花丸 (已結業)

經過見到廣告牌 覺得幾吸引 於是去左呢間餐廳自製章魚燒好似好好玩咁叫左個八爪魚章魚燒都幾難燒 好多時都係靠staff幫助講重點 味道  原味 同 加醬後 只能說各有千秋由於章魚漿多 而章魚每隻都好大粒 章魚燒每粒都外脆內軟 因為皮薄易熟食落章魚味道好出 由於每粒裹面都有粒麻糬麻糬咬落煙煙韌韌 但因麻糬又經過燒 所以溶溶地又有d咬口 有時黏埋章魚燒 整個口感好夾加左醬後大阪燒醬令章魚燒漿好夾 因為咸咸微甜令章魚燒味道冇咁原材料味加埋海苔大阪燒醬黏在一起 提升章魚既鮮味

個FD專登order要陪佢食大阪燒, 其實呢, 我地一開始係去某商場果間既, 但係排左成個鐘仲未入得去..最後放棄先去呢間XD去到呢間, 可能少人講, 一入就有位, 不過見慢慢都坐滿左, 仲有好多日本人入黎食, 我諗都唔會唔正宗掛~好, 入正題講返好野食先我地叫左一份大阪燒, 小丸子, 牛小排同埋當天有優惠附送既兩條小香草腸全部都自製既, 材料都好足, 而每張台都會有教學紙, 教你步驟同次序,不過我地都有少少 雞手鴨腳,好彩地果位唔知老闆定店長好好招待, 慢慢教我地方法點樣易D整~ 幫我地整左一粒小丸子, 跟住又俾返我地慢慢整哈哈最後成品都尚算OK la haha 味道都唔錯, 材料放齊係到俾你任落既~過程好開心, 可以玩又可以打下卡show下自己既廚藝~至於牛小排我個人覺得可嗌可唔嗌, 真係唔係特別有牛味, 呢份比起大阪燒同小丸子就有點失望,所以我覺得下次黎都係食呢兩樣就夠~

平時有諗過同女朋友係屋企DIY整小丸子，但一諗到要買燒小丸子嘅用具同自己清潔就卻步，不過原來尖沙咀有間餐廳可以俾人自己整小丸子、大阪燒同炒麵，又唔使自己準備材料用具，非常方便。首先我哋嘗試整飛魚小丸燒。第一步要係洞上塗油，然後將粉漿倒入洞內直至填滿。再將材料平均分布係每一個洞上面，材料有我鍾意嘅飛魚籽！然後要將外層熟透嘅小丸子反轉90度，我次次都轉唔到，好彩職員力挽狂瀾，最後八粒都順利轉到90度。之後再將剩低嘅粉漿倒埋。等小丸子成型要再轉90度，今次比較易轉，所以女朋友可以轉到三個，其餘又要搵職員幫手。最後係小丸子上面加上小丸燒醬、車海苔，蛋黃醬同剩餘既飛魚籽就大功告成。自己整小丸子真係非常特別，小丸子外脆內軟，章魚粒非常彈牙，比街邊小食檔嘅小丸子好得多。然後我哋再煮盛合炒麵，今次步驟簡單得多。首先將蝦同豚肉一齊炒，然後再放入麵條，最後加上日式炒麵醬再炒多幾下就完成！味道方面，蝦同魷魚非常新鮮，分量亦足夠，好玩程度高。最後仲叫咗海鹽黑毛豚肉，總共有四大塊。每邊煎十幾秒就最perfect，坑紋令肉冇咁多油，食落無咩油膩感，肉味濃厚。飲品方面叫咗富士蘋果可爾必思特飲，酸酸甜甜，出面比較難搵

