茶湯會 (已搬遷) 新店位置

去到登打士街搵野飲，隨時選擇困難症發作，之前都比較多飲koi，最近多飲茶湯會，發覺佢地拿鐵質素都唔錯。旺角分店幫襯嘅人唔算多，始終選擇多，所以每次都唔算等好耐。雖然通道比較逼、擠人，但剛巧佢地店面有個巷仔位取飲品，所以都唔會覺得自己阻住人。佢地嘅茶飲唔算好多選擇，主要係奶茶、拿鐵等，定價都係正常，不過我覺得佢地嘅飲品細杯少少（相對其他品牌）最出名應該係鐵觀音拿鐵，上次我都已經試過，確實係茶味幾重，今次試左翡翠拿鐵，味道較為清新。裡面嘅茉莉都係飲得出，但唔會好甜。質地比較薄身，所以唔會好膩。我今次冇加珍珠，因為我覺得佢地嘅珍珠比較細粒，爭咁啲咬口。

出去叫親野飲都會叫冬瓜茶 其他品牌一係太甜一係就水咁 總之就假 自從幾個月前試過茶湯會冬瓜檸檬後簡直上隱咁 每星期都心思思要飲返杯 佢個冬瓜茶底係好香濃！絕對唔係出面溝水咁 $21杯比出面d台式飲品店貴少少 其實個杯又冇人咁大 但係佢係超好飲 店員又非常有禮貌 實在難得好似今日咁 有兩位鍾意講笑（又唔好笑）客人響我前面買野飲 問長問短 又話貴 店員都好耐心解釋有咩飲品 又配合笑下佢地d爛gag 真係做到「一份幸福茶 一份人情味」呀！

久不久旺角去覓食, 就會發現開了不少新店畢竟香港人太喜歡賞新, 舊店好多時約1年到就會byebye本來去逛街的節目, 變成了試新食品 茶湯會早就想去天后試下茶湯會珍奶, 無奈港島實在太遠了茶湯會係台灣春水堂旟下的品牌去台灣幾次都未有機會試春手堂, 其實香港真係咩都有得試當日試業無咩人店員很耐心推介表明店內奶茶使用鮮奶, 特別香滑另外珍珠不含防腐劑所以點了觀音拿鐡+珍珠拿鐡其實類似奶蓋, 奶會放上面但又唔係奶蓋咁綿密珍珠是細珠, 無大量糖漿味雖然以觀音O黎講係淡D , 但的確奶香淡出甜味最正係珍珠軟硬剛好, 本人喜歡細珠

每次去旺角，都要早啲諗定嗰日飲乜嘢，因為太多選擇，但其實每次我都係會揀茶湯會，因為分店較少屋企附近冇， 而且質素一路都keep住好好。今次係飲觀音拿鐵珍珠（微糖微冰）好多台式飲品店杯嘢最後出嚟都唔係你想要嘅糖同冰嘅份量，好多都係會偏甜，但係茶湯會飲過咁多次，叫微糖就真係微糖。珍珠係細size，甜度啱啱好，有咬口夠煙靭。茶味夠濃，微糖亦都突顯到茶味，同奶嘅比例啱啱好，good👍唯一可惜嘅係較為細杯，不過味道同水準搭夠，如果食完嘢去飲就啱啱好。

茶湯會不嬲係我好鍾意嘅一間台式飲品店，今次我試左佢嘅珍珠紅茶拿鐵（$24），size比一般珍珠奶茶細杯，飲落卻十分有驚喜！💕入口有好香嘅紅茶味，甜度岩岩好👅佢嘅珍珠亦值得一讚🖒珍珠比起其他台式飲品店細粒，食落甜甜地十分有咬口😆整體不錯🖒

味道太淡茶沒茶香奶沒奶濃是正常甜度和冰並未如理想珍珠可以選擇白珍珠/ 黑珍珠/ 兩溝珍珠搭配三款價錢一樣一杯鐵觀音奶茶+兩溝珍珠 $25 可惜包裝不是透明，看不到入面的黑白珍珠哈哈。

有時候冬天好容易被吹親，呢個時候就想飲番一杯熱辣辣嘅薑茶☕️又有黑糖又有薑，感覺上都幾健康🙂不過飲起嚟略嫌甜咗啲🙈（唔鍾意飲咁甜嘅，記住要嗌少甜啦💁） 而且飲起嚟食到有一粒粒嘅薑碎，唔似用粉沖出嚟咁好假😃算是真材實料吧！而且飲起嚟有少少辣辣地嘅薑味，吾錯！！🤗🤗🤗🤗🤗🤗另外，如果用返專為熱飲而設嘅膠飲管會比較好🤔🤔🤔🤔🤔🤔🤔🤔🤔抵食指數(3/5):✔️ ✔️️ ✔️

食完晚飯想飲野，見到茶湯會，見到好多人話好飲，所以打算試一誠！可惜非常失望😞我叫了一個皇牌鐵觀音Latte $24，曾記得係台灣飲過鐵觀音奶茶，真係驚為天人！茶香奶濃，而且非常順滑，5天行程飲了3次！所以見佢sell自己鐵觀音奶茶好飲，就叫一個吧！茶味有的，但不夠香；奶味有的，但失去了那種濃郁細膩感...珍珠也沒有在台灣那麼Q彈毋...總括而言，失望！👎🏻若果同一價錢，我寧可選擇天仁茗茶，質素好太多啦！

