茶木‧台式休閒餐廳 (已結業)

收工同朋友黎左尖沙咀，今晚突然好想食下台灣野，即刻諗到食茶木，就去左附近既加拿芬廣埸茶木食晚飯，好耐都無食過，咩都想食。好驚喜，茶木推出左好多新口味款式，對於愛好新嘗試既我，緊係要樣樣都試下啦！食左個鐵板放既漁夫海鮮鍋﹑台式油封鴨腿、紅蔥醬油嫰鴨、梅子豆乳燉肉排，丹麥花之戀呢d都係新出款，好入味好出色，值得再食最令我難忘既係丹麥花之戀甜品蛋糕，因為佢上枱既時候，係由服務員倒汁係上面，令整個鐵板底熱呼呼出哂煙，感覺好新鮮好特別，仿似食緊鐵板餐既牛扒，但其實變左係甜品蛋糕@@great

是日lunch又黎茶木食個lunch了~~一如既往的menu~~~1. 九層塔唐揚雞翅炸得好緊要下!完全係台灣夜市個隻酥炸方法外皮好脆但入面雞翅好香好滑肉質好嫩一d都唔老但就係咸左少少2. 魚湯浸時蔬好清~~~~但講真唔多食到魚湯的味感覺似就咁有咸味的湯only3.古早地瓜三杯雞不嬲都好中意食的三杯雞!雞好好好好入味!!又好嫩!好岩送飯!而當中的地瓜都好正好甜好大舊! 4. 黑糖薑母油嫩鴨黑糖味好足!而上面的薑好正!甜甜辣辣..又好薄鴨肉都好嫩..肉多..好足料好足份量!!5.古早肉燥飯肉燥比台灣食的差好遠茶木的肉燥愈來愈唔好食做唔出係台灣時食的個種好香濃的肉燥汁香6. teawood 紅燒牛肉麵招牌的紅燒牛肉麵麵質一流湯底十分濃..我認為其實可以減少個咸度7. 紅豆薏米水甜到飛起~~~~~~~~~~~但好足料我最尾都係食曬入面的紅豆薏米因為水太甜唔敢飲友人咁岩有張免費的芋圓COUPON我地就叫左草莓口味的一黎到,,好靚點知一食...好難食!我同友人都認為呢個係史上最難食的芋圓好在係free coupon芋圓,,,,根本只係一舊麵粉!冇芋頭味冇地瓜味冇咬口!!!佢真係只係一舊有色的粉,

中午食茶木，又係尖沙咀分店。一入黎見到上次落單態度差果位女士同另一個同事嘈交，勁大聲。。。而serve我地果位同事，今日態度就好好多啦!茶木午餐原來幾抵食，一個set連加一係70蚊左右。※※主菜※※# 柳橙汁鱸魚 # *******鱸魚煎/炸得好脆，肉質唔乾身唔鞋口，未至於話好滑。份量唔多，只有兩大件，但配埋啲微甜既柳橙汁，感覺幾清新，幾好味!# 炆肉排 # ****一般般，不夠冧，無乜特別，勝在份量夠多而已......下次 不會再嗌※※配菜※※# 紅油豬耳 # *********超正。微辣，好香，豬耳粗幼切得啱啱好，好爽口，激正。不過份量好少，只能淺嚐。# 雞蛋 # **很一般..... comment.....# 玫瑰紅茶 # ********茶色好深，仲以為會好苦澀，但入口順滑，淡淡玫瑰味充滿餘韻，唔錯。# 薑汁紅棗薏米水 # ***********今餐亮點! 唔太甜，薏米煲得夠冧，薑味加上紅棗味，唔洗講都知好味!#

