艾·蜜思手抓餅

营业中

休息中

➲ 西灣河 艾·蜜思手抓餅 ➳ 雞蛋蟹柳紫菜紫薯手抓餅⁽⁹/¹⁰⁾手抓餅酥脆得來，唔會一咬就碎曬，略帶少少煙靭，一路行一路食，食起上來都好方便。紫薯手抓餅嘅紫薯味輕輕一帶過，反而紫菜味出好多，叫咗蟹柳口感再提升咗，有咬口好多。⤵ 艾·蜜思手抓餅西灣河筲箕灣道57-87號太安樓地下A3-A7號地舖

通常大家去呢間嘢都會叫佢嘅手抓餅，但係我反而俾佢嘅炒飯吸引咗，因為佢嘅炒飯款式同出邊都幾唔一樣，所以就求其揀咗一個試吓，仲有得揀辣定唔辣，我哋揀咗小辣，都幾惹味，入面嘅配料好多，有菜又有肉，有啲媽咪將屋企個雪櫃搵到嘅嘢炒埋一碟嘅感覺，好有親切咁，但係係好好味的！不過由於佢冇得坐，亦都冇枱仔，所以企喺度食炒飯有啲狼狽哈哈

太安樓著名手抓餅店 ✨ 鍾意食台灣手抓餅既人，絕對不能錯過既一間小食店！普通餅底見得多，但紫薯味餅底真係第一次見，新鮮野緊係要試下。‍🧚🏻‍♀️ 雞蛋 X 粟米蟹子沙律 紫薯手抓餅等左大概五分鐘就拎得，上手熱騰騰好辣手♨️♨️見老闆娘烹製既時間加左唔少沙律入去，果然一咬落去個下就感受到沙律滲哂出黎既感覺，蛋香、紫薯微甜既味道、以及蟹子沙律既咸味混合埋一齊，十分香口美味 😖😖 (打打下好肚餓又想買返個黎食）🔹🔸🔹🔸🔹🔸🔹🔸🔹🔸🔹🔸艾·蜜思手抓餅 (西灣河)西灣河筲箕灣道57-87號太安樓地下A3-A7號地舖

西灣河最出名非太安樓莫屬！就算唔係住呢頭嘅人，一樣會遠到而嚟拜訪一下✨更何況我作為呢度嘅居民，太安樓係無論幾時，無論有冇疫情，都係我嘅恩物🥹🥹🥹！呢擋嘢 細細個幫襯到大😌由初中買冷麵🍝到高中+大學買手抓餅🌮再到而家第一次買佢鐵板炒飯😍😍我印象佢賣炒飯好似唔算賣左好耐，次次夜晚又唔想食飯，所以冇幫襯。今次終於的起心肝試😋🍛鐵板韓式泡菜炒飯 $40🥢佢有幾款炒飯，或者自選配料都得🥓🍳🍛韓式泡菜炒飯嘅配料就包括咗泡菜、煙肉、太陽蛋、紫菜絲，即叫即炒架👨🏻‍🍳⏲佢會問要唔要辣 我要左小辣🌶睇住佢喺鐵板上炒，充滿穫氣同香味♨️實在想快啲試其實大約5-10分鐘就會有🥰麻甩嘅我拎左去公園食🏞🌿痴線勁大盒！！！完全係3人份量咁🥸$40好抵！！炒飯粒粒分明 充滿香氣。篤穿隻蛋再加紫菜絲一齊撈飯，唔會比出面餐廳食嘅輸蝕😍仲有 泡菜份量都好多下，係喺公園下嘅韓式風味🇰🇷🥢😂另外，大家都可以試下佢哋嘅手抓餅🌮多款餡料比你揀，一樣出色🥰

🇭🇰艾·蜜思手抓餅·我地之前成日夜晚黎食宵夜架 但係疫情之後已經超耐無黎啦🤭🤭見近排天氣終於涼啲 我哋就決定再嚟 不過今次再黎佢啲鋪頭好似都轉左好多🥺·紫菜肉鬆粟米紫薯手抓餅$32之後呢個都超有驚喜 佢個手抓餅係真係有紫薯味 唔係得個色 而且佢煎到超脆 口感好好🍠佢餡料份量都好多 真係每一啖都有 食落好滿足😌😌·📍西灣河筲箕灣道57-87號太安樓地下A3-A7號地舖

大食妹咁大個人第一次去太安樓覓食, 之前做咗好多research, 見到好多網民都推介呢間艾•蜜思手抓餅, 一於去試一試入咗太安樓, 搵咗好耐都唔見呢間手抓餅, 原來而家改咗名叫蛋記但紙袋依然用緊艾•蜜思呢個名<雞蛋芝士午餐肉紫薯手抓餅>手抓餅嘅款式非常多, 餅皮有兩款口味: 原味同紙紫薯味配料多到數唔晒, 你諗到嘅佢都有大食妹嗌咗最健康同最邪惡嘅配搭, 健康嘅紫薯餅皮配邪惡嘅雞蛋芝士午餐肉, 估唔到又幾好食喎紫薯手抓餅嘅紫薯味道突出, 餅皮唔會好油膩, 比較硬身少少裏面雞蛋嘅份量幾多, 午餐肉都唔差, 大家記住要叫佢加埋沙律醬, 會更好食

