茶東西

营业中

休息中

好少嚟炮台山，見到呢間chaology裝修簡潔，以為係一間文青風Cafe，入到去竟然係有埋香港茶餐廳嘅下午茶，牆上仲有好靚好有深度嘅插畫， 十分有驚喜。⭐️🌟安格斯牛肉漢堡北海道咖喱滑蛋蓋飯 $75🍛超好味😋滑蛋好幼滑，安格斯牛好香牛肉味，咖喱屬於甜味嗰種，唔會好辣，送飯一流，一啖跟一啖，停唔到口。🍗邪惡咸蛋醬炸雞脾 配美式粗薯條$60鹹蛋黃超香濃，雞髀炸到脆卜卜，外皮香脆，雞肉幼嫩。薯條都係即炸，真材實料，唔係空心薯條。😋😋😋仲要用李錦記獨立包裝茄汁，十分衞生👍🏻👍🏻🥗和風沙律$15（跟餐價）呢個係嗌下午茶加配嘅， $15有勁大兜👍🏻蔬菜釀羊新鮮，好抵👍🏻👍🏻🥪松露雞蛋沙律三文治$38超多饀，味道好夾，仲烘埋底，食完唔使食晚飯。🍹飲品叫咗熱檸檬利賓納同話梅柚子蜜糖梳打$15（跟餐價）話梅柚子蜜糖梳打好好飲😋😋好清爽，同配炸脾一流👍🏻之後仲叫左杯香橙鮮果紅茶$15（跟餐價）勁多水果，比得上出面嗰啲茶飲店，仲要全部用新鮮水果，超級足料👍🏻待應十分友善，仲好健談，有濃厚嘅人情味👍🏻性會比高，值得一試👍🏻

位於天后電氣道的＂茶東西＂餐廳格局清新，佈置幾得意！雖然座位不算多但坐落很舒適。今晚我哋點咗：①🐂牛板腱火山烏冬（豆乳雞白湯） $98鳥冬用石窩盛載，熱騰騰幾有駕勢！豆乳雞做白湯底，啖湯夠曬濃郁，鳥冬彈牙爽口。好正👍！配菜亦豐富，計有：本茹、黑木耳、粟米、日本魚片等．．．。最觸目是面頭的小麥草，讓整件事充滿朝氣。🌱🌱不過牛板腱可能沉得太耐有少少嚡口，下次一定要早點夾上來吃。🥢🥢②🦀蟹皇醬帶子什菌意大利飯 $98意大利飯雖沾上醬汁但仍然粒粒分明！帶子軟嫩好味，如果帶子大隻啲仲正！蟹皇醬勁有鮮味！好正👍！③🥗胡麻醬軟殼蟹沙律 $88賣相精美！日式胡麻醬做沙律極之匹配，加上車厘茄、紫椰菜、生菜、青瓜，伸食到粒粒蟹子。當然主角軟殼蟹食落十分惹味，蟹味充足。👌🏼👌🏼🥤熱情果多多梳打 $15加咗一片檸檬🍋，味道甜甜酸酸，飲落醒胃又覺清新。🌹☕️玫瑰花茶 $19初初唔多覺有花味，但越飲越嘗到濃濃的玫瑰花香味。阿姐招呼周到，加多碗白湯驚鳥冬唔夠湯。不過要去洗手間需稍移玉步上商場🏬才行，但整體而言我哋感到很滿足和滿意👍！順告：餐廳提供All day breakfast 🍳 地址：香港炮台山電氣道183號友

喜歡偏西餐的餐廳又帶點日式料理的菜，這次兩種都想食的情況下見到有不錯的菜款，於是立馬入內點了美國板键牛肉火山烏冬，超大份牛肉每塊都大個手掌，牛肉爽又吸滿湯汁味，哪裏有魚板娃娃菜芽菜木耳粟米腐竹等材料，烏冬彈牙。然後是白酒煮青口會蒜香酸種包，超有香蒜味的煙韌麵包，索上白汁後有照口帶勁，白汁奶香味重，有洋蔥煙肉芽菜辣椒絲等配搭，賣相漂亮又好吃。再來是蟹黃醬帶子什菌意大利飯，邪惡首選，濃烈又大份的蟹黃醬配白汁意大利飯超配，加上帶子軟淋淋的，白汁有均勻地分佈在飯顆分明中。配上粟米湯，食到粒粒粟米蓉的清新小湯，平衡了口腔。再來是日式胡麻醬軟殼蟹沙律，無論是蔬菜抑或是一整隻炸軟殼蟹，都超級大份量足料，最後再食中華沙律以及健康的玫瑰花茶，完美地結束一餐豐富的晚餐。

