花姐廚房

营业中

休息中

今日工作忙碌，出嚟食晏已經係下午茶🫖所以急急腳腳叫咗吉列雞扒配公仔麵🍜嚟填飽個肚。📝✔️麵身是公仔麵🍜，可以緊緊沾上湯汁，加上荷包蛋🥚撈混食，估唔到搭調，仲幾香口惹味㖭✔️吉列豬扒要快吃，脆漿偏厚好易腍🤤✔️雞肉厚身偏乾，炸🔥得夠入味，唔好錯過✔️香脆美味😋調味恰到好處，令人垂涎欲滴✔️沒有鬆粉味，肉質嫩滑，油香👍🏻味濃，而且外脆內軟，罪惡感滿瀉🈵✔️口感極之飽滿，令人一口接一口😀

簡單嘅午餐，五十蚊有肉有菜。雖然性價比唔算高，份量比較較少，但係而家庭式經營嘅小店嚟講，都係合格嘅一間餐廳。味道方面，所有嘢都係好普通，滷水味略嫌唔夠。不過坐得舒服，對住窗口風景，下次都會再幫襯，試吓其他嘢食。

今日我同太太去荃灣日攝太歲之後太太話肚餓想食少少嘢先去元朗但又趕時間，我記得荃昌中心樓下有啲茶記可以外賣上車食，咁啱揸車路過呢間快餐店不是太多人可能會快啲，開頭叫個雞扒包收我$45，而下午茶餐就$47雞扒包拼薯條+熱奶茶咁當然叫餐，一上車就發現裝熱奶個杯蓋用了凍飲的杯蓋所以冚唔到蓋，又裝得滿未放落杯架已瀉了五分一出來，用咗三份一盒紙巾先清潔到啲奶茶薯條正常冇特別，個雞扒包個包好似發水麵包咁又濕又淋，塊雞扒食完之後飲了四杯水仍然口渴，終於知點解冇幫襯人真心唔會有下次。

真系好垃圾。。難得新年主管請吃下午茶，就叫個豬仔奶醬再加多杯熱0水啦，點知一打開個盒，個包燶晒。。。唸住用花生醬覆蓋燶哂個個位。。真系當人傻喎，熱0水都可以整到甘苦，我真系冇野好講😂，仲要賣成二十幾蚊，吃個麥當勞仲好🌚

中午買午餐咖喱牛腩飯55元加5元飲凍檸茶, 個飯又濕，咖喱汁冇咖喱味，牛腩碎濕濕又極之有小，有幾粒薯仔粒，整體啲餸非常之少，完全唔值55元，性價比非常低，冇下次。

冇相, 唔想影, 叫隻熱狗可以整到難食, 真係唔簡單, 我食過其他店最多係唔好食, 但你係難食. 佩服隻熱狗冇落醬, 只有芝士 (賤價, 好難食), 牛油, 同"霎" 過的腸. 這太伏了吧

第一次食, 見到Openrice有外賣自取九折, 點知落左單後無反應, 打去問原來唔接openrice單 OK算, 咪直接去walkin落單囉 拎到返公司發覺少左奶油豬, 叫4個餐有3碗無湯, 其中一碗米粉變左公仔麵 , 炒蛋同火腿奄列竟然放埋係碗粉入面, 啲蛋俾湯浸到爛, 火腿通粉入面無啦啦有幾條雪菜, 啲野飲杯杯都無左四分一, 同事見到都問係咪有人飲過 見到個賣相都真係唔想食 外賣勁無誠意囉 打去同餐廳講,  佢話可以下次減錢, 但由於我地無諗住再食佢, 所以就要求一係佢搵人送返上黎, 一係退返奶油豬同米粉錢 (我地個個都唔食公仔麵架), 點知佢話退錢既話要自己拎返哂啲餐落去 個個返緊工點拎呀?! 咪唯有叫佢直接送返上黎, 又話自己無人手, 講完一輪最後淨係退返廿蚊, 其間仲話我地自己買外賣有責任check清楚啲野, 咁既服務態度真係西利 食物味道方面, 很難食 湯無味, 野飲難飲, 蛋浸到爛哂勁難食不會有下一次

Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍 花姐廚房位置比較小人識，如果黎開呢邊都一定食鼎鼎大名嘅餃子屋，但經過地下其實就係正三棟屋博物館對面，lunch time都幾多人食，keep住坐滿！不過舖頭比較細，茶餐廳咁嘅樣，但伙記哥哥都幾好人，好有耐性，上菜都好快，趕時間啱曬！—————————————————————❣️ 蔥油豬扒蛋飯 $48呢個係🐷爸的，🐷偷食咗一啖，嘩好食！大陽蛋真係好太陽，豬扒又唔會煎到乾柴咁！最正係蔥油，好香！呢個碟頭飯未必係最正，但小店黎講係幾唔錯！.❣️榨菜肉絲米 肉丁麵 配奄列/炒蛋豬仔包 $40其實呢個係早餐menu，不過+$5都可以照嗌！🐷同🐷媽就嗌左！🐷一坐低伙記就推薦肉丁，話係自家製，不過🐷唔食肉丁就由🐷媽試，佢話都ok，🐷個榨菜肉絲啲肉絲真係mamaday，好難咬一舊肉都咬唔到🤣火腿奄列幾正，蛋香濃，冇過火！不過太肚餓冇影相！—————————————————————不專業評分👅好味指數:3.5/5💰性價比:5/5

