芝麻綠豆甜品屋

营业中

休息中

同友人們喺紅磡附近打完邊爐，心思思想食埋碗糖水先打道回府 就喺OpenRice度search吓附近有咩好食E? 見芝麻綠豆甜品屋咁多個笑哈哈，10點幾爆場要等位，心諗實冇死啦！等咗將近15分鐘終於有位 我哋懷住興奮嘅心情坐低叫嘢食。不過好可惜，佢哋因為太好生意嘅關係，我哋基本上要乜冇乜，唔通…. 係我哋中六合彩嘅先兆？ 咁係冇乜得揀嘅情況之下，我哋就order咗腐竹糖水，紅豆沙加芝麻湯圓，綠豆沙，同埋芒果紫米露。率先登場嘅係我碗腐竹糖水，係煲到維他奶狀態嘅樣，唔太甜，豆味偏淡，冇乜特別。繼而係紅豆沙同埋綠豆沙登場。當紅豆沙放低嘅時候，我心諗：“乜紅豆沙有西米嘅咩？” 然而，西米似乎都係冰山一角 除咗友人們一致認為紅豆沙同綠豆沙唔係甜嘅而咁啱都係苦既之外 原來最後上場嘅芒果紫米露先至係今日糖水嘅冠軍 因為…….入面竟然附帶真既粟米粒呀OMG⋯⋯

開心與朋友友在紅磡遊走，見到一間老字號，桌上的報張介紹特色的白芝麻燉蛋白，仲要係Y2K資料，做到三十年，唔講得少。我們各選了一個甜品‘’紅棗燉桃膠”及‘’芝麻合桃糊”老店，就是品道穩妥紅棗燉桃膠：足料，微甜，潤肺養顏芝麻合桃糊：濃厚滋潤，養生好貨色值得一試

呢一區嚟講算係平民嘅糖水舖。食物質素都OK，我叫咗個番薯糖水，啲薑夠辣。番薯大大件。平日夜晚去，唔算話太多人，好食過其他同區嘅新式糖水舖。 環境坐落都幾舒適，服務態度良好。

食完晚飯後，過咗嚟紅磡食糖水🧚‍♀️對上一次嚟呢間甜品舖人頭湧湧，今晚就輕鬆入座，仲有好多位添🙈佢哋主打芝麻糊，不過晚餐實在食得太飽所以食唔落，唯有叫啲清爽啲嘅甜品啦🥣🧊✴️西瓜涼粉冰✴️整體配搭同味道都無咩驚喜，涼粉有咬口有彈性，食完涼浸浸好舒服🍉✴️紅涼踏雪✴️有紅豆、綠豆蓉、涼粉同抹茶雪糕🍨綠豆蓉同個甜品唔算太夾，口感好散，只係靠溶咗嘅雪糕同cream融合咁多種食材，所以食落無一體化嘅感覺～～

好耐無返娘家食飯，食完飯之後去芝麻綠豆食甜品。由於7:30已經食甜品，店舖沒有人。一如以往，必叫招牌蛋白燉鮮奶。有兩個味道：合核蛋白燉鮮奶及芝麻蛋白燉鮮奶，可以選熱食定凍食。我同媽咪每人叫一碗黎食。合桃蛋白燉鮮奶：熱度夠，今次味道偏淡，如果重味啲會好啲。芝麻蛋白燉鮮奶：熱到夠，甜味足夠，有一罐水準。

今日黃埔睇完戲，想食糖水，就想起芝麻綠豆，就行過去買碗返屋企食，(因為都夜啦，所以無堂食，買番屋企食)，我買左一碗凍馬蹄露，點知，返到屋企一食，酸嘅，再聞一聞，臭嘅，呢碗野都唔知賣唔晒放左幾多日，賣比我先會又酸又臭😡，我打電話落去，呢間舖頭係唔會聽電話既😡而家真係一肚火，為自己生命着想，唔會再幫襯，唔會再有下次😡😡😡😡😡😡😡

今晚去了紅磡這間糖水店食糖水，叫了一碗熱蛋白燉蛋白和一碗凍芝麻糊，兩碗都是大大碗，超值抵食。芝麻糊凍冰冰的，濃郁和幼滑，裡面還有湯圓，湯圓裡有芝麻饀料，非常足料，口感很好，而且芝麻糊可以排毒烏髮和降膽固醇，又高營養，適合腸胃敏感的人食用，絕對是女士至愛的甜品。蛋白燉蛋白亦很幼滑，熱辣辣香噴噴，蛋白裡面有蛋白，令我出乎意料之外，令這款糖水不再平凡，創意滿分，令人回味無窮，百吃不厭。吃這個甜品記住不要攪勻食，先盡量進食白色燉奶部分，再進食黑色的芝麻糊，然後攪勻食，感受至新至正的口味。

同小朋友游完水,食糖水諗起芝麻綠豆.舖頭位置放便,一家四口坐到最後一張枱. 就店名可以聯想中式甜品出式.我自己點了喳咋（加湯圓）.足料一碗仔唔會過甜,欣賞甜品裏既蕃薯係浸滿薑汁,天氣凍食完暖身.兩粒湯圓係芝麻湯圓,雖然冇流沙,都好味. 小朋友就點雪嶺奇緣,（包括雪糕兩球,配鮮果,及芒果汁.）雖然看似配搭上普通,兩位小朋友食到讚不絕口.相信賣相的確是色彩繽紛,吸引小朋友.

