芝士面

营业中

休息中

芝士麵係新北江入面真係數一數二出名，以前翻學間唔中都有食👍🏻最近兩次去個陣，分別係婆婆（熟客會見開個個）&姨姨落單，可能係非繁忙時間，去到都得兩台客人，所以冇大家講嘅西態度🤣 （以前領教過！）所以大家咁啱嚟新北江想試嘅話，可以避開繁忙時間今次繼續encore豬頸肉撈芝士麵（$5x)豬頸肉嘅份量好多，都好香口，唔會太乾太柴👍🏻但麵嚟講，我就覺得太少喇😩 食完仲有少少肚餓。佢就好似營多一樣，一碗唔夠，兩碗太多。我都有試過一碗芝士麵+一碟芝士焗薯條🍟 結果勁漏食唔曬😂😂食個陣小心hi到啲芝士囉🤚🏻🧀

服務：當日去新北江食開個幾間餐廳，一係無開一係太多人排隊，所以就諗住試新野，見呢間芝士麵幾吸引，就試吓食啦，點知中晒伏😅😅入到去已經見到樓面個呀姐黑口黑面😵‍💫😵‍💫個呀姐放低杯野飲俾隔離枱，之後聽到個客問佢拎枝飲管，個呀姐聽到之後一路行去拎一路口upup，勁多怨言😵‍💫😵‍💫🤯但呢個呀姐係唯一一個樓面，所以只要你有需求要佢處理，你就預左要受佢面色同說話啦😊因為佢一定西口西面對住你同語氣態度勁串😵‍💫食物方面：賣相係唔錯，芝士汁亦好足夠撈成個面有突，唔會好乾，但味道真係一般般，食之無味 棄之可惜咁，因為佢真係好淡味，芝士汁雖然好夠，但就冇乜味，亦冇乜芝士味；豬頸肉係燒得幾好，但都係冇乜味。整體而言，成碗野都係冇乜味🫠 食物質素一般加惡劣嘅服務態度，以後唔會再幫襯😓😓

第一次寫食評！本身都冇諗住寫，樓面個女士服務態度十分惡劣！服務態度：電話用QR code 落單嗰陣問聲：我見飲品方面無得揀少甜，想請問聲可唔可以叫廚房幫下手走甜/少甜？佢答我：無㗎啦，咁你要唔要呀。個態度勁臭串囉！我諗過門都係客掛？食物方面：一般般，唔算好食又唔係難食，不過份量就少咗啲！性價比唔算高！環境方面：樓面個女人抹枱都係馬馬虎虎，將枱上有食客吐出嚟啲野（雞皮、燶咗啲肉）就咁推落枱底就算！後面廚房個師傅大大聲講粗口（其實我唔介意佢講，不過可以細聲啲）總結：唔敢講仲會唔會幫襯

難得同事喺天水圍收工，所以帶佢去。食新北江著名嘅芝士面，店內環境麻麻地比較逼，但勝在唔使等位一入去就坐得低，但這間店好多人叫外賣。我叫咗野食半個鐘都未黎，同埋店內得一個。侍應分身乏術先講咗小食餃子7/10分:餃子有六件份量正常，正常質素冇乜挑剔肥牛太陽蛋芝士面加芝士腸大份8/10分:佢呢個加倍面都係加多5蚊，肥牛分量都比較多係普通食火鍋嗰隻，重點推薦芝士麵。芝士麵比較濃郁，容易入口唔好太乾朋友叫咗個豬頸肉芝士烏冬:試咗豬頸肉燒得啱啱好有炭燒味！總括嚟講我哋三個人都覺得呢間餐廳質素正常！

今日黎到以前成日食既芝士面，叫左一份雞扒撈烏冬，追加左腸仔同煎蛋。雖然芝士味濃，但覺得應該都係夾公仔麵會好食d，其他則是正常水平。由於在新北江商場，位置會較逼夾。