茶東西位於北角電氣道，佢係fusion茶餐廳有好多唔同款式嘅嘢食😚西式同日式都有仲有平時茶餐廳嘢食都有同朋友樣樣都想試吓🤣下次再去食其他野食，價錢亦都好相宜👍🏻✨ 冬陰功軟殼蟹意粉🍝$98意粉個汁辣辣地，好香，軟殼蟹好香脆😋另外加埋青檸汁，好開胃😍✨胡麻醬軟殼蟹沙律$88沙律菜好新鮮，仲有一大隻軟殼蟹 🤤✨唐楊魷魚鬚$58魷魚鬚有紫菜香味，好酥脆，份量好足夠✨ 甜咖喱牛脷蛋包飯$88有五大塊牛脷，整得好淋，好少日式咖喱會有牛脷選擇😋✨香橙鮮果紅茶跟餐加$15入邊有啲新鮮生果，都幾好飲，唔會好甜✨話梅柚子蜜糖梳打跟餐加$15好香話梅味，好特別仲好解渴📍餐廳名稱：茶東西 (北角)北角炮台山電氣道183號友邦廣場地下3-4號舖

呢間茶記cafe位於繁忙嘅商業區，估唔到連假期都咁多人排隊‼️環境光猛，又有design，牆身掛滿Artwork❤️呢度嘅邪惡炸髀好吸引，「七味椒鹽炸雞髀」口味有幾款，仲有芝士醬、鹹蛋黃醬、柚子蜂蜜，不過我都係比較鍾意香口啲雞皮非常香脆，又夠椒鹽味，一切開有肉汁流出嚟，好好食，真係下午茶必選加配左「黑椒蘑菇飯」，係用珍珠米，瞬間覺得成個感覺提升咗重點係+$15就咁大碟，真係好抵，味道唔會太濃味，但又有黑椒香，個人覺得比KFC好食「安格斯牛肉漢堡北海道咖喱滑蛋蓋飯」北海道咖喱唔會太重香料味，味道比較清爽，咖喱質地唔會太杰，撈埋滑蛋&飯一齊食，味道更豐富漢堡扒一啲都唔鞋，煎得好香‼️

茶東西是一家位於炮台山電氣道友邦廣場地下，餐廳以漫畫故事裝飾牆身，氛圍獨特，菜式豐富多樣。叫咗幾款前菜。柚子蜜糖雞中翼，雞肉的鮮嫩與柚子和蜜糖的清新甜美完美結合。白酒煮青口伴蒜香酸種包，青口在白酒的烘托下釋放出獨特的海洋鮮味，每一口青口都飽滿多汁，湯汁濃郁而富有層次感。鹿兒島國產豚肉餃子，皮薄皮多肉飽滿，豬肉的鮮美與微妙的調料相得益彰。壽喜燒美國板腱牛肉鍋配珍珠米飯及蘭王蛋，牛肉在特製醬汁中快速涮煮，保留了其天然的肉香與柔嫩口感。鍋底的醬汁由醬油、糖和味醂調製而成，味道濃郁且甜鹹適中。安格斯牛肉漢堡北海道咖喱滑蛋蓋飯配甜咖喱，優質的安格斯牛肉製成的漢堡排煎至恰到好處，外焦裏嫩，搭配滑嫩的北海道滑蛋，形成豐富的口感層次，蓋飯上的甜咖喱濃郁。飲品，熱情果多多梳打，充滿了熱情果的濃郁香氣與自然的酸甜滋味，好飲。

今晚早早在北角食飯，見未夠6點，便趕去茶東西，因為我最愛的蘭王蛋煲仔焗鮮茄肉醬意粉只在下午茶時段供應。煲仔焗製，肉醬超多，熱辣辣香氣撲鼻。家人點了一份東西三文治，餡料唔簡單，有煙三文魚同蛋沙律，層次豐富。再來一份柚子蜜糖炸髀，外皮脆卜卜又帶點甜蜜。加$15有和風沙律，清新解膩。飲品方面試咗話梅柚子梳打，酸酸甜甜非常濃郁，加水後仲有味，性價比極高。另外兩杯咖啡同奶茶都沖得好靚，香濃滑順，完美收結整個下午茶體驗。

