茶救星球蔬果茶

营业中

休息中

一心一意想去飲苦瓜檸檬茶，喺OpenRice度搵時代廣場附近有冇分店嘅時候竟然俾我見到真係有一間！以前試過喺尖沙咀有苦瓜檸檬茶係真係有檸檬茶係入面，今次見到OpenRice入邊苦瓜檸檬茶竟然做特價， $15有一杯就即刻叫咗兩杯，去到拎外賣嘅時候已經覺得有啲愕然，點解會咁大杯係用高身嘅膠杯裝，記得以前飲過唔係咁大杯，點知拎走咗之後返到屋企先發現竟然得水同埋苦瓜嘅味，呢杯根本就係苦瓜水，完全冇檸檬嘅味道亦都冇茶嘅味道， 就算特價$15都係嘥錢，嬲到爆炸咁！

天氣真係好熱，要買返杯消暑嘅飲品，行過見到呢間新開嘅店舖，決定一試。舖頭喺時代廣場對出，好容易就會搵到。見到佢出名嘅係苦瓜檸檬茶，本身都有啲卻步，但係見職員話唔會好重苦瓜味，所以就俾個機會佢。第一啖飲落去，苦瓜味的確唔重，檸檬味都唔重，成杯嘢偏淡，不過凍冰冰，清涼嘅感覺，特別適合炎炎夏日喺條街上面飲。

食完個Lunch想飲杯凍野，咁岩就見到呢間野，見去蔬果茶好健康，就去睇睇就叫左杯山野鴨屎香檸檬茶🍹，牛油果甘露🥑山野鴨屎香檸檬茶🍹$27鴨屎香實則是烏龍茶中的貴族茶入口後焙火香與果香交織，尾韻帶一絲礦物感的清冽，完美平衡了檸檬的酸爽。山野茶飲選用中焙茶底，既保留原生茶韻，與檸檬堪稱天作之合牛油果甘露🥑$35牛油果的質地堪稱飲品界的天選之材：熟度完美的果肉，呈現絲綢般綿密口感，自帶植物奶油的油脂香氣，卻無負擔感。這杯甘露大膽以牛油果替代傳統椰奶基底，將熱帶甜膩轉化為清新療癒。入口瞬間舌先觸牛油果的溫潤奶香緩緩包覆味蕾

今日同男人行完Times Square，無啦啦發現到有間野賣緊青BB茶飲，適逢我地都想清下個腸胃，唔想飲化學奶茶，就決心去挑戰下。真心講我平日係完全唔食苦野，飲咖啡都要加大量奶同糖，行到埋去都怯怯地，不過最後都order左一杯。男人話唔好加糖天然D，呢林叫苦瓜檸檬茶，好似係佢地首創咁話，主打當然係唔苦，連個宣傳口號都係叫大家比次機會佢。好，我飲後感就是：的確唔苦，係有少許青味但可接受，有少少似青瓜汁or西芹汁D friend子。如有加糖會好DD，0糖就有少少dry。而檸檬係無作用，我亦飲唔到有茶味，當健康之選飲是可以的，最有心係個杯，唔知點解要以粒MJ我仲要係個"西"，只能講都幾dum本。