花楽 (北京道1號)

营业中

休息中

今日同男朋友仔發掘到呢間又有海景、又高質嘅日本料理。<輕燒平目魚邊黑松露沙律>平目魚燒到剛好，入口溶化充滿油香😍而且平目魚數量十分多，配黑松露好夾。<雲丹仲買人魚生卷>魚肉卷好豐富！有海膽、三文魚子、三文魚，魚生好新鮮，誠意之作。<厚切牛舌>燒得甘香，咬落軟腍。<黑豚肉紫蘇卷>黑豚肉入口溶，配紫蘇減低油膩感。<法國鵝肝赤海老茶碗蒸>赤海老質感爽口、鵝肝煎到甘香，蒸蛋每一啖都係鮮味，推介！<花樂燒賣甲羅燒>重點來了！甲羅燒超豐富，有蟹肉、蟹膏、蛋黃、海膽、三文魚籽，店員幫忙mix好，配法包食真係好開心🥰燒賣好特別，入口煙煙韌韌，入面係蟹肉，另外有海葡萄，下次要encore呢個set😍

今日同朋友去食日式料理，揀咗呢一間係尖沙咀北京道嘅日式餐廳，呢間餐廳最吸引我嘅位係佢有一個超級無敵大海景，可以一邊用餐一邊欣賞維港景色，食晚餐嘅時候仲有機會可以欣賞埋幻彩詠香江添！不過呢間餐廳除咗個景好靚之外，佢嘅食物質素都唔錯㗎 ！ 松栞蟹肉海膽甲羅燒石鍋飯呢個甲羅燒石鍋飯，淨係睇個樣都知道好味！蟹殼裏面有新鮮嘅松葉蟹肉同埋肥美嘅海膽等食材，將佢哋全部倒落個飯度充分攪拌，每一啖都係驚喜！佢嘅飯底比較特別，係煙煙韌韌咬起嚟比較有口感嘅～茗荷黑松露吞拿魚腩芝士卷呢個壽司卷都唔錯喎，最上面係肥美嘅吞拿魚腩同埋黑松露點綴，返下層係飯卷包裹住蔬菜，呢個組合好得意，食起嚟亦都唔會太滯！九條蔥和牛薄燒呢個好有驚喜，和牛好香牛肉味，肉汁都好多，而且燒得啱啱好，咬落去有淡淡嘅焦香味！明太子呢碟明太子小食都不錯喎，齋食明太子嘅話會比較鹹，所以店家好聰明咁用青瓜片做伴菜你中和咗明太子嘅鹹，兩樣食材混合埋一齊出奇地夾！燒物我哋嗌咗兩款串燒，分別係黑豚肉紫蘇卷同埋免治雞肉軟骨棒。黑豚肉紫蘇卷紫蘇味好濃好香，黑豚肉亦都好Juicy，火口控制都好好會令到個串燒太乾！免治雞肉軟骨棒就配咗一隻無菌蛋，雞肉鮮嫩，沾左無

尖沙咀呢一間樓上日本菜餐廳，估唔到當日平日夜晚都爆場坐滿晒窗口位置，窗口位可以睇到高空嘅夜景，下次一定要早啲預約窗口位～.🔥日本燒牛肉石鍋飯 $148石鍋飯份量唔算大，但係一上枱香氣撲鼻，牛肉軟嫩，飯粒飽滿香口，石鍋的熱力讓整體口感更上一層，配上粒粒洋蔥好好食🤤.🔥中華風燒賣壽司 $118呢個壽司別具創意，中西合璧，打卡一流🤭外表睇落真係好似中式燒賣咁🤣入面包咗蟹籽同吞拿魚蓉，中式嘅外皮入口即化，極具新鮮感🤭.🔥輕井沢芝士軟殼蟹水菜卷 $138水菜卷清新爽口，入面嘅軟殼蟹香脆可口，配上芝士，口感豐富，層次分明，可以encore🤤.🔥吉列炸蠔配黑松露醬 $98炸蠔新鮮熱辣辣，脆醬唔會好厚，脆卜卜🤤🤤配埋黑松露醬真係好正🤭.🔥另外都叫咗經典嘅居酒屋小食雞軟骨串燒、雞肝串燒、雞腎串燒香脆可口，新鮮即製熱辣辣🔥🤤.另外餐廳仲提供現場表演，有美妙的音樂聲伴隨著高空夜景，營造出浪漫的氛圍💕顧客仲可以喺點歌環節點歌，為整晚的用餐體驗增添了難忘的色彩🥳.

