英記茶餐廳

营业中

休息中

On and off 甘幫趁咗十幾年，已經算係老顧客了...時時嚟係因為，地方整潔，坐得舒服，又吃得安心，再加上老闆及老闆娘有人情味，今時今日已經很少有...現在主理的年青老闆，對食物的選擇，烹調方法，皆有份堅持，所以，由始至終，仍保持一定水凖...早餐選擇很多，兩大必食： 1） 沙嗲牛肉米粉，湯底香濃，飲落順喉，有幼滑感，不嗆口，不過咸（原來，有羅漢果一齊煲）牛肉口感不錯，米粉輭...食完有幸福飽足的感覺2）鮮蕃茄湯牛肉通粉，用新鮮蕃茄做湯底，味道鮮甜，蕃茄蓉很多，飲得出係自家煲，沒有添加劑，維他命C豐富，通粉吸飽湯，超正...通常會飲到一滴都無剩加埋凍O茶，共＄30 ! 抵食！

又到食飯時候，公司係彈性食飯時間，更係食下午茶時段，今次去了街市食，平平地$30有個飯餐。 正當睇食咩時，同事發現到有個APM醒神套餐，都係$30，貌似all day breakfast，茶記版，即好奇，成班一齊試下。 APM醒神套餐，$30。 有鹹牛肉炒蛋、茄汁焗豆、司華力腸及牛油奶多士，鹹牛肉炒蛋，想起蛋牛治，司華力腸，半條，另外果半條似乎係同事果份到，因一個餐來。 牛油奶多士，好刀法，呢個明顯唔係食個味道，係食個刀功，竟然可以張件多士一分為二切到咁，真係嘅薄多，究竟係倚天切，定係屠龍斬呢?無人知，但係可以肯定，塊多士口感係脆的，大部份都係半件，不過連價錢來計，都係比平時嘅all day breakfast平一半，過下口癮都好呢。 熱咖啡，跟餐的，冇乜咖啡味。 沙嗲牛肉飯，$30，上次食的下午茶飯餐，都幾大碟，沙嗲牛肉份量多，沙嗲味唔算香濃亦唔淡，正常水準，抵食之選。

上了巴士出奇地順暢來到灣仔，仲有成個鐘就附近揾食啦～ 平地地鋪茶記就唔想試啦～嚟到歷史悠久既駱克道街市，搜尋一番： 幾個網頁都彈左*英記* 出嚟， 咁就尼間啦上到熟食中心有幾間做早市， 不過英記係上電梯第一間， 成功被招一坐下就有叔叔過嚟問要咩， 看看餐牌， 就叫左個1號杯熱華田好快就到：不太甜但夠味， 岩我跟住上場既就係沙嗲牛肉麵、蘑菇奄列及烤多士～先食多士， 牛油好香好好味，兩啖就手KO了再嚟蘑菇奄列， 蛋不過火，仲有點蛋汁，雖配罐頭蘑菇，但都唔會整得太差最後係個正餐牛肉麵， 沙嗲牛... 一般般， 唔香無咩味得幾塊，面就過左龍淋淋地... 埋單一位$34， 份量足，好飽！ 食飽是為了走更遠的路， 係時候上路... 去展覽囉

以前常常來，後來因他遷，很久沒有光顧；到最近再度重臨，水凖保持！老闆有一份的堅持，現今很難得的早餐有多款式，簡直有選擇困難😄選了：鮑魚絲火腿通粉，一大碗，足料，通粉，彈牙，恰恰好，不太糊，不太爛太陽蛋煙肉，蛋夠熱，即做，有蛋香，最要讃是兩片煙肉，柔軟，又juicy, 又甜美，（絕不似其他店炸到黑炭，及乾硬，又靱..）熱O水，〇香，夠大杯，好夠喉吃得好滿意的早餐！因為太好吃，忘記拍照，sorry

