英皇紅酒扒房 (已結業)

想簡簡單單咁食餐西餐，但係又唔想去灣仔呀，銅鑼灣呀個啲，太遠啦。於是就去咗鰂魚涌嘅一間西餐廳，又近又方便去。蒜蓉包好香脆可口，忌廉南瓜湯夠濃郁，南瓜味都好香而且賣相都幾靚仔牛柳非常厚身，完全唔會韌，好嫩滑又入晒味！炸薯角又香口又脆，連埋啲汁一齊食堅係好好食！碟意粉落咗少少醋，所以酸酸地幾開胃，而且個軟殼蟹外脆內軟，好食又開胃，食得我好開心！雜果賓治嘅顏色好鮮艷，而且帶微酸，都好開胃雖然杯Lychee Paradise係青色，但其實係荔枝飲品嚟，仲有淡淡嘅荔枝香，好清新餐廳位置雖然未算十分就腳，但食物真心煮得幾好食，所以我本人覺得行多少少路都OK既~~

住九龍區的我甚少過海，是夜洽巧去銅鑼灣買東西，再叮叮去北角探朋友，順便找找附近的餐廳。這裡地點較靜，是三五知己吹水好地方。裡面格局可以用「西式」茶記去形容～ 啡色枱櫈，卡位頗多，地方闊落，侍應（想用伙記去形容） 樣子有點 cool~點餐後，湯、餐包和食物很快便送上～ 雜菜湯味道尚可， 就是跟一般餐廳沒大分別，裡面有雜菜、加入一些茄膏，酸味開胃。配上香脆的蒜香牛油多士，味道不錯。 Rib EyeOrder medium rare ~ 肉質頗嫰滑，牛肉味濃， side dish 有薯仔、洋蔥、紅黃椒、豆角等，烤得夠味，份量適中。最後來一杯熱檸茶，減一減肉的油膩感～ 剛好，然後可以下一站： 甜品！

今天完全系出來放鬆娛樂嘅日子，逛街逛咗成3粒鐘，收貨都算無效喇，仲買到一件自己好中意嘅牌子嘅裙，真系好正，外加一雙我喉咗好耐嘅鞋，近日行街嘅任務算系達成喇，下晝仲有電影場，計岩曬時間可以中間食個飯啫。King’s Wine & Dine，聽落十分之霸氣，裝潢都好有型。香草寬麵條，對於麵食類我都對寬面情有獨鍾，其獨特的香草味完美咁同寬面嘅質感同口感part埋一起，寬面軟糯又韌，岩好餓，一上臺兩個人就開始落筷進食，咁好食嘅寬面出面一般都無止哩嘅價錢喇，系度先至$32美國穀飼牛肉眼 ,哩一道就貴翻小小，牛肉眼分量無算話好多，我仲覺得我可以食兩塊，單價 $ 228，直至我食咗第一啖先覺得越來這個真系對得住佢嘅價錢，醬汁味道岩岩好，栗飼牛肉眼，肉質同一般嘅大規模飼養食材無同，更加之增添咗幾分韌性，可能因為運動所以肌腱發達，肉質鮮美。新西蘭自然方米草飼牛柳，牛柳岩熟，多一分太多，少一分太少，掌握得岩岩夠，67安士$158。飯後飲羅宋湯，非常滿意。