今日拍拖黎茶木食個 late lunch，下午3點左右入黎唔洗等位，但過左半個鐘就好full了。# 糖心蛋肉燥飯 # **********估唔到咁快又食返佢，但真係好好味。個糖心蛋好滑，無荃灣分店咁咸，啱啱好，而且極流心，十級正 !!!!!!!!! 肉燥飯本身唔洗講，茶木質素係有保證的。# 朱古力曲奇雪糕 Toast # ********正過上次個抹茶紅豆Toast好多.... 粒粒朱古力曲奇，雪糕夠結實夠凍，好滿意。# 紅棗桂圓茶 # ***** 性價比好低，39蚊一份，但其實響屋企5蚊唔洗就沖到，不過出面飲野就一定會貴啲... 何況係茶木。落單既員工，同埋上菜既員工，問多句個態度都勁差。Bad bad bad。

老細出咗trip，難得可以準時收工，梗係搵朋友聚舊啦，想搵個地方坐耐啲傾下偈，最後選擇咗茶木。食物有多種選擇，加30蚊可以轉餐，有飯，甜品及飲品，都算抵食。鳳梨鮮果甜酸肉 :咕嚕肉一向都係我嘅最愛，貪佢酸酸甜甜送飯一流，豬肉經炸過後配上甜酸汁，食落香脆唔韌，甜酸汁唔會過酸相當開胃，配菜除咗菠蘿外，仲有士多啤梨及火龍果，食完肉後食返幾粒份外清新。古早味三杯雞 :三杯雞用小鍋送上，下面再用小蠟燭滾住，唔駛驚食得耐會凍晒。三杯雞豉油味微甜，雞件份量都幾多，亦到煮得入味，但略嫌比較多骨，食到中間已經有啲累。甜品分別叫咗小茶木劇院及黑森林櫻桃蛋糕，小茶木劇院略嫌過甜，食多兩啖已經覺得好漏，黑森林蛋糕朱古力味香濃，而入面嘅櫻桃粒都幾香甜。總括黎講，呢度坐得都幾舒服，難得今日唔多客人，環境算寧靜，間中同朋友黎食嘢傾偈都唔錯。

今日午餐！晚餐都係尖沙咀搞掂！放工都成9點！走左去食茶木！上到去只需5分鐘左右就有得入坐！真開心！坐底二話不說就決定要個墨汁花枝手作麵！因為之前食過，真心覺得正！今日一定要encore ！再黎叫多個豬扒肉燥飯！加多杯凍Mocha同黑糖芒果芋圓！上菜！其實一向本人都非常欣賞茶木嘅手作麵，質地煙韌，爽滑！不論放湯定無湯都係好正！個墨汁香濃帶有蒜香！花枝片煮得岩岩好！好爽口！呢個墨汁手作麵味道層次係豐富嘅！只差在唔夠熱！如果serve上台係熱辣辣就Perfect啦！到個豬扒肉燥飯，正正常常！不過不失！同樣一個問題，唔夠熱辣辣！呢杯邪惡的Mocha真好不得了！肥到頂點！但係Happy Friday請容許我放縱一下！呢杯野見到都令人好合皮！其實佢嘅真身係一杯Mocha沙冰，所以係好凍！同埋有好多小冰粒係入面，結果我叫左杯熱水加入去，飲得舒服啲！最後最後！甜品來了！黑糖芒果芋圓！甜左少少，芋圓夠煙韌，仲有珍珠、薏米、紅豆！不過同樣佢入面有好多小冰粒，所以都係要揀哂佢出黎物食，會舒服啲，如果唔係會太凍了

週未放假, 約左朋友TEA 一 TEA, 傾下計. 朋友話好耐冇食過茶木..就去望下多唔多人.  一到去仍然見到好多人等位 >< 心諗, 都開左咁多間分店, 點解仲可以咁多人?! 但朋友想食, 唯有等下...等左差唔多30分鐘...呆了...藍莓香草蜜糖磚塊同埋芒果香草蜜糖磚塊. 賣相都好靚,  一粒粒脆脆既烤包再加埋D 雪糕, 水果, 蜜糖一齊食, 真係好滋味, (心心眼) 整體食物既味道都唔錯 (甜品類), 但唔好既地方係D侍應叫極都唔應人?!!! 就算係想落單叫野食, 都等左好耐.....呢樣野開左咁多年都未改善到....