去太安樓掃街，可以試下個手抓餅。老闆有一啲已經配搭好嘅內餡，你都可以自由選擇要咩配菜，我就比較鍾意佢個鴨胸、cheese、生菜，但大家可以根據個人口味去揀，鍾意食沙律醬記得叫老闆多沙律醬。即叫即整，熱辣辣食特別好味。呢間舖頭營業時間都比較長，可以買黎當早餐食或者宵夜食都無問題。餅皮仲有兩個味揀，有原味同埋紫薯味，紫薯味就會貴兩蚊。價錢來講都唔會太貴，大概$2x至$3x就有一份。大家去開太安樓都可以一試。

今日去太安樓掃街食平野～遠係遠左啲，不過勝在啲野平。或者我地黎時係平日同下晝四點幾，成個太安樓都好靜，除左海南雞飯，其他舖都唔使排隊。上次食過另一間手抓餅，今次試下呢間先。呢間睇落大啲同舊啲，相信比另一間開得耐啲。實在太多選擇喇，點搞，好多樣餸都想食。最後簡簡單單食個芝士雞蛋粟米算喇。雖然係簡單，都做得好唔錯！沙律醬係帶出成個餅嘅靈魂。28蚊正常價錢，仲有咁多口味配搭真係有排試。個人覺得佢同競爭對手冇乜分別，大家都不相伯仲。

有好多配菜選擇，對於選擇困難症既人黎講，次次都要企好耐先揀到，可以自由選擇，或者揀配搭好既口味。全部手抓餅都係即叫即整，熱辣辣。中意食沙律醬都可以叫老闆加多啲。

下午茶口痕痕想搵野食，落左去太安樓睇下有乜小食醫下肚仔之餘又唔會太飽。買了8號芝士吞拿魚沙律 $28拎到返屋企先食，手抓餅仲係好脆，吞拿魚非常多，有一小片芝士，好好味，好滿足。

心郁郁想手抓餅 所以去咗太安樓😜今次試艾蜜思嘅紫薯手抓餅💜//老闆即叫即整 叫咗一個芝士蟹柳火腿紫薯手抓餅 同埋一個芝士蘑茹粟米紫薯手抓餅 🌯//一拎上手好熱 要等一陣子先可以食🙈 一咬落去非常香脆 食到淡淡紫薯香味//老闆會問需唔需要沙律醬(加咗更好食同開胃🤤) 餡料亦好足 而且有好多唔同配搭 甚至可以自訂💕

你到西灣河食嘢，梗係要去太安樓啦，冇聽過太安樓嘅你一定冇去過港島東。入到去好多嘢食，第一份食啲熱嘅嘢，梗係手肘抓餅。我地叫左芝士蛋八爪魚餡即叫即整，正。芝士味濃，皮係脆！八爪魚魚略切得細粒不過有口感。

難得出城去到老遠的西灣河當然再到訪一下著名的太安樓想吃手抓餅看食評說這間不錯也不用排很久便試一試.- 芝士雞蛋粟米紫薯手抓餅 $30是即叫即煎的手抓餅所以也等了大概10分鐘紫薯味要比原味貴$3可惜紫薯味沒有很突出配料都是普通的芝士雞蛋粟米但合起來也是挺好吃的手抓餅不算大油不錯

台式手抓餅🇹🇼呢個手抓餅有好多餡料任君選擇👍 而小妹最鍾意嘅餡料係雞蛋肉鬆生菜加沙律醬, 貪佢香口得嚟又有清新嘅生菜中和返, 唔會太膩😚 手抓餅仲要係即叫即整, 夠哂熱辣辣! 而且咬落去每啖都 “sok sok” 聲就知個手抓餅煎得幾咁脆口啦😆其實呢間舖頭仲有芋圓珍珠甜品, 但小妹食落就覺得太淡,無乜味, 芋圓同珍珠又唔煙韌, 所以建議大家淨係叫手抓餅就算啦, 至多口渴去附近嘅茶飲店買珍珠奶茶😂 而呢間舖頭嘅飲品就未試過, 唔知好唔好飲🤔

大安樓真係藏左好多好野食嘅地方，今晚經過順路一試朋友極力推介的手抓餅。由於餅皮是即叫即製的，整一份餅最快都要三分鐘，前面有幾多人排隊照乘就預算到要等幾耐先到你，配料有好多種選擇，選擇困難又發作，排隊時想定咩配料就差不多了。經過十萬次運算下我得出結果，配料最終揀左芝士、雞蛋和吞拿魚，平平無奇平時食開的三種配料，配搭埋手抓餅食真係好好味。手抓餅拎上手要小心，超熱好辣手的，等涼一陣食比較好，免得辣親脷，一口咬大啖點，餅皮連餡料食好味好多，急不及待也可撕小片食住餅皮先。餅皮香脆鬆軟不油膩，夾埋餡料軟淋淋好有口感，蛋同樣也煎得非常香脆配埋溶了芝士味道好出，填滿了吞拿魚肉有好實在的感覺。整體好味物有所值。