是日是男友的生日，所以這天的行程由我安排，來個港島區一日遊吧，哈哈。先去了卡通主題的超級市場，（這個是我想去的啦）行了一圈便坐電車到銅鑼灣，坐電車真的感覺浪漫喔。男友想買唇膏給媽媽作母親節禮物，剛好某百貨公司正在舉行感謝週，所以去看了看，快速購買後便到了一間甜品店吃下午茶，最後坐電車到鰂魚涌英皇道的King's Wine & Dine 為男友慶生。這次行程也是臨急抱佛腳，但也希望男友會喜歡。鰂魚涌地鐵站一出只需數分鐘便到達。剛下了雨，外面有「小心地滑」的指示，很貼心。場內環境舒適寬敞。我們點了羅宋湯，足料且香濃；蒜容包香脆美味。原條燒美國穀飼牛肉眼 8oz ($238)朋友說這裡的肉眼扒不錯，而且男友喜歡吃牛扒，所以點了七成熟（我不太吃有血水的）。肉質嫩滑，切開後，沒有血水，肉的顏色剛好是微紅色，鎖住肉汁，份外juicy。意式辣茄蓉藍青口意粉 ($108)下單時說了要微辣，因為怕太辣吃不到。幸好辣度剛好，意式辣醬和茄蓉配合得好好，青口鮮甜，份量多，男友見到時說看不到意粉呢。

✿╮❤╭✿ ✿雜感女生 好味日記✿ ˚*•✰。英皇紅酒扒房．約會老朋友。✰•*˚ ✿✿舌尖上的鰂魚涌✿✿ ❤餓底飯聚．食勻全世界❤ ❤ 和久未見面的同學飯聚 今次選擇了鰂魚涌的一家西餐廳 餐廳的氣氛很寧靜，可以是二人世界的好地方 也可以是知己聊天的隱匿點！ 近日，餐牌有了新意思，與同學歎Set Dinner正是開心聊天的時間 南瓜忌廉湯：賣相好又香濃的南瓜味 配上香脆的蒜香百吉包，甚得我心 美好的西式晚餐，一塊好的麵包實在不能少！ USA Cod Fish 美國鱈魚 $228 香脆的魚皮，配滑溜的魚肉，教人一試難忘 入口先脆後軟，肉質相當滑嫩 配菜亦是精心製作，五香粉薯角令同學一口接一口 Blue Lobster Spaghetti高湯藍龍蝦意粉 $168 絕不欺場的意粉，大大隻龍蝦肉鉗令人驚喜 意粉煮得恰到好處，龍蝦肉鮮甜多汁 店員細心送上鉗子工具，質素高企，價格抵食！ Blue Lemonade $45：同學點的藍色飲品，試了一口，好香好易入口 清新的酒香，冰藍的色調，夏天之選！ Pussy Foot $38：「基底液」包括菠蘿汁、橙汁與忌廉 XD 果

好少在鰂魚涌搵食，今天探完朋友，但又未盡興，所以便在附近搵地方食吓野，繼續傾。餐廳門面都幾企理，望入去座位都幾闊落，一個傾偈的好地方，所以便入去試下。我們要了一個穀飼牛肉眼扒餐和一個高湯藍龍蝦意粉 share 來吃。紅湯帶點酸，能刺激食慾；白湯清淡，剛好跟我和朋友的性格相似。本來不想吃餐包，怕太飽了。但餐廳用了蒜蓉包伴湯，賣相吸引，味道香脆，但稍嫌油膩了一點兒，配餐湯主菜上場了，龍蝦意粉先上場，賣相吸引，恨不得立即K.O.隻龍蝦。龍蝦分量不算太少，有半隻龍蝦，而且味道調教得宜，龍蝦鮮味十足，肉質彈牙，證明新鮮。意粉用橄欖油來烹調，軟硬度得宜、鹹度適中，加上香蒜片和番茜等配料調味，更能突出龍蝦的鮮甜清香而不膩。龍蝦分量不算太少，有半隻龍蝦，而且味道調教得宜，龍蝦鮮味十足，肉質彈牙，證明新鮮。意粉用橄欖油來烹調，軟硬度得宜、鹹度適中，加上香蒜片和番茜等配料調味，更能突出龍蝦的鮮甜清香而不膩。這個穀飼牛肉眼份量十足，而且很厚身，賣相亦不俗。配上炸薯角及烤雜菜，未上枱已香氣撲鼻。朋友很怕食太生的食物，所以牛扒燒得七八成熟，不想血淋淋的。幸而肉身仍能保持嫩滑，仍能鎖住牛肉的肉汁，吃起來仍能感受到

