分別有唔同嘅壽司刺身同魚生飯重有一啲日本熟食嘅料理，我哋最後揀咗兩個丼飯、日式煎餃子同埋芝士吉列蝦卷，仲有焦糖鵝肝壽司，首先講吓個丼飯，我食嗰個丼飯係親子丼飯，呢個丼飯，入邊有三文魚同三文魚子，三文魚非常新鮮肥美，而三文魚子方面，每粒都晶凝通透，從顏色去睇已經知道呢啲魚子好新鮮，一擔魚子一啖飯，有一種幸福嘅感覺，而芝士吉列蝦卷，佢個芝士味好濃厚，吉列蝦炸得好鬆脆，加埋飯一齊食，呢個配搭非常好，另外焦糖鵝肝壽司，鵝肝食落唔油膩，且有少少既甜味，第一次覺得原來焦糖同鵝肝個味道係咁夾，整體而言，呢度啲壽司有創意得黎，又非常好食，再加上用料新鮮，算係一間有質素既日本料理餐廳。

呢日晚餐時間我哋去咗良鰭，在大埔的。食店感覺乾淨企理，我哋坐吧枱，可以見到師傅烹調食物，感覺唔錯首先食嘅神係魚奶湯嘅廣島蠔鍋😊湯底係鮮魚湯，感覺好滋潤。廣島蠔都好好味，鮮甜，都比我想像中肉厚。另外，湯底都有鮮蠔同埋蔬菜嘅味道，難得有日式食店湯底咁鮮味。日式煎餃子外皮有彈性，餡料都幾多，煎得底幾香，加埋日式醬油食都好夾。吉列紫薯餅非常香脆，甜甜嘅感覺唔錯。裏面嘅紫薯餡料有紫薯粒，好足料！鰻魚牛油果卷賣相好靚，味道濃郁嘅鰻魚同感覺清新幼滑牛油果食落都好夾。另外都嗌左一件腐皮壽司，腐皮壽司甜甜外皮都幾好味😊厚燒玉子食落口好有蛋香，甜甜的日式汁醬都幾夾味吉列蝦脆口、加埋飛魚子及芝士食好味😊總括而言，今日嘅晚餐都好開心😊 餐廳嘅食物沖涼仲有好多，但我哋兩個人都唔可以點得好多嘢😊下次嚟到再品嚐唔同嘅日式食物先

晏晝兩點去食 都幾多人 揀咗坐喺吧枱嘅位雖然望唔到佢整嘢 但我啲茶一飲晒佢哋好貼身會即刻斟茶 壽司普普通通 炸魷魚鬚應該好難會整到難食😂其實本身想嗌豬頸肉 但睇錯咗 原來係雞頸肉嚟 但係真係有驚喜 好好食！！ 啲肉一啲都唔柴 滑脫脫好正 鵝肝軟殼蟹炒飯 個人口味覺得佢偏淡 整體來講間餐廳都值得一試

難得入大埔，緊係要搵好嘢食填飽個肚仔拉，見到大大個招牌”良鮨”就已經好吸引，所以入左去食。一入到餐廳個環境好舒服，唔會話好迫。佢呢間餐廳係用QR code 落單既，都好👍夠方便又環保♻️黎到緊係試下啲壽司先拉生既壽司我分另叫左三文魚腩，三文魚，油甘魚，海膽軍艦，左口魚同和牛壽司🤤🤤啲壽司🍣勁新鮮👍，入口勁香魚油，而且魚生超厚身😍口感勁正。另外值得一提既係佢既wasabi 好有誠意，係即磨個種，出面唔多餐廳會有。而熟既壽司我就試左焦糖鵝肝壽司😋😋呢個壽司真係不得了，鵝肝外面層焦糖好脆，鵝肝入口即溶，焦糖同鵝肝超夾🤭🤭如果唔係驚太高膽固醇，我諗我食多幾舊都無問題👍到生蠔我就試左昆布林，因為佢海水味同蠔味都相對重啲，呢間有樣特色就係每隻蠔都放左自家製既檸檬啫喱，令到入口成個感覺好清新😍😍👍最後試埋啲熟食因為啲野食都好足料，所以只係試到牛舌，和牛同芝士年糕😂😂😂整體來講呢間係高質素既日本料理，可能有啲人會覺得偏貴，不過我覺得佢既用料值得呢個價錢，最緊要係個名改得好，我如果再入黎大埔一定會再黎支持👍👍

