茶寮 京都仁王門

营业中

休息中

去親呢度行街尾站都一定食佢點解好食囉🫣👅通常我都揀平日嘅少啲人唔使排隊平日嘅下午茶比較多選擇通常人都唔會太多，坐得舒服啲環境寬敞乾淨服務員友善每次我都係飲呢個同埋食呢個因為好食食過無數咁多次值得推薦㗎，性價比高嗰杯抹茶紅豆有得食，又有得飲，又唔會太甜個pancake好有口感㗎👍🏻反而阿媽就鍾意食呢個意粉加餃子，佢話好好食喎🥳選擇比較多，所以未必鍾意食甜品嘅人都有得選擇其他食物同埋飲品都多選擇㗎最重要就係坐得舒服支持香港消費🥳

鋪頭：茶寮京都仁王門地址：上水智昌路3號上水中心2樓2043-2044號舖​Order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ 1️⃣ 溫泉蛋牛肉丼飯 （合格以上）牛肉算嫩，有汁，唔會乾，飯粒軟硬適中​2️⃣ 揚物（特級吉列豬排）加$18有前菜、飯/稻庭烏冬、麵豉湯&茶 （一般）吉列豬排有少少乾，唔夠脆，豬肉唔嫩，其餘烏冬、前菜等都係普通發揮​3️⃣ 明太子雞翼（2件）（差）外面雞翼都正常，咬開個餡係明太子，超級鹹，好似放左一羹鹽入口咁​4️⃣豆乳特飲幾得意，底有d類似豆花嘅東西，入口都滑嘅​😐總結：最有印象係明太子雞翼，超級鹹​📝 以下評分最高分五粒🌟味道：🌟🌟粒 ​ 抵食程度：🌟🌟粒環境&服務：🌟🌟+0.5粒（漏單）

每次去呢間嘢總會食呢個鹽燒花魚定食，有飯同烏冬，價錢方面有啲貴，間唔中食仲可以今日去食好嘈，平時去食覺得平靜係唔錯選擇，今次對環境好差座位無得調動，坐得唔舒服，人

之前呢間茶寮 京都仁王門啱啱係荃灣開既時候我就有黎食過一次，果陣係下午茶時段淨係食左佢地既班戟同特飲，覺得佢地茶味既甜品都唔錯～今次係晚餐時段黎食，諗住試下佢地既主食，順便再食多次佢地既甜品🤤7點左右黎到，都幾多人，排左隊大概半個鐘先入得，一坐低即刻嗌左兩個蛋包飯同埋飲品，上齊野食之後再嗌埋班戟就差唔多時間。不過今次主食講真係有啲失望，佢既價錢我會expect多啲。但係上到黎我覺得有少少快餐店質素，所以總結覺得黎到最好食既都係班戟。1⃣️咖喱極上漢堡扒蛋包定食（$118） 見到呢款個menu到幅圖都好吸引！上到枱漢堡扒係真係大件既，但係賣相已經同menu有出入，色澤同個樣都差咁啲，食落偏軟身，冇咩肉既質感。不過蛋包飯個蛋係幾滑既，咖喱係普通日式咖喱甜甜地果隻，配飯同蛋食都唔錯既。咖喱仲有配啲紅蘿蔔同埋薯仔，仲係硬身既，個人會鍾意佢地係咖喱入面煮淋一咬就碎既質地多啲。  2⃣️咖喱唐揚炸雞蛋包定食（$88） 呢款同menu幅相既吸引程度又係差好遠。上到黎既炸雞真係完全係快餐店既feel，炸皮唔算脆，入面既肉都唔係特別厚特別多，感覺似係炸完一陣再夾出黎既咁。  3⃣️焦糖鳳梨班戟（$118） 嗌左兩款

本人都算係一個甜品控，所以每次見到有甜品店係自己未試過就會好想試吓，今次依間位於海之戀的甜品店每次經過都見有不少人在吃，諗住應該唔會中伏🥹🥹🥹結果都係中了芝士奶蓋班戟 $88 推薦指數🗯️：🌟一上枱望到好似幾靚，但食落發現完全是另一件事，完全沒有蛋味，好似平時用超級市場買的那種班戟粉整成，唔鬆軟；而且表面的芝士奶蓋味道跟它不配，整體配搭都很奇怪🤯荔枝沙冰 $52 推薦指數🗯️：🌟表面那一層白色的不是奶蓋，是泡🙊而且飲落荔枝味都唔重，有少少似飲緊有甜味嘅冰水咁以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

