茶湯會 (皇后大道中) (已結業)

茶湯會係香港第一間我好鍾意飲嘅珍珠奶茶 第二間係春水堂 但其實兩間我都超鍾意 最大嘅分別係 茶湯會嘅珍珠奶茶個奶特別重 春水堂茶味就濃啲 但兩間都真心好飲☺️☺️☺️ 茶湯會嘅珍珠都係偏細粒同埋好煙韌 亦唔會過甜 作為一個唔太鍾意食珍珠嘅人 我都會食晒佢啲珍珠🤣🤣TP Tea is the first ever bubble tea place I’ve fallen in love with!! The second is Chun Shui Tang. The main difference between their bubble tea is that TP Tea is richer in milk, while Chun Shui Tang has much intense tea flavor in it. Anyways, both are my favorites! 🥰 The bubbles for TP Tea are relatively smaller than others. They’re very chewy and not overly sweet. I’m

食完隔離舖嘅雲吞麵，出嚟即刻買返杯解渴飲品。今日想飲得健康啲，所以叫咗杯紅茶豆漿（$23），我仲加$10換個手提杯袋，為環保出分力😝。原來紅茶加豆漿味道係好香滑，有淡淡紅茶味又有黃豆純香味，豆漿黏口有口感，加上冰量同甜度適中（我冇作出特別要求），好合本人口味。.其實豆漿是男女老少咸宜的飲品，味道好、營養豐富，孩子成長要喝豆漿、男女想瘦身要喝豆漿，女性美顏要喝豆漿、中年人防三高要喝豆漿，熟齡人防骨鬆也要喝豆漿。

今日紅日晏晝五點幾基本上一個人都冇 唔使排隊我可以企喺店面慢慢揀想飲嘅嘢今日特別想飲茶味濃嘅珍珠奶茶最後揀咗佢人氣之選 觀音珍珠拿鐵$29我自己飲開走糖少冰 所以 茶味一唔夠 就好似奶水 坊間好多珍奶都係奶味重過茶味 我試過最差係變咗奶水 呢一點 茶湯會完全唔會 個鐵觀音茶好出 茶味大過奶味不過留意返佢用嘅係小珍珠 而珍珠都夠咬口 都唔會太甜 不錯 如果要挑剔嘅話 就係佢真係偏貴同埋佢嘅同等價錢係其他珍奶店嘅大杯裝 Anyway 我係幾鐘意佢d奶茶

今日去左大快活午飯 之後見有時間周邊閒逛當散散步發現左人氣茶飲店茶湯會！平時友人都會外賣茶湯會我飲 今次我自己去左排隊買左杯 芋頭珍珠四季春 飲好清香既綠茶同一絲絲既芋頭真係好舒服 中環有不少ol同金融才俊飯後飲返杯咖啡 估唔到除左咖啡店多人排隊買返上office飲之後 ol同才俊們都喜歡珍珠 喜歡台式茶飲店 好想知 店員一日要沖幾多杯先可以練到甘快手買飛後等左幾分鐘己經有得提取 果然係中環人 所有野都好有效率 好鐘意呢種忙碌中偷閒既感覺！

芋香翡翠拿鐵不嬲都係BuBu心目中，茶湯會既首選飲品👍自從無左銀玉都少飲左茶湯會😣.🙅🏻‍♀️黑糖晶球奶茶 $34今次諗住嘗試新產品，就點左黑糖晶球奶茶，點知！中大伏！第一啖，咦？點解咁似飲緊涼粉？無錯係涼粉味😫應該係佢地既黑糖唔係即炒，而用左黑糖粉既關係，一d都唔好飲😭仲要好甜😭其實都預佢唔係即炒既黑糖，我有叫少甜，可惜都係好甜，係甜到起痰😣仲要佢價錢係店內屬貴既產品，唔會有下次.🙆‍♀️唯一可取既係佢晶球口感確實唔錯，q彈唔係煙韌，如果大家食厭左珍珠既口感，都可以試試叫飲品加晶球🙂

自從半年前，經過中環皇后大道中的 <茶湯會>，才發現推出全日套餐，一杯飲品加一款食品都幾抵食！蘋果百香果益力多 套餐 $45充滿果香，與酸甜較為的甜益力多混合起來， 酸甜度平衡！冰涼透心呢！香辣吞拿魚沙律吐司這是三角形飛碟的 Double size 正方形! 驟眼看餐牌上的食物相片，吞拿魚及一片看似芝士，原來是甜蛋，實物與相片相符，沒有欺客！兩者口味都幾夾得來！珍珠吐司 套餐 $45滿載富彈性的珍珠，連甜美的醬汁也似珍珠奶茶的奶茶，加入芝士，鹹甜交集；比起加入煉奶的港式格仔餅，無咁溜添！兩款口味各有特色！糯米雞 套餐價 +$7意想不到！店方的糯米雞都幾大隻，糯米飯軟硬適中又入味！又啱胃口， 雞翼大隻又柔軟多汁，還有冬菇、偏多肥豬肉又鹹的臘腸...，略嫌整體油了些少！

之前團購好平，用$15就可以買到一張$50嘅現金卷，擺咗好耐終於可以用到啦$50可以買到兩杯嘢飲，啱啱好可以同女朋友一人一杯最後揀咗黑糖奶茶同埋益力多綠茶<黑糖奶茶$24>黑糖系列唔可以揀少甜小冰，一定要跟返本身嘅調味結果黑糖奶茶見到飛起但係奶茶味好淡，又飲唔到黑糖嘅香味，都幾失敗下<益力多綠茶$25>益力多綠茶叫左少甜少冰，益力多味幾出，酸酸地不過無咩綠茶味團購系抵，$15兩杯野飲去邊度搵，但系質素真系麻麻就算系特價產品，都可以做得認真少少

