芽莊越式料理 (海港城)

营业中

休息中

呢一間越南餐廳吃咁多次都覺得不錯，而我多數都會食個超正嘅蟹肉蕃茄檬，不過今日我就要試一試新野，我決定要食呢個香茅牛肉撈檬。個檬粉配埋佢嘅醬汁同埋其他配料食落去非常香口尤其是洋蔥嘅味道超正入邊都有啲花生碎啦，蘿蔔絲同埋啲香草喺度所以成碗好香。啲牛肉煮得啱啱好佢醃得都唔錯但係個香茅味就差啲，可改善下。呢碗野個份量都幾多，整體滿意另外都叫咗一碗牛爽腩粉，個牛爽腩好嫩滑，湯底都好濃郁。配埋啲配料成個湯河都好香。所以整體來講亦都係一個好食嘅河粉

因為要趕住去文化中心睇concert 所以都驚佢上得慢 點知上菜好快 仲要好好味 最後想加多個白飯 同佢講我地趕時間 佢親自去拎飯俾我地 所以服務一留又快手講翻啲食物先啦 最要推介係個咖哩蟹肉 真係啖啖蟹肉 個咖哩汁唔辣但好野味 就係因為佢所以我地又叫多個白飯送汁 真係回味無窮呢一推介係個紅酒汁牛 個汁酸酸地好開胃 啲牛又汶得好林 呢個餸送飯多好正最後我地叫左嘅通菜同炒飯都正正常常 好味 雖然我地叫嘅又唔係特別好有越南風味 不過好啱香港人口味 埋單都係六百幾 我地四個人 因為叫左好多白飯送汁 所以都好飽好滿足！一定有下次

平安夜前夕公司早收，約咗個同事去海港城行街食lunch，喺海港城底層見到間芽莊外面好多人等位， 心諗一定好好味，於是我哋就攞咗張飛跟住喺商場大約行咗15分鐘，返轉頭啱啱好入得環境唔錯 ，坐得幾舒服又唔算太迫。大家有啲肚餓，兩個人嗌咗兩碗凍檬加一碟小食。上菜都算快，先來一碟小食牛油炸雞翼， 啱啱炸出來香脆可口，牛油味濃好入味而且雞翼都算大隻啖啖肉，好味跟住再上埋碗燒牛肉凍檬，啲牛肉份量唔少，牛肉唔算太淋唔算太靭，食落啱啱好，味道唔錯 大家都食到好飽好滿足

我一向都係芽莊既粉絲，支持左佢好多年。呢間tst分店之前都有黎食過但已經有一段時間無黎。今晚約左英國返黎既朋友係到食飯，我地有6個人，我地無訂位，7點唔到黎walk in好彩唔洗等好耐就攞到位。門口果位姐姐話只可以食75分鐘要交枱，我地多口問如果食唔切點算，姐姐話會幫我地打包走，真係好幽默😂座位有點逼，身型比較大隻或多行李可能坐得無咁舒服。我地每人叫左個粉，再叫幾個小食：春卷，軟殼蟹卷，椒鹽豆腐。我自己叫左個生牛爽腩粉。食物一如既往保持水準，可惜係服務方面差左。可能呢區比較繁忙既緣故，佢落單漏左我碗粉，期間我地追左3次，追到第4次先真正幫我處理，好失望😞成枱其他人都食晒我碗粉先黎。好彩我食嘢幾快，最後係限時埋單前食完仲有時間坐吓✌️單亦準時送到我地枱上

霖住聖誕book位啦.打咗幾次都冇人聽電話. 開頭問係咪裝修中.點知開返.轉頭覆佢人數. 電話都唔聽. 覺得咁唔係咁岩喔. 早上. 中午 . 晚上. 都不斷打幾次電話.完全冇人聽！

以前喺海港城返工同同事食lunch成日都會黎呢間芽莊以前唔識野都係叫普通嘅雞河呀、生牛肉河呀果d直至有一次同事叫左味蕃茄蟹濛我就上！左！癮！喇！連帶影響埋我老公次次入到芽莊都係唔睇餐牌直接叫蕃茄蟹濛碗濛粉入面有好多蟹肉同埋有1/4隻蟹浸左喺入面湯底係好清甜既湯底唔係平時出去食果d蕃茄/茄膏湯底湯入面既蕃茄唔算好多但係啖啖蕃茄都好甜配合埋佢既濛粉唔係好似出面半透明果d而係白色既，好似米粉咁既色但滑身少少呢種味道我喺其他越南餐館係食唔到架亦都唔係每一間都有呢味餸！所以每隔一排我地兩公婆就會黎食我老公仲次次飲晒d湯架冇誇張！

河內蕃茄蟹檬 $80係最愛既茄底🍅成個湯都有蟹肉🦀啖啖粉都痴滿蟹肉😍仲要有兩邊蟹腳😋😋 呢個價錢當然只係蟹仔啦🤣 除左蟹肉，仲有扎肉同蟹丸不過終於唔夠啖啖蟹肉吸引🙊 連湯都飲埋呢個正🤙🏻推介-河內生牛肉粉 $72生牛河最緊要除左牛就係個湯啦😌無味精得來食得出好濃牛骨湯味🐮同蟹檬一樣係必食既🤫-燒大蝦紙米卷 $78有青瓜同牛油果🥑成個小食好清新不過相對比教貴如果好彩既話可以望到海景🌃

