茶木‧台式休閒餐廳 (已結業)

今日約左班大學同學食飯，慶祝一位同學生日。茶木又唔俾預先book檯，唯有walk-in ,排隊等位。我地4個人，由6點9等到7點9。我地已經排到最頭位，但個職員係咁放排我地之後嘅二人檯入去。等候嘅感覺唔太好，既然佢地唔係以先到先入座，可必要顧客係餐廳外排隊呢？建議佢地可以排籌取代排隊。食物質素一般，價錢偏貴。我叫左一個牛肉肉躁飯，份量還可以。之後加左個吐司為朋友慶祝生日，感覺個吐司比以前的縮了水，但又加價。總括而言，短期內唔會再幫襯。

重口味朋友今次叫左三杯雞、麻辣豬耳、沙嗲牛邊爐同埋排骨排骨好大好抵食但好快就凍建議你多人一齊去先好叫邊爐其實一般去吉野家好過三杯雞味係好 惹味既但量少配料多過雞🤷🏻‍♂️最好食係豬耳辣得黎唔會辣到麻哂係味覺豬耳又爽推介

今日唔使返工,於是就同朋友一齊出去食tea,咁岩知道茶木而家有小丸子主題,朋友鍾意小丸子,於是就去試下先,一入到去,發現成間餐廳都係小丸子公仔做裝飾架,連個餐牌都係架, 而且連個背景音樂都係小丸子架,實在太有誠意啦.鍾意小丸子既人實好開心姐.我叫左個牛肉麵,好好食,湯底好飲,而且牛肉都juicy,咁佢係lunch set黎既,所以佢有包一杯唔使加錢既飲品係紅茶,係好飲既,而要加錢既小丸子奶蓋茶,就比較普通,而且要加11蚊,而餐前小食3小碟都好食既,而成個環境都舒服,同朋友坐在好耐,總括黎講環境,食物,服務都好好,鍾意小丸子既人千祁唔好錯過呀。

其實身邊有好多人都話茶木既甜品好食，但我真係完全冇食過🤣而咁啱見到佢用小丸子做生招牌😍😍而身為小丸子既忠實fans，當然無論如何都要去試啦。而啱啱食完晚飯想食下甜野，然後就諗起茶木。其實一開始都唔知茶木係食甜品呢個甜品一睇就流唒口水🤤有我最鐘意既士多啤梨味。呢份甜品總共有三塊多士，上面有一球士多啤梨味雪糕，同埋一大pat士多啤梨醬同埋棉花糖，真係超正。多士個邊好脆，而麵包部分係微脆仲揸左蜜糖，搞到又酸又甜，非常夾。不過一個人食唔晒，因為好制同好飽肚，所以可以兩個人share。呢個芋圓仙草同平時係糖水舖食嘅完全冇分別，只係多咗個小丸子牌，完全唔值呢個價☹️

今日放假特登出嚟銅鑼灣同媽咪睇完戲，之後搵間未食過嘅嘢食晚餐。之前見啲friend去食，又有小丸子可以影吓相😍😍，所以叫咗媽咪嚟食，今日五個人食咗兩個飯，一個麵，一個拼盤，再加咗一個甜品🤤🤤，呀。。。仲叫咗杯仙草奶茶，正 😋

今日去食小丸子主題set既茶木，位於銅鑼灣既世貿中心。我同幾個鍾意小丸子既朋友，超期待呀，去到店外等候時已經好興奮，因為周圍都係小丸子既裝修，有各個小丸子角色，好靚呀，仲有隻大既天使小丸子比我地打卡影相，完全滿足左我地既童心！首先，有「小丸子饅魚飯」，一黎就見到小丸子大大個樣喇，碟白飯既份量好多，配埋香噴噴既饅魚汁混合台灣魯肉汁，饅魚又多汁又肥！再黎「小玉南瓜海鮮魔法」，魔法入面有兩塊大炸魚柳，炸得香噴，外脆內軟，南瓜入面有小量龍蝦肉，有誠意！仲有好多配菜：海帶、蘿蔔、酸蘿蔔，好豐富呀！「小丸子熱香餅」，好似小丸子同小玉去左沙灘玩一樣，用藍吉士醬做海邊，又用木康做沙灘，加埋草莓同香蕉就好似沙灘椅咁，成個構圖都充滿着熱辣辣嘅夏日風情～如果大家細細個就好鍾意小丸子，想滿足下自己嘅少女心同埋童心，就快啲嚟試吓啦！

《小丸子魔法世界🔮》聖誕節周圍都好多人...應下節🎅🏻最後去左茶木～有小丸子做主題既台灣菜❣️💰$138 小玉南瓜海鮮魔法南瓜內有滿滿既海鮮🐚有龍蝦同等等......南瓜旁有墨魚丸同雜菜🥦份量都唔小💰$68 小丸子熱香餅熱辣辣既熱香餅上印有小丸子既樣，加上香蕉，藍梅忌廉...再落小麥芽碎一齊食，味道好夾。💰各$38 爺爺抹茶歐蕾 & 花輪玫瑰咖啡拿鐵兩杯都唔會太甜...個杯仲可以拎返屋企重用😍。 #銅鑼灣#茶木 #小丸子 ...……………………👱🏻‍♀️肥妹小編.........................