女仔都係貪新鮮，有時見到啲好玩好食嘅嘢，就會心思思想去！呢一間餐廳就滿足晒我哋嘅慾望！好玩得來之餘又好食！先來一份小丸子，我哋要咗特別啲嘅芝士香腸小丸子。原來味道都好夾！將粉漿落晒落去，然後將材料逐格塞入去，見到都好治癒嘅感覺 燒到咁上下就將佢反開，有空位就在加粉漿。慢慢轉下轉下就會製成小丸子。完成品好有滿足感！又圓又大！講得咁容易，其實全靠有一份貓紙，會交曉我哋每一個Step！然後我哋就太開始製作海鮮御好燒。先將所有材料攪勻，入面有大量嘅海鮮同埋椰菜。然後將材料鋪滿煎板煎熟。最技巧嘅係最尾呢一刻，將御好燒反轉，真係心到離一離。不過好好玩！呢度嘅圓肉杞子茶亦都好好飲，唔會太甜！味道清清地。

聖誔節就到啦，因為當同日同老婆都要返工，所以提早慶祝🎉其實依到係朋友推介，話同屋企人黎過覺得好好玩，可以黎試下新野，唔駛食黎食去都係個D連鎖式，悶到傻BOOK位個時店員推介今年既特別MENU係蒸氣海鮮鍋，為確保每日新鮮運到，一定要BOOK位先有得食😜同埋只係12月限定呀😱要食真係要快D去BOOK位順帶一提，原來依到每年都會有一個特別MENU，上年係法國芝士牛排，見到都流哂口水，可惜SPECIAL MENU暫時未有打算重做，唔係一定會黎食😎講返個蒸氣海鮮鍋，有前菜蝦刺身同沙律，好新鮮又開胃😁食完店員就開始預備海鮮鍋，有個粥底，最後先食。先黎龍蝦🦞，有成個手臂咁長，仲好生猛，店員仲好好人幫我地教好時間，食得又會提我地，所以完全唔需要擔心蒸過龍或者唔熟，然後係蟹🦀，佢上枱個時仲係到郁，唔驚倒瀉攞蟹只怕走左隻蟹😖D蟹膏好正呀~ 之後仲有鮑魚同埋象拔蚌，啖啖肉好新鮮口感好正😋😋😋個SET仲有2份肉，一份豚肉🐷一份牛肉🥩，唔想蒸可以加少少錢燒肉，我地轉左個蜜糖🍯黑糊椒豚肉，好香口又有D HONEY甜甜地好好食仲有個粥底，海鮮既精華落哂去，好清甜，幾飽都一定要食🙈🐖最後可以自選一款小丸子，店員推介我

喺屋企就從來唔煮飯，但今晚就陪左我個friend黎呢度玩diy野食，估唔到又幾好玩😂叫左八爪魚同芝士兩款小丸子。溫馨提示：有芝士嗰款係難啲熟，所以比較易整爛😂😂😂 小丸子啲材料唔多，但混埋一齊就好香，只要面頭唔好太燶都真係會幾好食。加上整爛左之後，啲staff都會好勁同好nice咁幫你整番好舊野，所以成功率基本上係100%😂大阪燒仲易整，係反嗰下有啲難度。呢次我自己落多左啲大阪燒醬，所以咸左少少，但個texture都唔錯。

去過日本一向都比較鍾意食大阪燒同小丸子亦都成日好想試下自己親手整,上網見過呢間可以有個爐比人親手落手落腳去整自己既大阪燒就即刻即日放工去試試.餐廳採用Bruno鍋可以有小丸子鐵板同平面鐵板每張枱一鍋賣相已經好靚而且枱面上有各款既醬汁任由客人自己去添加想要既份量.飛魚小丸子店員介紹花丸既粉漿係採用目本雞蛋係倒粉漿前要先攪拌好唔係就會令到小丸子太淋好難變硬,除左粉漿仲送上八爪魚同飛魚籽對於等次燒既手係有少少難度但店員都好好會不時幫手睇下進度而且好有耐性咁教食客點撥燒原來燒一粒小丸子都幾考功夫唔係咁容易燒左一段時間終於燒好係面上再鋪上飛魚子加左重脆卜卜口左同岩岩燒好內裏軟淋淋既小丸子成對比.在,粉漿帶有淡淡蛋香外面少少脆內裏好軟熟.朱古力麻糬御好燒店長好好人比左一個隱藏menu我試聽佢講宜家仲係試驗階段遲d就會推出全港首創既朱古力麻糬小丸子,店員推薦加上天華加添脆口效果朱古力同麻糬係燒既同時係內面慢慢溶化再融合為一咬開有朱古力漿流出仲咬到麻糬煙煙靭靭既口感好好味.4重芝士麻糬御好燒伴隨木魚碎一碗內附所有餡料既御好燒只要拌匀就可燒步驟比較簡單所以相對佔用既時間較少,芝士味好香濃切同咬開都有拉絲

