影片
以上资料只供参考，请与餐厅确认详情
放工了, 又是尋找小食既好時候. 旺角小食既第五回, 就回來香港既其中一樣揚名於海外既小食. 魚蛋.....哈, 總覺得這樣吃下去. 有點像亞台的真人測試....健康一定一受影響....是日, 兩串算了, 一串馳名中外的魚蛋, 一串簡單的牛肉球. 先去吃兩串, 但後來再回頭, 整多了一杯冰凍椰汁. 所以今次介紹的, 仲有傳統的, 街頭凍飲. 魚蛋, 是街頭小食中的皇者, 有辣, 有唔辣, 味道就全靠煮魚蛋個湯, 全因有什麼要淥既食品, 都係咁淥落去. 百味交集中, 原來個唔辣湯底, 早已經被辣既湯汁濺了過去, 所以我串魚蛋, 是辣的, 辣味, 是咖喱辣, 但只有辣味, 沒有咖喱味, 相信只是辣油濺了過去而不是咖哩, 而且, 這辣味竟然可以蓋過其他的味道.....真是那個了一點.牛肉球, 味道雖然是不錯, 不過我總覺得的吃到的, 是用了勁多生粉混合製成的牛肉, 首先, 毫無鮮味可言, 另外, 大硬了, 基本上可以當乒乓波打...... 轉過頭, 買完野的我因為呢兩串野而弄得極度口乾. 勇敢的我又來到這小食店, 試旺角街頭的另一名物, 大水箱凍飲, 而我就選擇了一杯開稀的椰汁.....椰味是有, 但水味佔多數.....早知是這樣的質素, 去7仔買野飲會冇咁嬲..... 在旺角街頭, 得到這樣的飲食感受是絕對不奇怪的, 因為太參差了.
继续阅读
今日去開百老匯睇戲~諗住睇戲前o係附近搵返珍珠奶茶飲下~最近o既就係呢間茗茶....見佢珍珠奶茶做緊推廣價10蚊杯~又唔想行太遠~決定一試~落單時店員已"唔休做"的樣子~我同左佢講珍珠奶茶...少甜~!佢張單都有打"少甜"兩隻字....落完單之後~我望住入面d staff o既工作態度~hea底feel...慢手慢腳...已經趕時間...搞到我等得好心急同埋有d擔心究竟佢會唔會幫我少甜....等左3分鐘左右拎得~由於趕住去睇戲....一拎完就衝左返去戲院方向...點知一飲....就知出事...咩事...勁甜~!!!!比正常珍珠奶茶陣味重甜~....我望一望杯身張貼紙...佢並無為我寫住..."少甜"2字...!!!!激死我~真係甜得好過份....飲完一啖已經成個口甜晒...最終成杯野..我只係飲左一啖就pass左比男朋友飲埋去...佢平時飲開甜野...都話"又真係重手左d..."一杯咁o既珍珠奶茶加店員o既服務態度...我完全接受唔到囉~!!!飲完一肚氣呀~!!!!
继续阅读