茶寮 京都仁王門

营业中

休息中

近日內地平價超市「Hot Max」進駐海之戀商場，專程前來逛逛；途經這裏，於是就來這家京都餐廳品嚐午餐，我們叫了：🌸 蛋包飯- 吉列豬扒 $88選了日式咖喱汁，吉列豬扒是即炸的，香脆可口，雞蛋亦炒得很滑，咖喱汁是日式的，所以不辣，最敗筆是珍珠飯只是暖暖的、不夠熱。🌸 蛋包飯- 唐揚炸雞 $78同樣選了日式咖喱汁，炸雞中規中矩，有一件較乾身，亦有一些炸得Juicy ，珍珠飯同樣只是暖暖的，熱騰騰的珍珠飯是基本常識吧！套餐包麵豉湯及凍綠茶，麵豉湯材料都算豐富，有海帶、金菇及秀珍菇。

喺海之戀行完donki， 諗下食乜嘢晚餐， 行下行下見到呢間餐廳售賣唔少日式輕型嘅套餐， 見到食物外觀好靚， 就入咗去坐。餐廳環境好舒服， 好有簡約日本風格， 枱與枱之間唔會好逼。食物選擇都算多， 主打輕型份量， 營養之選。 另外飲品嘅賣上也很好， 佢嘅沙冰系列好吸引。我叫咗個吉列豬扒蛋包飯，蛋味香濃， 味道不錯。 套餐仲包咗碗麵豉湯， 食完都好飽。另外叫咗杯香蕉奶昔， 很濃郁， 食過返尋味。下次同朋友經過海之戀， 都可以試試呢間， 佢哋嘅梳乎厘都不錯，值得推介！

好耐之前有食過但menu已經轉咗好多所以就近排再訪🤭平日3點人流係冇斷過keep住有人入😝🔺明太子雞肉忌廉烏冬 $58呢個烏冬真係超有驚喜😳明太子超濃再加好creamy 真係好正🙌🏻每一條烏冬都掛上明太子,烏冬都幾彈牙😙而雞肉有煎過的冇雪味同幾嫩😆🔺慢煮叉燒黑蒜油豬骨烏冬 $58黑蒜油味都偏濃的🧄而叉燒超淋,肥瘦適中但就真係頗重口味💁🏻‍♀️烏冬同樣都係幾彈牙~🔺朱古力迷你疏乎厘班戟 $68迷你班戟只有一塊但也偏大件的👅班戟上有大量朱古力醬加朱古力碎所以超濃🍫 疏乎厘班戟唔係好重空氣感但勝在蛋味香濃🥚配料有朱古力雪糕同香蕉🍌🔺朱古力豆乳 +$10係想像中的味道朱古力加上豆奶,朱古力味適中🤍🔺紅豆豆乳🫘 +$10有點似紅豆冰但就變咗豆奶~🤤好味度 : 8/10🔙回頭率 : 8/10

12點多黎食， 打算試下朋友推介的唐揚炸雞；場內無咩人， 得幾枱客， 出面都無人排隊，心知不妙；坐底想點菜時侍應先講有兩款食物無貨。下， 門口張menu 完全無寫， 你地而家先同我講， 我點起身走啊！唔講仲以為你係咩人氣餐廳！ 而且一開門就無貨， 你地點做生意架，唔會一早準備來貨架咩， 仲有全日要捱喎， 定係想d客幫你清左賣唔出的食物！早知就唔黎呢間， 去其他餐廳仲好！無奈之下， 惟有叫其他野食，食物選擇不多，質素一般， 出面有更好的日式餐廳選擇。總結：沒有下次！Ps 侍應主動， 態度親切， 批評的係餐廳做法！如果你食甜品， 咁另計！

食飽飽後緊係要去食埋甜品先滿足啦，剛好趕到9:30截單時間落單，班戟製作時間比較耐要30分鐘，我哋9:55終於等到班戟出爐，剛好食得澈。🤣Tiramisu班戟 & 原味班戟2個班戟都係即叫即整，上枱時都仲熱辣辣，Tiramisu有點甜，我比較鍾意原味。抹茶奶昔有少少失望，唔似奶昔比較似沙冰