上網見到好多人都去整小丸子同大板燒，上網見到依間花丸係新開介紹都唔錯，甘岩見到有新套餐推出就book 台黎試下喇。新套餐係蒸氣海鮮鍋，除左海鮮之外仲會包一份小丸子，依排天氣甘凍岩晒喇。依個套餐係需要至少提早一日訂位嫁，因為老闆想每日提供新鮮海鮮比客人。我地去到已經預留左台比我地，早到15分鐘都可以馬上入坐。店員為我地介紹套餐有咩海鮮，然後先續一上菜。頭盤係阿根廷紅蝦刺身,好大隻超級鮮甜，肉質彈牙，老闆特別調製左一個加入蛋黃醬嘅芥末鼓油，味道好夾，帶點蛋黃醬嘅蛋香，有創意。生猛海鮮出場喇～首先係鮮飽魚、象拔蚌、花甲同埋海蝦，店員詳細講解每樣海鮮要蒸幾耐，幫我地放入爐。係等食其間，我留意到蒸爐下面係一個粥底黎嘅，套餐係冇包嘅，係老闆送比我地試嘅，因為蒸嘅過程海鮮嘅精華可以滴落粥底，最後就會有一個鮮甜嘅粥可以食喇。蒸2分鐘象拔蚌就食得喇，象拔蚌超級鮮甜，完全唔洗點任何醬料，而且好爽口。鮑魚係九孔鮑魚黎嫁，夠大隻，肉地厚啖啖肉。花甲同海鮮一樣甘鮮甜，花甲好肥美，蒸完都好大隻。到主角喇～大大隻波士頓龍蝦同越南膏蟹，上台仲識郁架，超生猛，未食先興奮。龍蝦蒸嘅時間需要長啲的，店員不時都會黎幫下手，目

章魚小丸子喺街買就買得多⋯⋯⋯⋯但親手整🐙都係第一次！！所以當另一半提議嚟「花丸」食晚飯嘅時候，就已經好期待！！！每張枱都有一部「Bruno」供客人使用：一直想試用好耐啦！⭐️飛魚小丸子 （$75）份量十足！材料有章魚粒、天華、紅姜！重點係有大量嘅飛魚籽！值得一讚係每張枱都有menu教學所以就算係第一次整小丸子都無有怕！啲材料多到滿瀉原來要將小丸子反轉，過程都有啲難度但店員都好熱心示範點樣反。終於成功啦！粒粒都圓碌碌加埋醬料同埋飛魚籽完成！好有成功感呀！外脆內軟，內層同外層都有脆卜卜飛魚籽，口感十足！另一半都誠讚⭐️泡菜豚肉御好燒（$88）同樣材料十足！豚肉片仲要係卷成玫瑰花形。之後輪到挑戰另一款主打食物：御好燒（哩款同樣有menu教學！）首先將肉片放在盤邊位置，然後攪勻所有材料，倒喺盤中心。再鋪上肉片，煎幾分鐘。等其中一邊煎好後，再反轉煎幾分鐘！之後最考技巧嘅一刻嚟到啦！！！！要成功反轉御好燒嘅秘訣：「快！狠！準！」最後就係加醬料，仲可以俾你畫下公仔添！加埋木魚片，完成！真係好有feel呀！！！泡菜微辣又帶點酸甜，配埋煎到非常香脆嘅豚肉，估唔到又好夾！So yummy !⭐️燒肉汁安格斯牛

