芝脆雞 (已結業)

新鮮炸雞又平又好食，自助形式拎餐具和買飛order，減少人手好安排。而且價錢合理便宜，味道好，適合一家大細，齊齊share~!炸雞：味道與kfc不同，但炸得同樣香脆好吃，皮雖厚但炸得不林。而雞肉也滑身，熱哄哄，味道偏向較濃食客進食。焗白汁火腿意粉：白汁濃烈，配上短身意粉也match到口味。香煎雞翼+格仔餅(小食)：雞翼味道一般，沒有特別。格仔餅也沒有什麼雞蛋味。

上回去附近的茶記吃東西時，看見對面有所快餐店，主打是又炸雞又薄餅，之後也就找了天來試試看。午市也有多款套餐選擇，本人貪吃，想盡量試到不同的食物，最後要了個皇牌套餐，選了意粉及薄餅一件，另外再加多件炸雞，皆因單點炸雞的價錢是要比單點薄餅的便宜，真的是忽然師奶上身。先來的是餐湯，捨了汽水而取餐湯，是日的口味是忌廉薯仔湯，喝入口很多薯粉，不過湯身稠得來不Creamy，薯仔及忌廉香也欠奉，簡直就是如開粉的杯杯薯蓉再加多點鹽及水了事，零星的煙肉雖然軟腍而帶點肥肉，吃起來蠻好味，但也是未能單天保至尊。之後就來吃薄餅了，吃餐沒有得選吃什麼配料的Pizza，只可以吃是日的精選，而是日的就是千島醬吞拿魚薄餅，材料當然有千島醬及吞拿魚，另外也有磨菇、粟米與及不可或缺的芝士，Pizza的餅底是厚批底，吃起來如鬆脆的麵包，也不算太油膩，芝士的香味雖然不高，但至少下得夠多，做到以量取勝，加上千島醬及吞拿魚混成的汁醬，入口帶點酸酸甜生的魚肉碎，間中有數粒磨菇及粟米帶來不同的咬口，都總算是不錯的了。另加的炸雞一件九元，看起來真的有點似肯德基的，炸漿厚而偏油膩，不過勝在夠新鮮滾熱辣，一咬入口又真的幾香脆，而且雞件嫩滑

自從帶男友去CHEESE PIZZA食左一次之後.佢就愛上左CHEESE PIZZA.喜愛既程度係,只要諗唔到食咩,就係食CHEESE PIZZA.食到我都認為"駛唔駛咁誇張呀......."CHEESE PIZZA已經可以代替左KFC同PIZZA HUT兩間店.依家系我抗衡之下,平均每個都依然會幫襯3~4次.而幫襯時段多數都係星期日既下午茶.是日亦如此.兩個下午茶餐($18/兩款小食+飲品)另加兩件炸雞.~PIZZA+薯角男友最愛這裡的PIZZA.之前曾問過負責人,原來佢地既餅底係自己搓.仲要係每日新鮮搓的.有誠意的店就係要用心去做.GOOD.薯角熱辣辣,好好味.~吞拿魚多士+春卷.多士的餡好FULL,好滋味.春卷一般啦.炸雞~雞滑多汁.但我自己就覺得炸漿太厚.男友就很愛很愛.飲品:因為都唔想飲罐裝飲品,奶茶咖啡又很一般,所以選擇了餐湯.$24蚊~食得飽飽~GREAT~!!另:每次黎,都有一個侍應妹妹會同D男客人玩得好癲.仲要每次的男客人都唔一樣.其實系舖面,都係要有返D界線好D~

對PIZZA的熱情係會蔓延的！！！以往又名「PIZZA小公主」的我，終於成功感染到屋企人一同喜愛PIZZA啦！！！！好開心～～～咁又點可以唔讚下我近年新歡CHEESE PIZZA呢??已搬開住的我，今日返娘家食飯，DADDY MUMMY 竟然提議叫PIZZA！！！　即刻九秒九打去最近的明德坑口店～～～～一如以往，等咗唔駛一個鐘就到了 - 星期六，我6:30PM 打去叫的～7:30PM 開始食剛剛好食物維持水準，熱辣辣～ 一家三口，食咗130蚊(每人只40蚊)，晚餐，抵到爛，速遞去您屋企，好過食33蚊o既粟米班腩飯啦～～～ 　叫咗個普通批 - PIZZA 熱辣辣，而且好足料，抵讚！！！　最喜歡食咖哩角 + 春卷 - 好好味呀 －　必食之選！！！　雞翼亦是我最愛，必食頭三甲！！！　意粉我無乜點食，媽咪話味道唔錯 (我MUMMY好嘴刁架！！！）總結一句，CHEESE PIZZA 實屬必食推介！！！誠意之選！！！ 繼續支持支持！！！！