我愛喝珍珠奶茶，是日到茶湯會旺角分店，嘗試一下凍珍珠奶茶。一定一定要7分糖和7分冰，不然真的會甜死 ！！然後又會整杯都是冰......喝不了幾口......珍珠正常，不過不失吧，不會很彈牙， 也不會很死軟，就是正常的。茶味不算突出，奶味也不是特別突出。至少不會有難喝和假珍奶的感覺（哈哈）。就是普普通通的一杯珍奶。幸好，不用等太久，不然的話，就不是很划算。由於冰太大顆，慢慢融掉，使得珍奶味道淡掉，喝不完就扔啦。

旺角登打士街好多小食店，由於好近屋企，因此成日我都會來買野食。茶湯會是台灣春水堂的姊妹店，做外賣珍珠奶茶，前兩年去了台北不下十次，真的幾乎每次也會買茶湯會，這是台灣朋友介紹的， 她也非常喜歡飲呢間。今日3點經過，見還沒有太多人排隊，買了一杯熱豆漿奶茶微糖+珍珠 $24, 珍珠煙韌，奶茶濃度剛好，微糖已經夠甜，個人感覺香港暫時都未有第二間好過佢。

繼續在旺角掃街，由於天氣凍，所以想飲杯暖泣泣的飲品。 於是飲杯冬季系列推介之薑汁奶茶，25元。但又想食珍珠， 所以加四蚊變為薑汁珍珠奶茶我向店員要求小甜， 他回應薑汁奶茶沒有少甜的。等了约五至七分鐘， 薑汁珍珠奶茶出龍了。 珍珠是細細粒的， 好軟熟， 粒粒分明，並沒有痴埋一舊舊。 薑汁味都好濃，但我仍覺得太甜，飲不出奶味。r，

茶湯會係掃街茶之王我覺得係當之無愧，雖然飲品選擇比較少，不過比起其他奶茶店，佢Ｄ茶味的確香濃好好好好好多，而且調配比例都係容易入口Ｄ，無咁甜嘛。10次9次去茶湯會我都會點觀音拿鐵（無糖），真係好香濃鐵觀音味，奶又唔會太多，所以好純。如果大家唔鐘意觀音，我另一推介就係芋香翡翠拿鐵，呢杯飲品無論熱定凍都好好飲，翡翠其實係茉莉茶所以味道較清，特別係芋頭味真係行幾遠都聞得到，但呢個我都建議無糖或３分糖，因為芋頭本身好甜～由於最近減肥我唔可以飲有奶嘅飲品，所以我又開發了冬瓜鐵觀音，呢個係我第三最愛，原來冬瓜鐵觀音超潤喉，鐵觀音唔苦冬瓜又唔會太甜，但記得飲之前好好搖勻，唔係最後會得返冬瓜Ｄ甜。總括而言如果大家好似我咁想飲野但又唔鐘意甜，鐘意奶茶又唔鐘意太多奶，茶湯會係最佳選擇～～～

旺角最近開左好多小食店同台式飲品，而各種飲品同小吃都趨向多元化，所以簡唔中都係會買下小吃。因為行行下街口渴既關係，周圍睇下有咩飲，左揀右揀，見門口都幾多人排隊，所以就揀左依間既台式飲品，飲品選擇都幾多下。而我見到餐牌有寫號碼，係咁多選擇情況之下，我決定揀一號鐵觀音拿鐵，通常排得一號，我估係店鋪既招牌飲品。等候既時間算係幾快，所以叫完之後都唔會等得太耐。坦白講，份量比我平時買開既台式飲品細杯。而味道方面，茶味帶一點點苦澀，茶味蓋過奶味，味道只係一般。有d希望越大，失望越大既感覺。

香港大部份既飲品連鎖店，多數都係台灣引入，台灣既飲品，多選擇又大杯，價格合理，好受歡迎，而呢間始源於台中既茶湯會都唔例外，好一段時間已開了不少分店，可否長線屹立於香港就唔知，只知想一試，係迫爆山既旺角，有數之不盡的選擇，買開既台式飲品又咁多人排，既然新野唔洗等好耐就有得飲，點解唔試下。 環境:台式的小店。 飲品:翡翠檸檬，凍飲，翡翠綠茶，比平一般既茶味更濃，配上清新既檸檬，解渴清涼，味道酸酸甜甜，夏天飲伯更好呀。

旺角台式飲品店愈開愈多🙆今次飲既就係茶湯會啦~ 之前聽台灣朋友講茶湯會係台灣度幾好飲，咁岩同姨姨遊旺角，行左好耐覺得口渴，所以想試下係咪真係咁好飲，叫左杯翡翠檸檬解解渴。係解渴角度黎講翡翠檸檬係ok，夠哂酸，而且仲有少少🍋檸檬皮既苦澀味，消消熱氣，降左少少溫度，不過話好好飲我又唔多覺，可能真係台灣先好味啲?