花香 (已結業)

琴日星期五約左朋友食飯，試左間新餐廳，有d失望😞有打卡位，係靚嘅，不過得一個。等左位勁耐先入到座。叫左兩個main course ，同兩杯野飲。成餐飯最好味應該就係杯野飲，最正常。雖然明白係fusion 菜，要有d造型設計，但係兩個菜式都係唔熱，味道亦好一般。侍應都好好，幫我地叮熱番佢，但菜式方面真係有待改善。個飯有d硬，因為有d糙米係度，但因為唔熱既關係，有d似食緊隔夜飯。個意粉味道好少少，mix紫蕃薯蓉係幾特別，不過都係唔熱既關係好扣分。賣相係幾靚，如果只係打卡係冇問題。Dirty Chocolate 同dirty matcha 最好飲👍🏻dirty chocolate 會甜d，好chocolate 🍫 ，超級鐘意朱古力味既可以試呢個。想冇咁甜既就可以試dirty matcha，呢個仲有抹茶雪糕🍦係入面。食完今次之後未必會再試，希望貴店看到後可以加以改善。😺總評分：5.0/10.0

小弟第一次寫喺呢度寫食評.. 無論最後出唔出到，都希望餐廳改善問題。叫咗兩樣嘢加杯嘢飲.. Oreo奶茶+卡班尼意粉+小籠包排骨麵。講真意粉同杯嘢飲真係唔錯。但最後上嘅小籠包排骨麵真係唔係一般難食。小籠包裡面乾到想要一滴湯汁都冇。塊排骨，出面係脆，但係裡面就好乾身.. 而碗嘢個湯底飲落同罐頭羅宋湯冇分別。Ok，我最嬲嘅唔係食物質素。因為講真好唔好味呢啲嘢唔會令到去特登寫段嘢投訴！ 最嬲係我食完呢餐嘢痾咗足足兩日！講真… 希望餐廳可以改善返呢啲問題.. 開得喺k11.. 真係唔應該係呢個質素

位於k11少女味十足嘅 打卡熱店主要食新派台式菜式小編們抱住中伏準備打開餐牌一個個都係新奇嘅菜色驚食物淨係得個樣咁但結果令我哋幾驚喜係間睇得又食得嘅餐廳#髒髒抹茶拿鐵一上菜 店員提醒要盡快飲滿杯抹茶加上忌廉同一大球雪糕恐怕再打多陣卡就會塌快手影完相後 大啖吸入抹茶味幾濃厚而且唔太甜一杯飲晒都幾飽肚#白松露雜菌雪糕意粉一開始都係抱住中伏心態叫呢道原來佢嘅雪糕係Cream cheese嚟意大利煮得Al Dente 有口感醬汁調味方面亦都出味松露控表示喜出望外🤩🤩外貌同味道一樣咁好#炸排骨拉絲蛋餅蛋餅煎得好香脆加上台式甜辣醬同拉絲芝士整體味道唔錯可惜係排骨炸得比較乾#髒髒朱古力朱古力上面灑滿朱古力粉濃郁嘅朱古力Creamy得黎又唔會太膩值得一試

食物個賣相來講，呢間餐廳係一流嘅，啲嘢食全部都好的骰，同埋好可愛，我特登加錢要呢一粒飄浮喺飲品上邊嘅棉花糖，用嚟影相真係好靚好正。我去嘅時候係復活節限定，啲公仔呢都用咗復活節主題嘅，尤其是嗰隻兔仔，同埋嗰隻雞，真係十分之養眼。我哋影相影左差唔多一個鐘，淨係影盤嘢食，但係當我哋食嘅時候，你眼望我眼，O，又中伏了，唔關我哋遲咗食嘅原因，係基本上全對嘢食都唔好食，唯一好食嘅係舊煙三文魚，你仲食到佢係舊三文魚味，仲有左下角嗰隻應該係西蘭花批，都係好好食，但除咗呢兩件，之後嗰啲全部都真係食唔落。不過呢間野又唔算貴，如果你淨係用黎打卡，咁都好抵比嘅。

