茶作 (已結業)

Facebook呢排都幾多人講既小店，今日終於帶埋朋友黎試下，因為我朋友超級鍾意茶既製品。但地方都幾難揾，我地揾左好一陣先揾到。雪糕有好多款式，全部都係自家製作。環境真心一流，非常有家既味道，非常適合靜靜地黎飲茶。我嗌左大紅袍，茶味十足，超級香濃，而且唔似一般坊間既茶味雪糕咁甜膩，茶既苦澀味道較重，7分苦3分甜，口感幼滑，兩個人開心share岩岩好。整體味道不錯，價錢適中，但又未去到好特別一定非食不可，如果有多啲輕食就最好啦～

食完個下午茶，周圍行吓就想食返個甜品!!本身都幾鍾意飲茶嘅，見到依間專係用茶去整唔同嘅雪糕，就諗住去試吓😎有超過14種味嘅手作雪糕全部都係香港製造，仲要低糖低脂😍我地叫左一個濃香鐵觀音味嘅雪糕同熱嘅桔普奶茶，兩個都有超級濃郁嘅茶味又唔太甜👍🏻👍🏻杯裝雪糕，外賣都勁方便桔普奶茶比起好多珍珠奶茶嘅鋪頭嘅奶茶仲好飲👍🏻👍🏻好想下次試晒唔同口味😋環境燈光好舒服，擺設又靚😌😌可以喺度靜靜地睇書，度過悠閒嘅一日

呢間茶館係新蒲崗嘅工業大廈中，上次去因為有人包場就無試到，今次係去得龍食晚飯之前再嚟。以茶館嚟講，都好多嘢可以試，除咗有傳統茶葉之外，亦都有唔同口味嘅手工奶茶，最令人驚喜係有好多唔同茶味嘅雪糕。不過我見到傳統茶葉，相對價錢比較貴， 平均都要七、八十蚊壺， 不過店主好細心， 係你揀之前佢會畀曬所有茶葉畀你聞， 你可以按住自己嘅口味去揀。 但係由於我屋企自己都有好多茶葉， 所以就冇揀到傳統茶， 不過我估佢嘅茶葉質素唔錯。我最後揀咗鐵觀音手工奶茶（熱）$32， 我有同店主講，我比較鍾意茶濃啲， 所以我估店主沖嘅時候茶嘅比例相對多少少。 所以飲落口，係非常啱我自己個人嘅口味，奶味都好香。我印像中點煮都用咗一段時間去炮製呢一杯嘢飲， 所以係感受到店主嘅用心除咗飲品之外，店舖亦都有好多茶葉嘅產品出售，有興趣嘅人不妨嚟睇下，真心覺得唔錯！

午後需要找個位置工作、思考，既然晚上要到新蒲崗，便於新蒲崗的工廈區中找了樓上茶室茶作。想點這裡有名的雪糕，但不知哪一個口味更適合我，便問問老闆，老闆介紹了大紅袍($35)，因為茶味更澀，不會太甜，一試果真如此。而雪糕的質地因為新鮮製作，不會雪得過硬，一邊工作，一邊吃，溶化的剛剛好。同伴來到再點了一杯手作鐵觀音奶茶($38)，奶泡輕巧，不會太膩，鐵觀音茶香味厚重，帶甘，沒有糖份，更顯簡而美。這裡作為一個靜一靜，鬆一鬆的環境，真不錯。如果喜歡品茶，還可以於店家買茶葉，回家再試。

聽到茶作有本地手作既雪糕一直都想試下，平日返工早返遲收工既我可以話冇乜機會去到佢哋喺新蒲崗嘅茶室買，點知好好彩同朋友食完飯去行超市時見到佢地上左架，超市售賣4款，包括普洱茶、鐵觀音、老縱紅茶同桔普，價錢都幾貴要成$35，不過手工野係會貴啲呢個都明，所以我同朋友每人買一杯食當飯後甜品。雪糕嘅包裝黑黑實實有一點復古feel, 初頭諗住手作雪糕，可能會冰啲，但係點知雪糕質地唔會太冰唔會太硬，要讚既係唔駛等解凍好耐都可以輕易刮出來，望落仲有啲茶打碎左喺入面，應該好香濃，不過至於味道呢......可能期望越大、失望就越大，呢個係我食過咁多間茶雪糕最冇茶味既一間，茶碎原來唔係茶香，係up味多啲，又冇乜奶味，似係食咗一舊似涼茶既冰糕，試埋朋友既紅茶雪糕，情況好少少，可能因為冇比較，未食過其他公司有出呢個味道......我諗我都唔會再叫朋友陪我買呢啲雪糕食，一個字，以$35來講係伏的........再送俾我都唔會食

