影片
咁行开旺角太子就求其食一间茶餐厅见隔离系银龙咁咪试吓呢间啰咁嗌咗两个餐一个沙嗲牛通粉跟斋啡（唔知系个汤唔够热定系放得太耐？啲酱溶唔晒！）餐肉炒蛋就无特别啦啲通粉都唔系好好食，另外一个雪菜肉丝米（雪菜唔够新鲜，应该系罐头）跟住仲好似有一浸味，但讲唔出口系咩味😔同埋佢只米粉都唔系靓果只米粉（同价系佐敦我介绍过嘅𠮶间争天共地）咁嘢饮叫咗茶走都一般，茶底唔靓唔建议大家嚟食，自己亦都唔会再食！同佐敦嘅茶餐厅比真系争好远都系差唔多价钱！
继续阅读
经过太子想食个沙牛面早餐，见左边系银龙，右边系茶栈，银龙$42, 佢卖$38, 见平几蚊即管入去试下，心谂沙牛面应该都唔会差得去边。首先落单时企门口个男人（应该系老板）劲串咁唔行埋嚟张枱落单，要我喺张枱大大声嗌出去，之后个面嚟到劲咸，完全冇沙爹味，谂住落啲胡椒粉，点知樽胡椒粉同侧边啲调味包个包装全部潮湿晒，入面变晒一旧旧，埋单时唔知点解张单变咗39蚊，我都费事问，出去畀完钱到行出门口一句多谢都冇，真系试一次都嫌多，
继续阅读
以前有帮衬开既街坊， 卫生味道正常有镬气今日再去晚餐叫小菜食饭， 真系无下次 非常失望1. 味道 难食 炒菜啲菜超老又黄又硬2.白饭似隔夜饭味 又黄又硬3. 最难大谱系白饭食左1/4就发现有手指咁大只曱甴， 店员无反应无道歉，轻轻地拎走碗饭就完，完全系见惯不惯咁既态度，最好笑见你黑面佢先问话洗唔洗换碗饭 。 咁我地紧系无要啦 ，曱甴饭成煲都系啦 之后佢话减钱 ， 佢减个白饭钱 。 由发生到走无一个店员系有讲过一句唔好意思其实佢真系愈做愈衰 ， 以后都唔会去食 大家都唔好去食 最蠢系我应该影低佢相
继续阅读
其实绝大部份茶餐厅既早餐, 款式同味道都唔会相差太远. 而正正呢间茶栈, 喺正我屋企楼下, 我贪方便, 所以选择帮衬左佢几年.直至今年五月二十七日呢一日, 而我亦同样喺呢一日选择唔再帮衬呢间茶餐厅.呢间茶记, 早餐食物质素一般, 唔会有惊喜, 收费亦都只系市价, 唔觉贵, 亦唔系平. 但系啲楼面同埋有个相信系老板既瘦男人, 服务态度就非常之恶劣.都系果句, 唔系贪方便, 我唔会拣佢.帮衬左几年, 都眼见有几个客日日会去帮衬, 可能同我一样心态卦; 贪方便. 而其中一个客我印象好深刻, 佢行动不便.之前见佢都仲可以行路入餐厅食野, 但系最近就变左要坐轮椅. 而自从佢用左轮椅去餐厅食早餐之后, 相信系老板果个男人, 日日就大声喝个轮椅客. 但系个轮椅客照旧沉默, 食完就即刻走, 完全无比任何麻烦餐厅.到左五月二七日朝早七点左右, 我见住个轮椅格话想入去帮衬既时候, 个男人就赶个轮椅客走, 话无位招呼佢.我当时喺现场食紧早餐, 舖头入面仲有大把位.结果个轮椅客真系离开左无入去.一间咁唔友善既茶餐厅, 我唔会去帮衬.希望个轮椅客唔好比啲衰人吓亲.
继续阅读
今日经过太子打算去揾间餐厅食下午茶见到呢间”茶栈”感觉正正常常就入咗去拣咗个自选配对A+B款咁点知就开始伏伏地一嚟到个餐份量少到一个点😂$43呢个价钱食呢个份量真喺好贵同超级伏其次味道喺唔好食，我相信呢条街求其一间都比呢间好食，又贵又难食。估唔到喺太子美食天堂都可以揾到间咁难食又少份量嘅餐厅第一次嚟亦都喺最后一次。自己蠢，入呢间餐厅前唔记得先睇Openrice 评价点知就中哂伏，呢间餐厅真心差，唔会再嚟。
继续阅读