花園餐廳 (已搬遷) 新店位置

A級肉眼趴 六成熟 肉質超鞋 好難食！ ！又叫轉第二樣牛扒 咪一樣咁難食狗都不吃 最出色個黑椒汁都可以無味 又賴入貨唔靓 比d靓貨你咪一樣煮咁難食 食大家樂幾十蚊塊趴都好食過你 侍應態度又差 求求其 不如汁左距啦 一粒星都比多你

在觀塘舊區的晚上深夜夜闌人靜 男人的浪漫 便去了附近的花園餐廳小時候去花園餐廳吃一個套餐 是一件事(記得套餐甜品是個雲呢拿雪糕 哈哈哈)坐下便隨便叫了一個美式雜扒套餐美式雜扒餐$105---------------------套餐來的時候是一個鐵板上醬汁是可以選擇黑椒汁 蒜蓉汁作為一個硬漢 當然是選黑椒汁雜扒方面 有煙肉 火腿扒豬扒 雞扒 魚排其實整個雜扒都充滿著雪藏味只是豬扒同雞扒的肉質比較嫩滑煙肉同火腿扒完全是新鮮的雪藏味配菜方面可以選擇薯條飯或意粉值得一讚 是十點後入座感覺比較舒服 場內更播著玉置浩二的鋼琴純音樂對不起 原來是譚詠麟

我從未食飯食到咁嬲，如果當時我唔係同個仔一齊，我諗嗰個經理一定會渡過難忘嘅一晚，話話嗰晚我哋一家四口去食飯，我哋叫咗一個西冷牛扒，一個牛柳，一個晚餐，個牛扒同牛柳都係7成熟，牛扒出嚟個樣OK，但塊扒就好韌，切都難切梗何況食，咬唔到㗎，咁我哋就搵經理啦，個經理過到嚟我哋照講咩事啦，佢一句唔好意思或者對唔住都冇講，只係同我講咗句「啲牛扒全部都係咁，一係你食過另一樣」，我唔係好明咩叫全部都係咁，佢講呢句嗰刻個樣勁乞人憎，好似有啲睇唔起我咁，因為嗌西冷牛扒嗰個係我個仔，佢得十歲，個經理嘅眼神好似係覺得我個仔唔識食咁，但我同我老公都有試過，連我哋大人食都唔唔到，我哋先出聲，百幾蚊個扒，雖然唔係好貴，但唔係要食啲咁嘅嘢啩，茶餐廳幾廿蚊嗰啲仲好過佢，咁我做乜要揀個又貴啲又難食嗰間啫，唔通真係錢多洗唔晒咩，最後佢換咗個什扒俾我，就係相嗰一份，你哋睇吓啲汁，正確嚟講佢應該稱唔上係汁，一啲杰嘅感覺都冇，直頭係一灘水，仲要係唔熱嘅，佢倒汁嗰時我哋已經覺得奇怪，個經理話啲汁係咁㗎喎，我哋咪照食囉，雖然張相淨返條骨，但並唔係好食食晒，而係我哋要張其他嘢搬去另一隻碟先，因為切嗰吓啲所謂嘅汁飛晒出嚟，咪拎開晒囉，

很久沒有來花園吃牛扒啦 好懷念呀!!小時候 爸媽差不多每個星期都會帶我來一次那黃黃,啡啡,暗暗的環境 很有情調的~~我最喜歡這裡的《羅宋湯》和《甜餐包》那濃濃的蕃茄和牛肉香 還帶一點辣辣的味道為什麼現在的沒有辣味呢? 只有蕃茄的酸味喝下去的味道有點假假的 不像是用食材煲出來說真的 真的有點失望 兒時的味道不見了T_T主菜我點了最愛的《西冷牛扒》七成熟的喔 @3@雖然比兒時的SIZE變少了一點 但也算很大一份而且還是很有厚度的喔 肉汁超多 好有牛肉味黑椒汁還是很香 只是比以前變稀多了..可惜可惜!!這觀塘分店的服務員都從伯伯變阿姨叔叔了~~值得開心的是..服務態度變好多了..很有禮貌!!! 讚呀!可是這區都快要重建了 以後要吃花園牛扒可能要去到太子旺角才可以囉…可憐的我>___<

有日個老婆係到係咁叫,話好想食虎蝦,咁身為老公既我就搵左好耐邊到有啦...呢日行街經過花園餐廳,見到個海陸空套餐有隻虎蝦...真係踏破鐵鞋無覓處 得來全不費功夫咁老婆就叫左呢個餐啦,我自己就叫左個雜扒...D餐湯同包上黎好快..但溫度就真係差D....套餐先上,但感覺好求奇...野食又唔熱..又細隻...隻乳鴿最差,冇味又細!但個雜扒餐就OK啦,間間都係呢個水準!下次要帶老婆食虎蝦都唔係揀呢D餐廳