朋友話帶我去一個特別嘅地方飲茶，本身我諗緊飲茶唔係通常淨係喺茶樓飲嘅咋咩但係佢帶咗我嚟花丸，估佢唔到又有點心可以食喎！未入到去齋睇門面以為係食鐵板燒肉定食嗰啲......點知午市又有中華料理點心套餐，我哋叫咗1號餐入邊有燒賣、蝦餃、鮮竹卷、糯米雞、山竹牛肉、叉燒包、奶皇包先講燒賣，燒賣入邊真係啖啖肉，仲好爽口……之前有食過一啲燒賣啲肉係梅嘅，但係呢度嘅燒賣就好爽口，而且個皮都好薄～蝦餃：皮薄餡靚，啲蝦好似唔駛錢咁，塞滿左個 蝦餃！蝦肉夠爽！山竹牛肉：呢粒山竹牛肉真係好大粒！食到有芫荽，過足口引～糯米雞：糯米雞嘅糯米夠晒煙銀，而且啲餡都有好多，出邊食嘅糯米雞通常都淨係好多糯米，入邊唔夠料，成隻雞都會唔夠味。但係呢度嘅糯米雞入邊有好多料，配埋糯米食簡直一絕！奶皇包：而家好多酒樓都鍾意出流心奶黃包～但係其實我麻麻哋鍾意食流心奶黃包，呢度嘅奶皇包就唔係流心嘅，不過都有好重嘅奶黃味另外分別叫咗烏龍茶同埋熱枸杞菊花茶～夠晒明目養身生～唔似普通茶樓咁淨係有普洱、香片、鐵觀音……有好多唔同嘅花茶選擇！埋單大約$90一位～喺尖沙嘴呢個區域來講都真係唔錯！推薦大家黎食

天氣轉涼左，諗住搵D暖身既野食下，見到花丸有新搞作，就約埋哂屋企人一齊黎試下🤩我地一行🔟個人，一定要打去Book左位先，同埋為左確保海鮮既鮮度，海鮮蒸氣鍋只接受Book左既客人，每位298海鮮蒸氣鍋不係咩新鮮野，但好玩在今次係用無人不曉既港女電熱鍋黎蒸，既安全又夠靚，唔打卡真係會浪費左。而且張枱感覺好Grand，係張長Table，共有4️⃣個港女電熱鍋😍海鮮共有8️⃣道，首先係牡丹蝦，好大隻好鮮甜，仲好彈牙添🦐跟住就有蒸海蝦，象拔蚌，扇貝，鮑魚同蜆，店員會逐一講解蒸幾耐，夠鐘打開就食得。為左保持鮮度，一定要睇住時間黎蒸呀，咁先可以確保唔會蒸過龍。之後就可以按個人喜好可以加上豉油，蔥花，蒜蓉同辣椒，真係好惹味。不過要食海鮮既鮮味，店員就推介唔好加任何調味料會比較好D，因為調味料會蓋過左新鮮既味道，識食既你一定識點食啦😉黎到中段，就係重頭戲龍蝦同蟹啦～今晚係食清甜既奄仔蟹，店員哥哥話有時會係食膏蟹既， 不過就要睇返當日既貨源，邊款新鮮就返邊款👍🏻先講龍蝦🦞，開左邊，但係都大過我隻手，啖啖肉咬落好正呀～～～奄仔蟹🦀開左蓋原隻上，好清甜。最後仲有個粥底，滴哂D海鮮精華落去，真係好正好正好正😋😋😋重要既

最近又係尖沙咀返工，日日搵邊度有野食。今日行過寶勒巷，咁岩見到有點心食。見天氣凍左咪去試下， 68蚊一個套餐。冇加一，係一個點心拼盤黎。可以一次過食哂最鐘意既點心，一坐底叫左野食就等點心黎。原來係一路熱住比你一路食架。2個人一盤，味道好食。我比較大食。所以加多個飯。叫左土魷肉餅蒸飯 ，野飲仲有半價。有樣野不得不提一提。亦係我覺得要寫野既原因。就係佢地蒸緊既時候。會有d玫瑰花係底度。一邊蒸就一邊有玫瑰花既香味。但食點心果陣又唔覺啵。😂可惜一路既習慣都係自己食先。唔係相機食先。搞到又冇影到相😭😭下星期再去食補番幾張相先。