我本身好喜歡飲茶，每日都無茶不歡，日本茶、中國茶、西茶都合我心意，所以我啲同事就帶左我去一間新蒲崗嘅隱世小店－茶作，呢間鋪雖然位於工廈，都唔係難搵。係鋪前已經聞倒陣陣嘅茶香，原來呢間鋪頭唔只係飲茶，出售茶葉、茶具等，仲有茶味手工雪糕食。平時綠茶雪糕就見得多，普洱，鐵觀音雪糕真係第一次見，好特別！同同事叫左幾款茶味雪糕，有半熟普洱、鐵觀音、玄米、玫瑰味，自已就食普洱味雪糕，一入口唔係好食得出普洱味，但當你慢慢含住係口中，就會有普洱嘅回甘味，茶本身係好解膩加埋厚滑嘅雪糕，食完成個人感覺好清新。下次要試埋其他茶味先得！成間鋪嘅氛圍都好relax，拎住本書，係度嘆杯茶，你話係幾寫意嘅生活呢！

平時返工因為太眼訓所以間唔中都會飲下茶知道有間cafe係以中式茶為主 咁特別所以即刻去試一試佢係工廠大廈入面 入到去有d去遠離左繁囂既感覺 入面既裝飾係偏向懷舊 第一個感覺係好文青feel 而且仲有好多關係茶既書籍 等大家對茶再認識多d我最鐘意飲既就係茉莉茶啦 客員好細心咁教我地去沖茶 首先要隔茶器隔左茶渣先 之後再倒落去個杯仔慢慢歎 如果唔係佢講 都可能就咁飲左就算😆 沖完後之後 淡淡既茉莉味一陣陣咁撲埋黎 其實就咁聞都已經覺得好relax 啦 茶味香濃但係就一d都唔苦澀 原來歎茶都有小食既 就即係飲咖啡隔離有塊小曲奇咁 呢度係飲中式既茶 咁就當然係配中式食品啦 呢幾粒花生糖非常香口及脆卜卜 唔會太甜 絕對唔會搶左茶味 而且呢度用保暖好勁既懷舊駱駝牌水壺 可以鐘意幾時加熱水沖茶都得 好方便仲有飲完呢個茉莉花茶後發現個口充滿住花既香味 而且都keep到幾耐添出面唔係好多地方有咁多茶味既雪糕選擇 我地揀左個半熟普洱 茶冇咁飲既咁濃 不過啖啖既茶味都幾清新 由於佢係低糖 所以唔算好甜 可能佢有茶味既關係令到食左呢杯雪糕感覺上都冇好似冇平時個d雪糕咁易肥去到唔知飲咩好咁話可以慢慢聞下d茶葉再

朋友推薦的下午茶選擇，剛巧在附近，又有時間，就上去試新Cafe。氣氛很淡靜，讓人都安靜下來。店員很nice，店內有茶壺套裝，店員逐個拆開來給我看，非常精緻。我們點了一個熱的鐵觀音奶茶和凍的桔普奶茶。很香茶味，特別是桔普奶茶，很香的桔味，很有趣又醒神。我飲慣了台式珍珠奶茶，覺得它比較淡，朋友說我不懂欣賞。我也只求一試，整體來說是閒適的。這一間只有飲品和雪榚，要吃飽飽的人要注意啦！！！

除左觀塘之外，新蒲崗都係另一個工廈美食天堂。聽聞有間係茶方面好出名既ＣＡＦＥ，就黎左試。位置都唔算太難搵，因為係平日，上到去都唔算太多人，小貓３，４隻，一上黎就聞到好大陣茶香味好濃。坐低左之後佢會拎ＭＥＮＵ比你睇既，真係除左茶就係茶呀(同埋茶味雪糕)，係無其他野架啦！我叫左杯冷泡茶同埋雪糕。冷泡茶茶味好香，唔苦有回甘味。雪糕既茶味都好香，唔會死甜，正呀！呢間野可能淨係賣茶，每個product都有水準，好值得再去！

工廈路比較難搵，兩點黎到冇其他客人，店員比左啲茶既sample我地聞，我地揀左桔普同玄米味既手工意式雪糕，可惜冇桔普味，所以轉左進口玫瑰味。佢地既雪糕唔會熔得太快玄米味都幾出，味道唔錯，食完兩杯雪糕因為太凍，又叫左杯桔普味熱奶茶，全部都唔錯

前排行D2 Place2, 凡喺二樓見到有茶味雪十糕。細看有不少味道，例如普洱、鐵觀音等等。它强調低糖又見有少見的大红袍和摯愛嘅朱古力合體。挑它試試看。分量不多125ml。兩種味是分開，不是“混雙”的。確實低糖(朱古力味微微比大紅袍甜，但較一般市面上的都低糖)。而且，好~滑~~平時食任何雪糕後都有痰。這個兩次都無比現象。不過愛較濃茶味的朋友，可能7仔有售的烏龍茶雪糕才能滿足您了。注意: 無堂食㗎~

茶作~~tea-ed TEA~~這環境令人好舒服,在忙碌的生活中,可以找到一間令自己好Hea的地方真係好好呀!😍😍當去到去<茶作>時,見到 Tiffany 色的門口,好有少女feel呀!裡面的環境都不錯呀!仲有張長木檯俾我可以扮下偽文青呀!😜😜我今日就食左"大紅袍+朱古力"雪糕(125ml),朱古力味好濃,茶味比想像中好清香呀!(唔知係咪甘形容d茶味呢?😜😜),食入口好滑及唔易溶呀!另外我仲點多杯"冷泡茉莉花茶",淡淡清新的茶味,入口後好舒服呀。下次再同家人/朋友一齊黎呢度試下先!