雖然長大後各自都為工作或生活而忙碌，但好朋友是要見的，更何況是十多年的好姐妹，有什麼特別重要的事情要分享總要見一見面傾談一番才暢快! 今天爽快地約了在這裡碰頭，來個簡單的晚餐，卻想不到有驚喜!其實我也不是第一次來茶木吃，但茶木的食物款式確實頗多，每次都可以試新的菜式，這次也不例如。我們三人最後選了三款食物，其中一個是跟餐的，有飲品和甜品。首先來到的是香草明蝦鮮菜沙拉($69)。沙律是必叫的，因是我的主菜xp。 蝦肉彈牙，蔬菜新鮮爽脆，淋上胡麻醬，簡單卻好吃健康。然後是紅燒牛肉麵($75)，絕對是今晚的驚喜! 牛肉味濃，肉質軟腍非常，湯頭濃郁，紅蘿蔔吸收了濃湯精華十分入味，用上粗身的麵條，口感煙韌有咬勁，絕對能滿足澱粉控! 個人推介這款紅燒牛肉麵!最後是鳳梨鮮果甜酸肉($75)配飯，以半個菠蘿上碟。除了菠蘿外，還有火龍果，士多啤梨，龍眼，味道豐富；咕嚕肉炸得脆口，肉有咬口，加上以鮮果調配的醬汁酸甜惹味，配飯吃真的不錯!跟餐的甜品，最後選了香橙百香果慕絲蛋糕，因為似是較為特別的款式。蛋糕賣相特別，有支針筒插於蛋糕上，原來針筒裡頭是橙醬，唧於蛋糕內再切開，會有流心效果。外層像啫喱質感，內裡慕

台灣菜有幾高級大家知茶木將平民既食材昇華到歐洲菜既價錢不過今餐算不錯--無論環境同埋食物星期六下午十二點幾難得冇人排隊店內又少人坐得幾舒服（茶木冇咩時間系直入吾洗排）間間分店都吾同theme...呢間系garden theme上菜十分鐘內叫左個青醬手作面...四隻大蝦...又爽又鮮...面同醬好夾朋友叫左個牛肉面個湯底深色到咁樣你話冇落味精就假啦牛肉三大件好淋好入味吾知落左幾多梳打粉呢吾理得甘多總之朋友話好食仲叫左個胚芽奶茶甜左d冇乜茶應有既香味 Overall 不過不失算系假日鬧市中hea 得舒服既地方

行完街街去搵食，抬頭見到位於加拿芬廣場二樓的茶木窗邊有吉位，唔洗排隊可以即時入座！於初開店之時幫襯過雪糕多士盒同果茶之後就無再食過，我真係唔識欣賞，但時常見到有人在門外輪候。晚市套餐：梅子豆乳燉肉排 - 跟飯、飲品及甜品味道濃郁，食得出燉左好耐，骨都一咬就扁左，有一兩件肉質有點兒乾，梅子味在肉身唔突出，反而旁邊的蘿蔔有梅子味，酸酸的很開胃紅油抄手點解會在台式餐廳出現既？應該係台式口味，正宗既太辣我食唔到，呢個小辣又小油，同埋佢用餃子代替雲吞。而配菜青瓜，我以為係醃青瓜，原來係原味。紅燒牛肉麵先飲啖湯，濃郁唔油膩， 牛肉份量唔少，入味又夠淋，唔錯唔錯！麵條似手工麵，有厚度有咬口，都唔錯！配料有大件紅蘿蔔同白蘿蔔，吸收唔到湯既味，但亦平衡返濃味既湯同牛肉所以整體感覺不錯～小茶木劇院平實的外表，估唔到，好食！有朱古力同咖啡味，有啲似tiramisu 既味道，唔會太甜，食晒唔覺得膩，very good! 檸檬天葵梳打特飲見到已經有種好fresh既感覺。味道唔覺既，有氣飲品通常都穩陣，特別地方係底部有檸檬皮碎，咬落有啲苦澀，減少啲會更好。環境舒服，裝飾有心思～

