芝加哥串燒 (美豐花園) (已結業)

放假當然要放鬆下，同朋友頑下食下，今日就試左呢間芝加哥串燒，環境係酒吧設計，但播放一啲輕鬆音樂，環境整潔👍🏾呢度主打各類串燒，款式夠多元化，足足有滿滿既兩頁紙選擇，另外仲有各類既酒精飲品，當宵夜又得，晚餐都ok😉最緊要夠放鬆✅碳燒牛扒特別推介呢個牛扒，牛扒偏薄切，但燒過既牛肉有焦香味，肉質軟腍唔會韌，配埋個帶酸既醬汁，可以減低油膩感，值得推介✅茄子燒茄子原條上，加埋蒜蓉孜然呢啲惹味香料，熟度岩岩好，夠腍又唔會爛哂✅炭燒豬頸肉豬頸肉係粒狀串埋一齊咁，但肉質好爽脆，燒一燒感覺更香口✅炸厚切薯片係長洲食過旋風薯條，呢度有隻迷你版，炸到金黃香脆，入口仲熱辣辣✅飲品呢度有好多類型既酒精飲品，今日簡左款apple cider同手工啤酒，今次揀既手工啤帶果味，味道都算易入口☺️🌟呢度既環境好適合放工happy hour，聽下輕鬆音樂，同朋友飲杯野食下野，價錢都算合理

見好耐都無食過串燒，見到附近有間串燒就決定食啦~叫串燒又點少得要配埋啤酒呢~🍡蘋果酒  HK$48 & 嘉士伯0酒精啤酒第一次飲0%無酒精既啤酒，飲落口又真係同啤酒有幾分似，但就比較苦同無味!至於食物方面，我覺得有些單點我比較推介，而有些單點就有改進的空間!比較推介既有:🍡燒厚切五花腩串 HK$32五花腩本身好厚又肥美，燒到個表面脆脆地，咬落口啲肥肉好煙韌!🍡汁燒肥牛蘆筍卷 HK$33油脂分佈平均的肥牛包裹住好多條的爽脆蘆筍條! 好有口感!加埋燒汁真係好入味!🍡紐西蘭羊架 HK$36羊架係我呢度既最喜愛既小食之一! 每一口都係啖啖肉，食得出孜然粉的味道!!🍡蒲燒鰻魚串 HK$32鰻魚串的鰻魚本身質地比較薄同埋淋身，所以燒完之後覺得口感還好🍡燒豬頸肉串 HK$19燒豬頸肉我覺得不過不失，可能配上醬料會比較吸引!建議改進的單點:🍡蒜香燒生蠔 HK$138 (六隻)蒜香燒生蠔本身就個味道幾好，可惜當我食緊第二隻蠔既時候就發覺佢有啲唔新鮮，後來同我朋友提及佢都發覺有同一個問題，所以建議店家可以將蠔處理得更加好！🍡金銀蒜燒扇貝 HK$36扇貝比較細粒，同埋都燒得太熟既關係，有少少老😅🔸🔸🔸🔸🔸🔸

燒原條香蒜茄子好蒜，夠淋，唔會濃，味道岩岩好，鍾意食蒜茸一定要試紐西蘭羊架第一口食落去，好香孜然味，有羊味又唔羶，唔會好乾，超好味！又係好夠淋，唔會韌，燒得恰到好處！值得一試！蒜香燒生蠔每一隻個肚都脹卜卜，每隻都有大半隻手掌咁大，不過口感爭啲，比較淋，唔夠爽。安格斯一口牛味道不錯，燒得有點乾椒鹽鮑魚落左好多蒜，比較細隻，口感，味道可以蒙古燒韭菜比較偏咸，但無燒燶黑芝士黑松露大啡菇一入口感覺有d咸，食落味道好特別，有濃濃嘅芝士味，好多黑松露，菇唔會乾，仲好juicy蘋果酒配合串燒一流，飲下飲下唔覺飲左好多全程有音樂聽，音量唔會太大，仲可以慢慢傾偈，幾張bar枱，挺舒服，燈光不會太暗，有格調，枱面仲有酒精搓手液，體貼

