花園餐廳 (山東街)

营业中

休息中

平價扒餐之選💗唔知有冇人同我一樣好鍾意食鐵板餐既時候，聽到「滋滋滋」既聲🤭呢間老店開左幾十年，係信心既保證！牛扒份量好多幾乎大過佢塊鐵板牛柳既肉質都幾嫩口，肉汁豐富T 骨扒就肥左小小同肉質實番小小小編比較鍾情牛柳而黑椒汁味道都相對濃厚可惜既係D 扒好快就攤凍左......凍左就冇甘好食😣評分： 8.3 / 10

同friend一齊走咗去花園餐廳食餐飯 我哋每人叫咗一個餐 我就食白飯 個friend就食意粉 個friend食牛扒意粉 配薯菜 旁邊睇落去賣相都幾正 見到佢嘅伴碟仲有啲粟米同埋白菜 而我就食雞扒飯 雞扒份量好多 幾厚肉 前後都煎到香香地幾好味 配埋蒜蓉汁撈飯 白飯份量有好多 伴碟又係有粟米同埋白菜 睇嚟粟米同埋白菜係例牌嘅伴碟餸 食完好飽 食飽飯仲嘆番杯熱檸水

一坐低餐廳阿叔就好急咁問我要食咩餐 我都未睇完餐牌就梗係叫佢等陣啦 同佢講未揀完轉頭落單 其實佢咁積極問我要食啲咩唔係唔好 起碼唔使我不停叫佢先至走過來 不過如果佢比多30秒至1分鐘先至走過來可能好啲 起碼我有時間望下個餐牌再落單芝士焗魚柳意粉冇咩特別 焗得恰到好處 意粉唔會焗得太耐影響咗質感同彈性 餐湯同埋熱飲係跟餐送嘅 唔使加一服務費 仲可以用支付寶俾錢 可以用支付寶俾錢我覺得幾新潮 因為唔係間間餐廳都可以用支付寶俾錢 所以都幾方便

其實中學時代都有食過花園餐廳，今次係同朋友慶祝生日先黎既。我地嗌左兩份牛，我唔中意太生既牛，所以叫左7成熟；我覺得岩岩好，呢個價錢鋸扒可以話係超抵！當然佢地既服務質素一定冇高級餐廳咁好，但係都過得去啦。

講到搵食... 大家即時想到香港🇭🇰旺區之最「旺角」，各種中日韓美意法印俄菜館林立，讓人花多眼亂。有人愛「潮聖」去追捧最新的餐廳🍴，有人愛去環境佈置氣氛一流的餐廳🍴，方便打卡，而我今次去的古舊的花園餐廳🍴滲透濃濃的香港味... 燈飾昏暗，一排排卡位，每個位的枱上都擺設... 呢個格局咪就係50年代既西餐廳🍴//扒房，衣家僅存呢d味道既餐廳不多，未食正餐前都好好享受環境一下。今次點了牛扒餐，配羅宋湯。牛扒大大件，夠淋，夠曬juice.. 加上薯條🍟炸得又夠脆身，又大條... 一百蚊都唔洗落樓，抵食😋😋

豉油街花園餐廳褶埋之后, 好彩都重有山東街嘅哩間花園, 不過唔多就腳, 我自己少去朗豪坊哩邊.點咗一個蒜香焗羊仔扒, 日式神戶牛柳:優點 :1, 跟湯嘅餐包唔係暖, 係熱架!2, 西湯跟牛油餐包係我一直欣賞嘅配搭, 如果跟蒜蓉包更理想.3, 白湯濃郁.4, 環境算唔錯, 唔太嘈, 我亦都鍾情D二樓有景望吓嘅餐廳.5, 鐵板夠熱.6, 當D蒜蓉汁淋落塊熱辣辣嘅鐵板發出嘅”咋咋聲”極吸引, 而且發出極香濃嘅蒜香, 令人食指大動!7, 羊仔扒肉質極鮮嫩.缺點 :1, 冷氣唔夠呀!!!2, 我坐近水吧, 見到水吧D員工徒手就將D檸檬放入個杯, 當知道我偷偷觀察時, 就轉用夾夾檸檬, 唔多衛生囉…. (我知道廚房就係咁, 眼不見為乾淨!)3, 黑牛嘅可樂味道奇怪.4, 紅湯比較淡.5, 牛柳唔夠鮮嫩，肉質硬咗少少.總結：都可以再幫襯嘅,下次再黎過！