去友人家團拜，　唔麻煩人地的最好方法係叫外賣。今次叫咗２間，　其中一間係芝脆雞，　我就未食過，　不過友人推介，　就試試啦。食物：白汁西蘭花：一般。炸雞：個賣相幾好，　不過ｄ肉好un、又多油，　好唔得。粟米pizza：個底好厚，　又燶燶地，　ｄ料唔多，　全完唔好食。白汁焗飯：好唔得，　白汁唔夠味，　仲好“杰”。蒜蓉包：ｏｋ好味。之前睇openrice評語，　都幾擔心外賣delivery的時間，　好彩今次都ｏｋ準時，　７：４５ｐｍ就到。不過個人覺得食物麻麻地，　未必有下次。Total: $160

我於7：30落單打電話叫外賣，當時小姐話要等1個半鐘，但我等到九點五十幾分，乜都未到，於是我打電話去問，果間舖頭竟然話未落單，之後改口風又話張單係㕑房，叫我再等多幾個字，話我住得近，一陣就到，點知再過多幾個字，佢竟然問我仲要唔要？我問佢若果要，你係咪即刻送黎，佢竟然係要“哦....”本人一定以後都唔會再order！！！！

從未試過咁離譜的外賣服務..今晚7:30電話落order, 臨收線仲叫佢再重覆一次食物order及地址, 佢話要等一個鐘, 所以我地等到8:45見未到先打去追, 接電話的女仔再問一次地址跟住答我話已出車..點知再等到9:20...再追單, 佢最初又係答我已出車,我堅持等佢call司機問位置..點知擾攘一輪,我已聽到個女仔同後面唔知邊個講:唔見張單呀?!?!?!??!?有無攪錯,等你2個鐘先話漏單,如果佢8:45時發現漏單同我地講都好吖...離晒大譜...呢間嘢落單甩漏已經唔係第一次,上次又係等一個半鐘後又送漏嘢...千祈唔好再幫襯呀

去將軍澳探朋友，之後響附近晚飯，由於門口的WAITRESS哥哥超好禮貌，我地就入咗去呢間人少少的CHEESE PIZZA喇。港式PIZZA，價錢抵，食物質素都唔錯。兩個人食，叫咗個二人套餐($85)同埋一份炸薯皇($15)。二人餐包括1個9"PIZZA，1個飯/粉/小食，2罐汔水。我地揀咗︰新鮮齋PIZZA︰批底好脆，足料，可惜芝士唔夠多。鮮茄露筍長通粉︰長通粉彈牙，真係用新鮮蕃茄喎！用的係車厘茄，唔係罐頭茄膏GE味道！不過我麻麻地鍾意車厘茄陣味。炸薯皇︰15蚊好大份，夠脆夠薯仔香。抵食！炸雞︰送GE，幾嫩滑，同KFC GE炸雞差唔多。除咗PIZZA HUT之外GE另一選擇，呢個價錢算唔錯呀！

剛過了我最喜歡的月餅節，我連放了四天假 忍唔住又要讚下芝脆雞!!! 佢地新出咗一隻「脆炸雞翼」呀!!!!痴線!!! 好味到癲~ 佢地招牌炸雞我覺得汁多肉厚 不過對我來講太大件一來食唔哂，二來食到無炸皮的部份有D寡畢竟我食炸雞都係想食個炸皮但呢個「脆炸雞翼」，size非常適中 俾M記的脆香雞翼大件而且HK$34有8件，大件夾抵食 最重要係味道超好，份量適中，脆炸度適中影咗相，不過呢…..因為太好味，所以我地食咗4件先記得要影低相，嘩咔咔咔咔 今次第一次堂食，嘩，比外賣速遞更抵呀!!!! 5條友食了HK$185 only…… 晚餐呀!!!!!!!!!!!!!

網上對芝脆雞既評價一向唔錯所以專登由中環走去坑口試下我同男朋友叫左 ''開心滋味餐'' 同埋 ''下午茶餐''開心滋味餐 ($ 28) : 薯角 , 炸由魚圈 , 一件pizza , 一隻炸雞 + 汽水炸由魚圈同pizza都好好食 pizza 可以拉到好長好長既絲 ,而且pizza上面既配料好足夠 ! 好食 ! 而由魚圈既炸粉夠薄 , 唔會好似出面咁成炸粉放入口 但呢間芝脆雞既招牌炸雞就真係麻麻炸粉比KFC只係薄少少食落去 , 雞肉又冇乜味我下次唔會再專登走入去坑口喇試過就夠