朋友相約放工飲酒吹水，交低個地址，好在店舖大門藍色燈箱係街上非常明顯，好易搵，現在的天氣清涼，有不少人坐在門外用餐，內部冷氣充足，環境乾淨，好適合叫杯酒聊天談心。餐單同下單都電子化，一掃QR就可以點餐，雖然有多款生啤選擇，不過我傾向飲甜酒，就揀左支裝蘋果酒($48)，有蘋果香氣又唔會過甜。同行朋友就揀左桃味酒($52)，包裝得意，細細支既SAKE，全部酒杯都雪櫃拎出黎，非常貼心。飲酒少不了小食，串燒非常多選擇！*芝士豬鞍配虎蝦薯菜 $188未食晚餐，叫左個主食，非常飽，最鍾意新鮮出爐既粗薯條，豬鞍正常水準*燒牛小腸 $23第一次見同食，口感粉粉地，少少椒鹽作調味，配酒一流*燒雞腎$18厚薄適中，爽口好食。*燒生蠔(蒜香) $52@火喉適中，好juicy *燒蘆筍 $26*燒原條茄子 $42*燒原條石斑 $138估唔到會有成條魚食！魚皮燒乾，當揭開魚皮，入面魚肉焗熟得岩岩好，唔會過乾*燒白鱔 $58油脂豐富，入口即溶

收工好攰，好想抒發一下就嚟咗呢一間餐廳飲下啤酒食下串燒！！！👍🏻肉類五花腩串都幾肉汁，半肥瘦既腩肉仲相當厚身，帶有脆邊，幾香口。炭燒雞排真係食得出用炭火燒嘅味道，肉質唔會太鞋，呢個價錢來講成塊上，性價比一流。雞軟骨都算大大粒，完全唔會乾到無曬汁，炸粉份量剛剛好。👍🏻海鮮類白鱔係成餐最驚艷到我，肉質鮮美，外皮燒到好脆，內有油脂得來完全唔會覺得膩，重點係無骨、大串、啖啖肉！扇貝唔會太細而且都有咬口，新鮮爽甜。同面頭啲蒜蓉勁夾，又唔會搶過啲味，好惹味！蠔既口味選擇好多，最後揀咗特別少少配搭芝士煙肉。蠔身新鮮，最估唔到係用餐廳用左成塊煙肉包住隻蠔唔係得啲碎！最後我連癡係殼啲芝士都無放過，通通撩晒黎食～ 👍🏻蔬菜類大啡菇保持到正常水準，多汁，仲勝在有隻生蛋係面，成個口味又再昇華咗。茄子一上枱已經俾個份量嚇親，超大條！面頭蒜蓉好多，成條茄子燒得好軟熟，又唔會比調味粉遮蓋曬，仲食到鮮甜味。一絲絲嘅茄子肉好容易就可以用叉吉到！👍🏻👍🏻每碟串燒都唔會好似外面咁重味精，夠味得來調配得宜！（不過當日去到，好多主菜已經售罄，所以只能夠食串燒配啤酒）

其實大埔都有唔少好野食😭 今次呢間有啲酒、串燒食下 如果想搵個地方chill 下都好適合！ 我地今次叫左幾款串燒同2隻味既生啤1. 紐西蘭羊架 $36平平地就有得食羊架🥺💛而且啖啖肉好正 燒得岩岩好 肉質好嫩🥺調味就用左孜然粉 都真係幾抵食👍🏼2. 燒雞軟骨 $15呢款都唔錯 有啲油香 好有咬口😆3. 鴨胸串 $19燒得唔錯 鴨胸本身咸味已經好夠 肉質方面都好淋 而且皮都有啲油香4. 燒原條香蒜茄子🍆 $42 茄子入面燒到好淋吸哂上面啲醬汁既味！個醬調得好好😋勁多蒜茸又有少少辣 同茄子超夾 必食🏆🥳5. 蒜蓉開邊大虎蝦 $68 呢個單價偏高 蒜蓉既味同茄子個個係一樣 不過都算大隻 蝦都爽口彈牙 6. 煙肉大啡菇 $26大啡菇好厚身 望落好似平平無奇 但一咬落去啲汁就咇哂出嚟 好juicy 😋加埋煙肉咸咸地 食落冇咁寡🤩7. 酥炸冰火雪糕 $38最後叫個甜品收尾🥳外面個皮脆卜卜 外熱內冰 😋都好滿足啤酒既味都幾特別🍻叫左一杯提子🍇一杯爆谷味🍿提子味唔太重 同啤酒都夾既 爆谷味啤酒真係第一次聽！ 點知又真係OK 喎😆好香爆谷味 聞落仲有啲奶油香味 令我想一啖又一啖咁飲😝