下午4點到，本來認為待應很沒禮貌，位也不帶，問也沒回話，後來點餐有位女待應很認真和細心解釋，令人改觀，最後點了肉眼牛扒(紐西蘭 )和純種黑毛安格斯西冷牛扒(美國)，羅宋湯，加意粉，華田，和奶茶小甜濃茶跟餐的餐包十分普通，沒有牛油刀，要用切肉的餐刀粗暴地塗抹牛油，哈哈可是羅宋湯非常推薦，比很多餐廳做得好太多，有濃濃的肉味和蔬菜味，不辣，稀湯水質地，湯料很足，可是湯料口感其實不太好，建議只喝湯A級肉眼牛扒，女待應建議4成，可我還是點了6成，來到後用餐刀切割，肉裡帶幾絲肉根，沒有牛味，口感要費點力咀嚼，一點都不軟身，但亦不老。抱著百多元鋸塊肉的心情還是能接受的純種黑毛安格斯西冷牛扒(美國)跟肉眼僅相差50元，味道卻有很大分別。要在花園餐廳點牛扒的話，還是建議這西冷好了，有嚼勁但不算費力，一同前往的老人家，能咬到這塊西冷，卻咬不到那肉眼。而且這塊肉有一點點牛味，而不是像其他"拿"到無味的牛扒意粉很難吃，建議不點，餐飲也很難喝，華田是水，奶茶已叫濃茶了，還是只有花奶味花園餐廳當然完全不能與mr steak 等的扒房比較，百多元的平民扒房有很多，較著名的，大致上有深水埗那兩間和荃灣那一間。深水埗那

今日夜晚8.30左右尼食 樓面姐姐態度勁差 好似趕收工咁勁吾耐煩(但係經理態度好好)叫左個鐵板海鮮餐🦐🦑🐟 首先尼左個羅宋湯好鹹😣飲左幾啖就冇飲之後係海鮮 有魚 蝦 帶孑 青口 魷魚全部都係炸過 啲炸皮加上啲汁 好核突🤢

花園餐廳一向係香港人既窮人欣物，撇除環境因素，確係物超所值，百幾蚊位一份牛排、麵包、餐飲算唔錯，今次點左份兩成熟既牛扒，坦白講兩成的確太生，下次都係3成好d，最緊要人唔算太多

2018-12-31旺角分店,今日下午約3-4點左右我同朋友上去食野,人就唔算多,坐低點完冇幾耐就有食野,食物都可以接受,但服務態度就欠奉,當食食下野就有個人埋來收野,來來回回都收左幾次,我都明白可以係公司政策想個客坐得比較舒服,但比到人感覺係趕客走,不過都唔緊要,到埋單時,收到張單係135蚊,咁AA制同朋友夾好數出左140蚊,之後等左好久都未找錢,跟手我朋友問職員A係唔係會找錢,到搵返收錢果位男職員B話已經找左錢畀返我,我即時叫職員A睇返CCTV, 職員A話畀返5蚊當算數,而職員B大大聲”果5蚊當我畀你啦”, 當然5蚊有冇找到唔係問題,重點係冇找到錢就唔好老屈個客啦,真谷氣!

