芽莊越式料理

营业中

休息中

芽莊呢間野喺香港開咗咁耐，一次都未試過，覺得都幾貴咁，今日去到時代廣場落大雨，唯有喺入面搵野食，lunch time都唔洗排隊。椰青，好大個，好鮮甜，清香，入面啲肉都好食，不過個椰青唔係好夠凍。三拼湯河我哋叫咗牛丸、牛爽腩、生牛肉我哋一嚟到見到有雞絲，就話碗麵唔係我哋，跟住佢攞入廚房，夾走咗啲雞絲就攞返俾我。攞返出嚟之後，只係夾走咗啲雞絲，但係入面係冇生牛肉的，成碗麵都一塊生牛肉都冇，同佢講，佢又攞入去換。最後攞出嚟，見到有生牛肉，我哋就開始食，跟住先發現原來入面係生牛肉、牛丸、牛𦟌，係冇牛爽腩，但係都費事換了，照食。生牛肉真係好生，要放落湯浸下，不過好香，好嫩好軟熟，都有兩三塊。食唔到牛爽腩，唯有食佢比嘅牛𦟌，幾好食，超淋，亦都好香。牛丸好爽口彈牙，好多汁，好濃牛味，都好食。咖哩三文魚有三舊，份量夠，冇另外加錢叫到白飯或者薄餅一齊食，如果佢個套餐可以本身有埋白飯就更加好，三文魚幾好食，個皮都有少少脆，肉亦都唔會太乾太嚡，點咖喱汁好好食，咖喱汁唔辣，甜甜地，好香。燒豬頸肉燒豬頸肉嘅份量都幾多，肉都幾厚，但係燒得唔夠香，冇乜味，中間個汁又怪怪地，反而點咖喱仲好食。服務方面就一般，得經理係

圖文不符大蝦名卻比兩隻蝦仔！以前我食開都唔係咁！燒蝦係有蝦頭原隻，問職員佢話係呀，轉左係咁。唔好呃食客咼喂。真係難食左好多，轉哂師父啦。冇啖好食呢個價錢真係唔掂！

起05/10，無里頭同我嫲走左入呢間食飯。環境唔錯，似普通但精緻嘅餐廳。食物偏貴不過還可以接受。不過有個服務員可能生得比較惡，觀感有啲奇怪。當時叫左米紙卷，撈檬粉同埋三文魚咖哩。明顯因為越南野，所以餐點好鍾意俾啲生嘅香草同菜點一齊食。例如米紙卷裡面會包住啲生嘅金不換同蘿蔔粉絲牛油果等。檬粉上面會配好多生薄荷金不換，俾你配來食。除此之外咖哩都食到有唔同既香料配搭一齊，超香。總體而言依間餐廳可以俾你食到比較正宗嘅越南菜，菜式都比起其他國家會清新好多。所以如果唔太鐘意食淡口清爽嘅人有可能唔撘。

以前銅鑼灣依間水準都唔差的，好多東南亞外籍適應態度都唔錯，後期裝修完換咗本地適應都有仲有服務。今日去到感覺突然好似去咗茶記咁。坐低後適應就開始掟碗碟法。食物味道並沒有變差，味道同以前一樣都唔錯嘅。但係服務態度真係無得頂。落單全程黑口黑面，上菜又唔提供齊晒啲配料。以往點牛河都會畀定啲青檸辣椒薄荷葉等，依家要自己問有無。好驚訝，問完仲要用好不耐煩的態度叫我地等等，個個表情都好惡。最後，仲要收服務費… 咁嘅服務真心唔想俾加一。好失望。服務態度有待改善。

啲侍應黑口黑面, 唔講以為去左澳牛, 其實唔想做可以唔做. 喺時代廣場13樓做到咁, 仲要收埋加一, 都幾過分. 食物正常芽莊水準, 肯定好味過普通街邊鋪頭. 嗌左牛肉三拼河粉同埋豬扒撈檬粉, 青檸薄荷辣椒粒真係要開口問先有,跟住甜醬辣醬就影都冇. 上菜直接拋啲食物上台, 認真, 茶記service. 呢間舖以前搵啲菲律賓印尼姐姐做侍應都幾有服務, 宜家真係唔知佢哋想點, 前台同樓面都幾冇禮貌. 雖然冇特別做錯野, 不過收得加一咁既服務態度真係得啖笑. 譚仔都有service過佢地lor. 下次都係去返中環BEP.

下晝lunch set去食啦，一入嚟待應嘅態度已經黑晒面，幫我落單嘅時候好厭世咁樣，到嘢飲啦，我就嗌凍咖啡啦，我問佢可唔可以走甜，嗰女待應就好唔耐煩咁講話如果走甜就要走埋奶㗎喎，真心好奇有邊間餐廳走甜就一定要走埋奶？最後嗰女待應話我哋奶係加埋糖漿係入面，好啦，嘢飲加18蚊都算，上到菜肉嘅份量又少，最後埋單一舊半食埋呢啲嘢

星期六晚夜收工，9點去到銅鑼灣timesquare，仲有兩個friend on the way，佢哋點名要食呢間，我先去搵位。個reception 話9:25 last order，10點要閂。費事週圍走，就照樣攞咗張三位枱。呢間餐廳都有啲落後，冇qr code落單，唯有影相send畀正在路上嘅朋友，等我可以幫佢哋叫定野食。決定好想食乜嘢，想搵個侍應落單， 周望都搵唔到一個人，要行離開張枱大聲嗌先有人出現。啲食物嚟到份量夠多，味道都唔錯！食完之後問佢攞牙籤，位阿叔非常之唔情願咁拎過嚟… 樓面應該有四、五個人，基本上全部喺度等收工。令我哋感覺到好似好不受歡迎，匆匆忙忙食完就走。

