芽莊越式料理 (海港城)

营业中

休息中

知道呢間分店有窗邊海景位, 而星期日又無得book, 所以就早早去等位。 餐廳12:00 先開門, 大概11:50 就有人龍喺門口等, 而最後我如願以償可以坐到窗邊海景位。🍴香茅串燒沙嗲-豬腩肉串燒係炭燒嘅, 豬腩肉嘅肉同脂肪分佈得好平均, 燒得好香脆, 用鐵板熱住咁上碟, 令到個串燒唔會咁快變凍, 而串燒底放滿花生沙嗲醬, 香濃惹味。🍴燒乳豬 (1/4 隻)越南乳豬同我地平時食嘅乳豬有少少唔同, 肉質比平時鮮嫩, 燒嘅火候剛剛好, 所以乳豬皮好脆, 而肉就保留濃濃肉汁, 好滑好嫩。🍴牛油果鮮蝦沙律上碟時都無為意原來個沙律漏咗d大蝦, 直到waitress 拎個兜仔裝住4 隻蝦過嚟, 我地先知漏咗。個沙律有雞蛋, 牛油果, 三色茄, 青瓜同腰果, 不過就無menu 提及嘅芝麻脆片。成個沙律都好清新, 望落好似無乜醬汁, 但食落其實唔會, d 配料配合得好好。🍴香茅燒牛柳撈檬呢間餐廳嘅炭燒嘢食做得好好, 牛柳燒得好香, 保持大量肉汁好Juicy, 肉質軟腍! 撈檬配有大量青瓜絲, 生菜, 紅蘿蔔絲同炸蒜, 味道層次好豐富。🍴蘇丹王D24 榴槤沙冰未飲已經聞到好濃嘅榴槤味, 飲落口唔會覺得

雖然芽莊係我飯堂，我居然從來未寫過有關佢嘅食評。點解我話呢間係超抵食：1）係海港城搵間唔係快餐坐低食飽又可以唔使$100嘅，芽莊係唯一選擇。呢間芽莊仲要有海景，夜晚嚟仲可以睇到幻彩詠香江。2）呢間芽莊嘅食物水準比起其他芽莊係好啲。3）食物用料上乘而份量又適中，價錢又真心唔貴。今次午餐叫咗我最鍾意食嘅：蕃茄蟹湯檬同埋燒牛柳沙律🥗蕃茄蟹湯檬呢個湯檬，俾佢攞第二，估香港冇第間會攞第一。蕃茄海鮮湯底食得出好足料，蟹肉蟹膏整成一個個圓波波再加埋半隻蟹俾你，呢碗湯檬都唔使收$100，係咪好抵先！燒牛柳沙律講真呢個沙律係肉多個菜嘅！佢嘅燒牛柳又香又厚又juicy，配個越式酸辣汁，簡直食到停唔到口。其實芽莊咁出名，係有原因嘅！*見到有多個食評講呢間嘅服務麻麻。由於我差唔多每兩星期都會嚟最少一次，的確呢間嘅服務水準係時好時壞😶‍🌫️😶‍🌫️

8號風球返工我明白係會心情唔好，邊個想橫風橫雨返工，既然返咗工，都票尊重自己崗位同客人，今日幫襯呢間餐廳真係一肚火，落單時侍應已經黑口黑面，好似唔想做咁，語氣又差，叫了碗3拼粉麵同凍檸茶，碗要求全走配料，唔要所有菜，檸茶就要少冰，當食物飲品嚟到枱面時，食物乜都冇走到，杯檸茶啲冰多到吉唔有檸檬，侍應之後拎返入去換，點知出嚟時，碗麵都係有菜，一錯再錯，挑返啲菜出嚟都要成半個鐘，碗麵都凍哂，啲服務真係差到爆