老公見我最近返工辛苦話帶我試新店慰勞吓甫入舖就見到唔簡單一大幅艾斯🤩又見到幾個師傅純熟咁處理鮮魚好似去左日本我鐘意食刺身同壽司於是叫咗三色魚生飯辣汁拖羅卷唔好睇魚生飯細細碗攞開啲刺身就會發現其實幾豐富有帶頭甜蝦、厚切三文魚、帆立貝刺身嘅質素唔錯冇雪水冇雪味又夠鮮不過最值得一讚嘅係佢啲壽司飯壽司飯配有飯素飯粒分明唔硬亦唔易爛感覺係新鮮製作好味到第一次覺得可以齋食壽司飯連豉油都唔使落辣汁拖羅卷（4件）有圖有真相拖羅餡超多（多到瀉）上面配左京蔥絲同埋辣汁沙律醬味道有層次，口感亦豐富又一款不用豉油/wasabi的菜式另外叫咗一串燒牛舌同唔常見的松葉蟹甲羅燒燒牛舌同刺身一樣都係厚切火候控制得很好一啲都唔韌五味粉黑椒鹽等調味亦剛剛好松葉蟹甲羅燒甲羅燒啲蟹膏多到瀉蟹肉蟹子亦不吝嗇仲有新鮮生鵪鶉蛋🤩送飯一流見到隔離枱叫咗焦糖鵝肝壽司同好多生蠔望落去好正就跟住嗌焦糖鵝肝壽司一句話：不得了上菜已聞到陣陣濃郁嘅鵝肝香氣厚厚肥沃嘅鵝肝脆脆焦糖外層剛好中和油膩一淡下去鵝肝嘅暖油脂滲入微酸嘅冷壽司飯一啖滿足軟、脆、甜、酸、油香… 可謂味覺盛宴，齒頰留香…（回味中😋）生蠔有好多款式選擇由於第一次喺壽司店食生蠔於是揀

廣福道成條街有唔少餐廳林立，最近開左間新既壽司店。進內被安排坐bar枱，可以近距離望住師傅制作菜式。每張高櫈都放左個籃俾客人擺袋，睇到店家既細心，不過手短的我表示唔係咁方便，好在waitress 出手宜家好多餐廳都係用，QR code 自助落單，良鮨都唔例外。三色魚生丼有帶子、三文魚、海老刺身飯都好正宗，溫度亦剛剛好，係細碗左d蟹膏蟹肉軍艦爆多料，食完好滿足辣汁拖羅卷拖羅卷就叫得多，今次個辣汁都幾夾焦糖鵝肝壽司鵝肝見好多人推薦，所以點都要order。新鮮即焗即燒，非常肥美，壽司飯更吸收左流出黎既油脂松葉蟹甲羅燒新鮮即燒，倒埋隻蛋再撈埋一齊食，正ar

今日同朋友去食大埔新開既壽司店鋪頭既環境好舒服好整潔🤩雖然我地坐bar枱，但係都坐得好舒服凳低仲有個籃仔比你放袋，好細心😊我地兩個人都叫咗幾多野食每樣都好滿意，水準好高😍魚乾好煙韌，作為餐前小食一流！之後我地叫咗一份生蠔生蠔都好新鮮同乾淨😊呢個係軟殼蟹小卷軟殼蟹雖然有少少淋但整體味道都好好👍🏻👍🏻呢個係牛油果鰻魚壽司牛油果真係我既最愛😍😍😍搭配鰻魚呢個組合比較少見但出奇地好食！下次會再叫！之後再叫咗啲小食紫薯片好足料，入口有滿滿既紫薯😋壽司都整得好好味😋😋😋玉子燒都好驚喜一入口就有好濃烈既蛋味，超好味😍最後一定要叫我最鍾意既刺身呢到既刺身好新鮮三文魚好厚，口感超好😍😍😍

最近廣福開咗間居酒屋🏮，好快同老公一齊去試。但幫襯完覺得無特別…..間餐廳唔算好大，有廿個坐位左右，我哋就安排坐吧枱，我哋頭輪點咗少少刺身、壽司拼盤、少量炸物…呢D大路野，我覺得選擇上係唔多元化。刺身我地點咗拖羅同埋赤貝，尚算新鮮，但唔覺好肥美，同埋D刺身壽司好細舊囉，到喉唔到肺，性價比唔高。D炸物、串燒無咩特別，普通野整體黎講，我覺得德美仲好食過呢間，壽司size大啲，炸物、串燒、鍋類選擇又多，價錢仲俾呢間平啲，三個字講晒「麻麻地」