前一排潮流興自己燒小丸子真係好吸引所以最近的起心肝搵咗個朋友一齊去咗尖沙咀呢間叫（花丸）呢度有得自助燒小丸子同埋大阪燒餅真係非常吸引🤗🤗呢度小丸子都好多款式呢度職員好好就介紹咗我哋食八爪魚花丸子燒👏🏻👏🏻先介紹返點樣整首先就將油茶落啲窿窿度，在輕輕攪拌粉漿然後將粉漿倒滿小洞後放入材料等幾分鐘再反一反重複倒入漲了在等幾分鐘就完成了😋👏🏻👏🏻👏🏻自己製作的丸子真係有滿足感🤗之後就到大阪燒先混合所有材料然後就放落鐵板整成一個圓形之後就將三件豬肉鋪上面燒3分鐘再反轉燒3分鐘之後再返番一次佢正面加上自己嘅配料或者好似我咁畫左一幅叮噹樣真係又食得又玩得仲可以影埋相真係好開心🎉👏🏻👏🏻😋😋呢度職員介紹咗個飛彈和牛芝士漢堡扒非常之好味值得一試👍🏻👍🏻👍🏻

有時番工番得辛苦，放工都想吃喝玩樂一下，而家出左好多間自己DIY食物嘅餐廳，我點都要帶埋朋友去試下。我地去到呢間餐廳，入面就可以自己DIY章魚小丸子、大阪燒、炒麵等等嘅日式料理，有時自己可以動動手整野食都幾好，可以自己鍾意食咩就加咩咁我地就叫左飛魚小丸燒+四重芝士麻糬御好燒+櫻花厚燒玉子+墨西哥辣椒雞肉腸+法式蒜辣煙肉腸+兩杯飲品，分別係梅子梳打+蘋果梳打今次係我同朋友的第一次整小丸子，好心急，唔知我地會整成點呢待應先幫我地換上整小丸子嘅鐵板同送上材料，餐廳入面亦有製作教學，令我地可以整得開心又可以輕輕鬆鬆完成先搽上油再加上混合好嘅蛋漿，之後加上材料再定時反一反就可以但可惜我同朋友都係一啲好少下廚嘅人，加上我地有少少雞手鴨腳，待應都好好人，會睇下我地整成點，如果我地唔識整都會幫我地手，好貼心大功告成，飛魚小丸燒，小丸子上面同入面都加上魚籽，口感豐富，卜卜脆，粒粒都脹卜卜大大粒，就算好似我地啲下廚經驗0的人都可以整到好好味嘅小丸子。我地整到咁上下就上左櫻花厚燒玉子蛋好嫩滑，入面包裏住櫻花蝦，上面仲有沙律醬，特別好味。一路食，我地亦開始整大阪燒了，要先混合好所有材料，大阪燒嘅製作比小丸子容

海港城附近已經滿足不了同事既新鮮感，於是lunch我倆衝出彌敦道，去到寶勒巷一間日本餐廳醫肚門面及內部裝潢都充滿日本風，而且枱與枱有充足空間，為短短一小時壓逼的lunch 添上少少舒適感。而且每張枱到設有女生至愛Bruno 神器之章魚小丸子盤。你以為lunch 就係食章魚小丸子🤔 少年你太年輕，睇一睇個餐牌，神奇既事就發生😂原來呢到lunch 係主打中華料理，即係飲茶$68 位已經有6 款不同的點心，仲免收加一👍🏻👍🏻見天氣凍凍地就半價加追熱桂圓紅棗枸杞茶，服務員仲好好不停幫我加茶添飲當我以為d 點心會好似平時一籠籠咁上，店員就竟然將熱水倒入bruno , 加入玫瑰花，再將一盤點心放上面蒸，陣陣玫瑰花香，成件事有驚喜同高層次咗🙈食物方面都有不錯既水準，而且我與同事都飽到食唔曬，埋單盛為$232. 下次有機會會再來試試好食又好玩既章魚小丸子同日式炒麵