影片
电话号码
23893838
附加资料
特別飯類要及早預約訂做
营业时间
今日营业
全日休息
星期一至五
12:30 - 18:00
星期六至日
全日休息
以上资料只供参考，请与餐厅确认详情
之前喺網上見到好多人讚佢嘅瑞士雞翼好食， 因為到在屋企附近 ，一直都想試下，可惜星期六及日唔開， 閒日晚上有時收六點 ，放工返到嚟都趕唔切， 今晚 7:30 pm 經過未關門， 終於可以試下。😊 由於瑞士雞翼係即煮，所以要等十幾分鐘左右 ，老闆娘好爽朗，健談，叫我坐吓等，仲好好人請我食咗兩片雪梨🙂 原來老闆娘閒日有兩晚要返學，所以收早啲，有時夜晚會收八點。由於我趕住返屋企開飯，所以買外賣 。其實佢嘅瑞士雞翼賣相喺做得唔錯，漲卜卜肉質好嫩，可惜食落冇乜味。個韭菜餅啲皮太厚，餡料太少，有啲失望😑希望佢可以改善下喇。
继续阅读
真心好食，老闆好有心，同埋好為食客下着想，嘢食好足料同埋個雞翼係現場即刻煮脹卜卜，而且麻辣真係個口係有麻嘅感覺，出邊一啲麻辣嘅地方淨係得個味道沒有麻嘅感覺，呢間做得好出色雖然係小店但係真係值得支持！👍同老闆傾開計發現佢有一個碩士學位，好犀利。老闆風趣幽默如果大家有經過荃灣中心附近過去呢一間食下車仔麵或者佢嘅小食真係唔錯，而且經濟實惠，一間非常之有良心嘅車仔麵，希望大家多多支持呢一間舖頭，好食好有人情味！
继续阅读
呢間餐廳試過經過幾次佢見佢都唔開原來佢係星期六日唔開嘅今晚閒日嘅夜晚終於見到佢開門佢嘅是日飯盒$32真係好平我仲記得佢有三個選擇有咖喱雞⋯⋯雲耳蒸雞同埋豆腐魚塊不過俾佢牆上面嘅小食相片吸引咗叫咗佢個韭菜餅，瑞士雞翼，碗仔翅同埋雞蛋仔見到佢所有嘢都係即刻order先即刻做所以要啲時間等特別係佢嗰個雞蛋仔原來係專登開漿粉出嚟整服務同誠意絕對滿分💯我諗除咗個韭菜餅之外其他嘢都係佢哋自家製好有家嘅味道韭菜餅其實係好似啲粉果嘅外皮跟住入邊包住啲韭菜豬肉嘅餡料， 味道係唔錯嘅不過佢包住啲腸粉紙，返到屋企黐住晒啲紙瑞士雞翼亦都做得好入味之餘雞翼都保持肉嫩碗仔翅同街頭小食味道差不多另外個雞蛋仔雖然做到同謝霆鋒嗰個一樣不過勝在係誠意搭救過吓口癮係幾唔錯嘅其實如果唔想等嘅話下次可以打電話俾佢話俾佢聽你想要啲乜嘢跟住之後去攞就OK 㗎啦❤️
继续阅读
未正式開賣，就可以，以熟客身份品嘗私房菜式，非常好食， 好濃沃嘅芝士味， 雖然地方位於荃灣中心，未必方便，但店主以新鮮食材及崇尚健康為主的理念， 吸引好多熟客日日都會幫襯。
继续阅读
您可能会有兴趣的...