優惠話全單75折，落單時先知唔淨止套餐及飲品冇折扣，好多食物都冇折扣。坐低半個鐘都未有嘢食！店員又落漏嘢，錯漏百出。成餐飯食咗兩個鐘，等嘢食等咗成個鐘，唔講以為自己食緊法國菜。 然後餐牌好多食物都售罄，比個75折呃咗去食。體驗緊極差。叫咗一個牛肉蔥卷， $298 ，牛肉油脂分布很好，加上蔥味，真是香氣逼人。但是價錢很貴，這款也是沒有七五折的。只有四小件，感覺上性價比不高。也叫了一個彩虹卷，但是除了上面的魚生是三文魚，油甘魚及吞拿魚等不同魚生之外，卷襪的內容也是一樣的。

2個人埋單$1500幾，串燒一係死鹹，一係冇味。刺身好味，但係足足等咗50分鐘。全程有唱歌表演，搞到勁嘈，嘈到好似喺K房一樣，亦都係平時K房聽到嘅水準。兩個鐘頭白酒紅酒sake 自己斟, 感覺超級奇怪，同埋好味嗰支大吟釀長期都係得返幾滴，成日要等下一輪。侍應態度極差，如果你想破壞聚會，搞到成晚食都食得好唔自在，即管book啦!最終食唔飽我寧願返屋企食公仔麵，都拒絕再order俾錢佢賺！

位於尖沙咀嘅「花樂」坐擁超靚嘅維港景致，晚上黎食飯，真係非常寫意同浪漫菜式選擇亦都好多，有壽司Set，串燒，飯麵類，亦都有d fusio弓菜雞軟骨外脆內軟，香氣四溢。軟骨嘅緊實質感同輕脆表層形成鮮明對比，好味道黑豚肉紫蘇卷精心包裹嘅油亮紫蘇葉包圍住juicy多汁嘅黑豚肉清新香氣同肉質嘅鮮美交織，非常出色壽司八貫盛合其中最欣賞係黑松露帶子帶子有輕輕界出橫紋，令黑松露可以滲入帶子中，出色吞拿魚亦好好食，好鮮甜，口感好滑蟹膏味道好香濃，夾埋飯食，同樣係好好味中華風燒賣壽司好有創意以燒賣形式呈現壽司，燒賣魚肉改為拖羅非常高級又好味鯖魚一夜干更令我地好驚喜！鯖魚肉質細緻，好滑淡淡鹹香同鮮美魚肉完美融合仲要勁大條，2-3個人一齊食都可以值得Encore 的日式料理!

以前去過一次北京道1號樓上一間西餐廳覺得個view好正🔥所以今次就搵咗一間同樣位於北京道1號食日本菜嘅餐廳慶祝朋友生日🎂順便再回味一下個無敵大海景🌃今次嚟到”花楽日本料理🇯🇵”，一入去已經俾佢哋個景吸引住🤤Scan個QR code睇吓個menu，發現好多都係用新鮮食材配合日式嘅烹調方式 ，再用「花」做主題甚至擺盤，未食就已經比眼前嘅視覺衝擊咗個味覺，成碟食物都昇華咗👍🏻為咗朋友有一個難忘嘅生日，今次就叫咗兩款比較特別嘅料理😜分別係中華風燒賣壽司(4件) ($118)同埋雲丹仲買人魚生卷(2卷) ($198)💯除此之外，都叫咗幾款飽肚嘅食物 - 海老野菜天婦羅盛合 ($158)，黑豚肉稻庭烏冬 ($128)同日本燒牛肉石鍋飯 ($148) 🤓唔係講笑‼️個中華風燒賣壽司真係好靚之餘又好食😋本身諗緊點樣可以中日合璧，完來係外面一層軟糯嘅外皮包住吞拿魚茸同埋蟹肉再on top加啲三文魚子嘅壽司飯，食落好fresh又唔會有呑拿魚筋，入口即溶，好開胃😋另外差唔多$100一粒嘅魚生卷入面原來係包住幾款唔同嘅魚生角切同埋黃瓜，上面就淋咗一層滿滿嘅海膽加三文魚子🤤成個口感都好豐富，一次過食到甜酸苦辣嘅味

