花園餐廳 (已搬遷) 新店位置

今天接近中午到觀塘見客, 辦完公事, 正直Lunch時間, 不想在工廠區同人迫!走上裕民坊搵野食, 唉, 一樣很多人, 望到花園餐廳大大個招牌, Okay 啦, 1:15pm 嘩好多人呀, 好彩我一個人, 不用等, 不個要搭檯喎.......不用考慮, 是日午餐之西冷牛扒配飯1. 先有嘉頓餐包仔配牛油 (普普通通)2. 羅宋湯 (不夠濃, 冇乜料)3. Main Course - 西冷牛扒配飯 (Size - 略為細咗少少, 但肉質也算有趙口)4. Ice Lemon Tea (okay)整體不過不失,同時出餐效率之快, 不用15min. 食完! 嘻嘻, 我係食得快咗口的!

兩個人去迪士尼遊玩之前,把握時間到來吃個午餐,否則去到玩起來,不知叫甚麼的東東吃 芝士肉醬石斑焗飯~~石斑大塊香口,焗飯是蛋漿炒至金黃色的飯底,加上香味撲鼻的焗芝士,不錯黑椒牛肉吞拿魚焗意粉~~其實吞拿魚鬆尚可,焗意粉亦軟得來有嚼勁,可是被牛肉徹底破壞,還以為牛肉曾經煲過湯﹑出透了味後再拿出來重用,它像咬住一塊沒了味的香口膠,極難吃,放下一大堆於意粉內也枉然!

周日與老豆食飯，記得佢之前老人家話想去食扒，不過又死都唔肯走得遠，於是呢日只有帶佢去官塘花園餐廳。還記得十幾廿年前第一次鋸扒就係來呢間，面對幾次金融海嘯風暴，真估不到花園餐廳竟然可以做到今時今日。十幾廿年無來過，環境依舊，較昏暗的燈光襯著格仔枱布，十年如一日﹗老豆話來扒房別無他選，一定要食西冷牛扒，咁就一人一個西冷扒餐吧﹗餐湯是羅宋湯配上蒜蓉包，味道尚可嫌佢唔多夠肉鮮味，可以更好﹗主角上場，最開心的當然是待應幫手淋上黑椒汁全場噴煙的一幕，要了七成熟的扒老豆的一塊切落還是血淋淋的，佢係咁嘈亂巴閉，我只有同佢對換吧﹗事實我也愛生一點的，我估這件只有五成熟左右，切開血水係咁流出來，只有在鐵板上再灼多陣吧，火喉掌握似有問題，西冷扒肉汁幾多亦牛味濃郁，係要彈的就是我吃的一塊有條大筋黐住，切左佢無左四份一，肉質咬落亦有少少渣，美中不足﹗老豆細說當年在新加坡夜晚吃個牛扒餐溝女外浦通頂故事，當然得啖笑吧﹗80蚊位左右，味道都算ok了吧，老扒房服務快上快落是必然，卡位闊落都幾好坐，既然十幾年先會來一次，沒有可能不給笑評吧﹗

突然講起原來H & K一直都未試過一齊食西餐，故此今晚放工後便決定到公司附近老牌連鎖西餐店的花園餐廳食晚飯H 點吃的菠蘿海鮮焗飯 ==> 原個菠蘿焗，但不夠香，海鮮配料有青口，蝦及魷魚等，但不太新鮮，飯有炒過，但為何無菠蘿呢? 總括來說味道非常一般K 點吃的晚餐是雞扒配帶子 ==> 沒特別，味道一般感此歷史悠久連鎖西餐店的食物水準依舊，故仍有很大的改進空間，但除了食物，服務態度也應跟時代改善下啦 !

食物真係幾好食.....但係....我見到廚房有個人....食住枝煙仔....係廚房門口.....好似好型咁喎.....乜唔係禁左煙成年啦咩.......重可以食得咁勁...佢係第1個我見到佢件杉寫住666....魔鬼咩....

和朋友在花園餐廳同樣都點了肉眼牛扒(碟上)，但都異常的變成超薄牛扒，更奇怪的係兩碟牛扒竟然很截然不同，互換了一點食，我的很很很韌，切不開更咬不到，但朋友那份完全相反，切兩三下便輕易切開了，咬落口更是不正常的鬆化......食過咁多間花園餐廳，呢間算品質最參差，不再會再食的一間

午餐跟同事到此吃午飯.點了一個特餐, 有一個餐湯(紅或白), 小牛油圓包, 飯或意粉或薯菜, 及飲品一杯.點了一個焗石斑鴨胸飯, 石斑魚滑, 鴨胸入味.味道算是不錯, 有相當的質素, 份量卻一般.其他同事點的什扒飯則份量十足, 香氣飄逸.味道也算是不差了吧.配薯菜則讓人有點沮喪, 有一位同事點焗石斑鴨胸薯菜, 配一舊薯蓉兩條菜心而已不過這裏的服務態度較差, 問其中一個侍應取飲管之時,他隨手扔在我們的桌上....

又係觀塘時間.今日係第四劑.好久冇花園餐廳今日重返~叫了個牛扒,女友叫了羊扒~兩人都係羅宋.但一上, 湯冇肉味,包完全唔得....凍又淋, 好差再係咁真係唔得.... (好傷心因幫襯了好多年....)湯好茄味, 完全冇牛肉味....包凍, 淋....好失望, 完全唔得!之後上牛都真的5成但中央有點凍o既?好敏...差好少便喊!女友的羊尚算ok好多蒜, 羊切成一舊舊, 已去骨. 未試過, 但ok, 冇問題.生熟也ok. 正!薯條也正, 但為何我的薯條, 係不同的, 我的係百佳一包裝的.... 女友的係餐廳自己切的, 唔制.....凍飲一般.餐具全都係 sweetheart garden, 好甜蜜呢...