香茅🐷扒撈檬-豬扒煎得好淋,用埋香茅，就更香, 食撈檬就更係要落個枝酸汁啦，酸酸地微微辣，超開胃😋 檬粉個質地都好好味！除左錦麗，呢間都係我幾鐘意食既越南餐廳之一🇻🇳

去開LCX買HarryPotterPop-UpStore精品, 買完已經係下午茶時段, 心諗仲好, 唔洗同人迫, 就選擇一間從未試過嘅越南餐廳, 入到去都冇乜人, 大把位, 個waitress帶我坐埋牆邊嘅雙人位, 我即時反應, 坐隔離都得啦, 仲乜要貼牆坐呢! 未睇餐牌, 見到枱上面隻碟"油淋淋", 唯有請服務員換一換。一落完單, 望見窗邊有位, 諗住望吓個維港都好, 咪同個"馬尾waitress"講, 想轉過去坐窗邊, 點知佢一句回我"要3-4位至坐㗎", 噢! 即係話我1個人就唔坐得, 就算冇人坐, 係咩道理呢? 又唔係繁忙時間, 咁巴閉, 香港地, 已經再冇服務質素可言? 喺呢間餐廳, 1-2人一定冇得坐窗邊? 就算食物有幾好, 都敗在啲服務員身上, 仲何況食物質素同味道都只係好一般, 當然冇下次啦!

我真心好喜愛呢個蕃茄蟹肉湯粉! 🦀每次坐低就 order, 根本唔駛睇 menu! 記得早年食嘅時候無蟹身 & 蟹鉗 🦀! 近年食有 1/4 隻蟹 🦀 😋😋.蕃茄味濃, 啖啖蕃茄肉! 湯內有大量蟹肉, 超。大。量。蟹。肉。🦀🦀🦀🦀🦀 啖啖粉都沾滿蟹肉, 所以我幾乎成碗湯飲晒...畢竟蟹肉喺晒 d 湯度 😁😁 食完唔口渴, 超好味! .除左蟹肉, 仲有幾片札肉 & 2粒蟹丸! 🦀蟹丸厚實味濃, 彈牙爽口! 札肉就中規中矩啦, 都無咩可能唔好食嘅! 😋😋

芽莊的蟹檬是隔陣子便非常掛念的越式料理，幾乎每次來到都只點它。午飯時間這裡有時候人很多，特別是長假的日子（你懂的），下雨的日子有時候人也多。這天2個人等了兩個枱號便入座，算是挺快。店內位子挺寬敞，不會跟隔壁太親密，桌上位子也很足。只有不到一小時的關係，我們都只點了蟹檬。檬的份量女生來說適中，裡面有一隻蟹腳，其實沒什麼肉，只是告訴你「我是蟹濛」吧XD 有幾片札肉，味道很香；又幾顆大丸子，墨丸的外表，是以蟹肉造吧，吃得出一點鮮。蕃茄湯底，因此有一些已煮得很熟的蕃茄在內，湯既有蕃茄味也有鮮味。記憶中燒牛肉也不錯吃，小吃也不錯，屬於中上質素及價錢的越南餐廳。

和友人選擇吃越南菜，朋友推介芽莊，所以一試，位於海運大厦，環境不錯第一次來食，當然叫朋友介紹下這間餐廳食品，燒蝦䄂子沙律軟殼蟹米子卷牛油雞翼牛油炒龍蝦炒菜苗豬扒飯味道都ok,飲品較等得耐了一點，可能星期日晚巿較忙，可接受

When we visited the restaurant it was not full.We we shown to a 4 seat table already occupied by to 2 patrons.seeing that the the dining area was not full we requested another table only to be rejected by a extremely rude and uncouth waitress.Who started mouthing Cantonese obscenities under her breath. When we enquired why we cannot seat in a more comfortable, unoccupied table? she slammed the menus down on the table and walked away.Immediately we got up and left - and asked her name she defiant

呢日係星期五，又係外出用膳日，由於好多人放假既關係，人少少，於是是但揀左黎呢間食lunch。番左工咁耐(其實只係1個月)，都未食過越南野。我揀左呢碗有蟹同蕃茄既麵。賣相吾錯，仲真係有蟹，但無咩肉，做樣多。味道方面都係一般，湯底蕃茄味不濃，亦無咩蟹味。同事揀左個撈麵同牛肉麵呢度野食賣相靚，可以呃like，環境都吾錯，坐得好舒服，但味道一般，encore指數吾高。另外，呢度無午餐套餐提供，野飲係另外叫，所以真心有點像食環境多d。

it was a saturday night and it was so difficlt to be seated, friends suggested this Vit restaurant. I love the food and service here