蘆鬚記

营业中

休息中

Food was horrific and very subpar! The only good part of the meal were the mozzarella sticks and it was frozen and pre made! Food had no salt at all and was very bland. price is ok but not worth it for the quality and taste of the food

原隻椰青，天氣實在太熱全身濕透，坐低飲個冰涼椰青降降溫，印尼泰國全部只有室溫椰青，香港有凍的真係透心涼！即開鮮椰水清甜芳香，那些自稱全天然罐裝椰青水邊有得比！仲有嫩滑椰青肉給您慢慢享用。老闆娘表示要收檔了，七點仍未天黑，七半收檔太早吧！租錯索罟灣民宿，無夜店、無食肆真陰功，決定搭船出中環吧！食飽飽再買外賣回來。只有露天無冷氣座位，硬著頭皮照坐吧！而且廚房已收，沒有任何食物供應，只可以淨飲。環境簡潔乾淨，由碼頭行過黎第一間舖，地理位置優越，望海岸邊座位，還有可愛小狗們陪伴。見餐牌上菜色全部係輕食、小食、沙律，沒有扒類或粥粉麵飯主食的呢！

南丫島行山一日遊，行完山到LoSo食個lunch, 坐卡位，地方舒適，推介厚切餐肉鷄蛋出前一丁，有西蘭花，拼盤也是好好吃，蔬菜春卷非常好食😋啤酒種類很多，也有sparkling tea👍🏻老板娘好nice, 又好傾，推薦行完山來chill吓的好地方。

睇食評話呢度有海景有人情味野食ok,所以咪嚟試吓，下午茶時間都坐滿人，諗住梗係唔錯先會有咁多人食。咁我哋入到嚟剩返一張大枱，照坐住先，跟住應該係「老闆娘」話你地坐住先，之後有人嚟就要轉返細枱，哦，咁似香港d茶餐廳做法既！可能之後我哋又叫餐又啤酒咁多野先至冇人趕走。食物方面，炸魚薯條餐$128，啤酒再加40蚊，魚係有醃過好味，份量大夠兩個人食，啤酒可以選Asahi或意大利牌子，大杯好飲，天氣咁熱飲真係好消暑。雞翼烏冬餐$68蚊，炸雞翼炸得乾身好味，但杯凍檸茶完全冇茶味，好水，未試過咁鬼難飲，唔怪之得個個叫啤酒。不過環境對住個海景食係舒服。但最好笑係原來冇洗手間借用，叫你出門口轉左直行，哦😂原來係公廁呀！

蘆鬚記去到南丫島，可以由榕樹灣出發去索罟灣，或者由索罟灣出發去返榕樹灣，行山嘅行程大概一個鐘。我哋一早由索罟灣出發，經過碼頭邊已經有一大列嘅食店，其中蘆鬚記餐廳就吸引咗我哋入去，大部份嘅餐廳都有露天座位，可以坐喺海邊進食，對住個海一覽無遺，好寫意㗎。蘆鬚記係一間中西fusion嘅餐廳，亦有唔同嘅套餐，餐廳極力推介嘅當然係咖喱牛腩飯啦，可惜嗰日去嘅時候，咖喱牛腩飯已經賣晒啦，佢哋改咗做五香肉汁牛腩飯🐮咖喱牛腩飯（五香牛腩飯）🌕🌕🌕🌕之前都食過佢嘅咖喱牛腩飯，已經非常出色，諗住今次再食，可惜賣晒便改咗做五香牛腩飯。五香肉汁包括有ハ角同埋其他配料，醬汁濃厚，入味，夠出色。牛腩炆得非常之腍，一人一碟嘅份量亦都非常之足夠。🐷豬扒天婦羅蝦飯🌕🌕🌕🌕天婦羅做到脆卜卜，多汁，而豬扒亦都係非常腍，咬落去有肉汁，非常美味加上佢無敵海景嘅特色，簡直係寧靜秘製嘅餐廳埋單2個飯唔駛$180左右（包飲品）環境 🌝🌝🌝🌝🌜食物 🌝🌝🌝🌝服務 🌝🌝🌝🌝🌜價錢 🌝🌝🌝🌜