梳乎厘有少少甜綠色粒啫喱比較甜一早預了食梳乎厘等於食空氣所以是不飽的本身個梳乎厘會附送一杯日本茶，不過要提侍應他們先記得比茶可惜係室溫唔熱可能因為平日中午去的關係環境比較寧靜

收工搵野食既時候 諗起呢間餐廳平時星期六日都好多人會排隊趁閒日無乜人就決定去試下睇下係咪真係咁好食我叫左個吉列豬扒蛋包飯既定食再加一杯oreo既沙冰另外仲叫左個吉列蝦蛋包飯定食同埋紅豆豆乳(不過就唔記得影相因為掛住食)吉列豬扒同吉列蝦都好脆, 想講吉列蝦比我想像中大條本身未黎之前仲好驚佢會唔會係D細蝦兩樣都炸得好脆 但又唔會覺得佢太熱氣OREO 既野飲係賣飛佛 所以一見到OREO沙冰就即刻嗌啦正常SIZE, 野飲有CREAM+OREO碎鋪係面好岩我飲至少另一杯紅豆豆乳就比想像中細杯好多飲落就同紅豆沙差唔多

就是超市購入的即食咖喱，不過味道還比超市的淡。炸豬扒全沒味道，漢扒堡就是高級食材店$17 購入的漢堡扒。蛋包飯的蛋亦全無味道！還敢收這個價錢，浪費卡路里及時間😡。不如在家自煮，$30有找還比較好吃！章魚小丸子亦不及街頭的好，八爪魚小得可憐！排隊30分鐘，星期六、日沒有定食套餐，餐扒上只有幾個咖喱蛋包飯、饅魚定食、姜燒豚用定食、幾度沙律、小食及甜品。本以為選擇少，餐廳煮餐定更專注，10分鐘不到送來的咖喱吉列豬扒蛋包飯、咖喱漢堡扒蛋包飯讓人驚歎！沒良心中的沒良心，永不可再。

📍荃灣經濟價日式定食🇯🇵週末去海之戀食個快飯試左⬇️：汁燒雞扒烏冬套餐雞扒嫩滑份量足價錢經濟～薯條：基本質素✅📌經過想食個快飯可以一刷～餐廳仲有其他甜品/卷蛋/疏乎厘等等Hightea食件cake都可一試

. 荃灣中伏日式茶寮 | 連飲品都飲唔落📍 #茶寮京都仁王門🍵抹茶煉奶奶昔 $52☕️焙茶奶昔 $52呢兩杯真係打大佬😕首先一啲都唔似奶昔、成杯沙冰咁樣、仲要係淡而無味嘅沙冰🥵究竟係點做到外表正常但係入面咁難飲 ..最後悔就係叫咗飲品、出去買肥仔水或者食糖水都冇咁嬲😤成$52杯！🥔黑松露沾醬薯條 $36首先用呢一隻薯條已經未必好食☹️雖然都炸得熱即、但所謂嘅黑松露醬完全冇乜黑松露味、睇顏色就知、仲要有小小稀咁😢🍛咖喱吉列廣島蠔蛋包定食 $106呢個蛋包飯已經係最正常。。炸蠔已經係最食得過🤖整體都係好一般😵‍💫🐙芝麻八爪魚 $24諗住叫啲小食到實冇問題😕點知啲醬勁結達達局多倍、比平時食開既黏好多倍🥶無食哂。。總結: 可一不可再😩 對啲日式餐廳扣左小小分、日式好少中伏架麻🫠連pancake 都唔想試了**仲要另加一收費😿本身餐廳唔大，但係叫員工加水都要叫好多次**——————————————-📍 茶寮 京都仁王門📍 荃灣大河道100號海之戀商場地下G22-G23號舖📆星期一至日：12:00~22:00