今晚去咗大埔探朋友見好耐冇見就同朋友出街食番餐好嘅朋友樓下有一間叫芝加哥嘅酒吧雖然環境細細但係朋友推薦佢嘅食物質素非常之好所以我哋就決定入去見識下入到去見到啲枱雖然係窄但係都好長 都夠位坐首先叫咗一串小食 就係燒豬腩肉 豬腩肉燒得非常之脆口 豬肉嘅脂肪燒咗之後好甘香 外脆內軟 豬肉味亦都幾香 有少少煙韌 唔錯唔錯跟住叫咗一個芝士扇貝 芝士同埋扇貝既配搭都算新鮮 扇貝燒完之後雖然係有啲焦香 但係亦都有好大陣嘅海水味 個人覺得幾好食 加上芝士更加格外有層次跟住就叫多個主食 法式牛柳粒 燒得同出面差唔多 但係佢用錫紙包住牛柳粒嘅關係 所有牛肉嘅肉汁都可以無流失 呢個方法好聰明去到酒吧就當然唔會唔飲酒啦 我本身唔係好飲得酒 所以就叫咗一個蘋果酒 酸酸甜甜幾啱飲

今日同朋友去酒吧飲嘢 呢間位於大埔太和附近嘅dragon bar 佢係黃色小店之餘 仲好有氣氛餐廳入面座位唔多 無論裝修定燈光都非常有心思 大約七點已經 全場爆滿如果要食就最好預先訂位啦紐西蘭羊架拼薯菜 羊架有成三大舊面頭燒得煎焦香入面雖然題全熟不過肉質依然嫩滑肉質豐富有彈性 值得一讚係薯菜 脆薯條上面有芝士粉 配菜有什菇露筍等等 全部都好好味串燒豬頸肉 有咬口 肉汁豐富 送酒一流芝士焗扇貝 一份有兩大隻 上面有海量芝士 扇貝夠鮮甜 夠曬新鮮 Manger 第一次飲呢個牌子嘅蘋果酒 唔太甜不過蘋果味香濃 酒未唔濃 女仔都啱飲㗎

蒜香燒生蠔(半打) $138餐廳招牌菜式，生蠔厚肉肥美，有蒜蓉提升味道京葱一口和牛串 $28一口和牛肉嫩爆汁，配京葱一齊食有另一番味道燒雞腎串 $18口感爽脆鹽燒雞中翼 $19雞中翼好入味，鹽燒加蜜糖嘅甜味好香口美味鴨胸串 $19鹹咸地唔乾身紐西蘭羊架 $36大啖肉，羊架包上錫紙方便食司華力腸串 $22脆皮，掃咗蜜糖燒好有bbq嘅味道串燒雞脾菇 $16七味粉調味，好juicy燒原條香蒜茄子 $42燒到軟身好易起肉，落咗大量蒜蓉好惹味健力士黑啤 $66Magners蘋果酒 $48Scan QR code點餐好方便串燒逐串上唔會一碟過，可以傾住計慢慢邊食邊飲，唔怕串燒凍咗冇咁好食。

{太和隱世串燒Bar}#kong_girl_foodie出街食#芝加哥串燒.以下是推薦的👇🏻.❣️燒原條香蒜茄子$42蒜蓉同調味非常足料！燒得啱啱好！.❣️安格斯一口牛 $33牛肉本身質素幾好，好濃牛味，只需少少調味已經攞好高分！.❣️鹽燒雞中翼 $19燒得啱啱好，冇血水，肉質滑，有肉汁，調味適中！.❣️椒鹽鮑魚 $68有三隻，呢個價錢來講算幾好，有鮑魚食下都算係咁！.📝總結餐廳細細，但係食物選擇好多！好啱同朋友食下串燒飲下啤酒談下心！如果住果附近嘅人可以試吓！.❣️食完俾分時間❣️🌟食物: 7/10🌟環境: 7/10🌟服務: 7/10🌟打卡: 7/10🌟推介: 7/10.📍 芝加哥串燒大埔翠樂街11號美豐花園地下10號舖#香港 #香港美食 #美食分享 #香港吃貨 #hkfoodie #hkfood #hongkong #hkig #大埔美食 #大埔

芝加哥串燒嚟到大埔好想食串燒， 聽講芝加哥串燒有些像深圳好美味的街頭小吃，又有啤酒、紅白酒飲，就入去試試啦！我哋點了全枱都是串燒，其中燒茄子、燒生蠔我最喜歡食，食到不能停口！ 再配上一杯生啤， 簡直係人生一大樂事。由於串燒種類太多， 數之不盡。呢度除了串燒外， 亦都有main meal , 例如牛扒、海鮮、羊架、飯類都有的。一試回味☺️