星期六晚來到鰂魚涌今夜就決定在這間比較有情調的餐廳用膳晚餐先送上餐湯麵包羅宋湯非常濃郁大量雜菜口感豐富蒜蓉包也有溫度沾一點湯吃十分滋味主菜我們點了高湯藍龍蝦意粉賣相一流龍蝦頗多可是龍蝦肉份量卻很少龍蝦頭部分幾乎全是空殼龍蝦醬汁味道很鮮味意粉軟硬度適中另點了原條燒美國穀飼肉眼肉眼要了七成熟廚師處理亦剛好醬汁要了燒汁味道也相當合拍薯條是粗身薯條中間可吃到大量薯蓉侍者推薦含酒的愛爾蘭咖啡礙於對酒精過敏所以婉拒最後要了即磨咖啡咖啡香濃美味一樣黑咖啡正好是這餐的完美謝幕

平日返工放工行經King's Wine & Dine已經一直想試，難得今日不用OT，所以便拉著男友來到。閒日+時間尚早，所以餐廳未算多人。 兩個食量有返咁上下的人，每人點一個晚餐都嫌未夠，所以再加多一個小食拼盤。 青豆湯餐湯終於不是一般的羅宋湯或粟米忌廉湯，說起上來其實也有點古怪，我不喜歡食青豆，但竟然會喜歡飲青豆湯。青豆攬拌得幼細，飲落一點雜質都沒有，面頭加入的忌廉令到餐湯表現得更香滑。 跟餐湯的蒜蓉包夠熱夠脆，連平日不愛食包的男朋友都有食，因為男人特別愛食香口野~英皇小食拼盤 $108一份拼盤包括了水牛城雞翼、薯角、蒜香燒牛舌及洋蔥豬肉腸，先食雞翼，這是我最愛的酸甜香辣味，雞翼大隻肉厚而且肉質濕潤。牛舌食落有點炭香味，外圍乾身但肉質還算腍身。薯角是4樣食物中最出色的，超級香脆。高湯藍龍蝦意粉 $168驟眼看真的是龍蝦多過意粉，不過意粉竟然比龍蝦更有龍蝦味，可能是因為意粉用了龍蝦湯去煮，醬汁濃濃的掛在意粉上，所以蝦味才特別出眾。美國有機野生燒春雞 $158還以為這道燒春雞只可選配炸薯角或烤雜菜，豈料原來是兩種都有，份量真的超多，特別是小食拼盤中已吃過薯角，再吃多一兜真的有點吃不消。

服務態度差，野食唔得，牛，洋肉都唔掂，超唔掂，個餐又冇包野飲，又冇包甜品，啲野太少啦，又唔好食，又咁貴，咁既價錢又難食，咁既價錢不如我走返去之前果間仲好，啲野又好食，又好味過你地，你地都唔知整咩出嚟，叫七成熟，整左都唔知幾多成熟，好唔掂，唔該你地改善下啦，改善下啲服務態度啦，對啲客褲褲氣氣架咩？我地系食客，消費者俾錢你地既，啲態度可唔可以好一啲？仲有呀間鋪冇人架？廚房得一個人？服務態度真系勁差！啲人點做野架？我包保下次唔會再嚟食！

朋友住港島唔中意過海，所以叫佢搵間好坐既西餐廳一齊聚下。晚餐款式都幾多選擇，豬牛羊雞魚都有齊。我是三文魚愛好者，當然點挪威三文魚。先上了餐包和湯，雜菜湯很香蕃茄味，十分足料，每一口都有雜菜，紅蘿蔔等，先暖一暖胃。餐包是牛油法包，很香脆很可口。燒牛舌是朋友點的，看見烤完是較乾身，但咬落鬆軟，牛味香而不蘇。加了沙律菜和黑醋作點綴，更是提升了這道菜的鮮味。是我期待已久的主菜啊！來挪威的三文魚柳，魚柳也是用烤的方式烹煮，外皮有一點脆，內部也保留著一點魚肉汁，香氣撲鼻，醃料很到位，不會過濃。感覺很健康的一道菜。