上次我們經過見到有一間，是日本菜，連都有甜品，想試試吃，入去..給我感覺有日本風格..好似當去日本旅行咁，真是好懷念..我們來..來..點餐..想試吃廣島蠔～1. 吉列廣島蠔定食 $88跟餐包括有味噌湯、沙律送一塊鴨胸肉、水果，不錯，好合理價錢，主食有飯團定烏冬兩選一，我揀烏冬，我先試吃廣島蠔..炸得好脆..咬一口，熱熱～入口酥脆鬆化，有蠔味！好吃，之前常見吃過吉列豬扒，今次試吃廣島蠔，比吉列豬扒好過..真是好吃！2.28辛京都風咖喱唐揚炸雞蛋包飯定食 $88他點單…他愛蛋包飯，我試吃咖哩汁..一點都不辣，配上蛋包飯，用日本雞蛋炒至嫩滑，另外炸雞..炸得好..我試咬一口一塊半…不夠脆！3.抹茶黑蜜豆乳 $36他點飲品，他話豆味好香又好滑，拌勻一下有抹茶味又好甜感到有蜜味！4. 草莓青檸梳打 $38我點..這個草莓青檸梳打，要拌勻一下..下面有草莓醬，飲得好甜，要拌勻多d..飲得有草莓味..

路過呢間餐廳多次，一直想幫襯，今次終於在端午節假期中午試吓餐廳主打而家好流行而我又好鍾意嘅蛋包飯、疏乎厘pancake，而位置在電梯對面亦好易搵，所以吸引到好多人😄食物方面都算中規中矩，可惜其中一個主打嘅疏乎厘pancake真係用慘不忍賭去形容，扣晒分😌服務亦有待改善，估計係店長嘅人物真係應該好好檢討自己嘅服務態度，反而新上班店員值得一讚👍🏻咖哩唐揚炸雞蛋包定食（$88）蛋包飯炸雞做得幾好，炸得乾身又唔會太油，可惜咖哩比較似超市買嗰啲盒裝😅抹茶黒密豆乳（跟餐半價後$18）北海道芝士年糕（$36）呢個要讚👍🏻同樣炸得均勻，外脆內軟，芝士流心，非常好食😋味醂魚乾（$36）炸得略為乾，味道偏甜😅原味班戟（$88）可以講食過之中最失望嘅一間🥺我個人最鍾意食原味，原因主要係可以食到蛋香，空氣感的滑溜感覺，可惜完全唔係呢回事，完全冇蛋香，又實又粗😔嘥晒

梳乎厘不過失唔夠空氣感 但有少少咬口咁我叫左期間限時花生醬花生醬味極濃 但完全無cream而我比較鐘意配上cream 果種柔滑感🤣🤣算唔錯 都好食 但仲可以進迚步👍🏻

黎到海之戀商場shopping， 累了坐低嘆個下午茶，呢間「茶寮」打正旗號係日本🇯🇵野就去試下。明太子忌廉烏冬： 明太子味突出，吾會死咸，烏冬吾係便宜貨，起碼食得出係彈性無酸味，每一條烏冬都蘸滿了忌廉，毫不吝嗇的海苔粉，整體十分Creamy，不錯。炒豚肉辛辣湯烏冬：夠曬辣，最少有三小辣，但咁先過癮，不豚肉似就咁淥熟肥牛咁，不過誠意可加，有紫菜加持。明太子雞翼：烤得幾好吾多油，唯沒有明太子味，仲帶點焦脆，不錯。芝士年糕：新鮮熱辣炸起，仲做到拉絲效果，估佢吾到。期間限定梳乎厘，焦糖鳳梨🍍味，炙燒香甜鳳梨，唯梳乎厘質感比較實淨，不是空氣感，蛋味夠香濃，但內裡似味熟蛋漿咁，比較濕潤，整體靠鳳梨汁提升層次。總結：一分錢一分貨抵食下午茶 🫖 梳乎厘味道還好

我們於7/6（三）約下午四點十五分到達餐廳。叫了2個梳乎厘班戟，店員有和我們說要等30分鐘，而我們真的在30分鐘後才吃到🤣🤣不過之後見到有客人等了10分鐘就有得吃了，可能是有弄多了的班戟🙃迷你芝士奶蓋梳乎厘班戟（$58）：芝士奶蓋不是十分咸，有一些芝士脆脆配vanilla ice cream迷你焙茶梳乎厘班戟（$68）：焙茶味重，也有很多焙茶cream，配上黑芝麻ice cream，有很濃的黑芝麻味，極之好吃👍🏻也有厥餅2款也有茶配搭，埋單加一以迷你梳乎厘班戟來說，價錢合理