擁有超過十三年歷史的芽莊越式料理，堅持採用最新鮮上乘食材來泡製正宗及地道越式美食食品方面 :芝麻蝦多士 : 成條蝦多士鋪滿芝麻，爽滑蝦膠及香脆的多士，美味的小食墨魚昆布沙律 : 越式沙律撈上昆布再加上原隻墨魚筒，開胃又好味拉椰葉燒牛肉 : 份量十足的原粒牛肉卷，，燒牛肉滑嫩，整塊牛肉都有香葉味濱海伴慢煮五花腩 : 五花腩香口，加上生菜、醬汁同濱海一起吃，惹味又飽肚脆皮蝦卷檬粉 : 蝦卷香脆，撈埋檬粉一起吃，油而不膩

平日下午茶時段，在海港城買完野，見到這間越式餐廳有下午茶餐食，又不用等位，就入咗去試吓🙂叫咗兩個餐👇🏽河內手打牛丸粉$78牛丸幾彈牙，不過數量唔多，因為佢一開二，粉幾滑口，個湯清清哋ok香茅燒雞翼撈檸$78檸粉軟硬度適中，撈檸汁味道剛好，唔會太酸；雞翼口感唔錯，唔會太乾；札肉味道正常。餐飲叫咗桃蜜熱柑橘味道幾特別，幾清潤，全餐最愛這杯熱飲😬坐咗喺落地玻璃海邊位置，可以睇吓海景，同朋友傾下計，感覺唔錯！食物質素和味道一般，唔會有想再嚟食多次的感覺😛

had this chicken salad and beef rice rolls. The salad is very generous, the shredded chicken is tender and juicy. The herbs balance out the fish sauce which isnt too salty. The salad is made of a lot of shredded cabbage, carrot, cucumber and herbs. It's quite refreshing for a hot summer day. The base you will have a fried sesame cracker/ dragonfruit cracker (which added a bit of carb and is already filling). The beef rice rolls is good. Beef is juicy and rice papers hold well. A bit of fish sau

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️喺海港城shopping左成日要醫肚，見咁耐冇食過芽莊就諗住睇吓佢水準而家如何，好彩無揀錯：⭕️ 河內生牛肉河：湯底清甜濃郁，忍唔住飲多幾啖，而牛肉係本地手切，好薄好有嚼頭同牛味🙌🏻⭕️ 椰青蒸蜆：呢個比較正常，唔係好食到椰青味，蜆味都唔算太鮮，整體略嫌清淡。️ ⭕️ 堤岸炒米粉：呢個要推介，佢用嘅米粉比星洲炒米腍身少少但係有咬口。本身都對佢冇乜期望，點知食落有鑊氣，而且配料十足，配埋一齊味道一流👏🏻⭕️ 芥蘭苗：估唔到菜都可以整得咁好食，芥蘭炒得岩岩好， 爽口得來又唔會硬同苦，配上甜豉油甜蝦乾同花生碎真係好夾好好食🤤⭕️ 牛油雞翼大隻又炸得香脆，咬落去仲有好juicy，牛油味唔會好重，推介💁🏻‍♀️

今日天氣都幾翳焗🥵 ，中午喺尖沙咀做完正經嘢，就即刻匿咗入海港城涼吓冷氣～lunch hour好多餐廳都逼爆人，於是我繼續行，繼續搵下有邊間餐廳唔使排咁耐，結果行到嚟呢間稍為遠離熱鬧地帶嘅芽莊，見唔使等位就入咗去了～.其實都唔係第一次幫襯芽莊，印象中呢度嘅越菜係幾有特色，食物擺盤幾精緻，同埋味道都唔錯～首先同大家預覽吓我今餐喺芽莊食咗啲咩先～雖然今日得一個人自己撐檯腳，但我就眼闊肚窄，好多嘢都想嗌嚟試下，結果唔小心叫咗成檯嘢食～🤣🤣.天氣咁悶熱就叫咗碗湯河，貪佢濕濕哋，易入口易消化吖嘛！🤩 我今次嗌嘅係河內牛湯河三拼 (PHO COMBO)，可以從四款配料入面揀三樣，我揀咗生牛肉、牛𦟌同埋牛丸（無揀到黑毛牛裙邊）～我食PHO最鍾意就係佢會有好多越式香料配菜，例如九層塔、生豆芽、生辣椒、青檸呢啲，咁樣食嘅每一啖粉個味道都會好豐富好有層次！😝😝.食PHO第一件事緊係要飲啖湯先！啖湯牛味非常濃郁、仲帶少少酸酸哋～😋 雖然碗PHO好多料，但啲湯都係好鮮甜好清，好味道！上菜時，生牛肉仲係粉紅色，輕輕浸一浸落湯度稍為轉一轉色就已經啱啱好食得，生牛肉口感好腍，十分鮮嫩～牛𦟌就大大塊，成碗都有好幾塊，