行過街角，捕捉到啲芝麻香氣，喺呢度，食嘅唔單止係甜品，而係一份滿足。今次我點咗杯香芒奶霸，滿滿嘅芒果粒🥭同埋順滑嘅鮮奶，真係夾到不得了，食落芒果甜美，奶香四溢，真係好過癮！再試嘅芝麻蛋白燉鮮奶，表面蛋白柔滑得嚟，撈一撈底下嘅芝麻糊，濃郁芝麻香咁湧出嚟，一啖啖都得意到飛起🚀。湯圓小巧玲瓏，芝麻餡香味濃郁，Q彈口感，實在係太滿足！呢個地方，環境簡單又舒服，啱晒晚飯後嚟小憩一番。下次，又一定要帶埋啲朋友黎，分享下呢啲平民價格，高級享受嘅感覺啦！👅

去到這家甜品店，環境滿有本土feel，一走入去就被一碗碗精美的芝麻蛋白燉鮮奶吸引住眼球。就係咁樣，唔經不覺就坐低開始點菜喇。🍮首先嚟到了碗「芝麻蛋白燉鮮奶」，食法上面三步曲真係咁嘅新鮮感覺，咁嘅創意真係唔係一般嘅甜品店有得比㗎！舊蛋白燉奶甜爽口，芝麻糊香滑得嚟唔甜膩，攪埋一齊，每一啖都令人驚喜連連。🥣再嚟個「雪耳馬蹄露」，滿滿嘅材料感覺就好實在，食落去馬蹄爽口，雪耳滑嫩，啖啖清新。睇埋周圍其他人嘅桌仔，仲有好多款似乎都好出色嘅選擇，下次要再嚟試吓其他款！總之，今次嘅選擇，從口感到味道，完全就係「正」！如果你想嘗下地道港式甜品嘅同時亦想有啲新嘅嘗試，記得嚟呢度試吓啦！😊

今日食完飯太掛住呢到既甜品鋪了同媽咪坐低食碗走人媽咪嗌左芝麻糊，我就嗌咗金芋椰汁西米露（入面有番薯同芋頭），佢呢個西米露整得好好食，佢唔係太甜，不過個人覺得佢入面啲料太多🤣🤣🤣我想食多啲西米露反而媽咪碗芝麻糊都好好食，超熱辣辣🩵仲有其他甜品想試，例如芒果西米露，香蕉船等等，我見呢2樣都好多人嗌，有時放工都要特登行去買返屋企食！2碗加埋先$56蚊☺️食得出每款都係用心製作嘅甜品員工都好好笑容好好服務😌👍🏻

自細鐘意食燉奶 好似好養顏而我認為較好食嘅係質地較硬身 唔係水潺潺嗰款 意間正正係意個style!入面仲有芝麻糊 一次滿足兩個願望芝麻糊唔太甜 亦夠香 外賣多碗俾屋企人先！

紅磡人氣糖水店 - 芝麻綠豆甜品屋經開紅磡晚餐之後，點都會過黎幫襯架，食個甜品做結尾😜佢哋招牌係芝麻蛋白燉奶，不過因為上次試過都唔錯😌今次就試下其他款式，點左芝麻糊湯丸同埋杏仁糊湯圓🤪因為早去唔算多人，好快就到啦，芝麻糊真係好滑好香濃，芝麻控必試👍🏻湯丸細細粒，一啖一口，入面都係香濃芝麻黎架😂 杏仁糊湯圓都唔錯，唔太甜，杏仁香濃又滑😋食飽都忍唔到買多碗外賣走

入舖頭叫外賣見到有外賣紙寫住歡迎取閱，叫咗個3.6楊枝甘露 $39我比$40.阿姐話咦係46喎！跟住話佢哋嘅價錢已經update你餐牌為準，但係我係拎住你外賣紙，擺喺門口嗰個價錢嚟睇嘅。好無言囉。加價唔係問題，但係你未加價嘅外賣紙唔應該出街囉！

好耐無去紅磡覓食.今日與家人一起到黃埔行吓街食吓野.掃街完街.買咗件台灣古早味蛋糕.大大件.再係附近行多陣就散Band.行到民泰街見到間甜品糖水舖.個名都記得意叫（芝麻綠豆）.都算幾大間.座位都幾寬敞.牆身還有啲明星照片.睇嚟都應該唔錯.便與家人相討入內食番個靚甜品.在枱上發現一張由新城財經台發出一張（食神爭霸戰)第三屆金獎証書.該証書發出日期係2005年度。不過已經係以前嘅事.唔知依家水準如何？要食過至知！點餐如下：1. 芒果珍珠紫米露 X1 $33元2. 金銀芋椰汁西米露 X1 $25元3. 雪耳馬蹄露 $22元X2 $44元🚶🏻‍♂️👉📌芝麻綠豆甜品屋 (紅磡)紅磡民泰街16號B地下