ғᴏᴏᴅɪᴇ ᴛɪᴍᴇ 今次食咗花香💛平日夜晚去到都唔使等位直接可以食，餐廳裝修都幾靚，侍應服務態度都好好👍🏻不過佢係開放式餐廳😉原隻軟殼蟹黃金鹹蛋蝴蝶粉($138) 軟殼蟹都炸得幾大隻，冇咩油味！仲有蟹膏添🥳蝴蝶粉都好好味，每一粒都好夠味，不過冇咩鹹蛋味，得幾粒有🥺花香特色月見卡邦尼($128) 擺盤好靚😍上面有隻蛋黃分開左啲意粉同蝦咁！汁都幾creamy, 味道就不過不失😚一共有四隻蝦，都幾大隻同爽口😆整體黎講，野食質素正常，餐廳都幾靚幾啱打卡，不過如果價錢再平啲就好啦🤪

🍴花香🌸尖沙咀K11有一間少女系打卡餐廳，適逢朋友生日，便到這裡打卡用餐。餐廳到處都是打卡點，最吸眼的莫過於這粉紅色大蝴蝶結🎀的空間，配上彩粉色系的心心鈕扣狀型牆壁，餐廳無任歡迎客人在這裡拍照打卡。📍牛油果彩虹沙律 $𝟭𝟭𝟴 (推介指數：3.5/5）色彩繽紛的五色沙律🥗，沙律有車厘茄、粟米、南瓜蓉、牛油果、大蝦和紫揶菜，在蛋型碟上拼湊成彩虹般，成為視覺藝術效果強的一道單品，味道較淡。📍紫薯海鮮雪糕意粉 $128 (推介指數：5/5）又是一道打卡單品，雖然說是雪糕意粉，但不要誤會是凍食。只是餐廳巧妙地運用了紫薯製成忌廉球，再放雪糕筒上紫球上，形成甜筒般的模樣。紫薯忌廉和意粉拌勻吃，紫薯味意粉又滑又香濃，大蝦爽甜，魷魚新鮮，推介大家愛吃又愛打卡的，必點！ 📍紅粉色富士山白咖喱黑豚肉飯$118 （3.5/5）粉紅色的富士山飯，仙氣滿溢。飯粒粒粒分明，微微偏硬。白咖喱汁帶有椰香味，微甜的咖喱，黑豚肉片稍為乾身，幸好有點雜菌補救，在味道上挽回不少分數。 📍柚子蜜糖雞翼 $78 (推介指數：4/5）一客有5隻，雞翼外皮香脆，帶點柚子香蜜甜味，清新又好吃。📍手繪盒子蛋糕 $138 (推介指數：4/5

等咗足足半個鐘，即炸當然好食，但一定唔會再去！同樣要炸嘅排骨，12分鐘已經上枱。隔離枱遲過我哋入座已經食飽走人。當我催鹽酥雞幾時上枱時，職員話因為鹽酥雞要炸，所以時間耐啲，唔通頭先我食嘅炸排骨係唔使炸嘅？🧐🧐味道係好，但乜嘢好心情都比等待消磨晒！所以唔會有下次！！！

這間餐廳每一款食物及飲品都超吸晴超呃Like環境方面其實說不上舒服因為它是在商場內半開放式的餐廳總會覺得周圍人來人往的不過餐廳特別設計了自成一角的彩色磚牆專給食客自拍打卡之用食物方面真的好想每一款都試因為賣相實在太靚啦講多無謂,睇相最實際紫薯海鮮·雪糕意粉同埋富士山飯真係必點紫薯味其實唔算好重忌廉芝士夠creamy配意粉食好好味富士山飯外形好似味道不過不失尚算OK但為了影相所以都係要點來食一食既髒髒草莓奶綠及髒髒抹茶雪糕拿鐵真係要食得好小心因為真係好容易整污糟衫無論是士多啤梨定抹茶飲落味道都好濃味絕對足料

以為門面咁粉紅色，會係一間打卡為主only既餐廳，點知野食好睇又好食。主要係台式fusion 西式，意粉煎炸都有。我個男仔friend話自己一個男仔一定唔敢行入Li間餐廳（因為太粉紅色），但係入到泥食d台式蛋餅食得好開心。Li一杯係桂花奶蓋懸浮棉花糖，凍既係有奶蓋，熱既會係奶泡，大熱天時當然飲凍。奶蓋好厚（好肥但係好正）,桂花味都好濃。我朋友叫左Li杯蜜桃烏龍茶，我地覺得佢偏甜，但係用泥配之後個鹽酥雞煎餅（好濃味，熱辣辣）就balance番。我仲叫左個紫薯麻薯煎餅，但太肚餓唔記得影相。我覺得佢d野食好食喺佢一煮完熱辣辣拎出泥大家可以試試！我係weekday下午4點去食，間餐廳都接近爆滿，你可以先打電話泥叫佢留位。