茶湯會係台灣算出名既飲品連鎖店，但香港就暫時有幾間分店。最近我先發現係公司附近有一間，珍珠奶茶不離手既我緊係要黎試下😋我第1次黎就簡左佢既Top1觀音珍珠拿鐵，唔知係因為個人口味問題定係沖調出左問題，我覺得有d失望～奶味夠，見到係用明治既奶沖製；佢既鐵觀音茶底比較出名，所以對個茶有d期望，但係好可惜個茶底好淡，飲唔出佢既特別之處😢我同事就買左珍珠冬瓜拿鐵，我試飲左一啖，發現呢杯先岩我口味！奶同冬瓜茶味真係好夾，但同事就覺得太甜，而重口味既我覺得無論係奶味冬瓜茶味甜味都岩岩好！搞到過左幾日，我就心思思要黎幫襯第2次，當然今次係黎買珍珠冬瓜拿鐵😍

珍珠奶茶我間中都會飲，但係好少係因為杯野難飲到要出食評！話說尋日Happy Friday，同同事食完晏就去買咗杯珍珠奶茶，心諗茶湯會水準應該比較穩定。之前飲過珍珠綠茶，正正常常啦。諗住再俾多次機會試馳名的珍珠奶茶，點知一飲，係完全冇茶味勁少奶味，雖然走冰走甜都冇理由好似飲水咁。而且佢啲珍珠係細珠，亦冇乜口感。浪費quota的飲料，肯定不會有下次，可以直接放棄。

而家茶湯會除左有珍珠奶茶等台式飲品外，仲有中式既點心賣，早餐時間去左買糯米雞黎食，無乜人黎買早餐，因為無乜人朝早黎買珍奶吧！個糯米雞份量都唔少，充料同味道唔錯，汁唔會太多。買早餐都唔錯，唔駛排隊。

近年香港珍珠奶茶風氣流行，愈黎愈多台灣台飲店進註，茶湯會係其中一間。店中選擇吾少，睇返openrice見到好多人大推觀音拿鐵，所以就試一試。等左大約五分鐘左右就有得飲，速度算快。杯茶好香茶味，飲落口同會飲得出茶同奶味，兩邊味都好夾，吾會話有一邊搶過另一邊。走果時見到有人用某手機app 外賣自取 先知可以直接skip左買完等杯茶ge時間，聽落好似會方便d，下次可以試下。之後上綱查先知一杯觀音拿鐵有42g糖，下次叫熱飲算了，畢竟只有17g糖後悔.jpg ...  現在要出去跑一跑步

做嘢做到懶懶地，所以同事就建議去茶湯會度買啲嘢飲。其實周圍都有好多珍珠奶茶店嘅，不過喺附近返工嘅人就有九折，加上我好似淨係飲過一次茶湯會，所以就試下。但係佢九折咗之後，都唔及其他店平，味道我覺得一般般，而且佢啲珍珠係細細粒嘅，冇咁有咬口。

之前一路上網都KRRP住睇到好多人讚茶湯會既飲品好好飲， 前幾日經過終於有機會試下啦！今日一個人去街，淨係飲到一杯🙈觀音珍珠拿鐵，8分糖，走冰。等左十分鐘左右就有得飲，珍珠煙煙韌韌幾好食，但個拿鐵就稍為甜左少少，下次應該要叫少甜！另外店舖參加咗THE GULU App既宣傳活動，響App 入面用DBS優惠碼 DBS492103落單外賣自取 /買現金套券，每次可以慳到$20！

炎炎夏日三十幾度，咁岩經過茶湯會又口渴，當然想整返杯凍野醒一醒神，降下溫消下暑啦近年珍珠奶茶風氣流行，自己都飲過唔少舖頭既珍珠奶茶，都開始想停一停試下第二款既飲品。起舖頭揀左好耐都未決定到揀咩，最後就問店員，佢介紹左百香果蘆薈綠，咁就試一試啦。等左五分鐘左右，杯飲品終於到喇，超口渴既我當然即刻大啖大啖咁飲，百香果同綠茶既配搭相當清新，平時飲開微甜既我今次都係照舊微甜，飲落去有少少百香果既酸味，個種酸係有種開胃既感覺，再配合綠茶就更加突顯到呢杯飲品既特色–消暑解渴！台式飲品黎講，當然仲有另一個主角，就係蘆薈粒，蘆薈粒既甜味加埋百香果既酸味起口中合拍到不得了，個種酸酸甜甜既開胃感覺令到即使飲左大半杯都仲起唔會覺得滯，而且蘆薈粒亦相當足料，即使飲到底都仲有唔少蘆薈粒剩，所以真係強烈推薦百香果綠茶！

難得星期六放假又撞岩中環PMQ有台灣手作展，咁就成左中環半日遊喇🤣天氣又熱又焗，係PMQ迫左成個鐘後已經無曬電，行緊之制突然見到茶湯會，即刻叫返杯招牌觀音珍珠拿鐵🤩茶湯會係台灣都好出名，之前係台灣試過好香茶味，珍珠又彈牙😋不過黎到香港之後，茶味好似欠奉🙁但珍珠都keep到彈牙有咬口👍🏻價錢唔算太貴，都可以一試😋