今日同朋友去左觀塘花園餐廳食lunch，我地叫左一A一B，我揀左美國煙肉雞扒配茨菜丶羅宋湯丶凍啡。餐包都叫做軟，牛油唔會硬實實，羅宋湯都幾多菜，味道唔會好稀，一般港式西餐feel。美國煙肉雞扒原來是配了港式西汁，所謂港式西汁就係蕃茄汁加上其他調味料加水加少少芡煮出來的sauce。煙肉有煎過，雞扒好大塊，有手掌咁大，唔算煎到好乾，不過係唔熱，同埋加埋個西汁食落好咸=.=伴碟的炸薯條丶粟米粒同埋小棠菜幾好食。凍啡真係好淡又少奶=.=整個lunch可以話係好有舊港式西餐feel，唔可以話啲食物水準差，只能話未必切合這個年代。侍應方面大至上都ok，只係零零捨捨負責我坐果區的侍應小姐好似唔想做咁，板起塊面仲下下比錯食物=.=!

住左觀塘三十幾年， 眼見裕民坊間花園餐廳就黎要收樓清拆，唔記得以前有無黎食過，所以趁拆之前去食一食啦，點知就咁中伏。同老婆兩個人食，叫左一個晚餐Ａ，鐵板澳洲西冷牛扒$59、晚餐C一個蒜蓉雞扒帶子配炒飯$59，兩白湯。侍應無問牛扒幾成熟，我同佢講要5成，佢話好難做到。點完餐後火速送上兩個又凍又淋既餐包同忌廉湯，跟住到鐵板牛扒同雞扒，牛扒切開有血水，但奇在肉質又硬又韌，好似趙香囗膠雞扒煎到乾既又無味，蒜蓉汁又少2 個人食左hk$ 130這間花園餐廳食物、侍應服務都只是一般，唔駛錢我都唔會再光顧。

講起有名的豉油西餐（港式西餐），花園餐廳也可算數一數二。記得以前的豉油西餐，儘管味道很港式，但總有一定的西餐格局遵循。今晚一個人來到裕民坊花園餐廳，點一份晚餐Ａ，澳洲西冷牛扒，按西餐做法應該問幾乘熟吧？但這裡連這一句也欠奉，仿佛只是茶餐廳晚餐Ａ，一切自動波。鐵板牛扒好快奉上，選好醬汁（幸好尚可自選醬汁），侍應也不待我拉好餐布擋隔，就及不及待淋上，喳喳喳～（大佬，好趕時間咩？）既沒有問我幾乘熟，結果卻是over done。牛扒牛味尚可，但肉質真係很韌，又硬又韌。配菜有幾片菜葉及炸薯條，連半邊蕃茄也久奉。這跟我記憶中的以前的豉油西餐，好像差別很大。

晚餐: 兩紅湯半打田螺兩份蝴蝶型肉眼扒凍鴛鴦少啡凍檸水少甜同經理落Order果陣OK晒，講左話牛扒叫先上，男友生日想慢慢食~紅湯仍然一貫水準， 十年如一日的味道, OK！田螺亦係一貫水準，牛油味好香，OK！可惜服務完全唔可以接受，岩岩提過講左話牛扒叫先上，點知田螺未食完就黎！我話之前講左，個男侍應態度好串，話你同返果個人講...咁我話唔要住，又黑口黑面拎走！到食完田螺15min之後話上得，佢竟然拎返之前果2碟黎，仲要凍晒！食花園最緊要係落汁果下"JA JA"聲嘛！塊鐵版都已經唔夠熱了， 邊仲有得"JA JA"聲?, 我果塊扒三成變七成熟， 又熟又"UN"， 完全冇晒MOOD去食...算喇男朋友生日，唔投訴。最後餐茶叫左凍檸水少甜，個女侍應就整杯凍檸茶走甜俾我！我同男朋友都食得唔開心...以後食花園返旺角食算啦！

今晚突然想鋸下排，諗起裕民坊間花園餐廳可能就黎要收樓清拆，又好耐都無黎食過，就揀佢啦～同女朋友兩個人食，叫左一個雞排元貝配炒飯、一個蝴蝶肉眼排鐵板餐。餐湯一紅一白，餐飲就檸茶奶茶...餐湯：紅湯得個咸字，白湯似白汁多過白湯...餐包唔熱。雞排飯：雞排唔錯，元貝有D腥。炒飯似白飯多d...食落有少少牛油味...蝴蝶肉眼排鐵板餐：好薄，好“鞋”，有D韌...叫七成熟結果半塊熟晒，半塊overcooked蒜蓉汁稀到清湯咁，我唔係要上湯牛柳浸薯條喎.......強烈懷疑唔夠汁所以溝水(?) 但待應哥哥話蒜蓉汁就係咁個喎...後尾搵啊姐攞個碗倒走D汁再攞d黑椒汁...今次就正正常常。餐飲：檸茶普通、奶茶...一定無下次。

