茶檸

营业中

休息中

其實係係茶咖到見到，叫左兩杯，一杯鴨屎香檸檬，一杯茉莉花茶檸檬，開頭都係抱著試下既心態，點知第一啖….係真係好正既檸檬茶！個feel係同chatramue無咩唔同，但飲過個間既人都知係超級多冰（姐係變相杯野得1半），而且呢兩個野飲都只係分別$28同$30，真係良心價！真係估唔到第一次黎上水就有咁既驚喜，希望大家多多支持呢d小店啦！尤其鍾意檸檬茶既你真係唔好錯過！建議+ $4脆波波！有d野咬更正，不過溫馨提示大家唔好空肚飲，最好食飽先飲，有d人可能承受唔到太酸既飲品，因為佢真係好足料既檸茶黎！

建議：留意舖頭既儲鴨計劃，儲夠指定數量就送茶飲🐤平時比較少去開#上水 ，係#上水中心 見到間#檸茶 做主題既茶飲店即刻買左杯黎#試伏 🤓 就甘睇以為係香港名物－COT，不過其實係青檸X茶飲，近期又焗又熱係真係好適合物色定啲解渴野飲🧊今次試左：▫️鴨屎香檸檬茶 (HK$30)鴨屎香屬於烏龍茶，不過青檸香實在太勁😂 所以茶香就唔係太特出。開左蓋面黎睇，發現面層有好多檸檬肉，而且檸檬片既份量亦好多🍋 如果係#檸檬控 真係要試下，而且飲左幾啖真係好解渴😌 如果係附近可以考慮試番杯，因為市區暫時未見有其他分店。#情報開心Share 🥤▫️儲鴨計劃：儲夠8️⃣隻鴨仔就會送1️⃣杯茶飲每杯茶飲都會送埋一隻#茶檸小鴨，癡住係杯面都幾搞笑😂 聽到附近既街坊話差不多每隔幾日就黎買一杯，屋企已經儲左好多隻🐣

最近發現上水新開左間飲品店罕見地主打檸檬茶🍋平時咁中意飲凍檸茶當然唔會放過佢😈😈😈見佢講到「專注檸檬茶」一於試下係咪真係咁好飲先🤩成個menu都係檸檬茶😂實在唔知點揀見到『苦瓜檸檬茶』眼都突埋👀又苦又酸真係會好飲咩😳最後好勇敢地真係買左杯『苦瓜檸檬茶』望落色水幾好嘅😂好清徹嘅綠色入面仲有好多苦瓜粒浮浮下飲落味道好驚喜🤩檸檬茶本身好重檸檬香味配合爽口甘味嘅苦瓜一啲都唔怪、唔難飲感覺仲好fresh同埋食左咁多苦瓜好似好健康😂😂