上年 @floomfloom_cafe_kitchen 一開嘅時候已經同一大班女仔朋友嚟打過卡！一年後再次嚟到試吓新𝗺𝗲𝗺𝘂嘅打卡菜式先ʕ•ᴥ•ʔღ 月見牛油果彩虹沙律 (大蝦+帶子) $𝟭𝟭𝟴𝗙𝗹𝗼𝗼𝗺 𝗙𝗹𝗼𝗼𝗺 𝗥𝗮𝗶𝗻𝗯𝗼𝘄 𝗦𝗮𝗹𝗮𝗱 𝘄𝗶𝘁𝗵 𝗔𝘃𝗼𝗰𝗮𝗱𝗼 𝗮𝗻𝗱 𝗬𝗼𝗹𝗸, 𝗣𝗿𝗮𝘄𝗻𝘀 𝗮𝗻𝗱 𝗦𝗰𝗮𝗹𝗹𝗼𝗽𝘀好靚好特別嘅沙律♡︎有齊曬車厘茄、南瓜蓉、粟米、牛油果、大蝦同紫揶菜，好豐富啊！╰┈➤ 𝘁𝗮𝘀𝘁𝗲: 𝟳.𝟱/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟮/𝟭𝟬ღ 紫薯海鮮雪糕意粉 $𝟭𝟮𝟴𝗣𝘂𝗿𝗽𝗹𝗲 𝗬𝗮𝗺 𝗙𝗹𝗼𝗼𝗺 𝗙𝗹𝗼𝗼𝗺 𝗣𝗮𝘀𝘁𝗮 𝘄𝗶𝘁𝗵 𝗦𝗲𝗮𝗳𝗼𝗼𝗱紫薯味嘅意粉真係第一次見啊！紫薯忌廉撈埋意粉一齊食，淡淡嘅紫薯香，口感𝗰𝗿𝗲𝗮𝗺𝘆，仲有粒粒紫薯增添口感。果然真係睇得又食得～╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟴/𝟭𝟬ღ 紅粉色富士山白咖喱黑豚肉飯 $𝟭𝟭𝟴𝗣𝗶𝗻𝗸 𝗙𝘂𝗷𝗶𝘆𝗮𝗺𝗮 𝗞𝘂𝗿𝗼𝗯𝗼𝘁𝗮 𝗣𝗼𝗿𝗸 𝗥𝗶𝗰𝗲咖喱汁椰香味重，屬於甜甜地嘅咖喱，一啲都唔辣，仲有少少雜菌～略嫌黑豚肉有少少韌，不過都接受到嘅。粉紅色嘅飯粒原

位於K11內的一間ig-able cafe，食物賣相裝修設計都係走粉紅色少女系風格，角落位圖案牆專俾人影相打卡！另外其實佢同厚福街 鳥語 Floom Floom係姊妹店，鳥語花香~環境有少許分別，不過食物種類賣相都相似。👓月見牛油果彩虹沙律(大蝦+帶子) $118 賣相七彩顏色同好豐富材料係幾吸睛，好多隻大蝦，配上椰菜絲、粟米南瓜蓉車厘茄同牛油果，帶子粒藏於中間嘅牛油果殻並加咗個蛋黃來模仿月見，但個人會比較鍾意食原來帶子多過切粒。用上類似日式醬油鋪喺材料底，面，頭再灑上芝士粉，醬油味道幾好但芝士粉做多咗因為有少少奇怪唔夾味🤣評分：7.5/10👓粉紅富士山白咖喱黑豚肉飯 $118白咖喱係好食似日式咖喱甜甜的味道，完全唔辣，有洋蔥菇菌黑豚肉片。飯粒偏煙韌，不過整體係好，用上富士山造型再加上食用乾花，賣相係好啱影相🤣評分：8/10👓紫薯海鮮雪糕意粉 $128雪糕其實係紫薯cream cheese，食法係將紫薯球撈勻意粉，而意粉本身係忌廉汁底，所以最終味道都係忌廉汁味，不過其實雪糕球唔係太重芝士味或紫薯味，雖然意粉當中都有紫薯粒好搞笑，不過意粉整體只係好輕微紫薯味，有紫薯的關係所以意粉亦會帶點