🍱茶寮 京都仁王門📌荃灣海之戀商場地下G 22-23號舖·今日在海之戀活動，午餐時間獨自一人，經過茶寮 有少少顧客在排隊，不一會便可以入座。午市套餐都好多選擇，🍱豚肉生薑燒定食（$68）這個套餐除了主食之外，還有麵豉湯、三款季節前菜，又可選擇飯或稻庭烏冬，還有一杯日本茶。前菜有中華沙律、螺肉和一個小泡芙，味道都不錯。主食豚肉生薑燒味道不錯，豚肉燒得剛剛好，將部份脂肪逼出滲出香味，加上醬油香肉質還保持嫩身，份量真的很足夠，更喜歡伴以沙律菜，比較健康和爽口。這兒地方雖然唔係好大，他們也不會把顧客擠在一起，我一個人也可以佔用一張四人桌，顧客食得比較自在。

嗌左漢堡扒滑蛋飯，要奶油汁個滑蛋薄過我面皮，啲汁仲要係杰身唔知食緊啲咩，個漢堡扒只能話比較正常，啲飯粒硬到未煮熟咁，價錢仲要唔係平，計埋加一要$138呢間野幾時執笠？

之前喺楊屋道附近食完嘢，又未夠盡興，臨搭西鐵之前都特登搵間糖水舖食甜品喺海之戀商場，見到呢間日式糖水舖，嗰日其實都前一個鐘去，但係見都仲係好多人食，都應該幾好食，於是就坐低咗見台台都好似食緊疏乎厘，咁我哋都跟吓大家叫咗個Tiramisu疏乎厘原來呢度嘅疏乎厘都幾出色，疏乎厘本身蛋香都OK嘅，配埋佢個Tiramisu醬同埋個雪糕，好濃郁嘅咖啡味，甜味我就覺得啱啱好嘅，不過我個朋友好鍾意食甜嘅話就話可以再甜啲另外叫咗個窩夫仔，佢個朱古力醬都幾好食

本身見到環境裝修幾好，入去試吓個蛋包飯，配埋個特飲要120幾蚊，但係估唔到由頭伏到落尾，入到去員工已經唔係太好態度，但係估唔到啲嘢食冇一樣好食！麵豉湯係近乎凍蛋包飯啲咖喱仲衰過茶餐廳嗰啲啲飯係硬炸雞係粉廣島蠔係蠔屎加厚炸粉連杯日本茶都係唔凍唔熱然後加個杯嘢飲好細杯好耐冇食過咁伏嘅一餐，冇諗過呢個價錢會有呢一個質素嘅嘢食，味道比茶餐廳還差，本身好少寫食評，呢個真係忍唔住寫，希望各位入去前睇到呢篇留言，唔好中伏

開個post讚一讚呢間舖頭負責任嘅態度。去開荃灣西，見佢$88個Tiramisu pancake優惠幾吸引。雖然我又有啲趕時間，而佢寫明所有pancake都要等30分鐘，不過我都膽粗粗問吓係咪真係要等甘耐。仲諗住搏中，店員話而家有份現成嘅，咁我就梗係即刻入去試吓啦。果然等了兩三分鐘，份pancake就嚟咗。賣相好靚，點知篤落去.....咦，個餅底有啲韌嘅？！照計日本pancake唔應該咁嘅喎。食吓食吓，去到中間真係頂唔順，直程係要用叉扯出嚟咁😟忍唔住...決定問吓店員😬，估唔到店員好好，即刻話可以俾過份新嘅我，不過要等30分鐘。🥺估唔到我咁問一句，店員就好有誠意立刻補救。終於等咗大約30分鐘，我份pancake就嚟咗啦。😀Pancake係幾軟滑嘅，不過蛋味唔算濃。但係Tiramisu醬同朱古力都好食😋。加埋賣相吸引，所以整體好滿足。