位於天水圍居民商場內的隱世小店，芝士控必去！🤤星期六中午去人很多，舖不大且舖內挺迫，幾乎人貼人地坐，是街坊小店的格局吉列魚柳芝士撈面$49 雙重芝士焗薯條 $45 (單叫) $50 (午餐跟飲品)先說吉列魚柳撈面，芝士有鹹香，吉列魚柳也外脆內軟，而且份量很足夠，足足有5件，箍牙的我要把一件切開4-5塊吃🤣但更令我驚艷的是焗薯條🍟！！！焗的食物需等待一段時間，因為是即焗的，但上枱後覺得等待絕對值得。表層的芝士及薯條焗脆，而且夾起有拉絲，底層有濃郁的芝士汁，加上柔軟的薯條，連只是陪芝士控男朋友去的我，都覺得我愛上芝士了！🤤飲品各+$5 叫了芒果乳酸和芒果梳打，酸酸甜甜能中和芝士的膩感，但梳打到後期冰融後，就會淡而無味。街坊小店，加上這價錢，要求就不要太高了！雖然整餐都很邪惡，但真的非常美味，即使特地去天水圍也覺得值得一試！

年30中午就收工了，幾個朋友收工後出黎食個飯，今日選擇黎新北江既芝士面，平時行過都已經爆晒場，黎到其實都爆，咁岩有人埋單有位先有得坐下，小店都係蚊型店，坐位都擺到好密所以都坐到大約20人，但相對會好迫，真係好迫，長期爆場係有原因既，因食物款式多，有特色價錢又平又好食，所以先坐無虛席。無黎一排改左用QR code落單，樓面阿姐可以做少樣，而家連叫外賣都係自己QR code，不過阿姐1個人又要上菜又要執枱又要收錢都真係忙既，QR code落單可以慢慢睇慢慢揀，不過影唔到餐牌俾大家睇啦，不過講講除左招牌芝士撈麵之外仲有飯，炒麵同鐵板餐之類。吉列豬扒芝士撈麵黎我芝士面就當然試返佢既招牌芝士撈麵啦，先講講麵質就煮腍左少少，可接受，芝士汁落得都幾多，不過芝士味就不算太濃，吉列豬扒雖然睇落炸得唔算好金黃，但外皮都好香脆，肉質都好鬆軟。朋友們都係揀芝士撈麵，只係餸菜唔同，都係正常水準。mo呢隻特飲叫mo，係雪碧或7喜加d搞蘋果汁同檸檬，幾有特色，跟餐加6蚊算抵飲。整體而言食物算係不錯，走款式多有特色，價錢都好平民，但堂食就預不會坐得舒服，同埋樓面阿姐一腳踢有時會粗聲粗D。ps：由於openrice2次

做冬好多餐廳好早就收左連想食個譚仔都早收🥲🥲🥲好彩芝士面仲未收 就可以比我地食到個下午茶🤭吉列豬扒芝士撈面(細) $47 加蛋(+$4)豬扒份量好多 唔會炸到老晒乾晒🫠芝士麵都唔會煮到過淋 叫左細既芝士面都已經好多面😂😂😂-沙嗲豬頸肉炒飯 $54份量係超級大碟😂😂 飯同豬頸肉都好多 由於食下午茶關係 夜晚仲要食做冬飯所以食左半碟就夠 另外半碟就打包走👍🏻👍🏻豬頸肉係切左一粒粒唔係一片片 食落都好爽口😋😋

有一晚喺天水圍新北江搵嘢食，見間間都差唔多樣，求其入咗一間試吓，點知有意想唔到嘅驚喜！首先一望餐牌，不出所料都係貼地嘅價錢，抱住平平哋試吓嘅心態，我餐牌上邊好多嘢都啱食，但係我一個人，就淨係試咗避風塘雞翼、新疆豬扒拼薯條同埋中華沙律。個避風塘雞翼真係炸得恰到好處，唔會好肥膩好油食落去都冇好熱氣嘅感覺，個避風塘味道好出，d炸蒜好香呀，加埋個泰式辣醬真係一流！跟住個新疆豬扒拼薯條，我估唔到係咁大兜啊，有成十幾條豬扒，啲薯條都好粗好長，好彩我夠大食。最後連個中華沙律我都要讚一讚，因為佢係比較乾身，我最驚嗰啲中華沙律浸到發晒張濕滴滴，然後當然因為佢都好大碗，正呀！不過當然嗰度環境一定就唔係靚㗎啦，係坐得迫啲，但我體諒嘅，而服務都唔算太好，所以如果食環境食服務嘅朋友，就唔好咁大期望啦，因為呢度真係食份量食味道嘅。