不錯。量很大。等位等了10幾分鐘，速度挺快的。我們兩個人點多了。撈檬不太好吃。炒麵很好吃！其他的都還行。需要加一服務費，用券以後很實惠。入座後有一人一杯水。最後吃不下的還打包帶走了。

之前食呢間芽莊係叫外賣，今次黎就係食下午茶堂食，堂食又有得對住個海景食😆下午茶餐有分三部份選擇，小食 + 主食 + 飲品 = $96小食 -《西貢牙車快》睇中文其實我唔知係咩黎？見到餐牌寫chicken salad，一上菜，有驚喜，好大份，有青瓜🥒 紅蘿蔔 🥕椰菜，仲有炸蒜片增加口感又香，最得意係最底塊火龍果乾，因為第一次食，新奇有趣🤣美中不足係佢雞肉有啲柴🥲小食 - 《牛油雞翼》非常香口，有牛油香，脆，外皮炸得乾身而又唔會硬，雞翼既肉好嫩，非常juicy🥰主食 - 《河內手打牛丸粉》湯底幾鮮味，食完唔口渴，牛丸切開左，以為好多粒🥲牛丸食落都會有少少味精，但係唔過份，河粉好滑身。飲品叫左青檸茶同埋梳打，兩杯都好出色，清爽舒服😌雖然 $98食下午茶幾貴，不過我地係當晚餐咁食，同埋整體既食物都滿意，呢口價，有得食埋海景，感覺都算係值回票價啦😁

在海港城若果想吃西餐或者日本料理，絕對有不少選擇~但若果想吃其他就要花點心思揀選。台灣火鍋、韓國炸雞看起來都吸引，但感覺有點膩就果斷放棄。最後選擇了對比下較為輕盈的越式料理✦ 順化牛肉檬 ($88) - 這檬粉好像跟平時吃開的不太一樣? 吃起來更像米粉 ...其中的牛𦟌、燻蹄都切得幾厚身，而且口感也很軟稔 另外還有越式札肉，配上牛湯都幾惹味的。✦ 河內番茄蟹檬 ($88) - 朋友點的這個，有找到一些蟹腳 不過吃起來還頗麻煩，而且肉其實並不多 ... 還配了鮮蝦丸、豬肉認真覺得下次還是不要嫌麻煩，回去尖沙咀厚福街找吃的會是更好的選擇！

今天到海港城訂電器，送咗張餐券，食$200扣$100, 反正午餐要醫肚，所以買完野，跟手再看有乜食店選擇，由於多間食店都有人龍，於是一路在找優惠的揾食名單下，被一張有趣的壁畫留下腳步⋯⋯繁忙的都市腳步，看著又幾療癒。之後望著看到芽莊，一支公，又有位，隨緣、隨心隨吃⋯⋯先是打開餐牌，由於優惠卷，先要點上$200才能用上，所以要啟動揾食策略。飲品都算多選擇，原先想點牛油果沙冰，但後來點完兩個項目，都係睇下食完，肚子還有沒有位置放下飲品，因為依個牛油果沙冰都幾飽肚。當點菜落單時，我問店員有關這張優惠卷的一些問題，店員也很詳盡解釋，一讚。椰青蒸蜆$98~椰青水、芫茜、薑絲，點點辣椒，這個菜簡單清新，灑上點點的青檸更帶出蜆的鮮味，相信回家自學，繁忙都市人的一道菜。河內番茄蟹檬$88~碗內一隻蟹爪，點點蟹肉，番茄，扎肉，鮮蝦丸，豐富的配料。蟹爪帶點點鹹香，蝦丸頗腍身，筆者喜歡那札肉，夠彈牙。這碗蟹粉令筆者記起從前佐敦的一間越南小店，現已結業，味道總是回憶中，直到現在仍未找到當時那味道。