係旺角行街肚餓想食中午，走左黎山東街附近食野，又想食西餐就揀左花園餐廳，一間老字號既港式西餐廳。叫做比上不足比下有餘中中庭庭 ，一個餐圍起 50-60左右，有湯又有飲品。一般我入親去都會叫個扒同焗野。叫咗菠菜芝士焗原條龍利魚柳同穀飼豬肉眼扒拼珍寶腸。加錢（$3）要咗個餐包，佢本身跟湯，但係始終食西餐，有個包開心啲。個包都幾鬆軟，同埋都仲係熱既。穀飼豬肉眼扒拼珍寶腸（$52）豬扒都結實嘅，珍寶腸係司華力腸，不過就唔係比足全條嘅，¼條左右啦。但係都夠食㗎啦。菠菜芝士焗原條龍利魚柳（$68）龍利柳都係比較結實嘅，應該都係用冰鮮嘅龍利柳。而且龍利柳焗飯係炒飯底。好過依家出邊啲焗飯不知所謂用啲濕嘅白飯落去焗，真係唔掂檔。總括依然，50-60蚊食到咁多野，我地2個人好肚餓都仲食剩半個龍利柳飯。而家個市黎講，呢個價錢有呢個份量同質素算係咁唔錯啦。

星期日晚旺角到處都多人食飯，反而花園餐廳不用等位，就選擇咗佢，近期網上好多對花園餐廳服務和食物都幾多負評，上去前都抱有心理準備。叫咗晚餐新西蘭牛柳，五成熟。結果一食就知大獲我同朋友都叫五成，結果嚟到嘅都係全熟。同侍應反映，反而同我地講，鐵板上係會熟d。喂大佬你唔好咁痴線啦，咁我下次係咪要叫塊生嘅先食到五成熟。反而飲品更好，凍朱古力夠濃。下次一定唔會再嚟

今日出旺角睇家具，行到餓又已經3點左右，就去搵食，開頭完全諗唔到有咩好食，行下行下就見到花園餐廳，就唔理三7二十一就入去，一上到去嘩！好多人呀😲！好彩都有位侍應帶我們坐卡位，就睇下有咩好野食。我地叫左個魚柳薯條🍟，不過塊魚柳有點黑，不過食落都ok嘅！再叫多份西冷牛扒🍽，鐵板上熱騰騰的♨️，侍應立即叫拎起紙巾，二話不就就倒汁落鐵板牛上，立時發出吱喳聲，當堂流口水🤤，再叫多個西多,朱古力冰樂，不過不失！滿足哂！

今日去開朗豪坊嗰邊行街 但係又唔想食朗豪坊入面啲貴價餐廳 咁就去咗附近嘅花園餐廳食個午餐 十一點幾嘅時間 餐廳唔算好多人 同埋都好多卡位 坐得幾舒服 十二點幾開始坐滿😮 佢嘅午餐普遍都係50幾蚊到 算係可以接受啦 每個餐都跟一個餐湯 如果想配餐包就要另外加錢啦 我地冇加到 但係都食到好飽 忌廉湯就淡淡地 冇咩特別🤔 我地叫咗一個雞扒拼脆皮腸飯 同埋芝士火腿焗魚柳飯 扒嘅份量真係好多 雞扒一大塊 睇相就見到係大得幾咁誇張 個魚柳仲厲害 有成三大塊 真係好抵呀😻 雞扒拼脆皮腸飯就普通 雞肉幾嫩 腸仔就偏甜 而焗飯嘅魚柳有啲雪藏味 好彩個芝士汁幾濃味 個飯亦有炒底 幾好食⭐️ 呢間餐廳最優勝嘅地方就係好大份量 所以感覺幾抵食 如果想個平平地又好飽肚嘅午餐 呢間餐廳會係一個唔錯嘅選擇👍🏻👍🏻

完全不尊重客人，女經理未食完嘢自把自為取走食物，感覺是唔歡迎客人光臨咁，老闆麻煩跟進一下！下午茶啲員工企哂係到傾計，叫佢地都唔想應人咁！垃圾餐廳！員工處事方法唔識補位！