茶木‧台式休閒餐廳 (已結業)

所以話食飯要睇負評，咁多comments蚵仔泡飯蚵嗲腥臭。平日朋友鍾意蠔食物，今日自己好白目叫嚟試。一上枱已經腥到嘔，試咗啖超級超級腥，蠔仔入口係糊狀，狂飲水都腥到嘔，最後要同朋友換餐。朋友極喜歡蠔，咩烹調方法都喜歡，今次居然挑走啲蠔食炸粉，都係食咗一半。有圖有證據，唔新鮮嘅蠔本來白色嘅肚變灰色，新鮮嘅蠔肚煮熟係會凝固，而呢碟野嘅蠔漏緊腥汁。反映俾 waitress知，佢都係話幫我收咗佢 -_-”另外個手作麵一直都係最愛，松露定牛肝菌味好香，再少啲油就更好之前試吓新口味，菠蘿甜酸肉，係伏啊！9成水果，勁酸甜，甜到嘔，肉總共係5小塊。食過嘅人就知我冇吹水，菠蘿，火龍果肉，藍莓，草莓，水果佔9成啊!點餸飯。以後嚟茶木唔博，太多伏~以後固定叫松露手作麵算。

尖沙咀行完街，同媽，細佬去茶木tea一下。環境地方好寬敞，坐位舒適好坐，可惜有限時。點左溏心蛋肉燥飯，蚵嗲肉碎泡飯，香辣牛肉麵。溏心蛋肉燥飯有唔錯的醬油香，一啖飯一啖肉燥，其他配菜全部都可以不要!!!話雖如此，溏心蛋貨源唔錯好有蛋香。台式牛肉麵都係酸酸地，加少少辣非常開胃。而牛肉係用牛腱，較大件，香，軟，林，而且煮得入味唔會痴牙。而三個之中我最鍾意蚵嗲肉碎泡飯!!蚵仔同肉碎份量十足，泡飯湯非常鮮味!!!而且蚵仔較新鮮，無太腥既味!!好味程度令我飯連湯都食哂落肚。

奶油包係上午送完機中午食完鴨後晚上決定食得清淡DD所以就同朋友嚟左茶木食一個清得嚟又好味既晚餐因為係SET DINNER既關係奶油包就揀左『櫻花蝦牛乳浸娃娃菜』一上台佢既櫻花蝦味已經好香食落去都有好重既櫻花蝦味而娃娃菜因為係用牛乳浸好有牛乳香味仲有份量真心唔少只係食晒D菜都好飽因為呢個係SET既關係所以可以揀甜品又或者係沙律而奶油包係一個甜品人當然揀左甜品甜品方面都有5-6款可以揀但奶油包鍾情朱古力所以就要左個朱古力既旦糕飯後當然要配野飲奶油包要左杯凍既酸梅汁酸梅汁既酸甜度岩岩好可以打消左食左好多野飽飽滯滯既感覺So far嚟講...尖沙咀呢間茶木水準真心唔錯...值得再去幫襯

第一次入茶木，倍感興奮。看到了茶，然後看到木，要touchwood。在卡位拍了一下木，嚇怕了鄰座的叔叔。可惜，時間太少。6點半左右入座。兩位，不用等。點餐過後，吃了一下，很想叫甜品。換來一句，對不起，加單時間已過，只好離席。餐牌很華麗，看似浪漫，惜份量不多，時間太少，說不上很好吃。感覺似俊男美女遇上，相戀時間太短，感情不深厚。茶木，儘管茶味再濃，說穿了，還是一舊木。

星期二公司無咁忙唔駛開長命會議，終於可以同同事去遠遠少少的地方食lunch, 今日揀左茶木，因為佢set lunch 選擇多而且又豐富頭盤，主菜同飯或麵加埋飲品連加一每位$68，咁價錢係尖沙咀真係好抵太耐無黎轉左茶牌都唔知添前菜我揀左炸蝦仔，脆卜卜幾得意，但無乜味道主菜我揀炸里肌，其實即係菠蘿咕嚕肉，好味，份量多，咕嚕肉唔肥，酸酸甜甜好醒胃再加個米粉，彈牙而且個湯又入味飲品我要左杯薏米水，貪佢可以美白有益又去下水腫食飽飽又返去開工了