今日朋友邀請我去尖沙咀哩間餐廳食越南菜，黎到餐廳內人唔算多，係外面等左10分鐘左右，待應就安排左門口既位置比我地坐，唔知係咪因為我地有BB車關係所以先安排坐門口位置，一坐抵待應就提醒用餐時間限時90分鐘，90分鐘當然無問題啦，我地答收到。另一個黎慣幫親既朋友因為泊車之後先到，佢問我地點解裡面甘多位唔坐要坐哩度，裡面風景好靚的，我地無奈答係待應安排。開始睇下本meau有咩食先，我第一次黎，所以揭左兩轉本meau先諗好食咩，但待應係我地坐定5分鐘後巳過黎問我地落得單未，我地話等埋另一個朋友先，而朋友黎到後待應又再次黎問落單。於是我地嗱嗱聲落單，我地叫左兩個鮮椰青、一杯熱情果沙冰、河內蕃茄蟹檬、河內雞絲粉、同堤岸炒米粉食物分階段上台，先黎飲品熱情果沙冰：鮮豔的黃色，面層有些熱情果籽，沙冰好棉，好濃熱情果味。河內雞絲粉：好多雞絲覆蓋於面，湯底好濃牛味，朋友仲特登問店員拎左辣椒和青檸再自行添加，令到牛湯味道更提升另一層次。河內蕃茄蟹檬：蝦丸、蟹、札肉、蛋，湯底好濃，札肉係長條型的，比較少見，個檬粉似米粉一樣，滑溜溜，好好味。係享受緊既時候，其中一個朋友巳經食完，店員過黎收走佢個碗，朋友要餵小朋友

每次來到芽莊必定食蕃茄蟹肉湯檬，湯底鮮味濃郁，既有番茄的酸甜又有蟹的鮮味，非常開胃，檬粉份量幾多，再加上鮮拆蟹肉、扎肉及肉丸等配料，豐富又好味。朋友就食咗燒牛肉撈檬和炸春卷，肉質軟嫩牛肉味重，燒到啱啱好，撈檬配料有蔥油、生菜絲、醃酸蘿蔔、炸蒜同埋花生，撈埋特製魚露，啱哂熱辣辣嘅天氣食！越式炸春卷唔係用正宗嘅米紙捲，雖然幾香脆不過就有啲炸過火喇。

👁‍🗨 芽莊越式料理 📍尖沙咀廣東道3-27號海港城海運大廈地下G51號舖@----------------------難得一遇海港城無人潮湧湧，見間間都唔洗排隊，最後揀咗依間越式菜，天氣悶熱食應該啱胃口餐廳環境非常寬敞，裝修甚有越南風，舒適優雅，客人入座率7成左右，一入到去就可以坐低Menu上食物種類款式非常多，眼花撩亂，最後我哋2人點咗4款+甜品1款好食度：✔️✔️✔️✔️➰ 西貢牙車快🥗 $98第一道上先嘅涼拌前菜，其實即喺「雞絲沙律」，加入九層塔伴上酸汁，清新又開胃👍🏻 底部仲用上芝麻脆米片墊底，鬆脆香口，夾埋沙律口感更豐富➰ 會安軟殼蟹米紙卷 $88軟殼蟹炸得鬆脆，夾埋爽脆生菜絲同青瓜絲，米紙煙韌捲得紮實，咬落亦唔會散，沾上酸汁，清新解膩👍🏻➰ 越南香茅燒牛肉三文治 $76燒牛肉就一般，醃得過咸同口感過腍，法包外脆內軟，分開2件上，食得方便➰ 河內生牛肉粉 $78極速上菜，生牛肉過熟，但牛肉份量多，湯底清甜牛味濃郁，河粉吸收晒湯底精華，非常惹味停唔到口，好快就食晒成碗😋➰ 焗越南咖啡焦糖布甸🍮 $48份量都不少，表面燒得焦脆嘅糖面，配合超香濃越南咖啡味，奶滑微甜嘅布甸，值得推薦👍🏻💬