茶木‧台式休閒餐廳 (又一城)

营业中

休息中

古早牛頰肉麵牛肉肉質軟淋, size都幾大舊, 份量足夠紅蘿蔔鮮甜白蘿蔔都甜黑糖薑母茶明顯比以前淡口咗但冇以前咁甜入口有辛辣度薑味但落咗肚之後, 辛辣薑 嘅暖胃感覺冇乜呢度要自己搵位然後去收銀處 order同埋錢座位比較擠迫但勝在有好多自然光

今日去training唔想去food court逼，見呢度少人入左先，原來中伏。72蚊紙餐具，自己揾位自己拎，你set條隊都好丫，食食下有人企係枱邊等，好似m記咁，但人地咩價錢？岩岩開始食2啖就俾人望住，其實店鋪係咪可以做多一步呢？叫就叫自己cafe（雖然都知無要求，食餐飯姐，俾d尊重可以嗎？）街坊平餐廳無服務都有自助斟水，呢邊又無。食物偏咸，無要求下無乜問題，值唔值自己諗。人少真係唔好貪快，事出必有因。

今日買外賣返上公司食，去到先排隊買，唔算多人，上次食左牛肉，今次試下雞翼先，等左15 分鐘左右，可能雞翼要等耐d。返上公司，一打開個蓋，麻油味好香，雞翼好入味，新竹米粉好好食。

朋友約咗我去九龍塘又一城度傾偈，大家想搵個地方坐低食少少嘢傾得舒服啲，本身又一城嘅選擇都唔算太多，跟住見到茶木好似冇乜人，所以就坐低咗響呢間度嘞。叫咗個紅燒牛肉麵同埋一杯芒果沙冰加奶蓋，相信因為呢一間茶木係比較輕食為主，所以為咗方便啲嘢食都係用紙器皿嘅。紅燒牛肉麵可能係因為個紙兜嘅問題，感覺好似比平時其他茶木份量少啲啲，啲牛肉有少少淋得滯，感覺好似係一早整好晒，即刻用微波爐叮翻熱嗰種口感，同埋佢個湯都有啲鹹，總算都係食得落嘅，但係就唔會覺得好好食咁樣。杯芒果沙冰冇乜特別嘢可以分享，都係酸酸甜甜咁樣有啲芒果味，奶蓋到有幾濃郁嘅芝士味嘅，其他方面冇乜特別感覺。

came here twice and ordered the same drinks(with no sugar), the first time was real no sugar and service was okay, but the last time the drink was really sweet, they apparently added sugar syrup but I ordered no sugar, so I told them the drink wasn’t correct, and the staff was like, huh that was the sauce, we already reduced the sugar amount, worst service and will definitely not come to any teawood stores again anymore.

17-6-2023(Sat)晏晝同老公送完膠後周圍盪,原本諗住搭地鐵去葵涌廣場行同食晚飯,但時間太早,所以我哋臨時改變去又一城睇安妮亞吹氣大公仔,睇完我又有啲餓,於是去搵嘢食,見到有呢間,就坐低買嘢食啦.我哋要咗:1. $44.00嘅台式烤香腸份量唔算少,食落好甜,外皮烤得脆,內裡口感正常冇問題,夾埋生蒜同蔥食就好食.但𠲖 o家睇返menu,原來有我從未食過嘅鹽酥地瓜條.味道:5分2. $24.00嘅凍頂烏龍茶正常冇問題.味道:3分3. $22.00嘅紅豆薏仁水呢個好似冇乜味,但帶有薑嘅香味,我哋撈吓睇有冇紅豆,答案係有嘅,點解唔係用透明膠杯裝? 紅豆夠腍,配上淡淡薑嘅香味又幾好味.不過𠲖o家睇返張單,竟然印住紅豆薏米水而唔係紅豆薏仁水.味道:3.5分抵食係2.7分

工作關係今天來到九龍塘。近日就個人去留問題一直猶豫不決，之不過古語有云：沒有難事是一碟鹽酥雞解決不了的。於是午飯時段來到了茶木。理所當然地點了雞扒麵。可是上菜時看到即棄餐具和碗時，不禁眉頭一皺：太不環保了吧？湯和麵是及格的，但當然不會有任何驚喜。雞扒外皮香脆，十分可口，但是…這塊雞扒未免太薄了吧？吃台式鹽酥雞，除了吃酥脆的炸皮，内裏juicy而口感滿滿的雞扒也是重點，在這方面嘛，餐廳在來貨方面要更用心一點才行。人道是人情紙咁薄，可是這塊雞扒，不是比人情還要薄嗎？總結來說就是失望，有點浪費quota的感覺。吃罷後還得去溝貨，可謂着了道兒。

去到見menu有種叫原味咖啡（以為係有糖有奶嗰隻），cashier話其實係黑咖啡，望清楚d，原來佢英文譯做Americano，佢哋唔譯做美式咖啡，叫原味咖啡喎。咁我唔要”原味咖啡”，改要Mocha。一打開杯蓋，呢杯野叫Mocha? 話朱古力咖啡係冇奶架喎。何止冇奶，朱古力味都冇。睇下幅相成杯黑咖啡咁，同飲齋啡有乜分別。飲左1啖，唔可以再入口，都唔知係乜咖啡，以後唔會再幫襯。

its my second time here i expected improvement but obviously they’re incapable the drink (apple lime lemon crap) did not taste like anything and i could only eat ice the mango drink tasted like medicine and i despise it the staff was really annoyed and kind of acted like she hated us i extremely dislike her the seats were uncomfortable and made my butt hurt the setting looks like an adopt me house its disgusting dont come dont waste your money TEAWOOD IMPROVE