想食美食又想睇美景,花楽係不二之選。晚餐最正,因為香港既夜景盡收眼底。呢度食物既類別同埋種類相當多,先叫左前菜,係牛油果沙律,好refreshing,好岩炎炎夏日食。牛油果卷物都好味道,個飯用左壽司豉油去做,味道恰到好處。好中意佢個甲羅燒配燒賣既選項。店員係我面前整個甲羅燒,裡面有海膽、魚子、蟹肉各樣野,味道有層次,口感豐富。油甘魚鮫食到骨膠原既口感,炸魚就係另一番風味,都好好食。黑松露炸蠔份量好岩2人share黎食,味道都好好,肥美香脆。燒冬菇配有自調既醬汁,味道升華。

.‼️❤️ 記得CLICK我PROFILE關注我呀 ❤️‼️.🌸 下午茶以外嘅其他選擇 @ 🌟 花楽 🌟.💁‍♀️ 圖中展示美食為：中華風燒賣壽司 HKD 118海老天婦羅 HKD 88西京銀鱈魚 HKD 118清酒煮蜆 HKD 138虎蝦 HKD 58安格斯牛粒 HKD 46日本迷你甜薯 HKD 20泡菜黑豚肉石鍋飯 HKD 148.☺️ 自從起呢間餐廳打卡過佢嘅下午茶，一路都好想試吓佢餐牌上面嘅其他美食，今次終於約埋朋友仔一齊嚟試下佢嘅晚餐。.🍣 想食壽司，但係又唔想食普通壽司，所以就叫咗「中華風燒賣壽司」。喺個蒸籠入邊造型好可愛，打開係好似燒賣咁樣嘅造型，但係原來入邊係吞拿魚蓉，夠晒可愛。.🐠 另外「西京銀鱈魚」絕對係必叫！厚身大件，調味一流，燒得魚肉好鮮嫩，非常讚！.🦪 上檯一大兜「清酒煮蜆」，係大蜆黎嘅。份量十足，估唔到咁大兜呢！.🍤 食日本嘢最鍾意就係食天婦羅，叫左「海老天婦羅」，炸得唔會過分油膩，蝦肉彈牙。.🍢 額外再叫多幾款串揚，包括：虎蝦、安格斯牛粒、日本迷你甜薯。外層嘅炸粉唔會過厚，炸得外脆內嫩，同埋唔會過油。.🔥 好滿足有驚喜嘅係「泡菜黑豚肉石鍋飯」，泡菜嘅調味令到成個飯好惹

高級海景日本料理🇯🇵搜羅各地之新鮮食材🍲配合日式的烹調方式 🔥以及精緻和以「花」為主的擺盤🌺讓顧客感受到四季不同的時令食材😃熱氣球天空之森Tea Set日式下午茶🎈擺盤賣相夠晒吸睛，打卡一流🤩分別用熱氣球、玻璃盒子🎁及日式小盤放著不同的精緻食物😋熱氣球放著刺身：包括時令海膽、藍鰭拖羅、油甘魚、甜蝦🦐忌廉芝士鰻魚卷、吞拿魚蓉蟹肉餅🦀磯燒三文魚卷及火炙粟米沙律🥗日式小盤放著咸點：日式炸蟹鉗、三文魚腩、鱈魚乾🐟玻璃盒子放著各式各樣的甜點：櫻花水信玄餅、日本和菓子、日本蛋糕🍰芝士蛋糕及時令水果🍉跟餐附送果茶一壼🫖我們選擇了杏仁焦糖薰紅茶☕️茶具簡約精美🥹紅茶帶有濃濃杏仁香🌰及焦糖的甜甜口感，相當特別😙

