茶一

营业中

休息中

平時我寧願飲廢水都唔想食飯啊，對廢水既愛大到想試哂唔同既手搖店😂今日係屯門行街，行到咁上下又係時候試一試新手搖店🥤。🐒黑糖珍珠鮮奶茶💰$30🐒開心果茉莉茶💰$39我地都嗌左2個唔同style既野飲，朋友既係邪惡到爆既黑糖珍奶🧋嗌左微糖又真係岩岩好，飲到茶既澀味同黑糖珍珠既味好match而開心果係佢地既新品，我主要想食啲開心果奶蓋🍦真係幾濃郁，我覺得我配無糖茶底就岩，因為食一啖奶蓋就飲一啖茶，唔覺唔覺就勁快飲哂😂見佢仲有啲甜品都勁吸引，已經bookmark左芋泥麻薯同開心果麻薯下次試！

位於V-CITY既呢間茶一!! 最近出左新品就係開心果系列作為開心果控既我即刻嗌黎試下同友人一人一杯, 我點左既係開心果奶蓋麻糬奶茶, 而友人點既係開心果茉莉茶一杯都幾大杯, 而且上面有埋開心果NUTS, 除左味道之外口感都有兼顧到等左大約5分鐘就有, 係勁FULL勁滿杯的開心果奶蓋麻糬奶茶既開心果味濃!! 加埋奶蓋同麻糬, 有奶蓋既Creamy味道之外, 仲有麻糬既口感!! 2個加埋一齊就真係勁邪惡!! 茶底都幾高質, 即使係濃濃既開心果味道之下仍然飲到佢本身茶既香味友人既開心果茉莉茶, 茶味就更加出, 同開心果本身既味道都幾夾, 多左陣茉莉花味既清香!!唔知呢個系列係咪期間限定!! 要試就快手!!

今日放工返屋企經開v city , 見到d 個茶飲店， 之前未試過，店舖以綠色為主， 感覺柔和舒服, 所以就吸引咗我停低望下,款式都算多，見到有飲品之餘仲有甜品， 於是就order 咗d 晚飯後食.多肉青提： 清甜， 好香提子味, 飲落真係啖啖果肉， 唔錯， 小朋友幾鍾意， 不停爭住飲招牌燒仙草鮮奶茶： 非常足料， 抵飲，大大杯，內有仙草， 紫米， 紅豆， 口感唔錯， 奶茶味濃， 我哋倒出黎當糖水飲， 都有成兩大🥣開心果麻薯+ 珍珠： 幾特別， 第一次食d 款糖水，麻薯超多， 煙煙銀銀， 再撈埋d 其他野一齊食， 唔錯

經過見到茶一做緊開心果系列，忍唔住就停低望吓😂見到都幾多唔同款式，奶蓋鮮奶同奶蓋奶茶都吸引，不過轉頭食晚餐怕太飽，最後揀咗杯清少少嘅開心果茉莉茶。朋友就對開心果無特別喜好，但望落芝士奶蓋都幾正，就揀咗杯芝芝多肉青提店員都好快手就入去沖野飲，開心果個奶蓋好厚，有濃濃嘅開心果味之餘又唔會太甜，配埋淡淡茶香又幾夾🤤🤤另外都試咗朋友杯芝士奶蓋，一樣好香濃好滑❤️❤️青提甜甜地又幾正😚下次可以再試埋其他先～🤩

屯門Vcity茶飲糖水店開心果奶蓋麻糬奶茶 $56見佢新推出就揀咗呢杯😆奶蓋必須讚 先飲一啖 勁香而且綿密細膩！芝士嘅鹹香味唔會太重 同奶茶好夾～開心果味好濃郁 飲到底仲有好多麻糬 口感非常軟綿 牛奶味好重～手作燒仙草 $35估唔到茶飲店仲有糖水賣😆好貼心咁有埋冰袋拎返屋企～入邊好足料夠晒大碗！有大芋圓咬落勁煙靭🟠🟣紅豆🫘同爽口嘅仙草◾️增加返成個口感作為 飯後甜品一流～茶一 (屯門)屯門屯門鄉事會路83號V City 1樓L1-7a號舖

今次帶大家去係喺V city嘅茶一。佢哋有好多好多唔同嘅嘢飲㗎，我都好難揀！有選擇困難症，因為真係好多好好味咁呀。最後揀咗佢哋Too 1 最多人點嘅鮮芋泥麻糬鮮奶茶，同埋佢哋最新出品開心果系列嘅奶蓋奶茶。🟣芋泥麻糬鮮奶茶滿滿嘅鮮芋泥同麻糬，好有飽肚感，真係可以當正餐咁食😝🟢開心果奶蓋奶茶佢哋嘅開心果奶蓋奶茶，好有開心果味㗎，仲有粒粒開心果碎，鍾意開心果甜品，又想飲奶蓋奶茶嘅朋友應該好啱喇。今日真係好滿足啊😋 下次試埋佢哋其他嘢飲先至得茶一 (屯門)📍 屯門屯門鄉事會路83號V City 1樓L1-7a號舖