例牌都係叫左個西令,7成熟,黑椒汁!好JUICY,好香,一個字--正!最後一年的花園餐,由細細個,呀麻拖住我去食,到而家大個左,拖住女朋友去食,知道佢就黎消失,真係有點感觸!希望觀塘重建之後,花園餐廳仍可以在開係觀塘就好啦!

裕民坊即將重建, 好多店鋪都已經關門大吉,得番花園餐廳仲係人山人海晚上七點幾, 上到去仲要排隊等位, 等左大約十五分中先入得晚餐好抵食, $58已經有餐湯, 餐包, 主菜, 餐飲, 加$10仲有炒飯添羅宋湯: 港式既羅宋湯, 淡淡的蕃茄味, 不過都有幾多雜菜餐包: 都幾軟熟, 係係細個左少少加$28有焗田螺, 味道唔錯, 有好香既蒜香味, 薯蓉亦焗得夠香豬扒拼龍脷柳: 豬扒薄薄地, 肉質味道正常啦, 好在冇用梳打粉醃過, 魚柳味道唔錯, 肉質嫩滑, 係個蒜蓉汁淡味左少少鐵板澳洲西冷扒: 夠哂大件, 要7成熟真係做得到, 外脆內軟夠哂juicy 黑椒汁夠哂惹味炒飯: 雖然只係用火腿, 蛋&雞絲炒, 但真係好好食,係細細個係茶餐廳食既味道凍檸茶&奶茶: 都係舊式茶餐廳味道, 係杯奶茶d奶左少少雖然味道未至於極好&員工比較有性格, 但係今年係花園係裕民坊既最後一年, 舊式豉油西餐店真係買少見少, 所以都值得有個好評既

說實話 從來不想寫食評但花園餐廳令我作出了人生的第一次是日工作至11時 裕民坊大部份餐廳都已關門 心想著填飽肚子, 便到花園餐廳去食物是一貫難吃 , 也罷 忽然鄰坐的太太 傳來駡聱原來 有一只蟑螂在太太身邊該太太 向侍應作出投訴 誰不知該名四眼哥哥只是冷冷的回說我地點只有曱甴, 重有老鼠添!! 餐廳憬咁架啦...說罷就再沒理會....太太只有怒氣衝衝的離開 我亦不再食亦埋單離去走的時候 聽到餐廳侍應們對話 白痴, 以為lee 度高級餐廳呀 有曱甴wor 咁點呀係咁架啦!( 大約內容 原文可能有出入, 但意思一樣)今時今日 唔好食唔係死罪但此等服務 教人難以回頭希望花園餐廳管理人員改善

op明明寫東廣場 花園餐廳收10點9點7去到話收左爐死死地氣行番去裕民坊叫左2set 晚餐 牛,同雞扒$56+6白飯+$2凍飲羅宋湯冇味餐包,唔熱凍檸檬茶冇味牛扒上場溥溥溥溥溥溥溥溥溥溥溥溥溥溥,冇味,韌韌韌韌韌韌韌韌韌韌韌韌韌韌韌韌韌韌多根到飛起重衰過$20快餐收我$60,但質數差過大家樂雞扒,冇味$135唔會再去

在大陸住了5天，餐餐吃中菜，回港第一晚，焯焯說要鋸扒。我們很懷念以前在都會駅已搬遷的花園餐廳。於是我們乘地鐵到最近的觀塘花園餐廳。餐廳佈置懷舊式，用格仔枱布。我吃龍脷柳套餐，魚很大條，大過個鐵板，皮很香口，煎成金黃色，肉雪白不腥，魚熱到差不多燙口，我甚麼汁都不要，向侍應要了一碟沙律醬拌吃，焯和康分了細件吃，都話好味。焯焯的鐵板紐西蘭黑椒牛柳8成熟，扒厚身，放在熱烘烘的鐵板上一會仍不致全熟，中間有血色，廚師將扒上板時可能是6-7成熟，到上枱吃至吃完仍保持8成熟，肉棯易咬。康康的8成熟鐵板神戶牛柳有一大條白露筍，牛柳亦是厚身，但口感不及紐西蘭牛柳，要用些力嚼，切開似9成熟，但價錢貴些。黑椒汁是花園客人最喜歡的汁，蘿宋湯大碗，味一般，配不熱的餐包。