好一陣子冇尼茶木，依家茶木愈開愈多周圍好易搵到間分店雖然門市多左，但今日星期五尼依然好多人等排隊自助取飛 輸入完人數確定就出飛聽聞每間茶木既裝修都有佢自己既主題，加拿芬道呢一間係用木系森林色打造成個環境，我覺得比其他分店更舒服!落完order收到呢個夾先確認落左單呀!鮮果冰紅茶第一個上既就係飲品!水果茶有凍有熱選擇，我覺得凍水果茶飲落冇熱咁甜，幾好飲，有好多生果係入面e.g橙、西瓜、奇異果、話梅等等不過浸耐左會有少少酸味出左尼，要趁快飲櫻花蝦培根奶油手作麵呢個第一次食！好有驚喜好好食香口既櫻花蝦配麵原來超夾，加埋奶油成個冇得輸！呢個我下次一定會再叫酥炸雞扒麵雞扒好重牛油味，炸得幾乾身，係個肉身有dd薄個湯麵不過不失草莓香草蜜糖吐司磚尼到一心就係食茶木既招牌甜品😋: 吐司磚佢每季出既味都唔同，草莓味長期都有做就知佢有幾受歡迎🤤 佢結帳果到都有個甜品櫃俾人外賣帶走😋可惜食到好飽冇胃口再想食，下次一定要留肚一試

今天午餐來到尖沙咀的茶木原來午市套餐非常抵食 前菜 主食 飯麵類 各選一款都只是$62！配飲品 尖沙咀分店還可以免費升級特飲！我點這杯焦糖芋圓奶茶 $36也是免費的！太棒了 芋圓煙韌 奶茶味道也不錯 但我忘記要少冰了！本來點了魚湯浸菜 可是店員後來才發現沒有了 只好轉了炸雞翼 原來只有一隻 一開二 炸皮較厚 沒有什麼肉鮮芒果鱸魚柳 芒果汁酸甜開胃 魚柳兩大塊 都很厚肉 不錯香芋新竹米粉 米粉很幼 但非常彈牙 十分好吃 還有兩舊炸芋頭 整體感覺很抵食 下次會再來！

廢話少說，今次點了芝心雞全翼拼雞粒，芝心雞做得很好，熱度剛好令芝士流心，烤雞亦恰度好處，能吃到肉汁，甜品點了雜果宇圓，味道不太甜，清涼清暑，飲品果茶亦為解渴之選。總體而言性價比不錯👍

前日放假去左茶木食平時去茶木要等位，點知呢間好好彩唔使排。但有限時 只可以食個半鐘。叫左個香辣牛肉麵同紅豆珍珠奶茶個麵比較辣 所以叫左杯野飲。杯野飲有驚喜，珍珠奶茶同紅豆好夾，珍珠都幾煙un, 正但價錢偏貴。而牛肉麵就比較辣 但我怕普通個隻牛肉麵無咩味，所以揀左辣既。可惜無得揀辣度。。蘿蔔幾入味 湯底算濃郁啲牛肉都算幾好食。值得一提係啲麵，好似係特別既，食落都同其他麵店唔同。但好似比起前兩個月又貴左幾蚊 成日都加價 想點

今日放假，而且我表弟表妹嚟香港挽，就帶左去尖沙咀度行，過左陣，佢哋肚餓，咁啱經過茶木，佢哋又話好想去試下，就去左排隊，排左30分鐘左右我哋就輪到我哋，入到去，餐廳嘅裝修好似西餐廳咁，亦都營造出休閒嘅氣氛，我哋就叫左個香菇水餃面($67)、櫻花蝦培根芥末奶油手作面($75)、古早烤香腸肉燥飯($67)，個香菇水餃面超正，香菇好大粒，仲好濃嘅香菇味，個手作面嘅味啱啱好，肉燥飯啲香腸都好好味，不過啲肉燥就少左啲，整體嚟講非常好！