花姐廚房 網址: 地址: 荃灣西樓角路202-216號荃昌中心昌安大廈地下4號舖電話: 24029268=====================想全日食到洗式常餐all.day breakfast ? 沒問題，佢早餐menu 加$3 係中午時間都點到，對於唔想食碟？頭飯架人係個幾好架option有蛋，雞扒，腸仔 同奶醬朱仔包，蛋估唔到無過老仲幾滑架，係個膠同雞扒略鹹啦，豬仔包太乾身唔知放左幾耐啦，浪費了，牛油同煉奶都唔夠薯餅同toast 一睇toast 又過火左，乾到吐唔到。薯餅好油，用紙巾索極都有油味道直係一次就夠

好多人都講過，呢間細細地嘅茶餐廳好味道。今朝等我走去試一試，嘆返個早餐先。我叫咗個傳統早餐--叉燒湯通粉、火腿炒蛋多士、凍檸茶。先講個叉燒湯通粉，個湯底冇乜味道。要放大量胡椒粉,令湯底變得惹味。 叉燒有幾塊，厚厚的再煎香，好過其他茶餐廳隨便放落湯粉内。至於通粉用細細粒個隻， 彈牙、有口感、 容易入口、 好味過出面嗰啲。 鍾意食辣的， 可以試下加佢地既辣椒粉，又有另一種味道。至於火腿炒蛋，蛋淡咗少少， 如果覺得唔夠鹹，就要自己加鹽。火腿都煎香，熱辣辣既多士就稍為失望。 第一眼望落去會以為比錯方包。但了解後先知原來唔夠燶。 好彩搽夠牛油，否則肯定唔好食。由於呢度細細間地方淺窄， 但係樓面阿姐成日咆哮入廚房，把聲好尖又好似刺耳，所以耳朵比較辛苦，大減折扣。

兩個人叫咗兩個小菜套餐、埋單$100咋！例湯、小菜味道很好、唔會太鹹、亦冇落味精。老闆又細心、唔夠白飯仲比我地任添平過喺屋企自己煮、地方雖小、但很乾淨👍🏿👍🏿

下午4點，鮮牛肉豬膶麵；牛肉冇醃過，好大年紀。豬膶塊塊都食到筋（血管），年紀比牛肉仲要大；而且可樂賣曬。冇對個湯有幻想，不過湯味道居然比較接近雞酒啲酒味（醃豬膶落酒重手），啱曬生完進補驅風或者愛酒客。

今日自己一個人行街，經過這間花姐廚房，有點餓但又唔想食飯，見到有全日早餐食，所以叫了一份全日早餐，裏面有忌廉濃湯通粉，炒蛋/煎蛋，香脆奶油豬，餐茶。通粉上檯，完全唔係忌廉濃湯通粉，只係普通湯底通粉 (當時正是午飯時間，見到伙記好忙，所以算了冇追問) ，奶油豬都算脆，煎蛋餐茶(熱華田)一般，正常。呢份餐原價$32, 上午11:30am後要加$3。本來對這一餐並沒有任何期望，但係食物與商品說明不符，是否違反了商品說明條例？

今日嚟到三棟屋附近搵食，朋友推介花姐廚房 ，貪佢開喺馬路邊又有店外座位，方便泊車睇水。本來以為係普通茶記一間，事後上Openrice先至知道佢喺荃灣有好幾間分店。叫咗『鎮店肉丁麵』，配奶油豬同埋炒蛋，飲品就要奶茶。奶油豬落咗牛油同煉奶，香脆熱辣，唔差過某走高檔路線的上市茶記。炒蛋就普通貨色，係普通茶記級數。其實用普通價錢食到有心機整嘅奶油豬，都算難得。鎮店肉丁麵，賣相唔錯。肉丁唔係行貨開罐頭，跟嚟嘅醬汁甜辣適中，十分惹味。而且無好似罐頭肉丁咁散修修，可以食到一舊舊肉。撈埋公仔麵一齊食，罪惡感都忘記晒。奶茶正正常常，唔係乜嘢驚為天人貨色。但4草嘢有找嘅午餐，仲想點呢？

經過門口見到窗邊的2位客人正在享用豐富的all day breakfast，被吸引進去試試看！花姐廚房包羅萬有，all day breakfast、常餐、各類炒粉麵飯、咖哩、蒸魚或肉餅飯什麼都有，不怕悶，又處於馬路旁，可以望實自己架車，是司機們不錯的飯堂！當日不太肚餓，本人十分喜愛奶油豬，便點了一份常餐：沙嗲牛肉撈米粉及炒蛋奶油豬，仲連飲品，只是$32。奶油豬熱辣辣，外脆內軟，口感一流，配上牛油煉奶，加添一份香滑、甜絲絲，十分滿足！至於炒蛋，普普通通，沒有刻意弄滑～沙嗲牛肉撈米粉，不是罐頭牛肉，沙嗲味道濃郁！不錯不錯！