還記得半年前左右 , 叫了個幾人餐外賣自取 , 去到取食物時沒有看清楚食物齊唔齊就走了。結果漏了幾件雞要叫他們外賣速遞送來。這次外賣自取估唔到又錯野 , 明明叫了個芝士海鮮意粉 , 張單冇錯都係打了意粉(3) , 即係當天的芝士海鮮意粉 , 等左成15分鐘 , 終於有 ...但又冇留意 , 冇check有冇執錯(呢個責任當然係佢地問題喇!) , 點知返到屋企一開........變左個肉醬意粉....好無奈...個餐有薯皇 , 茄汁唔比都算...有乜理由連叉同匙都冇比呢! 收我一蚊外賣錢架大佬。半年都冇改善既 (如果)下次真係有機會再食...真係要堂食先得.....起碼佢又比錯都可以即時換丫嘛!!

2010-05-02今日整ocamp board,,好靚靚喔^^8:00pm就叫pizza啦,,choose Cheese Pizza but not pizza hutcoz,,,平d嘛^^d pizza都系咁啦,,冇話特别好味,,都系厚批底,,足料,,香口,,但個底好明顯冇pizza hut咁靚既,,炸野我冇食,,唔知啦,,反而系d焗飯/意粉好味道^^食到飽曬,,每人都系$60左右,,抵^^不過,,下次可以快小小嗎? 等足90mins,, so hungry laps: 個外賣叔叔好funny & 好識promote自己公司喔,,哈哈,,

星期一至星期五優惠套餐 $120抵...任選大批一個.飯 or 意粉 or 小食咖哩角春卷 or 炸雞可樂 or 蒜蓉包 or 湯我地就揀左泰式辣香雞+多$6豬排骨炸雞2件可樂其實lee個餐3-4個人都夠食呀..好似得好小野食..但唔好唔記得..個批有13吋..一人食2塊再食d小食,飲埋可樂.都已經好飽啦!!我地今次2個人食..凈左4塊pizza ,2件雞..一大件豬排骨..一罐可樂..總括黎講..都算係唔錯咖啦..!!如果去pizza hut $120食唔到d咩...一分錢一分貨啦...係呀!!仲有送外賣既速度都算快..半個鐘頭就送到...

朋友生日,我地本身諗住叫外賣,但係親身去買"行街"又好似抵d !哈哈.去到因為都仲幾早下.所以唔係太full.我地要左個大批.好似係雜錦大會.都好足料呀!! 但我覺得如果芝士多d就very good啦!但佢個批底同pizza hut個d唔同.係軟身d.似面包! 唔會硬身實身的!仲要幾件炸雞,好似係7件,8件...都唔係好記得.但好夠我地4個人食!d雞比kfc仲大件!!而且唔會好油! 唔會話1咬落去就bi 哂d油出黎咁!朋友仲話好食過kfc tim! 食完無咁口渴!燒豬排骨比我想像中好食!諗住會好dry 好鞋啦..點知又唔會wor!!!仲好香tim ! 食下食下d骨真係gd! 佢俾個sauce 都真係要點黎食!真d似m記的dipdip sauce.湯就係粟米湯.比出面的無咁creamy !水1點.但都ok ga.真係好飽!

聽過朋友話呢間pizza唔錯，佢又派左張外賣單黎所以就去試下喇。自取左一個外送餐返屋企…(其實自取餐有D仲平…)兩個人食。製作速度算快，等三四個字就有得拎~~一個普通批+一個飯+三件雞+蒜茸包=$135拎到返去第一時間打開黎睇點解個普通批咁大個0既？！第一次試呢間，以為佢個普通批真係咁大！之後再食，先知原來佢第一次比錯左個大批= =有賺…買滿一百再送一件炸雞，所以變左四件。蒜茸包大概有五六塊。個叫左個菠菜龍脷焗飯唔知點解變在個海鮮焗闊條麵……ORZ.....講下味道啦叫左南丫海鮮(即係千島海鮮)，厚批非常鬆化，十分足料。真係好好食！兩個人食左六件(仲有兩件留返俾人…)已經非常飽……再試下炸雞，脆皮都幾厚，雞肉算嫩滑，唔會"鞋"，味道不俗。不過真係非常油膩…一邊食，一邊滴油……最後都係拆皮解決…食埋兩件雞已經乜都食唔落…不過都試左啖闊條麵。好多汁，多到多以撈多半兜粉…個汁味道唔錯。但係闊條麵太淋。最後到蒜茸包第二日先放落電飯煲焗返黎食佢o既蒜茸包本身唔係鬆軟型，較為硬身同脆口而且有好多蒜同香草，非常香口，好好味。不過食完會口臭…送多件雞同埋個批無故變大，令到今餐異常咁抵+飽。正常分量會比