茶木 飲品 好似都冇乜人特別去講今日急急腳上黎叫左呢杯西瓜汁🍉mix 菠蘿🍍沙冰又唔錯喎我對甜品唔係特別喜號 所以茶木大熱時只係好鍾意佢個種休閒 唔會趕人走既環境如果 有時間同朋友休閒一下 茶木都不失為一個好地方完多謝收看

位於銅鑼灣的茶木，最近跟日本人氣卡通片 - 櫻桃小丸子，合力推出期間限定主題！作為一名小丸子的粉絲，當然要把握機會，即刻去光顧拍照打卡啦。櫻桃小丸子主題美食的選擇不算多，包括三種主食，一種小食，兩種甜品，四種飲品，全部勻有小丸子和其他角色的圖案，超級可愛唷。小丸子蕃茄肉燥鰻魚飯$128好大個小丸子圖案呀，首選的打卡拍照菜式哦。一整條完整的鰻魚，燒至微焦，外皮香脆，賣相吸引。魚肉屬中等肥美，質感黏嫩，可惜有微微小骨啦。小丸子底下是珍珠米飯，甘甜飽滿，把蕃茄肉燥醬混合，油香四溢，味道超好呢。小玉南瓜海鮮魔法$138這個海鮮魔法盒，海鮮份量多得驚人呀。包括: 完整的龍蝦，四隻蜆，三隻青口，魷魚，炸魚，墨魚丸等等，超多種類呢。海鮮雖不算鮮美，但龍蝦肉質飽滿，也屬不錯。小丸子熱香餠$68四小片的熱香餠，勻印上小丸子的圖案，小巧可愛。班戟質感偏實，有著香濃的牛油香氣，最令人驚喜的是藍色海洋是海鹽口味，搭配脆口的碎碎，美味新奇又特別。花輪玫瑰咖啡拿鐡$38爺爺抹茶歐蕾$38

小丸子會是你們的童年回憶嗎？小丸子之母的離世真的讓人覺惋惜，最後一本單行本也在聖誕節出版了。 想緬懷這一個重要的兒時回憶，以後就只能透過漫畫和動畫了。 而最近連鎖台式餐廳亦以櫻桃小丸子為主題，推出了限定餐牌，其中更有3間分店化身為櫻桃小丸子主題餐廳呢。 早前我也捉著男人陪我去銅鑼灣的世貿分店，貪這裡面積夠大、環境舒適，又不用等位等到天荒地老。 說明是主題餐廳，當然是由門面、內裡裝潢設計、餐牌等也有小丸子和其他角色的蹤影，而且在拍照場景位，餐廳也很貼心準備了很多牌子和框架給大家拍照。 小丸子櫻桃西瓜柳橙汁 $38 原來是沙冰來的，當中西瓜味最特出，也能嚐到淡淡橙味和櫻桃味，味道不會太甜，感覺很fresh。 爺爺抹茶歐蕾 $38 攪拌均勻後抹茶味十足，但不會太甜或有澀味，奶香也重，完全是我喜歡的口味。 小丸子番茄肉燥鰻魚飯 $128 本身有擔心過番茄夾肉燥再夾鰻魚這個組合會怪，但原來是沒有違和感的，番茄的酸甜和內燥的香是可以結合到的，而且也沒有搶過鰻魚的味道，加上鰻魚口感軟軟綿，整體來說有驚喜。 而另一令人意外的，是原來飯面的小丸子不是紙，而是帶甜味的，不過我怕太色素，

臨近聖誕，朋友又係小丸子的fans，知道茶木依家有櫻桃小丸子探險主題，所以今晚就黎到銅鑼灣世貿分店朝聖，依間分店的主題係「小丸子海洋友聚時光」，食物都係以海洋為主。果然，由門口一路行入去都係小丸子的角色人物，仲有好靚的餐牌，黎到依間分店，我地揀左依度限定的食物︰玉南瓜海鮮魔法 $138食材有原個迷你南瓜，南瓜面有加拿大龍蝦尾，以入邊就有藍青口、鱸魚同肥美鮮甜的龍蝦肉，而旁邊仲有炸花枝丸，小小的碟盛住滿滿的食物，相當豐富。小丸子熱香餅 $68甜品揀左小丸子熱香餅，即叫即做，所以差唔多食完正餐就要叫店員起。熱香餅上印有大大個小丸子頭！而碟上有一個靚海灘，其實係天藍色的奶蓋醬同啡色的餅乾碎，好吸晴。仲有士多啤梨、香蕉、奇異果粒，美味健康。