假期來到K11Art Mall, 原本想食嗰間餐廳4:00仲排緊隊，係未食lunch 既情況下，唯有轉場。嚟到花香，裝修好吸晴，少女風，入座後叫咗兩個飯，分別係黑毛豬肉燥桃膠飯，同埋牛肝菌慢煮和牛飯。等左一陣，肉燥飯送到感覺上擺盆都幾有心思，跟住再嚟牛肝菌和牛飯，點知擺盆同肉操飯係一模一樣，開頭我望左一陣，以為比錯，哈哈。味道方面老實講比較失望，肉燥飯死鹹，一路食一路覺得寡同口渴，另外牛肝菌飯亦都冇乜特別食落覺得似碟頭飯，好多獻汁味道偏鹹冇乜層次感，和牛粒普通。所以總括來講如果來打卡嘅話係OK嘅，如果對食物有要求恐怕會令你失望。最後呢兩個飯賣單差不多$250, 但食物質素唔得, 個人認為性價比都非常之低，不推介。

Floom as You born to be💕 Pretty Cafe🌸💫..悄悄告訴你。。我總係對蝴蝶結🎀 有總情意結。或者女生無論幾大，都應該保持顆少女心吧。今次黎到尖沙咀K11，一間滿夢幻既西餐廳🍽，正席春天🌸 仲推出一系列fusion 創意概念既 Menu，無論賣相 & 味道都有驚喜，好岩女生黎食飯共聚呢。🌈ll $118Floom Floom Rainbow Salad 💖ll $118Pink Fujiyama Kurobota Pork Rice💜ll $118Purple Yam Floom Floon Pasta w/ Seafood🍰ll $68Brown Sugar Boba Toast🥑ll $58Avocado Matcha Smoothie🍓ll $58Strawberry Yogurt Smoothie先來一客好似彩虹🌈 一樣咁繽紛既Salad🥗， w/ Avocado & Yolk Prawn & Scallop 夠新鮮；再來一客紅粉富士山💕🗻，真係好夢幻又有少女心 。東南亞風味咖喱不辣帶甜，很好下飯；紫薯Cone 既雪糕意粉🍝，更係有創意又打卡ab

近排天氣好熱☀️尖沙咀落咗鐵真係唔想行上地面🌚見有時間又唔係好肚餓就排下花香啦😝🦀原隻軟殼蟹黃金鹹蛋蝴蝶粉🦀炸軟殼蟹真係好難抗拒🤤就算幾熱氣都要擺入口👅鹹蛋醬唔係好漏嗰隻👍🏻配蝴蝶粉又靚又特別😍🍟薯條配雙色醬🍟又一熱氣選擇🤣配左黑松露醬不嬲都係最佳配搭👍🏻估唔到薯條夾牛油果醬效果都非常清新🤩感覺好似冇咁熱氣咁🍹蜜桃烏龍茶🍹特飲最怕飲到糖漿水😯花香果然冇令我失望🍄欣賞佢烏龍茶配有淡淡的蜜桃果香👍🏻

༺ 花香 Floom Floom༻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ 餐廳嘅燈光以粉紅色霓虹燈為主🌈，佢嘅燈光應該係調教出嚟俾人影相，所以就咁影出嚟嘅顏色就已經好好睇👍🏻。餐廳入邊最主要係有兩款食物係俾人影相嘅，一個就係好似富士山咁樣嘅飯🗻，佢有幾種唔同嘅口味，而我就係揀咗🌟 ⊰ 膠原滿滿熔岩飯 ⊱，其實佢係一個西班牙黑毛豬滷肉飯嚟嘅🐽，可能因為要整到好似山咁嘅造型🗻，所以啲飯係會有啲硬同埋乾💫，但係啲滷肉同埋汁係好食嘅。另一樣打卡嘅就係呢一杯🌟飄浮棉花糖嘅嘢飲🍹，佢有好多種唔同嘅公仔可以揀，有狗仔🐶，豬仔🐷，哈哈笑😜，獨角獸🦄等等。。。我覺得嘢飲就好一般，但係就勝在個棉花糖夠靚可以打卡😍。除咗打卡嘅食物之外我仲叫咗⊰ 特色大蝦卡邦尼意粉 ⊱ 🍝，食落個醬汁真係好creamy😋，而且啲蝦都幾新鮮彈牙既🦐，值得一試👍🏻。∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ 餐廳🛎：花香 Floom Floom地址📌： 尖沙咀