大埔廣福道良心小店，在大埔暫時未有日式餐廳能夠付合我心水推薦☺️呢間良心小店我已經save定推介俾朋友👫👨🏼‍🤝‍👨🏻同大埔壽x郎冇得比，一分錢一分貨，呢間海鮮十分新鮮，而且衛生足夠，每一舊壽司都認真對待🤤首推項目必定係生蠔🦪超新鮮👍🏻真係必食即叫即開，餐牌好醒目用檸檬啫喱放在生蠔上🍋不但令蠔更甜，令唔食生蠔嘅朋友更易入口😍生蠔好大隻同十分肥美，咬落超甜😆💯壽司種類選擇多🍣推介大拖羅，無論色澤定口感都冇得輸😊其次係牡丹蝦壽司🍤🦐蝦係好大隻，整個接近手掌咁大✋海鮮係十分新鮮，飯比例剛好，可以黏實，口感和醋入口亦不錯🤤最後燒物推介鹿兒島A4和牛串肉汁好多，且十分惹味

中秋節當然要食餐好嘅，難得早收工落咗大埔，順便試下呢間「良知」餐廳良壽司定食呢個lunch set都幾抵，首先有份前菜蟹籽沙律，然後仲有碗麵豉湯，主菜仲有8件壽司，刺身都好新鮮！唐揚魷魚鬚作為魷魚迷嘅我有魷魚一定試魷魚，不過唔知點解落單嘅時候搵唔到魷魚筒，所以試魷魚鬚，魷魚鬚炸得好脆又香口，不過最下面嘅魷魚鬚就有啲油，如果印走咗啲油感覺會好好多。烤羊架之前試過一間嘅羊架煮得太熟變得好有嚼勁，但呢間煮得剛剛好，唔會太熟，羊肉嫩滑，仲好香，完全無羊羶味！日本蠔獨眼龍完熟桃味梳打見好多壽司店都有呢枝，不過今次係第一次試，感覺很不錯，獨立枝裝唔會太甜，充滿水蜜桃的芳香，包裝上面寫住有10%白桃果汁，配壽司同炸物都幾夾。 最後，午市定食仲奉送雪糕🍦一杯，正正正！

星期一晚就同朋友嚟咗大埔呢間日本餐廳食晚飯，餐廳唔算大，但幾企理，我哋就坐咗喺師傅前面嘅高枱度。鍾意食日本嘢其中一個原因就係，日本菜每分嘅份量都好小巧，咁即使兩個人都可以叫多幾種食物去分享，試多幾樣野。我哋兩個人就叫咗牛油軟殼蟹卷、蟹子炸蝦卷、魚生甜蝦、生蠔、鰻魚壽司、帶子壽司、蟹膏蟹肉壽司、芝士蟹棒壽司、雞泡魚乾、紫薯薯餅、芝士年糕、玉子燒，仲叫咗支柚子梳打。聽落係咪好豐富呢，但我哋兩個人係完全食晒㗎（雖然主力係我一個喺度食⋯⋯）樣樣食物質素都好唔錯，其中最令我留低深刻印象嘅就係紫薯薯餅，本身以為同出面嘅紫薯薯餅一樣都係好普通嘅紫薯餡，但呢間嘅紫薯薯餅中間係會有栗子粒，咬開嘅時候除咗濃郁嘅紫薯香，仲有栗子香，都幾驚喜！最後兩個人就食咗$446 ，好滿足呀！

最近有日本餐廳插旗大埔墟。一向以來附近只有$3一粒壽司，又或者要到太和一帶先有日本料理食。壽司店午市經濟實惠，lunch set六十蚊就食到。而晚市就行中端路線，有時令菜式，為呢個舊區帶來新感覺。今晚主攻壽司一試。壽司類豐儉由人，平至$7一件，貴至日本送直時價海鮮亦有。真鯛兩味 <酸汁啫喱/檸檬啫喱>鯛魚刺身新鮮柔嫩，看上去魚肉透出光線，細嚼淡淡甘甜。雖然鯛魚味道清淡但肉質緊實，配合雙色啫喱天然酸味，比醬油更能達到提鮮效果。大推海膽 $60 (因應貨源價錢略有不同)入門級價錢實屬加拿大海膽無誤，而師傅這天介紹墨西哥產海膽，細小但份外鮮甜，味道更濃厚甘爽。每瓣完整飽滿，海膽足足疊起三層！入口豐盈的滿足讓人感動。赤身 $25有幸吃到接近中拖部位的赤身，色澤油潤粉紅。含有適量脂肪，將赤身的濃魚味發揮極致，甘甜鮮美。油甘魚 $23肉質緊實，脂膏豐富，鮮嫩甜美經過光線折射的魚肉，泛出晶瑩的光澤度。一口咬下，緊實的魚肉在口中彈起，甘爽鮮甜芝士炸蝦卷 $35/4件炸粉輕薄鬆脆，如果炸蝦成為單點產品應該幾唔錯。焦糖鵝肝鵝肝之上灑上白糖炙燒，瞬間整間店瀰漫著油脂香氣。焦糖鵝肝外脆內軟，壽

