蘇記咖啡

营业中

休息中

以前細個成日都嚟食㗎個個星期日都去食直情係屋企嘅食堂佢都唔少人㗎喎之後仲擴張到要埋隔離個舖細個嗰陣特別專一好專一咁樣嗌佢嘅煎蛋肉醬意粉食嗰陣就篤爆個煎蛋蛋漿就會流落去啲肉醬嗰度撈埋一齊食就覺得好好食另外一樣嘢就係屋企人好鍾意嗌嘅餐肉煎蛋飯, 仲要指定要豉油汁個豉油汁聽講係特登再炒過先落嘅所以特別唔同仲有就係咖哩牛腩飯諗起仲好掛住嗰個味道咖哩牛腩好送飯入面有好多牛筋雖然好大碟飯但係撈埋啲汁又好快食完一大碟食完之後就會同屋企人鬥快計數畀錢以前冇八達通㗎用現金畀錢呢間餐廳我嘅充滿咗童年回憶

單睇早餐隻煎蛋或者炒蛋已經知道間餐廳嘅水平如何 呢間餐廳最鍾意入埋D低價蛋碎米粉平價野 感覺唔到有用心製作 油煙好大 通風好差坐得又迫 咁多年完全冇改進過 個後生仔侍應態度好差 佢隻眼永遠唔會望住人講野 好無禮貌 但阿姐態度係親切既 只感覺呢間點不思長進 仲停留食罐頭急凍貨既年代 佢好好彩遇到呢度D街坊 對食冇乜要求 仲一直支持 我已經唔經常幫襯 費事比佢繼續搵笨

都唔知有幾多年冇喺茶餐廳度飲過一杯啱心水嘅奶茶。（感動！）我認為奶茶應該要有茶香；叫少奶嘅時候，少奶得嚟要入到口，已唔係少到會飲到人暈眩。呢間嘅奶茶，做到！另外，西多士雖然得一塊包（當然冇花生醬之類），好似好少，但可能因為索咗好多油，所以都食滯咗。。。不過，係脆嘅，亦冇油益味。

晨早流流就去左鴨脷洲，早餐都未食，人生路不熟就隨便揾左間茶餐廳醫肚餓。牛油麵包煎雙蛋配沙爹牛肉出前一丁 $42普通軟麵包搽上牛油，正正常常冇話好食唔好食，如果選擇轉多士要加兩蚊。普通煎雙蛋，冇燶邊。一間茶餐廳早餐好唔好食，主要就係靠佢嘅沙爹牛肉麵決勝負，只要唔太難食都會回頭。呢間沙嗲牛麵都算唔錯，至少牛肉份量都算畀得足，唔會係得零丁兩三塊，而且啲沙爹味都算濃，唔會太淡。另外凍飲加兩蚊，都係而家嘅餐廳一貫做法，咁我就嗌咗杯凍檸茶，正常味道。

今朝早心血來潮晨咁早起身落街食早餐，係鴨脷洲最出名就係蘇記由細細個係大排檔搬到入鋪，係門口可以見到老闆好鐘意周圍去周圍影左好多既相👍🏼睇得出相既背後好有意思，而家好似仲可以買佢既相片叫左個沙嗲牛肉通心粉，沙嗲醬味好濃烈，有小小花生醬味，好稠既汁加上通心粉，更加好食，牛肉無筋多士仲係好脆架，唔似其他店舖整好晒放係度變得軟左仲有佢個奶茶都好好飲，但係我唔記得影相個奶茶好香既茶味，奶好滑，拉得夠焗得夠，係成個早餐既靈魂👍🏼精精神神既一日既開始

我經常去蘇記幫襯，因為啲嘢食又抵食又好味，今日叫咗芝士焗牛脷飯配茄汁，豬扒公仔麵同凍奶茶，D牛脷又大嚿有7丶8片，芝士拉絲好好味，大大碟好抵食，豬扒公仔麵食100次都唔會厭，奶茶保持一貫嘅水準，又滑又香，值得我成日去幫襯

鴨脷洲大街就算假日都不會太繁雜，只是一個小社區。餐廳食肆都是街坊價，附近居民真是幸福！下午茶餐二十九元，抵食！法蘭西多士，即叫即製，香噴噴。可選煉奶或糖漿。切開一小塊一小塊，可見圍邊的蛋漿，入口蛋香四溢，不油膩，好正！港式奶茶味道濃郁，有茶香，夠順滑。講真咁嘅價錢，咁嘅水準，簡直超値。

今次去到鴨脷洲既街坊茶記食下午茶，主要揀左兩款包點😆咁除左包之外，佢地都有焗飯、湯粉麵類既野食既。，聽講杯奶茶都唔錯，但今次K就無試啦。豬扒飽 $15因為法包得返一個，所以就點左簡單既豬扒包，拎上手唔算好厚身，芝麻包先烘一烘，上面搽上牛油，所以食落幾香😀，中間塊豬扒醃得好入味，但真係太薄啦，味道係唔錯既但食落唔滿足🤣特辣肉丁法飽 $25淨底果一個法包，K就用黎叫左肉丁法飽，雖然佢講到係特辣咁，但其實食落一啲都唔辣🤣🙈，呢款法包入面餡料會多啲，夾有蕃茄片同生菜，飽肚感會多啲😝法包咬落去好香脆，都幾惹味既～整體黎講，其實同一般茶記質素無乜分別，係有街坊店果種感覺而已😛