近年已甚少吃甜點的我，對於茶味甜點，尤其是雪糕，卻還是無可抵抗。其實早已聽説這家位於新蒲崗工廈的品茶小店，奈何日間公事繁忙，也甚少有時間在日間到訪。當天剛好在附近，便偷了點時間，來到這邊一試。餐廳一點不像一般品茶之地。裏面放著各種的擺設、茶壺、茶杯，而除了餐桌之外也有一張沙發，感覺十分舒適。雖然又放了雪櫃，又有一些像雜物的東西，卻一點不覺得奇怪，反而有種家的感覺。平日的下午較爲安靜，人客不多，店主卻也一直忙碌著。既是品茶之地，茶類自然也挺多的。黑茶、烏龍、綠茶、紅茶、白茶、花茶等等，當中還再細分種類。想要有點特色的，還有手工奶茶、梳打茶、冷泡茶等，好茶之人想必盼能一一品嘗。本來也非品茶之人，當天時間也不多，便只點了每人一杯雪糕分享。雪糕標榜是手工意式雪糕。茶味雪糕方面有大紅大紅袍、半熟普洱、濃香鐵觀音、老樅紅茶、蜂蜜茉莉花龍珠、進口玫瑰花、桔普雪葩、日式抹茶和日式焙茶。同行有人不愛茶味嗎？不打緊，這裏也有香濃巧克力、香草籽、玄米和柚子雪葩等其他口味，肯定找到合心意的。進口玫瑰花 $30、濃香鐵觀音 $30雖然說是杯裝雪糕，擺盤也跟環境十分搭配。由於第一次到訪，也不確定味道濃淡，我們決定

約左舊同事食tea,因為食左lunch無幾耐，所以真係依食唔落tea,係Openrice 搵到依間飲tea既地方！黎到佢會俾份menu你，再推架幾層既車仔黎你面前。車仔上面放滿茶葉、花茶，如果你有對某d茶有興趣，可以聞下架車上面既茶，之後落單。我同舊同事叫左個2人份既玫瑰花，因為聞到d 玫瑰花好香每人仲有份花生糖同腰果糖茶香水滾，滾水任添，環境優雅我地仲要坐係張梳花上，舊同事話好似坐係屋企張梳化咁我地見差不多個個黎到都食手工雪糕，所以我地都試下我好鐘意玫瑰，所以揀左玫瑰花味，舊同事揀左蜂蜜茉莉花龍珠味。玫瑰花味好香玫瑰味，香香甜甜，舊同事話有d似提子味而蜂蜜茉莉花龍珠，帶著蜂蜜甜、茉莉花香和龍珠既甘我地係度坐左差不多4個鐘，真係好舒服

曾經去過茶作喺新蒲崗工廈嘅小店，試過兩款茶味雪糕，都覺得味道唔錯，款式又多，一直想再食，只係我地唔係經常去該區，所以未能再試。是日喺荔枝角工廈晚飯，飯後時間唔早，都行去D2place睇睇The Barn嘅counter閂門未，幸好趕得切。雖然係概念店，但一樣有供應雪糕，仲有茶葉、茶具等產品出售。至於雪糕，基本上見到同新蒲崗店嘅都一樣，有多款茶味，大紅袍、半熟普洱、鐵觀音、玄米等，非茶味雪糕亦有香草、朱古力、玫瑰等口味。老樅紅茶、桔普雪葩 $30/125ml手工雪糕標榜低脂、低糖，香港製造，自家包裝。因為之前試過普洱同蜂蜜茉莉味，加上上次聞過桔普嘅茶葉，味道幾特別，所以今次試試。老樅係樹齡比較老嘅樹，一般超過百年，茶味醇厚帶點甘甜，雪糕質地厚滑，清涼解膩，甜度唔高而桔普其實係陳皮普洱，將茶葉放入紅柑裡面，雪糕製成品食落冇直接聞茶葉咁香，驟眼睇亦會見到有啲黑色小點，食落帶淡淡嘅陳皮、橙香。因為係雪葩，質地就冇其他雪糕嘅細滑。如果想試下茶味雪糕，荔枝角都較方便我，想食都可以隨時黎不過如果想坐喺度慢慢嘆，飲淡茶，就要去番新蒲崗茶室呢。