雖然喺附近返工已經一年，今日係第一次來呢間餐廳食晏。平時大多數都會同成班同事去太古城食，因為鰂魚涌好食嘅餐廳選擇唔多。今次有同事建議來呢度係因為貪佢夠近又想試新野。入到黎環境幾好，唔會太嘈又坐得幾舒服! 中午套餐包左蒜蓉包，湯，一個main course同埋一杯野飲，我就揀咗鹹豬手配意粉。真係好好食，鹹豬手嗰層皮好趣好香，意粉同其他配菜都唔錯整體滿意，好滿足!同事們就點左其他牛，魚，意粉，佢地都話好好食。最後杯野飲真係值得一讚，我點左熱奶茶，佢完全做到茶餐廳又香又滑嘅奶茶! 真係好正! 無諗過食物飲品都咁好，果然有驚喜我地又可以多個好地方食晏啦唯一失少少分就係上菜慢D，不過可能食飯時間人比較多。最後埋單$827，7個人，食西餐來講，唔貴喇

一塊肉眼可以集一成熟, 三成熟, 五成熟, 7成熟, 10成熟於一身都係第一次食到塊扒煎完出黎係凍同佢講完 話返熱再出到黎都仲係凍 真係好野開頭見好多like 諗住入黎試下點知極度失望呢間野絕不回頭

餐廳位於北角近鰂魚涌 比較偏僻内部裝修清靜 燈光有情調百零蚊一個dinner set 包餐湯及飲品都幾抵食羅宋湯配多士 味道較淡忌廉黑松露雜菌意粉 $98好食指數: 6/10抵食指數: 6/10醬汁算濃 黑松露份量足意粉掛汁 每啖都食到有汁雜菌爽口 上面嘅配菜亦新鮮新西蘭自然放牧草飼牛柳 (6oz) $158好食指數: 6/10抵食指數: 6/10Order左五成 切開後 肉中間仍係粉紅 及格牛柳肉質嫩 唔韌 非常腍但牛味較淡 鐘意食牛味嘅就要揀menu入面嘅肉眼整體黎講唔錯

有人話點解亞洲人咁鍾意食西方食物，因為西餐廳食情調啊嘛。一入到餐廳受侍應熱情的款待，帶你走到點好蠟燭的卡位，食服務都夠飽。咁我同朋友一人叫了一款set dinner,分別係新西蘭羊架同埋 carbonara 意粉，紅湯白湯任君選擇，而我地選擇既紅湯味道不錯，自家煮的果真比較足料。Carbonara意粉落左脆煙肉，同creamy既意粉有種相互配合的感覺，carbonara味道好濃郁，面頭加左少許蔬菜，食得好開胃。而羊架肉質好嫩，新鮮的食材才能煮出這種感覺。最後叫左甜品，食到個層次感，畫上美滿的句號。

成日食中餐有時候口痕都想試下其他菜今次來這間成日坐巴士會經過但又唔會落車試既餐廳今日終於有機會一試首先去到什麼野食都唔叫就叫阿沙he 飲下先坐得舒服感覺可以同朋友傾談既地方唔講太多都要食下野洋蔥講好似唔係好夠熱味道就真係一般主菜當然係食牛排其實味道唔錯但係有啲硬d肉可能過咗medium 熟左d水牛城雞翼好好味辣辣地第一次喺北角食咁大隻豬手個樣就靚仔我成日覺得啲嘢唔夠熱可以接受隻豬手全晚最好食就係意粉整得幾好睇三個人埋單都唔算貴呀