平日絕少踏足鴨脷洲，難得嚟到又有少少肚餓，家人推介平日食早餐嘅地方 - 蘇記！屋企人話蘇記係少數乾淨企理嘅茶餐廳，今日一見的確由地板至牆身都乾乾淨淨蘇記係街坊茶記，幫襯嘅客人都係街坊，價格貼地親民（下午茶餐都係$29！），味道就中規中舉，而佢留住客人嘅秘訣就係一杯絲滑奶茶。蘇記奶茶茶味香濃厚身，口感幼滑，熱飲凍飲都唔嚡口配脆邊嘅西多士（配煉奶），仲有熱辣辣嘅豬柳煎蛋漢堡，一餐邪惡嘅下午茶就响開心滿足下結束！

在這個社區生活了多年，竟然沒有試過大街的蘇記餐廳，今天心血來潮，和爸爸在這裡吃早餐。可以享受假期，實在是生活的小確幸。十點左右來到，竟然要排隊，食客很守秩序，由於有兩個舖位，也很快入座。叫了2個豐富早餐，牛油麵包、西煎雙蛋、雪菜肉絲米、熱奶茶 $39。牛油麵包、西煎雙蛋、沙嗲牛肉出前一丁，凍咖啡+$2 $41。人客很多，多數茶餐廳也會預先準備食物，雖然如此，這裡的煎雙蛋也不會太凍，而牛油麵包牛油真重手。沙嗲牛肉出前一丁，沒有很香的麻油味，牛肉份量偏少，加埋太陽蛋吃也配，早餐可以有碗麵，滿足很多。雪菜肉絲米，相對比出前一丁淡味，不過雪菜味也香，不錯。熱奶茶不是用黑白奶，也香滑。凍咖啡比平時淺色，以為多奶，但入口也香咖啡味，茶餐廳的味道。現在吃個早餐也要$40，實在貴了不少，不過可以放假也和家人吃個豐富早餐的確好心情。

It was an nice Chinese style breakfast I had few weeks ago. I ordered a set breakfast, including a bowl of char siu (barbecued pork) macaroni  served with  scrambled eggs and bread spread with butter and a cup of Cantonese milk tea.The char siu is tander and the taste of it is not too strong and salty. However, the scrambled eggs is a little greasy but the taste is acceptable. Milk tea is smooth and tea and milk are perfectly combined to form a drink.Price of a set breakfast is around 30HKD, sat

今日同老公無時間食lunch, 忙到4pm先有時間食D野, 諗住黎食下午茶。其實鴨脷洲都有好多茶餐廳，呢間蘇記好似都幾出名，咁就黎試下啦。呢間店都唔太難搵，都近地鐵站出口，行過２條街左右。因為老公大人太肚餓的關係，佢都係無叫茶餐，叫左個雞扒飯($40)。黎到好大碟，雞肉都唔太＂鞋＂，加左瑞士汁撈飯一流。我就叫左個茶餐，豬扒面加雙蛋，無記錯好似$36，份量黎講都唔少，無多士，不過多士我都麻麻，咁樣幾好。仲要佢用丁面，唔駛另外加錢。不錯。

以前鴨脷洲大街比現在更鄉下，沒有茶餐廳，只有大排檔。街頭空地便是一間間簡陋的大排檔所在地，每檔只是用鐵板，鐵管， 帆布搭建而成。隨著時代洗禮，大排檔沒了，換來今日一間間的茶餐廳。蘇記就是其中一員。老板打通了兩個鋪位，家庭式經營管理得很有系統，各守其位，友善又盡責非常。食物款食除了茶記必備外，還提供特式餐點，例如鮮油提子飽，自家制特式法飽，香焗芝士豬排飯等等。早餐除大路ABCDE餐外，街方很喜歡她的兩人餸粉麵配搭，用上漁民最愛的魚湯底,清甜可口。多士類是媽咪喜歡飽點次一，獨愛薄多士配合煉奶和果醬，早餐點品是也。茶走，家鄉味濃，我愛您。因為是街坊食客，樓面姨姨已變成家庭helper一樣貼心，每次來這裡都自動波奉上暖水供媽咪餐外食藥。這樣的體貼，人情味，是金錢不能買回來的。

With a street full of many cha chan tengs, boyfriend and I were curious as to why this was the only one that was busy and full.  Boyfriend and I went in for a snack break to see what this was all about.Apparently this is a favorite among the residents in this area. According to the photos, on the wall, this place has been opened for a long time and is a staple in this community. Small and cramped, this was your typical busy cha chan teng. Menu is in Chinese only.It was also interesting to see th

通常lunch黎蘇記都係食焗飯，今日全場坐滿不特止，仲連整焗飯既蕃茄汁白汁都無哂無計啦，下次先食焗飯。今次食雞扒腸快餐聽講蘇記有幾十年歷史，杯奶茶好出名，筆者唔受得奶茶，多數入檸茶。呢到杯茶算細杯，茶底好濃。快餐餸汁都有好多款揀，豉油汁係首選 豉油煮過甜甜地，配炸過既雞扒腸同靚飯，邪惡但抗拒不能啊唯一稍嫌雞扒細件左啲茶仔黎講環境算乾淨筆者特別鍾意呢種街坊小店，希望繼續努力啦！