影片
电话号码
54204977
营业时间
今日营业
08:00 - 21:00
星期一至日
08:00 - 21:00
以上资料只供参考，请与餐厅确认详情
嗨，各位！今日我嚟到咗這間小店，心情興奮到不得了🤩！食完覺得自己啲味蕾都去咗旅行咁。首先係佢地嘅蟹肉意粉，蟹肉新鮮爽彈，意粉吸晒啲蕃茄汁，每啖都係層層疊疊嘅風味，分分鐘令人停唔到口🍝！仲有埋燒肉三明治，肉嫩汁多，一咬落去熱氣騰騰，夾雜咗少少甜嘅菠蘿，真係令人一試難忘！🥪最勁爆就算係招牌炸雞喇！啲雞外皮炸到金黃鬆脆，滿滿嘅香氣，啖啖肉汁四溢，唔係普通嘅好味道，係嗰種會令你直頭唔想放筷子嗰種好味道🍗！愛吃辣嘅朋友仔千祈唔好錯過佢嘅麻辣口味，勁正！我知啦，講到咁多，可能會覺得我誇大其詞，不過你哋若果信我嘅話，真係一試就知咖喇！店員嘅服務態度又好，咁心水食物，落肚真係咁滿足，好食到跳起！下次再黎食，我敢打賭，我下次都會咁開心！🎉🎉🎉
继续阅读
今日公眾假期，附近食店都好多人，見芝味屋無乜客，就入去試吓，環境都幾闊落，冷氣夠哂涼。Set dinner 只有4個choice咁多, 叫左個炸雞飯，等足30分鐘先黎。隔離枱既人客不論係黎先定黎後，都係同一時間上個炸雞飯，唔知廚房係咪儲埋一堆單先開爐炸雞呢？個炸雞炸到燶哂都夠膽俾客食，都廢事叫佢換，再等又30分鐘，真係耐過去飲！另外叫左個芝士撈麵，呢個上菜時間快d,25分鐘就有喇😏成個撈麵乾到爆，仲乾過呀婆塊皮咁，一夾就一餅野咁夾上黎，即係要擘到個口勁大咁食。如果大家有時間都可以去呢間hea 吓，冷氣夠，又坐得耐，唔錯！
继续阅读
難得過左屯門探朋友😁去左一間芝士主打既中西合併的茶餐廳 每個禮拜一至七又唔同嘅餐牌選擇👏又幾好喎👏啱晒上班一族 價錢相宜📌西西里番茄🍅海鮮意粉🍝好多唔同海鮮😆👏足料 小帶子 蜆肉 青口📌鰻魚蛋包飯超大大份 兩個人食好飽 係有Cheese既蛋包飯小食📌南瓜薯餅🎃🥔幾好食既小食 飲品📌蜂蜜柚子茶🍊📌水蜜桃梳打🍑淡淡地 📍屯門良德街11號寶怡花園地下G33A號舖🏷️ 芝味屋（屯門）#屯門 #西餐
继续阅读
尋晚去開屯門，6點鐘時間唔上唔落路過見到芝味屋，入面好似幾舒適咁就決定入去食個晚飯再返屋企今日點左兩個晚餐首先黎嘅係三重芝士炸雞鍋一上檯已經覺得好震撼份量好大，仲配有西蘭花和粟米可以解油膩感西蘭花先灼過，口感係我喜歡嘅質地，加上芝士汁十分香濃粟米有用牛油撈過好香呢個炸雞係juicy, 點唔點芝士都已經好好食芝士係用三款碎芝士放係鍋內有火一直加熱所以食到最後都仲係暖暖地，個人來說十分出色接住炸德國咸豬手配薯條到了咸豬手鹽味可以輕手啲，肉質軟腍薯條一般沙律好食，用胡麻醬拌吃十分清新因為西蘭花好好食，所以再追加左半份芝士焗西蘭花呢個仲好食，因為芝士焗到焦香風味更好！飲品也是驚喜冇藥水味，我覺得幾解渴！無意中見到午餐餐牌，價錢都係好平個人覺得食物份量可以細返少少，咁就可以試多幾款食物。
继续阅读
芝味屋 (屯門)屯門良德街11號寶怡花園地下G33A號舖惹味Cajun燴牛舌飯 $58呢個小編覺得好好食，真係要同大家分享，首先個汁唔辣嘅，質地都算稠密，有蕃茄，洋蔥，香草，紅蘿蔔，口味類似羅宋湯，但更甜更惹味，本身就好下飯。而牛舌就更出色，牛舌夠厚，而火候控制岩岩好，超級軟嫩。基本食完真係會上癮！！！！！！炸德國咸豬手配薯條 $98淨係睇價錢就相當平民，上碟份量亦都唔失禮，一人份量絕對夠飽，而且豬手冇咁大隻，火候口味都更加容易控制，豬皮脆卜卜肉都好嫩滑，配埋芥末醬減低左膩感非常好食！亦薯條份量都算幾多，熱辣辣，薯條亦算粗，夠曬薯味。一個大男人都完全夠食！！！！紫薯薯餅 $38炸醬唔會太厚，食到酥脆口感。咬開紫薯質地軟糯香甜，唔需要調味醬汁亦都好突出好好食。
继续阅读