📍 茶一（V City） 喺荃灣屯門都已經有三間分店今次就行V city經過見到雖然舖位細細，不過都幾起眼最近出咗開心果系列，當然飲吓佢啦🥤🩷🩷🩷🩷🩷✨芝士多多桃桃口感順滑的輕芝奶蓋，而且仲有粒粒果肉，微甜已經夠晒味🤩✨開心果奶蓋麻糬奶茶香濃嘅開心果與芝士奶蓋既配搭，甘香醇厚嘅紅茶底，口感層次豐富，而且仲有煙靭口感嘅麻糬，由於麻糬嘅份量都幾多，但係啲麻糬就塞住咗飲管，呢一杯唯有當甜品咁樣食！

收工返黎見到時間尚早所以去左vcity行個圈睇下有咩買經過<茶一>俾佢張開心果新品既poster吸引住見到開心果呢三隻字真係受唔住誘惑所以就買杯試試❤️❤️❤️❤️•開心果奶蓋鮮奶🥛首先賣相已經好吸睛開心果味濃郁 仲有開心果碎tim同鮮奶既味道好夾面頭既奶蓋令到口感層次提升左🔝•多肉桃桃🍑呢杯係買俾屋企人飲入面好多蜜桃果肉 有咬口茶底清新 成杯好fresh❣️下次想買試埋佢地既芋圓糖水睇落好似幾正咁❣️

之前用apps嗌過呢間茶飲幾次，覺得外賣包裝袋勁靚，與別不同，亦都物美價廉值得再幫襯。今次行完V city見到「茶一」，嗌咗兩款茶飲，發覺唔只新鮮、真材實料同高質，啲漸層都好靚好治癒～啱晒打卡📸🌸芝士多肉桃桃 （$40）🍵開心果茉莉茶（$39）芝士多肉桃桃嘅鹹香芝士奶蓋配搭清新茶底沙冰同粒粒分明嘅水蜜桃果肉，好滿足😌開心果味同茉莉茶十分夾，茉莉茶清香微苦，加上開心果口味嘅奶蓋，再以開心果仁碎做topping，層次分明

今日叫左杯開心果奶蓋麻糬奶茶，但裡面竟然係冇麻糬嘅。。。因為我唔係即刻飲，返到屋企先發現，所以冇番去問番職員，但真係覺得好失落，有麻糬嘅仲要貴12蚊，唔會想再試

好味 芝士奶蓋比想像中好食 而且食得出真材實料 好厚 海鹽芝士 真係好很好食 ……D 員工幾有禮貌 問佢地可唔可以比多D芝土 個員工笑左一下，杯野出都來真係好多好多芝士😘😘。………………………………………………………………………………芋泥鮮奶奶奶茶麻糬鮮奶茶可以熱奶茶可以鮮奶茶可以冇其他嘢買二送一喎，九折優惠$42可以啦…………

最近試了茶一Bestea的芝士珍珠奶茶，點了大杯，少甜少冰，這次的體驗讓人驚喜萬分😋首先，這款芝士珍珠奶茶的奶蓋非常值得一讚。奶蓋綿密細膩，芝士的香氣濃郁但不會過於厚重，與茶的清香完美融合。每一口都能感受到芝士與奶茶的完美配搭，彷彿在口中跳舞🧀✨珍珠的部分也令人滿意，Q彈適中，口感一流，與奶茶一同入口，讓人不禁一口接一口。珍珠的甜度恰到好處，與少甜的奶茶相得益彰，整體不會過於甜膩🍬此外，少冰的選擇讓奶茶的味道更加濃郁，每一口都充滿香濃的茶香與芝士味道，令人回味無窮🥤總體來說，這次的芝士珍珠奶茶體驗確實讓人滿意。若你也愛好芝士與奶茶的絕妙組合，這款飲品絕對值得一試。有機會我一定會再度光顧，嘗試更多不同的口味🌟

日日都差不多30度, 天氣悶熱, 一杯清涼的珍珠奶茶當然唔少得所以夏天時候我成日都要幫襯下飲品店, 估唔到今次去到屯門區新商場NOVO WALK 發現咗呢間台式手搖飲品店珍奶癮朋友, 一定要買來試試, 外賣回家也要喝味道方面, 茶底清甜中帶點回甘香味裡面仲有黑糖波霸、仙草、蘆薈，份量十足。香滑芝士奶蓋是另一款值得推介飲品款式啊 味道有好多, 我個人最喜歡是芝芝桃桃、芝芝草莓, 水果肉很多, 好有口感加埋配上芝士奶蓋, 咸咸甜甜, 好足料, 十分值得試試!

本身想飲milksha 見人多唔想排隊 見有新舖咪試下點知杯芋泥鮮奶係酸嘅 杯嘢可以話係冇味簡直不知所謂 員工態度是但早知唔貪冇人 去買milksha算 有冇人明洗錢買難受

V city 新開茶飲店，有一日好想飲奶蓋，行過就試下，點知出乎意料地正，好過好多連鎖店。自從第一次買過後就愛上，兩星期飲左三次。芝士奶蓋好濃，好正，份量亦好足。次次都為左奶蓋而去，奶蓋控記得一試。店員亦好Nice,好有禮貌。惟一係因為小店經營，有時可能要等一陣先得閒落單，但絕對係小問題。第一次寫食評，希望多啲人幫襯佢，支持小店，難得屯門有咁正既奶蓋，希望好舖唔好咁易倒閉。亦希望佢可以keep 得住個水準。