講明用餐時間90分鐘19:15入單，套餐8分鐘已經上枱。但個排骨麵仲未到，19:32開始陸續叫咗4位服務員跟單，19:45最後一次叫個女服務員跟單，佢話廚房漏單。有冇過份d，之前果4個人肯定冇跟過單，完全冇follow過，連漏單都唔知。中肯咁講，炸蚵嗲味道唔錯，好脆，不過粉好多，蚵嗲好少。而排骨麵非常咸，排骨咸麵更咸。20:20 服務員開始催交枱，咁即係我食咗25分鐘就叫我走? 要限時就麻煩跟足啲，漏單唔係第一次，每次都遲足35分鐘，都唔去改善。

放工約左朋友行街食飯，突然好想食台灣野，平日茶木人龍超長，我又懶得排隊..今日專程去碰下運氣，因為行完去食果時都8點幾又唔太餓，點知等左差不多10分鐘就有位冰水果紅茶，我覺得還可以，茶包加橙汁、士多啤梨、奇異果，有果香味清新，岩哂夏天消暑解渴醬燒豬軟骨麵用台式牛肉麵湯底的味道好濃郁，好好味不過囗味都幾重略鹹，要不停喝水。另外麵係扁身粗麵，麵質煙韌有口感，豬軟骨有一條比較軟，肉的位置少少韌要花點力去咬本來諗住叫沙律點知賣哂，最後簡左櫻花蝦牛乳泡高山菜，個名改得好高級，都幾大份，蝦米香出奇地好吃，奶白色高湯清淡得黎又唔會冇味香煎餃子冇想像中嗰種外脆內軟嘅感覺而且都幾油，不過豬肉餡夠juicy，配個汁蒜香味都幾好。整體都不過不失...服務好價錢又合理，可以試一試...但若果要排好奈隊的話，我未必會等

興極一時的台灣飲食, 好像被韓國的熱潮爬上頭啦！ 等豬仔又去懷念一番先蛋～係豬仔其中一樣好鐘意既食材!有糖心蛋既地方,豬仔都唔會放過茶木既糖心蛋蛋味香濃, 半熟的蛋黃令口感更豐富豬仔推介而炸雞排比較薄身, 食落鬆脆, 炸粉不厚身, 食落沒有負擔感鹵豬手都係豬仔好鐘意食架茶木的做法很有台式風味, QQ 的口感相比港式的豬手更有咬口

平時食其他分店都正正常常今次呢間真係太有「驚喜」同樣的飲品/食物質素比其他分店差很多很多飲杯最大路的水果茶都可以甜都離晒譜仲甜過樽裝橙汁洛神花茶都中招像沒下糖的檸檬花完全無洛神花香味台灣麵湯有點過鹹而且麵團都黏在一起點食？最後最後連枝牙簽都中伏茶木一直給我的印象都不錯只不過尖沙咀分店的飲品/食物真係要改善一下

夏日炎炎,唔想食熱食 , 壽司又食左冇幾耐,又唔想食冷麪 , 因為冷麪店舖同款式選擇唔多,一係就有D蒿麥麪加D鰹魚鼓油甘…我唔大興趣lor … 識食都可能係揀美味樂園 ,但宜家美味樂園已經加價至 $4 / 1包啦 !!!!最後 … 我同朋友2個特登 唔 ! 食 ! 飯 !決定挑戰 !…. 一 ! 人 ! 食 ! 一 ! 個 !我地差唔多九點去到, 好快就有位啦!甜品一黎到 , 嘩 ! 好靚呀,我揀左士多啤梨味,朋友就揀左朱古力味.好在O係食前就得靚靚仔仔影左相,因為我一篤… 已經辣手摧….殘左食落 …雪糕應該唔係雀巢貨,味道似DREYERS 既草莓同石板街,厚多士既邊仲係脆架, 中間仲有D脆既包粒,配上既草莓又新鮮又大粒.脆既多士沾上冰凍天又溶溶地既雪糕同忌廉, 太好味太邪惡啦~唔知係唔因為多士有D微暖,雪糕好快就溶晒lu ….可唔可以再加d雪糕呀…. 包就唔駛喇 … 因為真係好大件頭…作戰戰果: 宣佈失敗 !!! 係食唔晒既!!! 剩番dd 包lor ….個包包太大啦 , 食到好飽好飽 , 下次都係同fd share食會滋味d ! 