有時候人有個習慣性，就係去慣左一個地方食野就會繼續去，駱克道街市英記就系我的其中之一，我肯定佢的價錢一定唔系熟食中心場內最平，而且味道亦未必系最好，但我卻每次早餐時段最欣賞的系廚師的堅持同執著!多士烘得唔算好脆口，奶茶夠熱，但茶味稍遜，用玻璃杯奉上卻略添舊式茶檔風味...最令我印象深刻的, 係廚師每次早餐煎奄列都可以形狀大小都差不多，上碟後都會好似電視教煮餸咁抹一抹碟邊d油跡，避免個碟污糟咁奉上俾客人，雖然只係普通事一則，但我覺得呢件小事就系佢對自己崗位上的專業

平時去開駱克道街市係食孖仔記, 貪佢平靚正有人情味但依家孖仔玩星期二下午, 星期三休息為左醫肚, 就去左隔離間英記, 但點知中伏, 貴又貴過孖仔, 野又唔好食干炒牛肉意粉我係叫干炒牛肉意, 但係上枱碟野水汪汪咁, 食落成口汁, 唔得啦, 而且無咩鑊氣可言, 個意粉又煮得太淋, 牛肉份量算正常, 但冇咩味, 食落都幾唔好味, 差!湯算係咁, 而且佢話係送既, 所以都收貨總結黎講唔好食, 唔會再幫襯, 下次都係睇岩個期去食返孖仔算

前排, 同事帶我到位於灣仔街市的英記食中午，這間食店出品都幾快,雖然味道不算太出眾,但勝在穫氣十足, 而且價錢便宜， 40元中午餐連凍飲， 在灣仔區都算抵食。我點了星洲炒米， 凍飲是凍檸茶。不可不知的是星洲炒米的「星洲」是指新加坡，然而在新加坡卻沒有這種名稱的炒米粉。星洲炒米是香港常見的米粉食品，有部分人士則認為源自於馬來西亞的吉隆坡，但香港的星洲炒米和馬來西亞的炒米是有明顯分別，香港的星洲炒米一定會加入咖哩，馬來西亞的炒米卻使用番茄醬和辣椒醬代替。星洲炒米的材料通常包括蝦、叉燒和雞蛋，並按照不同地區的烹調習慣，加入芽菜、辣椒絲、蕃茄醬或咖哩醬等食材。這兒的星洲炒米略嫌不夠香辣，咖哩味道不夠香濃，而且偏淡， 如果可以再香辣一點會更好。凍檸茶都夠凍，沒有苦澀味，不會太甜，味道適中。

週末行経灣仔，又熱又迫人，只想歇一會兒，故地重游尋故人，跑上洛克道市政大樓的熟食中心 - 英記，果然見到熟悉又有人情味的老闆兩夫婦，大家互相問好一番，開餐也！點選了招牌菜式 : 香煎西多士，即叫即用心去做的，首先用鷄旦浸透整片面包，兩片面包中再塗抹小量花生醤，然後，用心去慢慢煎金黃兩面，上碟時才淋上適量的練奶，味道超正，多士既香噴噴，又輭綿綿的，透著濃濃的旦香，又帶點甜絲絲的，很窩心的，入口即溶化！伴隨濃滑的港式絲襪奶茶，是非常滿足的一頓下午茶！只售＄22！簡直超值吖！亦有其他款式的下午茶餐選擇，也只售＄24，絕對值得推介的茶餐室！

還記得那些年曾多次到訪英記茶餐廳吃飯，但近幾年已再無到訪。今日和三數同事於英記吃午飯，菜乾餐湯無乜菜乾香味。梅菜肉餅飯肉餅略肥，但亦因此夠香口。凍奶茶普普通通。$37算上合理。