今日去咗銅鑼灣茶木食小丸子主題餐廳, 其實上到去環境係靚既, 俾人覺得好開心既, 唔係我想像中咁小朋友, 適合拍拖去既~叫咗個小丸子蕃茄肉燥鰻魚飯$128, 小玉南瓜海鮮魔法 $138, 小丸子熱香餅$68, 加兩杯台式飲品女朋友叫咗 花輪玫瑰咖啡拿鐵$38, 我叫咗 野口竹炭仙草奶茶$38...首先黎係 小丸子蕃茄肉燥鰻魚飯, 味道其實幾好味, 非常ok, 平時d肉燥都偏油, 但係茶木今次加咗蕃茄去做~ 酸酸地其實又幾開胃, 份量夠一個男仔食~ 再來係小玉南瓜海鮮魔法, 其實係一個日本小南瓜盒,入面有好多海鮮, 重點係有龍蝦丫~ 龍蝦肉好彈牙, 仲要讚下佢個忌廉汁, 真係好鬼香, 同d海鮮好夾味~ 小丸子熱香餅就牛油味好重, 係好食既, good good~ 仲有兩杯飲品, 有玫瑰味既拿鐵真係第一次試, 又出奇好味~ 好清新~ 竹炭仙草奶茶, 茶味濃加上仙草有d野咬下~ 幾正架~ 食完又覺得幾值得推介大家去食~ 正~

兩個女仔夜晚唔知食咩好， 好友話想試茶木個小丸子餐， 其實我本身食過一次， 不過佢話想打下卡就即管陪佢再去多次啦～為咗拎得走個杯而叫： 小丸子西瓜橙汁： 好FRESH， 其實係沙冰所以越飲越凍野口同學竹炭仙草奶茶： 叫咗少甜， 味道剛剛好, 仲有仙草， 加咗D口感黑松露培根蛤蜊燉飯鍋＄98蛤蜊擺得好靚， 大隻同埋無沙飯有濃濃黑松露味， 幾好味小玉南瓜海鮮魔法 ($138)龍蝦尾蓋住豐富海鮮有龍蝦肉、藍青口、魷魚、大蜆同菇菌等撈埋D南瓜汁食， 好味又健康旁邊仲有魚柳同炸花枝丸， 都唔錯不過海帶同蘿蔔片。。。唔好食小丸子熱香餅 $68有位小丸子係唔係曬到出雀斑呀賣相係幾可愛， 食落甜甜地都唔錯不過。。。食唔出咩味叫嚟純粹滿足友人打咭用嘅

朋友仔係小丸子粉絲 終於同到佢一齊黎食餐廳內外都有好多小丸子影相位仲提供埋道具俾我同朋友影個夠員工都好樂意幫我地揸機影相小玉南瓜海鮮魔法$138南瓜入面既海鮮有龍蝦、青口、蜆同魷魚片，龍蝦肉質幾彈牙仲有炸鱸魚好香脆同好多南瓜汁，而伴碟既蘿蔔片都唔馬夫有埋小丸子、花倫佢地個頭黑松露培根蛤蜊燉飯鍋$89蜆份量算多，黑松露味道好重非常惹味，同我一樣係黑松露迷既就一定鍾意食啦小丸子熱香餅$68甜品有木糠同士多啤梨香蕉伴碟，迷您熱香餅上面印有好可愛既小丸子頭入口幾脆身配有cream點黎食小丸子櫻桃西瓜柳丁汁$38 味道好清新野口竹炭仙草奶茶$38 茶味可以再濃d就更好

小丸子！係童年回憶呀！知道茶木同佢做crossover，我同朋友衝咗黎打卡！聖誕小丸子💕餐牌都印咗小丸子架！<小玉南瓜海鮮魔法> $138Cute Cute南瓜裝住龍蝦肉、青口、八爪魚等等，仲有4粒童年至愛炸小丸子😂<黑松露培根哈立頓奶燉飯鍋> $89好濃嘅黑松露香味！配料超多，食到停唔到口呀！<小丸子熱香餅> $68每塊熱香餅都印咗小丸子個樣！可愛到唔捨得食呀........奶蓋整到好似一大片海洋咁，餅乾碎就好似沙咁，小丸子應該係去咗沙灘玩！配料方面，有香蕉、士多啤梨、胚芽、cream，呢款甜品充滿心思！熱香餅個底係脆脆地嘅👍🏻<小丸子櫻桃西瓜柳丁汁>$38<野口竹炭仙草奶茶>$38餐廳入面有好多打卡位💕我地影咗好耐先捨得走😂