之前台灣的咖啡館風吹得厲害先是開了咖啡x 再來就是茶木了這兩間台式餐館在香港已經殺出血路 成為廣為人知的餐廳不過這股風也像龍卷風 一下就過了當初人滿為患的長龍已經不知所蹤可能都被泡菜吸引走了我也是很久沒光顧這天忽發奇想 很想念那個味道 便跟朋友來吃雲石桌子撘配簡單的餐具我們已吃過東西 只點了一份開心share也發現吐司的選擇比以往少了主角登場值得一讚是雖然人流多 但店家仍然堅持現點現烤才能製作出這麼香脆誘人的口感 吐司每一邊都均勻塗上蜂蜜 才能烤得焦焦的 非常漂亮芒果味的冰淇淋不會很快溶化 可以慢吃慢聊不過略嫌真正的芒果顆粒太少啦 希望能重手一點總而言之等待是值得的下次要來試一下熟食呢以上。

週六在尖沙咀逛街逛到攰，便到了茶木試試台灣風味下午茶。店來的台式牛肉麵確實是必食之選，麵質相當彈牙，湯底充滿牛肉鮮味，肉質幼嫩，叫人一試難忘。茶木的雪糕層層疊亦不妨試試，多士相當鬆脆，配上充滿茶香的抹茶雪糕確是絕配。

來到茶木竟然冇叫到台式野 最後叫左一個鴨胸蜜桃意粉 估唔到蜜桃同鴨胸呢個配又okay wo 夏日炎炎食又清新鴨胸煎完微温 留有一番细细既皮 反而令到口感更thick 鴨胸亦相當入味意粉用上寛條面 配上creamy sauce 正另外飮品就叫左熱花茶 幾香 女仔影相一流

想食蜜糖吐司幾日啦！今日工作早完成收工，趁未到晚飯多人時段，(6：45左右)即刻衝去茶木！去到唔駛等位！呢個策略係啱o既！p. s.我地走時出面已排晒人。。。唔理咁多叫野食先！今次都係叫左老公最愛o既肉燥飯！豬排肉燥飯 ($62)個肉燥一如以往咁出色！肥肉同瘦肉比例好平均！撈飯食真係一流！雖然好邪惡。。。但呢一刻真係唔理得咁多！食左先算啦喂！個飯都唔會太油，醬汁又唔會太咸！味道啱啱好！另外要讚下個炸豬排，個炸皮唔會太厚，脆卜卜，有d鹽酥o既感覺！炸完都保持到入面d肉汁，唔會太乾！我今次唔食牛肉麵，試下呢個蚵嗲泡飯 ($70)望落個樣好似潮州o個d蠔仔粥咁。。。食落個味都好似！個湯都幾重蠔味！有好多蠔仔，仲有d肉碎，都幾足料！最後最後。。。當然同我最期待o既甜品環節啦！次次黎都係食三層果隻蜜糖磚，今次就試下心太軟呢隻啦！點知。。。。我有d後悔試新野。。。呢個心太軟蜜糖磚。。。入面o既麵包係軟唔係脆，呢個其實都預左。。。但最令我失望o既係原來入面o既包係唔會有蜜糖味。。。唯有當佢係一份軟熟o既麵包去品嚐啦！將麵包點雪糕食。。。味道都ok o既。。。只係無三層果隻咁好食。總括黎講呢餐都算幾滿

茶木午餐的性價比都不錯的！坐得舒服，環境不錯，尤其而家無之前咁多人，想同朋友食個舒適lunch都不錯！午餐由$6x-$7x~ 可以接受！今次點了花枝丸小食、豬手、台式魯肉飯、凍柚子冰.花枝丸作為前菜小食, 感覺上有走油過, 所以會有點脆, 好彈牙, 不會太粉沒咬口！yummy！豬手好入味又軟腍, 最難處理的豬皮毛都清得好乾淨!魯肉飯唔算好多油, 拌飯剛剛好!! 都好大碗, 我都食唔晒～最後飲返杯冰凍的柚子，又甜又正！