在灣仔做Intern已經做了一段日子喇!今天約了同在灣仔區做Part-time的Floormate一同吃lunch﹐平常不熟悉灣仔的我們只好問問同事們有沒有什麼好地方推介可以一起吃個lunch﹐同事就推薦了這個熟食市場﹐既然走路也只是大約五分鐘有多﹐就選這個地方吧朋友早一點到便拿了位﹐即使是高峰時期1-2pm也能找到位置﹐不用等。我們一坐下姐姐便遞上了青紅蘿蔔湯。湯是很普通的餐廳湯﹐幸好不會太咸。然後我叫了一個 西炒飯 $32 (連湯)。顏色是不錯的﹐亦有濃濃的酸甜味﹐但飯有點濕跟肉的份量算偏少。個人認為西炒飯的味道要濃一點也算好吃﹐而這一碟也算是合格。可是飯就有點太濕喇! 這是有一點點失色的地方﹐如果飯可以干一點加上這個顏色就完美了! 吃飽飽就回去工作了~

是日途經灣仔熟食中心，與友人各點一個下午茶，友人點西多士配熱檸水,我就點香炸魚柳炒蛋三文治配熱檸水。友人的西多士夠大塊又不會燶再配濃濃糖漿同牛油頻呼好食，而我的那份三文治實在太大件，無可能整個放入口要逐件放入口。打開三文治除了有魚柳，炒蛋還有生菜和蕃茄。兩個茶餐只需$46實在太抵了。

星期六，返工前，去了英記食個靚早餐。炒蛋很香，硬豬油多超脆，加上溶了的牛油，好味到不得了。沙嗲牛肉麵，好夠味，但多了少少油，再加上一杯濃滑熱奶茶，真係一個perfect good morning。順帶一讚啲阿姐阿叔好有禮貌，熟食檔居然有咁好既service，驚喜。

試左個朱扒面+咖yan多個面湯底吾係清湯，算有心機；朱扒正常多士就真係一般奶茶,超…吾好飲加埋$28，唉我見人地炒野ok但吾大碟，下次諗吾到食咩先再黎啦

Long weekend完了，又是要開始努力工作的一天。早了到灣仔的時候，又是我的尋味時間。公司附近已經沒有什麼新意了。在灣仔警署落巴士，頓時發覺到灣仔區有一個少人提及的地方吸引到我，而這個就是駱克道街市的熟食中心。早上，這街市也不算十分之旺場，地方大但人客總是散散落落的。一出門口，就是一家佔領了好幾個鋪位的食店，叫做英記。看似非常之多元化，有小炒，有粥有麵有奶茶咖啡的。不過早上只開了奶茶咖啡的一個檔位。我也決定叫上一份公仔麵餐，畢竟，也有一段時候沒有安份地在早上坐定定吃公仔麵啦。如慣常，我要了一份豬扒公仔麵。而這店的早晨全餐，還不只是公仔麵咁單調。有麵包有餐肉蛋，荒死你食唔飽咁。麵，普通如常的一片豬扒，正正方方，不甚出色，幸麵既湯底是濃郁的，有出前一丁既感覺。 餐肉，煎到入骨而不燶，雖然是薄薄的，但可以做到皮脆脆地而沒有乾，也是要用夠熱的爐去煎才行。煎蛋卻是煎老了，沒有了滑的感覺，令這一個平凡的早餐顯得更加之平凡。 份量夠，奶茶普通，是日初試還不能定論出那一家是好，慢慢試吧。

朋友介紹的一所茶記，他說鑊氣很足，便隨意點了炒河 - 滑蛋牛肉炒河~過了五分鐘食物便來了，很香的炒河味，滑蛋與牛肉都很多，鋪滿整碟河粉之上，十分足料，吃一口河粉，香而滑!不錯!牛肉也很軟身，不會太老，整體來說也不太油膩。美中不足是我點的一杯熱檸蜜，有很香的蜜味，檸檬也很多片，但不知怎的有一股澀味...這一大碟我吃不完的牛河只是28大元，加4元有冷熱飲品，抵!下次要再來光顧呢!! 食肆環境頗為企理整潔，最難得的是沒有一般街市食肆的異味(街市味/油煙味)，可放心上班的裝束不會吸入油煙味。