今日行完海港城，去了附近北京道1號的日本餐廳，望住成個尖沙咀海旁維港景食晚餐。在這家位於市中心的日式餐廳用餐,可謂是一場精緻而豐盛的饗宴。開胃菜「輕井澤芝士卷」包裹著爽口的芝士,既富有層次又不膩口,為這頓大餐拉開了序幕。接下來,三文魚頭油分十足，烤得非常香口，令人垂涎欲滴。松葉蟹肉海膽炒飯將鮮甜的蟹肉、濃郁的海膽和香Q的米飯完美融合,層次豐富,入口即化,讓人回味無窮。在串燒美食方面,「雞翼串燒」和「鹽雞肉串燒」可謂是本次饗宴的重頭戲。前者外酥內嫩,肉質鮮嫩多汁,後者更是以簡單的鹽焗烹調,突出了雞肉本身的原味,兩者都令人難忘。除此之外,「秋葵串燒」、「煙肉車厘茄串燒」和「雞腎串燒」也為這頓大餐增添了不少亮點。前者爽脆可口,後兩者味道香醇濃郁,無一不讓人垂涎欲滴。最後,「蟹肉吞拿魚燒賣」為這頓大餐畫上了完美的句號。軟糯可口的外皮包裹著鮮美的蟹肉和吞拿魚肉,入口即化,可謂是絕佳的收尾。總的來說,這家餐廳的每一道菜都經過精心設計,不僅美味可口,且每一道菜都有其獨特的特色,令人百吃不厭。強烈推薦給喜歡日式料理的饕客們!

平時港女Tea食得多，多數都係有幾款唔同嘅鹹、甜點，今次去呢間日本餐廳，竟然有日式下午茶供應，喺Tea Set入面有刺身可以食到真係第一次😳！呢間餐廳係北京道1號，入到去可以望到無敵大海景，望住海景嘆番個日式下午茶，chill一chill打個卡📸-——————————————🎈◖熱氣球 Air Balloon◗ $588 for 2 pp會先上三樣鹹點，可以作為一道前菜塾下胃先～然後會上一個有刺身嘅熱氣球，各款刺身都厚切鮮甜，仲有海膽可以食🤩！另外仲有啲刺身同茶點嘅fusion料理，好似吞拿魚蓉最中餅，食落又幾新奇💕～鹹點ღ 三文魚ღ 日式炸蟹鉗ღ 鱈魚乾ღ 時令海膽ღ 拖羅ღ 油甘魚ღ 甜蝦ღ 巴馬火腿芝士卷ღ 忌廉芝士鰻魚卷ღ火炙粟米沙律ღ吞拿魚蓉蟹肉最中餅ღ磯之雪雜錦魚生卷甜品ღ 櫻花水信玄餅ღ 日本和菓子ღ 日本蛋捲ღ 芝士蛋糕ღ 時令水果🫖◖南非博士茶◗跟餐可以配兩杯飲品或者一壺茶，南非博士茶茶味濃郁，可以根據個人口味加入少許蜂蜜，入口更順滑😌🌟 Encore指數：8.3/10

餐廳環境開陽，可以望到海景，景觀優美。輕燒平目魚遊黑松露沙律(柚子醬）色彩繽紛，唔同嘅蔬菜，有火箭菜、生菜、蕃茄仔、洋蔥等等，配埋充滿油香嘅平目魚，同酸酸美味嘅柚子醋，好味道好清新。鹽水紫䒳芝士三文魚蟹肉卷唔同層次嘅口感，濃濃嘅蟹肉同紫菜味，之後食到三文魚香，同埋中間好爽脆嘅蔬菜壽司飯卷。松葉蟹肉海膽炒飯新鮮鮮甜嘅海膽，配埋炒得好香嘅海膽炒飯，飯粒分明，分量多，好飽肚，加上香甜脆蕃薯片，滿足。洋蔥泡菜豬腩肉片石頭鍋飯份量幾多，石頭鍋有飯焦香，加埋泡菜、洋蔥同腩肉片，味道好香好夾。吞拿魚蓉壽司燒賣好特別，好精緻，外皮好薄，加埋入邊吞拿魚蓉好香，整體感覺好柔軟鮮味。燒牛舌，厚身飽滿爽身，加上清新檸檬岩。