之前經過幾次見到pancake賣相不錯點知...唐揚炸雞蛋包飯，賣相已經同平時炸雞不同，點知內裡雞肉咬口奇怪，勁淋，唔新鮮都算，口感都好奇怪炸豬扒親子飯，已經算保守選擇，點知炸豬扒又係勁淋，似翻叮，感覺勁頹兩個飯已經好失望，諗住賣點係舒芙蕾pancake，如果正常都算點知擺台唔識震已經知咩事，吉落去都有困難，口感太實似蛋糕多d，唯一正常少少係d cream...食物已經勁失望，服務更加差頹，一個就完全無心服務，點餐話幾款已經無左就走左去，擺野求其，另一個就細聲到唔知佢講緊咩...打呢個食評真心希望有關人士可以睇到檢討下，呢個價錢呢個質素，d炸物真心好似外賣翻黎翻叮或者擺左好耐已經淋曬，咬落得d粉同梅左既肉，炸雞都可以做到出奇地差...見到隔離台都食到擰曬頭.. pancake如果係賣點，麻煩好好改良下

今晚喺荃灣西食完飯，想食甜品。經過呢間「茶寮 京都仁王門」，見佢地pancake賣相幾吸引，決定入去試吓。由於我的朋友喜歡抹茶，所以叫「宇治抹茶班戟」Pancake好厚軟熟，配上抹茶醬汁，紅豆，抹茶雪糕。雖然Pancake都大碟，但食落無咩味，同期望有落差。

👍🏼抵食指數：⭐️⭐️⭐️😋好食程度：⭐️⭐️⭐️⭐️之前有朋友介意過呢間嘅 #Pancake 係好好食，點知一食果然性價比幾高。食嘅時候，侍應推介咗 #Tiramisu pancake ，因為做緊特價，所以一試。Pancake 上枱時係非常 #IGable ，Tiramisu cream 色澤亮麗，Pancake 彈下彈下，朱古力碎伴碟，再配上雲呢拿雪糕，好適合打卡！仲要打完卡，pancake 內仍然暖笠笠，真係即叫即整！味道係濃濃嘅咖啡味，加配上朱古力碎，感覺好正！提外話，食Pancake 前都叫咗 #咖喱吉列炸蠔蛋包飯 ，但普普通通，除咗吉列炸蠔還可以之外，咖喱同蛋就太普通了。提議大家想叫Pancake，就要等30分鐘喇～ 

滑蛋鰻魚丼飯（$98）賣相有啲黑人問號呢個蛋真係有比較有傷害😂😂鰻魚味道正常 不過不失吉列廣島蠔蛋包飯 奶油菇菌（$88）睇下呢個賣相好幾多蠔ok呀 啲餸ok 蛋都靚靚🟨⚪留意奶油菇菌真係奶油！真係油油地，並不是白汁！宇治抹茶班戟（$108）呢個108蚊就唔抵食喇普通嘢🤷🏻🤷🏼‍♂️🤷🏼‍♀️蕨餅麻麻地最抵讚 只有舊雪糕💚

一到週末假期就約朋友出街，今次到了荃灣西逛街。行了幾個鐘，發覺已到飯點，於是選了商場內的一間餐廳：「茶寮 京都仁王門」。汁燒雞扒味道幾香，外皮燒至帶少許焦黃色，肉質軟腍juicy。加錢配成定食套餐，分別有麵豉湯、鴨胸沙律、前菜、烏龍麵和甜品，非常豐富。定食套餐本身包括了一杯熱茶。再加錢改為一壺果粒茶，先reheat 2-3分鐘再飲。果茶入口充滿甜香味，不過可能糖漿沉了在壺底，喝到最後2杯就有些過甜了。本身來這間餐廳，就是因為被menu上的班戟所吸引。整碟味道以鳳梨味道為主導，除了有一大片焦糖鳳梨，還有鳳梨汁醬和鳳梨味啫喱。鳳梨片放了焦糖烤香，入口先感受到焦糖的香脆，然後就是鳳梨肉的juicy。但班戟就略嫌未夠fluffy，蛋香味亦不太明顯。