If you're craving some authentic Vietnamese flavors in the heart of Hong Kong, check out Nha Trang Vietnamese Cuisine. Their lunch set for two, priced at around 90 HKD per head, is a steal!You get two main dishes, a bunch of sides, and drinks, all for a super reasonable price. My friend and I shared the roasted beef with noodles and the chicken noodles, and both were bomb. The beef was super tender and flavorful, and the chicken was juicy and perfectly cooked. The noodles were on point too, with

其實都幾好味㗎，個蜆好重薑味，一啲都唔鱣，都算多粒，但放凍一陣就開始有味，要快食。個蝦就抵食多隻，個汁辣度剛好惹味。又係蝦賓海春卷，個皮太簿同細，包唔咁多料呀，牛油果細塊咗啲囉。牛肉湯河，一流，河濃。順化是小辣的，算多料，夠份量。

因為auntie 鐘意食越南，泰國食物，所以帶她試試這間。我通常都叫生牛河，湯底鮮美，牛肉鮮嫩多汁，河粉用越式而非港式那種，口感細滑，香滑爽口而且不會掛湯，配上羅勒葉、辣椒和青檸等香料配菜，感覺清爽。我加少少魚露，酸酸，不過我知食完會好鹹。Auntie 要豬頸肉飯，她竟然大讚豬頸肉好味，煎得好香夠juicy，而且是薄切，滷得入味，不油膩，食落去肉質鮮嫩多汁，入口即化，白飯很大碗，加埋伴碟的香葉和紅蘿蔔絲。食品出品賣相靚，相當吸引。但我覺得好靚都是他的座位擺設和裝修。食過大圍，將軍澳和旺角，覺得裝修幾靚。

This restaurant chain, and BEP, which is also in the same group, is one of my favorite Vietnamese restaurants in town.Haven’t been to here for quite a while and noticed they’ve renovated. It’s more spacious now.Usually Vietnamese restaurants that deliver authentic taste don’t have comfortable seats and tables. Nha Trang and BEP are the exceptions. Love their pho and the beef soup. Their beef is of high quality and I really like the way they did the seared beef. It’s full of great barbeque fla

Lunch成百蚊，但食物質素仲差過一般嘅茶餐廳，啲飯食得出又諗又爛，乾爭爭連汁都冇，服務態度又不是太好，食過已經唔會再回頭，純粹環境搭救😑咁嘅質素試過一次就夠！

芽莊是一家越南餐廳，位於銅鑼灣的時代廣場13樓，有很多座位，冷氣充足，坐得很舒適。❈ 河內牛湯河雙拼 HK$118湯河可以雙併或三併，這次選了雙併 - 牛丸和生牛肉 ，其餘還可以選擇牛𦟌、牛爽腩、牛肚或雞絲。這家的牛丸有濃郁的牛肉味而且煙韌彈牙。每碗湯河都會附上一碟新鮮香料（芽菜、青檸檬等），可以隨個人喜好加入湯河內增加口感和味道的層次。這個湯河的湯底很清甜；如加入青檸檬汁更加多一份清新的味道。❈ 香茅燒牛肉米紙卷 HK$88這個米紙卷用上薄薄的濱海包著香茅燒牛肉、生菜、九層塔、花生，餡料充足，口感豐富，有滿足感。燒牛肉的肉質較嫩並有濃郁肉味，加上用了香茅醃製增加了檸檬草的味道。

去完Times Square Disney 100 pop-up store後，就梗係去醫肚啦😚買完野都19:30，正正係最多人既食飯時段，我地揀左係13樓既芽莊，因為貪佢吾洗等位😝😝小食：香煎墨魚餅$98作為小食好香口，墨魚肉加上馬蹄粒口感好豐富🤤份量偏大，食完都有飽足感😋主食：雞絲、牛丸、生牛肉湯河$130叫左個三拼湯河，因為吾想太熱氣，揀左雞絲、牛丸、生牛肉，河粉份量大，生牛肉嫩滑，湯底熱辣辣，河粉幼嫩，2個女仔吾想食太飽，share尼食啱啱好🤭飲品：蘇丹皇榴槤沙冰$52超正飲品👍🏻👍🏻我平時都中意食榴槤加工後的食品，中意食榴槤一定要飲，勁香同好重榴槤味，十級⭐️推介✨越南河尼講我覺得好好味🤤佢仲有其他吾同的餸去配搭粉麵，十分多元化😆😆

2023.03.24 lunch呢一日嚟係呢度搵食，因為唔太肚餓，揀咗呢間好耐冇食嘅越南菜，諗到佢有啲湯粉食吓😜 本身餐廳都幾大，但唔知點解好應聲，一坐低覺得超嘈，好似成間酒樓咁😵‍💫 好彩過多陣走吓走吓啲人就好啲😅揀咗河內生牛肉粉同香茅牛柳撈檬，生牛肉河好快就到，都好靚樣，好味喎，好足料😋👍🏼食食吓撈檬都到，嘩！個兩條牛柳好靚，好靚好吸引未食都覺好味，食咗，真係好好味，好香口😋撈檬啲料都都多好新鮮，但啲汁就唔夠好味，而家都好難食翻以前好好味個隻汁🤪 兩碗粉嘅份量都好夠👍🏼 呢個香茅牛柳一定要再嚟食！