天水圍小食店，說起芝士面，相信很多街坊都知道，這一間隱性小店。位於天水圍新北江商場一樓，很多街坊都會在這裏下午茶或者晚飯，當然路過天水圍，朋友介紹之下一定要試一試。今次點了最人氣的烤頸肉芝士撈公仔麵配奶茶。人多時候小店有點擠迫，所以建議不要繁忙時間去。豬頸肉口感不錯，很有咀嚼感，但不會硬，而且公仔麵處理得很好，爽口彈牙。❤️芝士味很濃厚（芝士控☺️）一碗食完剛剛好飽了，不會太流👍🏻口感棒棒👍🏻

其實我一直都好鍾意食芝士麵，但真係覺得好肥，所以食親都要將個quota比一間最好食嘅，咁就一定要介紹位於天水圍新北江嘅芝士麵一碗細嘅芝士麵已經好爆肚，而佢嘅配菜我通常會揀雞翼、或者燒豬頸肉，佢啲雞翼真係比好多隻我哋，所以連埋芝士麵一齊食就會覺得好飽。

芝士焗咖喱牛扒飯 $50呢盤焗飯好大碟 牛扒份量好誇張 佔滿哂成個表面(芝士遮住左影唔到) 食到最後一啖飯都仲有扒 同埋佢係切好哂一舊舊咁 啲肉亦唔太韌 炒飯底配足哂料嘅餸同咖哩汁&芝士 每啖都唔會寡 呢個價錢黎講真係算好抵 仲要係晚餐價快啲去懲罰下呢間黃店🤡🤡

.📍芝士面📍香港天水圍天湖路1號嘉湖新北江商場1樓C46C號舖這次點了個芝士焗烤墨西哥肉醬飯加煎蛋(44hkd)，太陽蛋很有流心效果，拌飯吃一流，肉醬是真的會辣的那種，剛端上來超燙嘴，整個飯的份量超足，吃完真的會很撐😂#foodiblum港式

💛黃店🔱今次要介紹嘅食物就係位於天水圍！📜”芝士面 (天水圍)📌 地址:天水圍天湖路1號嘉湖新北江商場1樓C46C號舖🕐營業時間:11:30-20:30📍分店地區: 天水圍📝評價💬📢 超級多芝士🤩🤩💛基本上每一條麵都可以被芝士包圍着💛💛芝士控一定要試😋😋面嘅份量都好大 亦都因為有好多芝士所以好快就飽😂😂雞扒都好大塊每一舊都好大舊😋😋😋😋只係需要$43仲包一杯餐飲😍又抵食又大份又好味嘅午餐😍😍😍🏵環境指數:⭐️⭐️⭐️🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️#美食推介 #天水圍美食 #天水圍黃店 #黃色經濟圈 #黃店推介 #黃店 #黃店系列#instafood #美食分享 #hkfood #食好西 #吃貨 #hkfoodig #懲罰黃店 #foodiehk #良心小店 #foodieshk #hkfoodies #Yellowfood #852food #相機食先 #香港美食指南 #hkfoodblog #一路食一路post #美食地圖 #foodieksk黃店 #yellow天水圍 #foodieksk天水圍

早陣子同男朋友去開天水圍 佢帶左我去新北江商場搵小店食lunch
第一次黎呢個商場 都好逼下 但原來入面有唔少黃店💛
今次見到芝士面就比佢吸引左~店舖好細 一眼睇晒 店員係典型茶記呀姐😂
keep住都好忙咁 搞到我叫慢啲都有d淆🙈————————————🥢炒牛柳絲芝士撈面 ($43)
細 100g $43, 大 160g $48/今次叫左細既 因為加埋芝士其實都幾飽🤰🏼
/原來牛柳絲同牛扒都係一樣既野 不過不失 普通茶記薄牛扒質素 但係份量好多 食極都仲有咁
/芝士既份量一啲都唔孤寒! 幫你撈勻晒 每條麵都有掛到芝士🤩/芝士味少少咸, 唔算好杰身 整體黎講都幾好食😋
🥢沙爹牛扒炒公仔面 ($45)/沙爹味幾香 公仔面都算彈牙 炒得夠乾身 好惹味🥰 呢個啲牛有一齊炒 更加有沙爹香😌
/相比之下 中意食沙爹呢款多d 芝士容易食多幾啖就開始滯
🥢炸雞中翼 ($26)
/雞翼有4隻 真係即叫即炸 拎出黎出晒煙 好香脆 must eat!😋