依間餐廳之前經過都有見有人喺度排隊，今日就趁晚市嘅時候幫襯吓。同埋都好近地鐵首先要讚嘅就係即使茶餐廳，但店員嘅服務態度好好，不論幫我哋點餐定係走嘅時候都好有禮貌咁樣提醒我哋小心地滑，而且座位亦都算闊落，晚市人流唔算太多，同朋友吹下水都好舒服。朋友好肚餓，所以今次有點大食，叫左兩個飯，一個麵，同幾個小吃，哈哈！我地絕無浪費食物，完全清枱我地叫左和風柚子醋煙三文魚沙律，柚子蜜糖雞中翼，美國板腱牛肉火山烏冬，兩個咖喱滑蛋蓋飯，分別係安格斯牛肉漢堡同板燒厚切牛脷。咖喱滑蛋蓋飯抵讚，首先佢竟然有甜酸苦辣四種咖喱口味俾你揀，我哋揀咗甜咖喱，食落去個質感同岀面啲連鎖日本咖喱專門店差唔多，而且不論係漢堡扒定係牛脷都好好食，好腍尤其牛脷咖喱飯食咗少少先醒起唔記得影相，補影返，哈哈太好味了。同埋呢度嘅沙律嘅份量真係好大，柚子好清新，都抵嗌，食左啲濃味食物，再黎一口沙律，好開胃好fresh，好夾！至於美國板腱牛肉火山烏冬，佢有三款湯底揀 (東京黑蒜豬骨湯，博多豆乳雞白湯同埋九州激新地獄湯)。我地揀左豬骨湯，個人覺得食得出黑蒜味，尚算濃郁唔會好鹹，但係朋友覺得比較淡口，所以口味真係因人而異，我覺得還好。我哋其

炮台山茶東西～喺正AIA tower，位置非常方便～大大份下午茶～坐得舒服冇油煙味茶餐廳～價錢中等但性價比高～食物❤️❤️❤️❤️：芝士豬柳烏冬 $62炒提子包椒鹽炸雞髀粗薯條 $45BBQ醬燒豬肋骨 $54花生醬西多士 $38即磨咖啡 $3冬OT $3味道正常輸出，冇雷，炸雞髀薯條豬肋骨同西多士都好食，值得一試😋😋😋份量❤️❤️❤️❤️：以上加埋嘅嘢3人份量都夠晒飽飽有餘環境❤️❤️❤️❤️❤️：店舖環境裝修靚，坐得舒服，有提供紙巾，枱面位啱啱好🤗服務❤️❤️❤️❤️：上菜都幾快，食完冇耐有職員幫手執拾價錢❤️❤️❤️❤️：下午茶餐有好多款式選擇，好多配搭，餐牌中等價錢不過size充足

茶東西（北角）北角街坊飯堂新發現！茶餐廳格局賣西餐，價錢貼地但擺盤絕不馬虎，適合學生黨同小資族輕鬆開餐～ 🦪 白酒煮青口 伴蒜香酸種包 ($88)青口份量足有十幾隻，湯汁帶淡淡奶香。酸種包外脆內軟，蘸汁食剛好平衡海鮮味。🍝 明太子蟹肉意粉 ($88)明太子分量足夠，每啖都食到微辣鹹香，蟹肉以碎絲形式拌入，整體調味克制唔重手。意粉軟硬度適中，以呢個價位交足功課。 🍄 黑松露大啡菇意大利飯 ($88)松露香氣點到即止，大啡菇厚切多汁，意大利飯保留米飯口感。醬汁唔膩，適合怕濃味人士。 🦀 胡麻醬軟殼蟹沙律 ($88)軟殼蟹炸得酥脆不油，胡麻醬混搭沙律菜清新開胃。🍯 話梅柚子蜜糖梳打 (+$15)話梅味溫和，甜酸比例平衡，解膩一流 🍊 香橙鮮果紅茶 (+$15)果肉給得大方，紅茶底淡雅不搶果香 總括以百元內西餐來說，食材搭配有心思，路過北角想簡簡單單食個意粉，呢度係穩陣選擇～

───────────────咖啡廳crossover茶餐廳你覺得呢？───────────────🍽️安格斯牛肉漢堡北海道咖哩滑蛋蓋飯-特別之處在於咖哩有得揀甜酸苦辣口味-安格斯牛肉漢堡好香濃多汁，甜咖哩簡單經典又好食 (๑´ڡ`๑)🍽️壽喜燒牛板腱鍋-烏冬同甜甜既壽喜燒湯底好夾，有好多款蔬菜✨-套餐會配有隻蘭王蛋，牛肉味香濃，點埋蘭王蛋汁好好味！🍽️柚子蜜糖雞中翼-雞翼炸到皮脆肉嫩，再配上甜甜酸酸既柚子蜜糖醬真係冇得輸！好清新，必食推介 ♪ 🍹奇異果冷泡烏龍茶 & 粉紅西柚冷泡烏龍茶-冷泡烏龍茶茶底好清新 (✪ω✪) -唔同既水果配搭之下十分解膩🥰📍茶東西 Chaology北角炮台山電氣道183號友邦廣場地下3-4號舖