先點2杯whisky，我們都選了日威🙈響（杯）$112成熟木香和檀香有着淡淡的蜂蜜甜味，溫柔而纖長細緻木桶芳香。竹鶴（杯）$84辛香料夾雜住豐富的水果芳香，香甜尾韻令人回味無窮💓在品酒時，燒物陸續上菜了，我們點了以下幾樣: 香蒜檸檬牛油燒三文魚扒拼薯菜 $108$108就有咁大份三文魚扒😳好嫩滑，超正，補蛋白首選🌟薯菜都好有誠意！有2塊燒冬菇、燒雞髀菇、asparagus同2粒車厘菇❤️炭燒雞扒$32有少少肥🙈不過可以接受😝肉質係ok的！京蔥辣味焗雞球$38微辣好好味😋！不過有少少油，雞球都係雞扒黎～日本博多雞心串$28超好食冇怪味👍🏻👍🏻一定要點！有3粒，抵食椒鹽鮑魚（3隻）$68蒜味好濃，肉質比較軟，呢個價錢算不錯👍🏻📍 芝加哥串燒 大埔翠樂街11號美豐花園地下10號舖

燒招牌鵝肝串同其他地方食唔同，一般都係配多士，呢度鵝肝配菠蘿同蕃薯仔，菠蘿同蕃茄仔既酸甜中和左鵝肝，食落好清新唔膩炸黑松露薯條除左香香既黑松露，食落口有少少椒鹽味。仲配上茄汁同他他醬，送生啤一流燒原條香蒜茄子新鮮燒起熱辣辣上檯，燒得岩岩好唔會好乾仲好多汁，蒜味超香，一了起就食得唔會痴住d皮，good!金銀蒜燒扇貝除左生蒜仲放左炸蒜，兩種口感。扇貝新鮮完全無腥味，好鮮甜！台灣燒香腸同係台灣夜市食一模一樣，無分別！唯獨是泰式豬頸肉普通一啲，不過都燒得好香肥瘦適中，配埋泰式辣醬惹味串燒必定配酒同三五知己傾下計，爽！兩個人食到好飽都只係$500找

呢間位於大埔嘅酒吧都算係臥虎藏龍, 店面細細, 室內有四枱高凳坐位～ 原來有即叫即燒串燒, 仲要應該係生燒, 所以全部製作需時, 雖然等候時間真係比較長, 但係我都覺得係值得嘅, 因為味道堅唔錯‼️如果可以預先打電話嚟落訂單, 嚟到有得食嘅話就真係最好啦😂• 串燒鮮味白鱔白鱔皮燒到超！級！脆！廚師真係要花好多心機先至可以生燒到呢一個效果～• 椒鹽鮑魚(一客3隻)HK$68, 大連鮑魚, 調味做得唔錯, 幾抵• 古法生燒牛小腸• 燒原條香蒜茄子• 蒙古燒韮菜• 車厘茄雞肉串• 滋味羊腩串• 燒豬頸肉串• 京蔥厚花腩串• 健力士黑啤• 1664 如果餐廳可以加入手工啤酒就會有更多選擇啦🍻🍻

💛星期六 2-4pm只有我們一枱客，可能位置在側街不太當眼吧！論食物質素、環境及服務絕對不差，下午時間還有折扣優惠。 💛香港人要分散投資啊💛用電話QR code落單方便快捷。串燒🍡款式好多，🦪燒蠔都有好多味道🧄🌶🌿 四人一枱，環境舒服不拘束。好適合同朋友一路食串燒一路傾計，即叫即整熱辣辣。 大啡菇🍄雞髀菇🍗及蘆筍🌱，所有蔬菜類仍然保持💦水份，火候剛好。 牛脷有牛香，而且有好厚的兩大片，份量好多，但我個人就不太喜歡這種類似即食麵的調味粉，認為簡單的蒜、胡椒及鹽調味已很足夠。雞翼一份兩隻，無需太多調味粉已好好味，有蜜糖甜甜的🍯，雞皮燒得薄脆香口選擇了京葱及蒜🧄燒蠔，蠔肉仍然充滿水份，算肥味，蒜香始終較襯及惹味。對串燒🍡沒有興趣的也有其他🥩🍖🍗選擇，羊架賣相很好，沒有太重羊酥。 薯條🍟、雞髀菇、蘆筍🌵等份量也不少，能媲美每份叫的燒烤份量，性價比很高