今日同朋友去咗尖沙咀一間日本餐廳食飯，之前上網睇話佢有清酒紅白酒放題，同埋有樂隊添。上到去見到環境都相當舒服同高擋，驚喜嘅係菜式都比較特別。 茗荷黑松路吞拿魚腩芝士卷啲吞拿魚腩新鮮，再包埋芝士，口感層次豐富，而且食落去一啲都唔膩。中華沙律燒賣賣相一百分，裏面有啲蟹柳同埋蟹子，外面有一層綠色嘅外皮係食得嘅。望落真係好似牛肉燒賣咁，而且味道都非常開胃！雞肉大蔥串燒串燒啲雞肉肥瘦適中，燒得啱啱好，外皮夠焦香，內裡多汁，配上大蔥，帶出香氣更加濃郁。厚切牛舌串燒牛舌切得好厚，入口即化，肉質鮮嫩多汁，燒烤得剛剛好，帶有淡淡的炭燒香味，加咗少少檸檬汁100分。免治雞肉軟骨棒裏面非常多汁，再加埋嗰個日本蛋黃，豐富嘅蛋香味，在家裏面有啲雞軟骨好多咬口，送酒一流！天婦羅拼盤天婦羅上有各種不同嘅蔬菜同蝦，炸得金黃酥脆，外層鬆脆內裡嫩滑！牛肉烏冬烏冬煮得啱啱好，彈牙有嚼勁，湯頭濃郁鮮甜，而且佢啲牛肉係用靚嘅和牛整嘅！ 食落去非常軟熟，一啲都無筋。 個湯好香牛肉味之餘仲有啲海帶，最後成碗飲晒🤣❤️❤️整體來講望住海景食晚餐，又有樂隊氣氛好好，嘢食亦都唔錯，性價比都幾高！

係一間非常適合慶生、慶祝紀念日等既餐廳, 因為一踏入餐廳就見到大片維港海景, 我地去到既時間剛好係黃昏, 所以仲可以欣賞埋日落兼夜景, 配搭餐廳天花板既花花裝飾, 非常有情調🍽️ 花樂燒賣甲羅燒 $218甲羅燒餡料豐富,有海膽、蟹肉、蟹籽、蟹膏、蛋黃, 仲會有專人幫你燒埋, 另外仲有蟹肉燒賣, 內裡包住滿滿蟹肉絲, 味道鮮甜. 餐廳仲附上法包同海葡萄沙律作配襯, 將法包點上甲羅燒味道一流.🍽️ 三蟹天婦羅 $88用剛炸起, 卜卜脆既紫菜包裹住一疏疏蟹肉, 天婦羅炸漿夠薄脆, 所以入口食到啖啖蟹肉, 非常滿足.🍽️ 油甘魚腩刺身 $78｜三文魚腩刺身 $48兩款刺身都係極厚切, 而且非常肥美新鮮, 入口油脂香十足. 🍽️ 鹽水紫菜芝士三文魚蟹肉卷 $128三文魚上面舖左蟹肉,入面則係原粒芝士同埋鹽水紫菜, 所以會食到三文魚既軟腍同紫菜既爽口兩種口感.🍽️ 厚切煙肉宮崎醬燒 $98 入口有小許煙燻味,亦好香醬燒味, 雖然厚切但完全唔韌, 肥瘦層次分明.🍽️ 日本燒牛肉石鍋飯 $148薄燒牛肉片再加上洋蔥, 面頭仲有流心蛋, 因為係石鍋, 所以食到底啲飯仲有陣陣飯焦香.