日前接朋友放工, 係炮台山想搵D 平平地O既餐廳食, 見到間茶餐廳裝修幾靚咁, 就入左去D 野都幾多款下, 小食都幾吸引, 就嗌左幾樣野黎食唐揚魷魚酥炸得鬆脆, 入面炸粉調左味, 是夠味的蜜糖芥末韓式炸雞本以為係炸雞塊, 點知係成塊雞扒咁大係意料之外, 份量十足胡麻牆軟殼蟹沙律軟殼蟹又係炸得脆脆, 沙律亦好新鮮, 配胡麻醬亦是很夾牛板腱火山烏冬(黑蒜豚骨湯)石鍋+ 滾湯+ 生牛肉可以浸熟D 牛牛肉唔會過熟, 有牛味有口感烏冬彈牙, 湯頭有味, 幾好轉套餐有野飲, 湯, 前菜,同埋酸種麵包其實都幾抵再EXTRA 轉特飲熱情果多多梳打酸酸地, 有汽, 幾開胃朋友的話梅柚子蜜糖梳打

前排去咗炮台山做野，同事介紹有間茶餐廳 — 「茶東西」好抵食😍😍餐廳主打港式茶記菜式、cafe輕食同西式料理，有好多選擇！佢地的下午茶最平$45就有交易，整體性價比高🔥🔥🍗七味椒鹽炸雞髀 $45✨份量十足！雞髀炸得皮脆肉嫩、啖啖肉，切開仲有肉汁流出🤤🤤伴碟有美式粗薯條同沙律，薯條脆卜卜好香口🍟～食完好飽肚！！🧀雙重芝士撈麵 (+$15)✨另外可以加($15)加配小食，我就叫咗「雙重芝士撈麵」試試～～麵條爽口彈牙，加上邪惡的拉絲芝士，啖啖芝士香氣！推介👍🏻👍🏻🍹凍檸茶 (+$3)✨茶底清香，味道酸酸甜甜好清爽🍋！飲完好解渴😋😋

見肚餓阿媽唔煮飯我哋今晚落街就食附近嘅茶東西查東西平日我哋食開下午茶㗎都好大份及抵食，今次又試吓晚餐晚餐加$28可以轉套餐好抵前菜日式海帶 是日餐湯係南瓜忌廉湯好香濃香甜蜜糖柚子雞翼菠菜雜菜沙律好靚呀蜜糖柚子雞翼，甜甜地雞翼炸得好Juicy 蟹黃醬，雜菌帶子意大利飯蟹黃醬配埋Creamy嘅意大利飯都幾match帶子同蟹黃醬增加鮮味添牛版腱火山烏冬石鍋烏冬，響凍凍地嘅天氣之下熱住嘅石鍋烏冬送到嚟 又暖又窩心東京黑蒜油湯好滋味仲飲埋兩杯好滋潤嘅熱檸蜜添茶東西 (北角)北角炮台山電氣道183號友邦廣場地下3-4號舖#茶東西#北角美食#炮台山美食#Chalogy#chalogyhk#香港冰室#香港探店#香港咖啡廳#香港必食餐廳#茶東西

呢晚嚟咗呢間港式茶餐廳冰室食晚餐$98「韓式泡菜黑毛豚肉鍋」：蔬菜有 泡菜、香菇、粟米、芫荽、大蔥 等，豬肉約 50%脂肪 50%瘦肉 所以好甘香，仲有芋絲，再加埋 烏冬 同 蘭王蛋，真係幾豐富🤣$88「西班牙風乾火腿鮮果沙律」：風乾火腿有啲鹹香肉質幾軟熟，生果有蜜瓜同火龍果 等，仲有脆口嘅沙律菜，再加埋 Balsamic vinegar 食得幾開胃🤣$98「安格斯牛肉漢堡北海道咖喱滑蛋蓋飯」：日式咖喱飯甜甜哋辣辣哋好易入口🤣$19「熱檸茶」：大大杯🤣$21「熱玫瑰花茶」：大大杯有啲啲玫瑰香味🤣未夠喉再叫多一個 $58「七味椒鹽雞中翼（5隻）」：炸雞翼就梗係香口啦，再加埋七味粉就更加香口🤣