約咗朋友去又一城好多食店好full途經茶木 見有位置 就坐低咗之後點咗個酥炸排骨肉燥飯 $64排骨好鬆軟 容易入口 肉燥好入味 撈飯一流之後追加咗三款小食 $54有鹽酥雞翼 少少咸蛋味兩隻大大隻 好抵食 同朋友一人一隻有糖心蛋個時間控制啱啱好 唔會過老有紅油炒手雖然唔係辣 但好足料 炒手好大隻 不過不失環境寬敞 光線充足 位置比較迫夾整體上都可以 食加菜速度快 店員好客可以舒服坐係度慢慢食 又唔會太咸有杯凍嘅焦糖咖啡 但冇影到 的確係好飲嘅

The food were great but if u use Apple Pay it takes 4 days to approve payment even if ur bank already confirmed payment. Otherwise staff and tables are great. Drinks are great. Only took 15 minutes for the food to be ready. I definitely love teawood

呢間茶木嘅規模同形式同一般嘅茶木不同，佢係比較似係一個咖啡廳嘅經營模式，主要係賣外賣台式飲品，而出邊亦都設有座位俾人進食。咁環境方面我就覺得啲位置唔係幾好啦，因為外面就係商場嘅門口，門口出面就係馬路，有一個好侷促嘅感覺。而呢度亦都有啲簡單嘅飯同埋面俾人點，咁今次我就冇食飯同麵了，因為感覺如果要食主菜嘅話都係去返其他茶木食會比較好，我點左一個可可牛奶，驚喜嘅係呢間嘅嘢飲感覺上比其他茶木濃郁，可能係因為佢主打嘢飲嘅關係所以啲嘢飲比較好飲但係如果想食主菜嘅話真係唔建議喺呢度食，因為佢都係只係會用一啲好細嘅外賣碗裝住，感覺上食落去嘅質素同埋份量就冇其他茶木冇咁好啦

今晚要去九龍塘返學，放工後去到又一城只有半個鐘食個快飯。我今次就去咗茶木。又一城間茶木好特別，係快餐店形式，先付款，自己搵位，再等食物。呢間茶木嘅下午茶餐去到6:30 ，我哋兩個人都分別叫咗下午茶餐，加埋真係好豐富。每人$62就可以有齊前菜、主菜、飯麵同埋飲品，share一齊食，真係超值。以下係我哋叫咗嘅嘢食：前菜：手拍青瓜，滷水豆腐主菜：黑醋豬軟骨，蒜香酥炸單骨雞翼飯麵： 肉燥新竹米粉二碗飲品：凍頂烏龍茶，高山翠綠茶係咪好豐富呢？不過提提大家，雖然呢間茶木係快餐店形式，但係出菜都較為慢，我去過兩次，付款後都大約要等大約10分鐘先出菜，所以真係超趕時間嘅朋友記住預多丁點時間。

去又一城放低車車🚗扮靚，要等三個鐘。諗住睇戲，但時間唔岩，唯有行下街，買下野，食個Tea!呢間細細間既茶木，個下午茶都抵食$62，喺又一城黎講。有前菜+主食+麵食+飲品(可補$12揀其他飲品)都4點幾，我哋又唔想食太飽所以兩個人share 一個餐。岩岩好！揀左麻辣豬耳，桔仔咕嚕肉，肉燥新竹米粉，蜂蜜檸蜜烏龍🍋個咕嚕肉配金桔🍊又幾有新鮮感，比平時食開菠蘿吖🍍，罐頭桃吖🍑，有驚喜喎！啲肉口感都係脆👍個新竹米粉都好食！幼得黎係會掛湯架！其餘兩樣正常！都座滿晒人。但啲枱污糟左啲。要檢視下，可能得兩個員工，太忙🤭

茶木相信無人未食過，但又一城分店比較特別，採用先付後取自助形式，所以免卻加一服務費。茶餐非常抵食，$62包咗前菜、主菜、菜飯/米粉二擇其一嘅主食同冷熱同價餐飲。新竹米粉麵質比一般米粉幼細，更能吸收湯汁，肉燥份量足，唔會太鹹太油膩，可惜無咩辣味、唔夠香。青瓜偏老，唔夠新鮮爽口，主要靠醋吊味。一向覺得豬軟骨以台式炆煮為美味之首，口感稔軟入味，軟骨軟嫩彈滑，味道鹹中帶甜，惹味又下飯。反而旁邊白蘿蔔無咩味，亦唔夠新鮮，咬落老身起絲。特價加量土豆絲炸蝦，$38有8件，炸得偏油；蝦偏細隻，廚師先裹上魚肉望落大隻啲，再包上土豆絲油炸，但有一半都炸得唔夠鬆脆，魚肉溝咗粉，口感好漿糊糊，越食越抑😖難怪要壓價追量。