大埔新開日式小店💛食日本菜最緊要係新鮮和衛生，呢兩方面嚟講，而家店都相當滿意如坐近bar枱，會睇得清楚師傅用功和清洗過程☺️過程處理十分整潔👍🏻所有步驟都好認真和講究😆個人十分推薦生蠔🦪不但只只叫即開，十分鮮味呢個嚟自日本口岸🇯🇵十分大，有半隻手掌嘅size🖐️第一次見十分細心的檸檬啫喱在表面🍋除了增加甜味，亦增加口感層次和fresh感😇最底加了葉襯托，不但令賣相感引，而且師傅已幫忙離殼，方便，唔洗再用刀整超加入旁邊的檸檬汁🍋十分甜鮮七津市生蠔🦪呢個較甜，但size冇上面咁大😆個人喜歡呢個😘燒牛串🐮燒得很冧，咬落好juicy😋壽司系列十分新鮮😍🍣個人推薦大拖羅😝好肥美

良鮨壽司 (大埔)大埔廣福道77號地舖海膽海鮮炒飯$98本身以為海膽會炒埋落飯~之後不知不覺消失得無蹤無影🙈點知竟然會有成堆海膽係面🥳海鮮份量亦都足料～將蝦仁. 魷魚. 青口.切粒～加蟹籽. 蛋同蔥花抄花～整體鮮味十足～飯粒粒粒分明～好抵食！燒三文魚頭$68分量夠哂足👍🏻半個大三文魚頭～小妹最鍾意食魚眼後邊嘅脂肪組織🙈 魚脂組織邪惡得黎好滿足～搭配埋三文魚鮫～魚皮燒得脆卜卜～部份軟骨部位都比小編KO埋～仲有大大嚿肉癡喺鮫位～正！白鱔串$48細細嚿顯得更珍貴XD 真係白鱔唔會攞鰻魚當鱔👍🏻 白鱔帶魚鮮味～應該係新鮮貨！ 爽口嘅白鱔肉～加上脆口嘅魚皮～一串真係唔夠喉😹不過要留返Quota消化其他嘢食～唯有encore~鰻魚牛油果卷$35牛油果新鮮冇黑色根絲(小妹成日留意餐廳d牛油果菜式有冇出現黑根）～鰻魚夠晒肥美～燒汁有小小搶左牛油果味😹冇計啦佢係主角xd 三文魚三切$38刺身厚切好吸引😍魚生夠晒新鮮👍🏻油脂感覺豐富～三文魚d顏色好靚靚~油甘魚三切$58另一厚切之選😍新鮮肥美👍🏻顏色夠通透！新店開張都幾多人幫襯~用QR code 落單夠方便👍🏻上菜速度快～性價比高～要keep住個水平呀！

良鮨壽司做日本刺身壽司嘅朋友講過：「好食嘅壽司，最好要吃一啖可以入口」我覺得呢間鋪頭基本上都係行呢種路線😂 的確係會覺得有啲幾唔抵食，因為同同樣價錢，喺其他地方可以食到大件唔少嘅！但唔計size嘅話，味道係好味😋嘅1. 軟殼蟹壽司真心好食，因為裏面炸得卜卜！2. 油甘魚壽司🍣：味道新鮮，但係size就好似太細👉🏻👈🏻3. 綠茶嘅茶底都幾好飲，有足夠嘅綠茶味🍵4. 八爪魚🐙壽司🍣 應該慢煮過、冧身但都保栔彈牙5. 芒果三文魚卷：芒果唔會太酸或過甜6. 帶子壽司：食得出佢帶子幾新鮮👍🏽😼