閒日下午來南丫島遊玩一下，走到索罟灣，經過一列一式一樣的海鮮酒家/餐廳後，迎來一家食西餐的餐廳。.餐廳環境不錯，喺海邊食飯好chill.🍴咖喱牛腩飯 $98賣相不錯，食落都好入味，牛腩都炆得相當腍，有意外驚喜😋.炸雞湯烏冬 $6x湯底頗為濃味，overall都係好食，但如果再熱啲會更好，炸雞都炸到好香脆，剛剛好👍🏻.🍴煙三文魚卡邦尼意粉賣相好靚，但呢個午餐set相對失色，卡邦尼唔夠鹹味，食落意粉同汁係分開，所以意粉都係淡口，煙三文魚就不錯.飲品 鮮檸柚子茶偏甜，可以淡味少少.鹹檸七正常發揮lunch餐牌.雖然有啲食物味道欠佳，但overall都幾好食，另外有啲朋友order炸魚薯條（但忘記影相），味道賣相都好好，而且環境舒適，呢個價錢嚟講，CP值高

我地由榕樹灣行到罟羅灣，行了1小時30分鐘，見到小店有賣飲品，自然坐下休息。安排的地點望海，但椰青水要$48，而且spoon好難挖椰青肉，但有海景搭救。下次再黎！

難得平日放一天假期，很久沒有走進南丫島，由於Weekend 入去，每每人煙稠密，分分鐘比市區更多人，所以已很久沒有走進離島了⋯⋯朋友安排一天旅程，海鮮，行山一小圈，完成後見距離上船還有一些時間，於是啤啤嘆下，吹吹水先上船吧！整間店舖很多啤酒選擇⋯⋯店長很客氣，比冰杯我們試試生啤，好飲才落order ，雪冰的冰杯，檸檬、花香，女士們怎能抗拒，一讚。筆者一向喜歡香濃麥香，而且更被這套啤酒杯吸引，食店提供的也是一隻雪凍的冰杯，單單和它拍照，已很療癒。啤酒怎能沒有薯條，即點即造，是筆者喜歡的粗薯條，一讚。炸魚薯條套餐$128~本身套餐是包鮮檸檬柚子茶或$24飲品，但朋友們個個都要啤一啤，轉啤酒也可以用折扣價，一般減$5-$10,視乎選那款啤酒。但冇所謂啦，難得好友聚頭，最緊要開心。另外這裡的脆魚薯條也做得不錯，炸魚脆皮內也很嫩滑。香脆雞翼配洋蔥圈$58~雞翼熱騰騰，朋友很快就解決了，所以筆者未有品嘗，反觀洋蔥圈就炸得較硬淨。坐在店舖內的一個角落，可惜朋友趕住走，否則坐在這裡靜靜哋看日落，相當不錯。整體來說:下酒小食，即叫即做，配啤酒一流，坐到近窗邊的位置，看著日落，平日到來，靜靜哋，恍似置身於

同朋友行完山已經差唔多下午兩點，經過呢度覺得環境唔錯，價錢適中便選咗呢度食嘢。食物選擇多様化，有lunch set, 小食餐，食物有西又有東南亞食品。我哋要咗個lunch set 包括有沙爹串沙律及泰國魚餅，同埋鮮茄肉完義粉，毎樣同十分美味。套餐連兩杯飲品都好飲。老板娘非常好人，我哋電話冇乜電問佢可唔可以幫我叉電佢都非常楽意，真係少有。食完飯知道我哋會行去榕樹灣就送咗兩支水俾我地喎！非常渦心。下次一定會再嚟。

讚1 海洋景色好舒服2 餐蛋麵係幾好味 賣相靚 蛋同午餐肉都煎得好香3 啤酒好多選擇 係島上都少見彈1 上菜堅係慢 奇就奇在開左幾年都好似好生手咁2 當日其他人叫左咖哩飯之類 好難食 可能水準唔穩定