上星期六帶老豆老母去左官塘間花園餐廳据扒, 諗住滿足下佢老人家既肉望. 去到簡左個光線不足既位置坐. 老豆就一向同牛有仇, order左個肉眼扒餐要五成熟. 老母就鑼絲粉套餐, 我就要個普通牛扒珍寶腸晚餐. 先呢三個紅湯, 味過鹹加完全飲唔到紅湯應有既味, 好似飲盬水一樣. 餐包竟然係凍到成個磚頭咁硬既蒜蓉包. 相信已經整好大半日賣唔去果d. 老豆一向食牛扒都比較講究...但好失望舊肉眼扒唔只係全熟仲要同大家樂賣既一樣薄...整到好似塊柴皮咁...極無奈!! 其他服務一般慢, 叫埋單時就好快...相信唔會有下次!!

畢業禮過後，「邀請」班主任食晚飯十時左右，好多餐廳已經關門，左諗右諗，都係黎呢度据下扒。不用睇餐牌了！每人一個神戶牛柳餐！豪氣得很。同老師有說有笑，不知不覺大約廿分鐘，一塊塊鐵板已準備上枱了。神戶牛柳，來個medium-well，黑椒汁。不竟花園餐廳怎樣也是花園餐廳，所以要求也沒有太高。神戶牛柳相信不是A級或B級的貨色，但沒有overcook的現象，算是對辦了！肉質沒有出奇的鬆軟，相信沒有經過「化學作用」。有說有笑的一餐。這一餐，氣氛比食物質素要緊，食物雖然只是一般，但最後一次著校服吃飯，實在有記念價值。多謝班主任

好耐無黎食，以前成日黎，留底唔少眼睫毛。今日一行二人，黎食午餐，叫了二個牛扒set lunch$36，要薯菜、羅宋湯、凍檸茶。個湯無以前咁好飲，以前又好飲又濃郁牛肉味！個牛扒就ok啦，中規中矩。但d 薯條都唔脆既！只係有少少熱，可能炸完好一陣子。唉，唔通問佢d 薯條幾時炸，才叫薯菜咩？反而伴碟的蕃茄仔及粟米都好甜下喎！凍飲不用加二蚊！合共$72。呢個價錢算ok 啦！(係大家樂叫個餐加杯野飲都係要三十幾蚊啦。呢度有餐湯又有凍飲。)

食過2次, 冇一次系好食的....d似好韌....咩似都唔好食.....唔得lo....第一次食九十幾蚊, 見唔系太好食, 所以第二次就食貴d, 不過都系唔好食lo~俾我寧願去沙爹王算了~仲平d添~

個人對港式扒房一向沒甚麼期望，自從農場餐廳結業之後，港式連鎖扒房便變成了花園餐廳與扒王之王之爭。經過本蟲幫襯過他們多間分店的經驗之後，個人意見是前者一去無妨，後者則可免則免。花園餐廳可說是港式扒房的老大哥，由食物質素、訂價到服務效率都已經貼近它這個市場的最佳平衡點，因此客源始終不絕。今次隨同事來觀塘分店，他們沒有給太大的驚喜，店內依然好像一般的分店般人頭湧湧。店內雖有電視，不過能否收看要視乎獲安排的座位而定。各式扒類都分別不大，如果不拘泥於生熟度，味道還是可以接受，最重要還是侍應效率，保證大家能在午飯時間完結前回到工作崗位。

逛完apm，又是晚飯時間，不想在apm內覓食，於是行到裕民坊附近，見到花園餐廳，於是就和老公去試試，我們點了一個大蝦雞扒餐、一個鮮果大蝦沙律餐。餐湯選了羅宋湯，味道不夠香濃，而且質地很稀，像蕃茄薯仔湯，不禁輕嘆一聲先說說大蝦沙律---有四隻蝦，肉質尚可接受，除了薯仔沙律之外，有兩片哈密瓜、兩片菠蘿和兩片不太新鮮的西瓜，而且沙律醬份量亦過多至於大蝦雞扒---大蝦肉質彈牙，有很多蝦膏，而雞扒則普普通通這餐廳的佈置比較過時，環境亦有些殘舊，其實我一向覺得一間餐廳的外觀和食物質素並不是成正比的，因為有些其貌不揚的餐廳，提供的食物很美味，令人一試難忘，這間花園餐廳的外貌、食物、侍應服務都只是一般，相信我都不會再次光顧。

成日都會到波鞋街個間食lunch..今日同班fd去買波boot黎左呢間食..入到去個waiter一樣黑口黑面..雖然好多間食肆都係咁..但呢d叫服務態度!?突然搵唔到普通鑯板牛餐..咁算..叫左個豬頸肉蛋炒飯..凍奶茶好快黎左..個杯比旺角個間細好多..奶茶好似冰水咁..得d色..有少少茶味奶味就冇個炒飯都ok..但材料略為少..味道亦都係一般找番錢個陣..特登1毫子都拎番..1毫子既貼士都唔值..好似俾面色我地睇咁..唉~食野好似受苦