🍽南丫島蘆鬚記 LoSo Kitchen呢排天氣好好，同朋友仔入黎南丫島行山放下風。行山前要食個lunch ,揀左間距離索罟灣碼頭好近既蘆鬚記。環境好好呀 ,我地坐左係近海邊位置😎。餐廳主要提供簡單西餐，亦都有多人嘅套餐選擇。🐟魚柳薯條套餐-魚柳炸得好酥脆，熱辣辣-粗薯條正-份量都幾多🍝意式肉丸茄汁意粉-肉丸好Juicy-蕃茄汁係新鮮煮-加埋隻流蛋好好食呢度既食物雖然好簡單，但好味亦都好滿足🥰 我地食飽都坐左陣吹住海風好chill.另外老闆娘好客氣好好人，知道我哋去行山亦都同我哋講一講啲路線，重每人送左支水，好有人情味！

好味，更有滿滿嘅人情味！去左南丫島camping，途經呢間餐廳，見到Fish & Chips 賣相好靚！ 即刻叫嚟試下，魚外脆內軟，薯條都好食！ 又夠大份，一定夠飽。重點嚟啦！事緣小弟去camping 無帶杯。徬徨之際，大膽咁問下老闆娘，佢竟然肯借隻杯比我第二日先還！ 又nice嘢食又正環境又chill 又多酒款選擇，嚟南丫島絕對要嚟試下!

今日同老公去南丫島索罟灣，有一間叫做蘆鬚記，對住個海，環境好舒服自在，好有渡假感覺，决定光顧，而且價錢好合理。望任靚景，飲下啤酒，同愛人談談情老公叫左招牌咖喱牛腩飯，話係男人浪漫咖喱味好濃，加埋隻蛋，配飯一流小食拼盤: 有齋春捲，泰食魚餅，日式煎餃子等，味道也不錯這間適合下午想食下小食而又不想食海鮮，簡簡單單，同朋友或情人輕鬆一下，談天說地。而且店員也很有禮貌，熱情招待。食物質素也保持水平，我大力推介

☕️ 食物：👍🏻👍🏻👍🏻 👍🏻 /5💰CP值：👍🏻👍🏻👍🏻 /5 🤵🏻 服務：👍🏻👍🏻👍🏻/5 🛋 環境： 👍🏻👍🏻👍🏻 /5同朋友黎南丫島行下山，Chill 一下，朋友就提議黎蘆鬚記食公仔麵同炸魚薯條，當我地都抱住有啲懷疑既心情黎試，估唔到呢間餐廳都比左幾大驚喜我地 ~餐廳既環境都好值得一讚，望住天然海景，坐係度食野，真係件賞心悅目既事 炸魚薯條🍟非常大份既炸魚，三個人Share都Okay，炸得好脆而且好滑，粉漿香得黎又唔會太厚，薯條都唔錯 ～德國腸拼公仔麵 公仔麵再拼埋德國腸同西蘭花黎食，令到件事簡單得黎又唔平凡，係個唔錯既配搭 ～

今日下午唔洗do, 天氣又ok，同朋友去咗 南丫島玩，抖下氣，出身汗 😎喺 索罟灣 呢間 食店 嗰 水櫃 見到好多未見過嘅 啤酒，於是揀咗張 海景枱，飲下嘢，吹下水 ⋯ 清涼海風，冰凍啤酒，談天說地，好寫意 ☺️坐坐下見肚餓 🤤，於是聽 店長 推薦，order 咗 fish & chips 同埋 咖喱牛腩飯朋友食fish & chips，外脆內軟，好食 😋(一啲都唔油淋淋，相信係因為火候控制得好，啲油又新鮮，唔係萬年油）我就咖喱牛腩飯「男人的浪漫」😬 （咖喱汁濃稠適中，辛辣中帶點清甜，相信係洋蔥，sweet flavor of well-cooked onion; 牛腩雖然偏瘦，但勝在咬落鬆軟唔韌，仲好入味）兩樣食物都可以話係 平凡中見不平凡，值得去試吓！